Milagres de Jesus
Os Evangelhos registram dezenas de milagres realizados por Jesus — curas, ressurreições, domínio sobre a natureza e libertações. Cada milagre revelava sua divindade e compaixão.
Curas de cegos e surdos
Jesus devolveu a visão aos cegos e a audição aos surdos, manifestando seu poder sobre toda enfermidade e deficiência.
यीशु दूई काने मैन्हन बज़्झ़ाते
ज़ैखन यीशु तैट्ठां अग्रोवं च़लो, त दूई काने तैस पत्ती चिन्डां मारते ज़ोने लग्गे, "हे दाऊदेरा मट्ठां असन पुड़ दया केर!" ज़ैखन तै घरे अन्तर जेव, त तैना काने तैस कां आए, ते यीशुए तैन सेइं ज़ोवं, "कुन तुसन विश्वासे, कि अवं तुसन बज़्झ़ेई सकताईं?" तैनेईं जुवाब दित्तो "हाँ प्रभु, अस विश्वास केरतम, तू असन बज़्झ़ेइं सकतस।" तैखन तैनी तैन केरि एछ़्छ़न सेइं हथ लाव ते ज़ोवं, "तुस विश्वास केरतथ कि अवं बज़्झ़ेई सकताईं, अवं तुसन बज़्झ़ेइलो।" ते तैना लहने लाए, ते यीशुए तैन रोड़ेच़ारे समझ़ेइतां ज़ोवं, "खबरदार ज़ैन मीं तुश्शे लेई कियूं तैसेरे बारे मां कोन्ची सेइं न ज़ोइयथ!" पन तैनेईं बेइर गेइतां सारे मुल्खे मां एस चमत्कारेरे बारे मां ज़ोवं।
दूई कांना केरि मसाल
ज़ैखन यीशु त तैसेरे चेले यरीहो नगरे मरां च़लोरे थिये, त बड़े लोक तैस पत्पती च़ले। दूई काने बत्ती मां बिश्शोरे थिये, तैनेईं एन शुनू कि यीशु इस बत्तां च़लोरोए, त तैना चिन्डां मारने लग्गे, "हे प्रभु दाऊदेरा मट्ठां असन पुड़ दया केर।" लोक तैन झ़िड़कने ते ज़ोने लग्गे कि च़ुप राथ, पन तैना मना चिन्डां मारने लग्गे, "हे प्रभु, दाऊदेरा मट्ठां असन पुड़ दया केर।" तैखन यीशु खेड़ोव ते तैन कुजेइतां पुछ़ने लगो, "तुस कुन चातस अवं तुश्शे लेई केरि?" तैन कानेईं जुवाब दित्तो, "हे प्रभु अस चातम कि इश्शी एछ़्छ़न लौ एज्जे।" यीशुए तैन पुड़ बड़ो तरस अव, ते तैनी तैन केरे एछ़्छ़न पुड़ हथ रख्खो ते तैना लहने लग्गे, ते दूईये काने यीशु पत्ती च़ले जे।
यीशु एक्की काने मैन्हु बज़्झ़ाते।
तैल्ला पत्ती, यीशु त तैसेरे चेले बैतसैदा नगरे मां आए। लोकेईं अक कानो मैन्हु यीशु कां आनो ते तैस कां मिन्नत की कि, "एस मैन्हु सेइं हथ लाथ ताके ऐह बेज़्झ़ोए।" तैखन यीशुए तैस काने मैन्हेरो हथ ट्लेइतां ड्लोंव्वे करां बेइर नियो। तैखन तैनी तैस काने मैन्हेरी एछ़्छ़न पुड़ थुकतां, तैस पुड़ हथ रख्खे, ते तैस पुछ़ू, "कुन तू किछ लातस?" तैखन तैनी मैन्हे उबरे तेकतां ज़ोवं, "हाँ, अवं मैन्हन हेरी सकताईं, तैना मीं च़लते बुट्टां केरे ज़ेरे लेइहोतन।" तैखन यीशुए दूइयोवं हटे तैसेरी एछ़्छ़न पुड़ हथ रख्खे। तै कानो ध्याने सेइं लाने लगो। तैसेरी एछ़्छ़ी ठीक भोइ जेई, त तै सब किछ साफ-साफ हेरने लगो। तैल्ला पत्ती, यीशुए तै मैन्हु एन ज़ोइतां घरे जो भेज़ो, "तू इस ड्लोंव्वे मां पव भी न रेखां (ते कने ई गल केन्ची सेइं न ज़ोइयां।)"
यीशु एक्की मैन्हु ठीक केरते, ज़ै टोव्नो त कने खेख्खो थियो।
यीशु फिरी अपने चेलन सेइं साथी सूर त सैदारे नगरेरे इलाकन मरां निस्तां, दिकापुलिस इलाके मांमेइं भोइतां गलील समुन्दरेरे नेड़े पुज़्ज़ो। तैड़ी किछ लोकेईं अक टोव्नो मैन्हु, ज़ै खेख्खो भी थियो, यीशु कां एन्हतां तैस सेइं मिन्नत की कि, "तू अपनो हथ एस पुड़ रख कि ऐह मैन्हु बेज़्झ़ोए।" यीशुए मैन्हु केरि भीड़ी मरां तै मैन्हु अलग नियो। तैखन तैनी अपनि एंगलोई तैस मैन्हेरे कन्न मां छ़ेड्डी, त अपनि एंगलोई सेइं थुक तैस मैन्हेरी ज़िभी सेइं लावं। तैल्ला पत्ती, यीशु अम्बरेरे पासे तेकतां ओशा छ़डो, त तैस मैन्हु सेइं अपनि (इब्रानी) भाषाई मां ज़ोवं, "इप्फत्तह!" ज़ेसेरो मतलब "खुल्ली गा!" अकदम तै रोड़ेच़ारे शुन्ने लगो ते तैसेरी ज़िभ भी ठीक भोइ जेई, ते तै साफ-साफ गल्लां केरने लगो। तैखन यीशुए तैन मैन्हन हुक्म दित्तो कि, "ऐह गल केन्ची सेइं न ज़ोइयथ।" पन ज़ेत्रू जादे यीशुए तैन्न हुक्म दित्तोरो थियो, तेत्रू जादे तैना होरि लोकन ऐह गल शुनाने लग्गे। यीशुएरे चमत्कारेरां कम्मां केरे वजाई सेइं, तैना बड़े हैरान भोइतां ज़ोने लग्गे, "कमाल आहे! यीशुए ज़ैन किछ भी कियूं सब किछ रोड़ू कियोरूए! तै टोव्नन शुन्नेरी ते लट्टन गल्लां केरनेरी शक्ति देते।"
यीशु बरतिमाई नंव्वेरो कानो मैन्हु बज़्झ़ाते।
तैल्ला पत्ती, यीशु त तैसेरे चेले यरीहो नगरे मां पुज़्ज़े। बादे मां, ज़ैखन तैना मैन्हु केरि बड़ी भीड़ी सेइं साथी यरीहो नगरे मरां निस्सी राओरे थिये, त तैखन बरतिमाई नंव्वेरो कानो भिखारी सड़केरे ड्लेखी बिशतां भीख मेग्गी राओरो थियो। तैसेरे बाजी केरू नवं तिमाई थियूं। ज़ैखन तैनी शुनू कि नासरत नगरेरो यीशु इलमेइं निस्सी राओरोए, त तै भिखारी ज़ोरे सेइं ज़ोने लगो, "हे यीशु, दाऊद राज़ेरा मट्ठा! मीं पुड़ दया केर!" त बड़े लोकेईं तै डांटो कि, "च़ुप रा।" पन तै पेइले करां जादे चिन्डां मारने लगो, "हे दाऊद राज़ेरा मट्ठा, मीं पुड़ दया केर!" तैखन यीशुए रुकतां लोकन सेइं ज़ोवं, "तुस तैस इरां कुजाथ।" लोकेईं तै कानो कुजेइतां तैस सेइं ज़ोवं, "हिम्मत रख! उठ! यीशु तीं एप्पू कां कुजाने लग्गोरोए।" तै अपनि च़ादर शैरतां लूशी उठो, ते यीशु कां अव। तैखन यीशुए तैस पुछ़ू, "तीं कुन लोड़ते कि अवं तेरे लेई केरि?" काने मैन्हे जुवाब दित्तो, "हे गुरू, अवं लहंनू चाताईं।" तैखन यीशुए तैस सेइं ज़ोवं, "तू गा। तीं मीं पुड़ विश्वास कियूं एल्हेरेलेइ अवं तीं बझ़ाताईं।" अकदम तै लहंने लगो त कने यीशु पत्ती च़लो।
काने भूखैरेरी मिसाल
ते एरू भोवं कि ज़ैखन तैना यरीहो नगरेरे नेड़े पुज़्ज़े त अक कानो मैन्हु बत्तरे ड्लेखी बिशोरो भीख मगतो थियो। ज़ैखन तैनी हछे मैन्हु केरि छ़ेड़ शुनी त तै पुछ़ने लगो, "ऐह कोलहेरी शौर लोरी भोने?" लोकेईं तैस ज़ोवं, "यीशु नासरी कोस्कोई च़लरोए।" तै चिन्डां मैरतां ज़ोने लगो, "हे यीशु नासरी दाऊदेरा मट्ठां मीं पुड़ दया केर।" यीशुए सेइं साथी च़लनेबाले लोक तैस काने मैन्हु झ़िड़कने ते ज़ोने लग्गे, च़ुप रा, पन तै मना जादे ज़ोरे-ज़ोरे चिन्डां मैरतां ज़ोने लगो, "हे यीशु नासरी दाऊदेरे मट्ठा मीं पुड़ दया केर।" यीशु खेड़ोव ते हुक्म दित्तो, एस मीं कां आनां ज़ैखन तै तैस कां अव त यीशुए तैस पुछ़ू। ज़ो, "अवं तेरे लेई कुन केरि?" तैनी काने मैन्हे ज़ोवं, "हे प्रभु अवं चाताईं कि अपनि एछ़्छ़ेईं सेइं लेही बेटि।" यीशुए तैस सेइं ज़ोवं, "बेज़्झ़ोईं गा तेरे विश्वासे तू बज़्झ़ावरिस।" तै तैखने बेज़्झ़ोव ते लहने लगो ते परमेशरेरी तारीफ़ केरतो यीशु पत्ती च़लो जेव। एन हेरतां सब लोक परमेशरेरी तारीफ़ केरने लगे।
ज़र्मनेरे काने लौ देनी
फिरी यीशुए अपने चेलन सेइं साथी च़लोरो थियो, ते तैनेईं अक मैन्हु लाव, ज़ै ज़र्मनेरो कानो थियो। तैसेरे चेलेईं तैस पुछ़ू, "हे गुरू, केने पाप कियो कि ऐह कानो ज़र्मो, एने मैन्हे या एसेरे अम्मा बाजे?" यीशुए जुवाब दित्तो, "न एने पाप कियो, न एसेरे अम्मा-बाजेईं, पन तै एल्हेरेलेइ कानो ज़र्मो ताके परमेशरेरे चमत्कार एसमां लेइहोन। ज़ैने अवं भेज़ोरोईं, असेईं तैसेरू कम लूशी केरनू ज़रूरीए, ज़ैन कम तैनी असन दित्तोरूए, तै रात एजने बालीए ज़ैस मां कोई भी कम न केरि सके। ज़ांतगर अवं दुनियाई मां आई, अवं दुनियारी लौ आई।" एन ज़ोइतां तैनी ज़मीनी पुड़ थुकू, ते तैस थुक्के सेइं मित्ती सन्नी, ते तै मित्ती कानेरे एछ़्छ़न पुड़ लाई। ते तैस सेइं ज़ोवं, "गा शीलोह नंव्वेरे हावदे मां अपनु तुत्तर धो" (शीलोह मतलब भेज़ोरो) तैनी गेइतां धोवं, ते लहंतो वापस अव।
Curas de paralíticos e enfermos
Paralíticos caminharam, leprosos ficaram limpos e todo tipo de doença foi curada pelo toque e pela palavra de Jesus.
तैखन एक्की कोढ़े यीशु कां ज़ैन्धु केरे भारे बिशतां तैस कां मिन्नत केरतां ज़ोवं, "हे प्रभु अगर तू चास त मेरू कोढ़ बज़्झ़ेई सकतस।" यीशुए तैस पुड़ हथ रेखतां ज़ोवं, "अवं चाताईं, तू बज़्झ़ोस।" ते तै कोढ़ी तैखने साफ भोइ जेव। यीशुए तैस सेइं ज़ोवं, "हेर, एस गल्लरे बारे मां केन्ची सेइं किछ न ज़ोइयां। बल्के अपनो आप याजके हिरा। तैल्ला पत्ती, तू अपने बेज़्झ़ोनेरे वजाई सेइं च़ढ़तल च़ाढ़, ज़ेसेरे बारे मां मूसा नेबे कानूने मां हुक्म दित्तोरोए, ताके लोकन पतो च़ले कि तू बेज़्झ़ोरोस।"
ते हेरा, किछ मैन्हेईं अक अधरंगी मैन्हु खट्टी पुड़ छ़ुइतां तैस कां आनो, ज़ैखन यीशुए तैन केरो विश्वास हेरो, त तैस अधरंगी मैन्हु जो ज़ोवं, "मट्ठा, गा हिम्मत रख, तेरे पाप माफ़ भोए।" एस गल्ली पुड़ किछ शास्त्री एप्पू मांमेइं ज़ोने लग्गे, "ऐह त परमेशरेरी तुहीन केरते!" यीशुए तैन केरि मनेरी गल्लां बुझ़तां तैन जो ज़ोवं, "तुस अपने-अपने मने मां एन्च़रां किजो सोचने लग्गोरेथ? एन ज़ोनू कुन सुखतुए कि गा ‘तेरे पाप माफ़ भोए,’ या एन ज़ोनू कि ‘उठ, ते च़ल फिर?’ पन अवं किछ केरनेबालोईं, ज़ैस सेइं तुसेईं बुझ़नूए कि मैन्हेरे मट्ठे (यानी मीं) धेरती पुड़ लोकां केरे पाप माफ़ केरनेरो अधिकार आए।" तैखन तैनी तैस अधरंगी मैन्हु जो ज़ोवं, "अपनि खट छ़ुइतां अपने घरजो च़लो गा।" तै अधरंगी मैन्हु तैखने अपनि खट छ़ुइतां घरजो च़लो जेव।
तैड़ी अक मैन्हु थियो, ज़ेसेरो हथ शुक्कोरो थियो, तैनेईं यीशु दोष लानेरे बहाने सेइं तैस पुछ़ू, "कुन आरामेरे दिहाड़े कोई बज़्झ़ानो जाइज़े?" तैनी तैन जो ज़ोवं, "तुसन मरां कौने, ज़ेसेरी अक्के भैड भोए, ते तै आरामेरे दिहाड़े गत्ते मांजो बिछ़ड़े, त तुस कुन तैस तैट्ठां बेइर न कढेले? मैन्हेरी कीमत त भैड्डी करां केत्री जादे! एल्हेरेलेइ आरामेरे दिहाड़े रोड़ू कम केरनू जाइज़े।" तैखन यीशुए तैस मैन्हु जो ज़ोवं, "अपनो हथ अग्रोवं केर।" तैनी मैन्हे अपनो हथ अग्रोवं कियो, ते अकदम तैसेरो हथ बेज़्झ़ोव।
शमौनेरी शिखी भुखारे थियो ते तै लेटोरी थी। अकदम तैनेईं तैसारे बारे मां यीशु सेइं ज़ोवं कि ऊ बिमारे। यीशुए तैस कां गेइतां तैसारो हथ ट्लेइतां खड़ी की। अकदम तैसारो भुखार ठीक भोव। ते तै तैन केरि सेवा केरने लग्गी।
यीशु एक्की कोढ़ी मैन्हु बज़्झ़ाते।
तैल्ला पत्ती, एक्सां अक कोढ़ी मैन्हु यीशु कां अव। तैनी मैन्हे यीशुएरे सामने ज़ैन्धु केरे भारे बिशतां तैस कां मिन्नत केरतां तैस सेइं ज़ोवं, "अगर तू चास, त मीं बज़्झ़ेई सकतस। (महरबानी केरतां मीं बज़्झ़ा।)" यीशुए तैस मैन्हु पुड़ तरस खाव। यीशुए अपनो हथ अग्रोवं कियो त तैस कोढ़ी मैन्हु सेइं हथ लेहितां ज़ोवं, "अवं चाताईं, तू बज़्झ़ोस।" अकदम तै कोढ़ी बेज़्झ़ोईं जेव।
तैखन किछ मैन्हु एक्की अधरंगी मैन्हु छ़ुइतां यीशु कां आए। च़ेवरे मैन्हेईं तै अधरंगी मैन्हु खट्टी पुड़ छ़ुइतां आनोरो थियो। मैन्हु केरि भीड़रे वजाई सेइं, तैना यीशुएरे नेड़े न पुज़्ज़ी सके। एल्हेरेलेइ तैनेईं तैस घरेरी छत ज़ैस मां यीशु थियो पुट्टी छ़डी। तैल्ला बाद, तैनेईं तै खट ओसाली ज़ैस पुड़ अधरंगी मैन्हु थियो। यीशुए तैन केरो विश्वास हेरतां अधरंगी मैन्हु सेइं ज़ोवं, "हे मट्ठा, तेरे पाप माफ़ भोए।" तैखन शास्त्री लोकन मरां किछ मैन्हु ज़ैना तैड़ी थिये, अपने-अपने मने मां सोचने लग्गे कि, "ऐह मैन्हु एन्च़रां किजो ज़ोते? ऐह त परमेशरेरी तुहीन केरते। परमेशरेरे अलावा कौन पाप माफ़ केरि सकते?" अकदम यीशुए ज़ैनी छ़ड्डू कि तैना अपने-अपने मने मां कुन सोचने लग्गोरेन। एल्हेरेलेइ तैनी तैन सेइं ज़ोवं, "तुस अपने-अपने मने मां एन्च़रां किजो सोचने लग्गोरेथ? एस अधरंगी मैन्हु सेइं कुन ज़ोनू सुख्तू आहे? एन ज़ोनू कि ‘तेरे पाप माफ़ भोए,’ या एन ज़ोनू कि ‘उठ, अपनि खट छ़ुइतां च़ल फिर?’ अवं किछ केरनेबालोईं, ज़ैस सेइं तुसेईं बुझ़नूए कि मैन्हेरे मट्ठे (यानी मीं) धेरती पुड़ लोकां केरे पाप माफ़ केरनेरो अधिकारे!" फिरी तैनी तैस अधरंगी मैन्हेरे पासे मुड़तां तैस सेइं ज़ोवं, "अवं तीं सेइं ज़ोताईं, उठ, अपनि खट छ़ुइतां अपने घरजो गा!" अकदम तै खड़ो उठो ते अपनि खट छ़ुइतां सारे मैन्हु केरे सामने निस्तां च़लो जेव। एस वजाई सेइं सारे मैन्हु हैरान भोए, त परमेशरेरी बडीयाई केरतां ज़ोने लग्गे, "असेईं एरू ज़ेरू कधी नईं लावरू!"
आरामेरे दिहाड़े एक्की मैन्हेरो हथ ठीक केरनो,
तैल्ला पत्ती, यीशु एक्की प्राथना घरे मां जेव। तैड़ी अक मैन्हु थियो, ज़ेसेरो हथ शुक्कोरे थियो। तैड़ी किछ फरीसी लोक भी थिये, ज़ैना यीशु पुड़ इलज़ाम लानो चाते थिये। एल्हेरेलेइ तैना यीशु ध्याने सेइं हेरने लग्गोरे थिये कि आरामेरे दिहाड़े तै तैस मैन्हु बज़्झ़ाते की नईं। तैखन यीशुए शुक्कोरे हथ्थेबाले मैन्हु सेइं ज़ोवं, "मझ़ाटे खड़े भो।" (ते तै मैन्हु खड़ो भोव।) त यीशुए तैन लोकन पुछ़ू, "आरामेरे दिहाड़े कुन केरनू जाइज़े, मैन्हेरू भलू केरनू या बुरू केरनू, मैन्हेरी जान बच़ानी या मारनी?" पन तैना च़ुप राए। त तैनी सरकी सेइं तैन केरे च़ेवरे पासन तक्कू, पन तैन केरे सखत दिलेरी वजाई सेइं उदास भोव। तैखन तैनी तैस मैन्हु सेइं ज़ोवं, "अपनो हथ अग्रोवं केर।" तैनी मैन्हे अपनो हथ अग्रोवं कियो। त अकदम तैसेरो हथ बेज़्झ़ोव।
कोढ़ी बझ़ानो
ज़ैखन यीशु एक्की नगरे मां थियो, ते एरू भोवं कि तैड़ी अक मैन्हु थियो, ज़ेसेरे सैरी जानी कोढ़ थियूं, तैनी यीशु लाव, ते तै ज़ैन्धु केरे भारे बिशतां तैस कां मिन्नत केरतां ज़ोने लगो, "हे प्रभु तू चास त मेरू कोढ़ बज़्झ़ेई सकतस।" यीशुए अपनो हथ तैस पुड़ रख्खो ते ज़ोवं, "अवं चाताईं, तू बेज़्झ़ोस।" ते तैखने तैसेरू कोढ़ साफ भोइ जेवं।
किछ मैन्हेईं अक अधरंगी मैन्हु खट्टी पुड़ छ़ुइतां आनोरोए थियो, ते तैना कोशिश लगे केरने कि एस अन्तर नेइतां यीशु कां पुज़ाम। पन अन्तर एत्री तंगी थी कि तैना अन्तर न गेइ सके फिरी तैनेईं तैस घरेरी छत पुट्टी ज़ैस घरे मां यीशु थियो, ते खट्टां सने तै अधरंगी मैन्हु अन्तर यीशुएरे तुत्तरे अगर उसालो। यीशुए तैन केरो विश्वास हेरतां ज़ोवं, "हे दोस्त तेरे पाप माफ़ भोए।" शास्त्री ते फरीसी लोक सोचने लगे, "ऐह कौन मैन्हु आहे, ज़ै परमेशरेरी तुहीन केरते, परमेशरेरे अलावा कौन पाप माफ़ केरि सकते?" यीशुए तैन केरि गल्लां बुझ़ी ते तैन जुवाब दित्तो, "तुस अपने-अपने मने मां एन्च़रां किजो सोचने लग्गोरेथ? कुन ज़ोनू सुखतुए, ‘तेरे पाप माफ़ भोए,’ या एन ज़ोनू ‘उठ, ते च़ल फिर?’ पन तुसन पतो लग्गे, मैन्हेरे मट्ठे ज़मीनी पुड़ पाप माफ़ केरनेरो अधिकारे," फिरी यीशुए तैस बिमारे जो ज़ोवं, "अपनि खट सल्ल ते घरजो च़लो गा।" तै अधरंगी बिमार मैन्हु सेब्भी केरे सामने ते खड़े उठो ते ज़ैस खट्टी पुड़ तै झ़ुलतो थियो, अपने दोग्गे पुड़ छ़ुइतां परमेशरेरी बडीयाई केरतो-केरतो घरजो च़लो जेव।
शुक्कोरे हथ्थे बालो मैन्हु बझ़ानो
एक्की बार यीशु प्राथना घरे मां गेइतां उपदेश शुनेई राहोरो थियो, ते तेइस भी आरामेरी दिहाड़ी थी तैड़ी अक मैन्हु थियो, ज़ेसेरो देइनो हथ शुक्कोरो थियो। शास्त्री त फरीसी लोक यीशुएरी ताकी मां थिये कि अगर यीशु आरामेरे दिहाड़े केन्ची बझ़ालो त असन इलज़ाम लानेरो मौको मैलनोए। पन यीशु तैन केरे बारे मां सेमझ़ी जेव, यीशुए तैस शुक्कोरे हथ्थेबाले मैन्हु सेइं ज़ोवं, "मझ़ाटे खड़े भो।" तै खड़ो भोव। तैखन यीशुए तैन सेइं ज़ोवं, "अवं तुसन पुछ़तां कि आरामेरे दिहाड़े भलियाई केरनि रोड़ीए या बुराई केरनि रोड़ीए, मैन्हेरी जान बच़ानी या मारनी?" ते तैनी च़ेवरे पासना तैन केरां तक्कू ते तैस मैन्हु जो ज़ोवं, "अपनो हथ हिरा।" तैनी मैन्हे अपनो हथ अग्रोवं कियो। त अकदम तैसेरो हथ बेज़्झ़ोव।
एक्की सूबेदारेरो यीशु पुड़ विश्वास
ज़ैखन तैनी लोकन एपनी सब गल्लां शुनेई छ़ेडी, त तै कफरनहूम नगरे मां अव। तैड़ी केन्ची सूबेदारेरो अक ट्लारो सेवक बिमार थियो ते मरने बालो थियो। तैनी यीशुएरी मुशूरी शुन्तां यहूदी केरे किछ बुज़ुर्ग तैस कां मिन्नत केरनेरे लेई भेज़े, कि तै एइतां मेरो सेवक बज़्झ़ाए। तैना यीशु कां आए ते तैस कां मिन्नत केरने लगे, "तै इस काबले, कि तू तैसेरेलेइ इन केरस। किजोकि ते इश्शी कौमी सेइं बड़ी हमदरदी रखते, ते इश्शू प्राथना घर तैन्नी बनेवरूए।" यीशु तैन सेइं साथी-साथी च़लो जेव, पन ज़ैखन तैस घरे नेड़े पुज़ो त सूबेदारे होरि दोस्तन सेइं समाद भेज़ो कि, "प्रभु तकलीफ न केर, किजोकि अवं एस काबल नईं कि तू मेरे घरे मां एज्जी सखत। एस्से वजाई सेइं अवं भी अपनो आप तीं कां एजनेरे काबल न सेमझ़ी बल्के अपनि ज़बानी सेइं ज़ोस त मेरो नौकर बेज़्झ़ोइ सकते। तै मैन्हु ज़ोने लगो कि अवं भी केन्चेरे अधिकारे मां कम केरताईं, ते सिपाही मेरे अधीन आन, ते ज़ैखन एक्की जो ज़ोतां कि ‘गा,’ त तै गाते, ते होरि जो ज़ोतां एई, त तै ‘एइते,’ ते अपने सेवके जो ज़ोताईं, ‘इन कम केर,’ त तै केरते।" यीशु एन शुन्तां हैरान रेइ जेव, ते पत्रोवं लोकां केरे पासे लगो तकने ज़ैना तैस पत्पती एवरे थिये तैन जो ज़ोने लगो, "कि अवं तुसन सेइं सच़ ज़ोताईं कि मीं इस्राएल मुल्खे मां इस गैर यहूदी मैन्हेरो ज़ेरो मैन्हु नईं लवरो ज़ै मीं पुड़ एत्रो विश्वास केरे।" ते ज़ैना लोक यीशु कां भेज़ोरे थिये वापस ज़ैखन घरे आए त तै सेवक बेज़्झ़ोरो लव।
हेरा, तैड़ी अक कुआन्श थी ज़ै अठारे सालां केरि देंती भूतेरे सैइयेरे वजाई सेइं कुबड़ी भोवरी थी। तै सिद्धी न थी भोइ बटती। यीशुए तै कुबड़ी कुआन्श लाही त एप्पू कां कुजाई ते ज़ोवं, "हे कुआन्श, तू अपनि तकलीफी करां छुटी जेई।" ते यीशुए तैस कुआन्शी पुड़ हथ रख्खे ते तै लूशी बेझ़ोइं ते परमेशरेरी तारीफ़ केरने लगी।
फरीसेरे घरे मां यीशु
यीशु फिरी आरामेरे दिहाड़े एक्की फरीसेरे घरे रोट्टी खाने जेव त बड़े फरीसी लोक ध्याने सेइं लोरे थिये तकने, ताके तैसेरी कोई गलती ट्लान। तैड़ी अक बिमार मैन्हु थियो ज़ेसेरी ज़ंघां पैखड़ी शोजती थी ते पस-पाक च़लती थी, तै तैड़ी बिशोरो थियो। यीशुए शास्त्री ते फरीसी लोकन पुछ़ू, "कि आरामेरे दिहाड़े कानूनेरे मुताबिक कोई बज़्झ़ानो जाइज़े की नईं?" तैना च़ुप राए, तैखन यीशुए तैस बिमारे पुड़ अपनो हथ रख्खो ते तै बझ़ाव, ते घरजो भेज़ो।
कोढ़ेरे दश रोगी बझ़ाने
एक्की फेरे यीशु त कने तैसेरे चेले यरूशलेम नगरेरे पासे च़लोरे थिये। तैना सामरिया ते गलीले इलाके मांमेइं च़लोरे थिये। ज़ैखन तैना एक्की ड्लाव्वें मां पुज़ने बाले थिये त तैड़ी दश कोढ़ी मैल्हे ज़ैना दूर खेड़ोरे थिये। तैनेईं बड़े ज़ोरे सेइं ज़ोवं, "हे यीशु, हे प्रभु, असन पुड़ दया केर।" यीशुए तैन लेहितां ज़ोवं, "यरूशलेम नगरेरे मन्दरे मां गाथ ते अपनो आप याजकन हिराथ, ते सच़्च़े एरू भोवं कि गाते बार बत्तां तैन केरू कोढ़ साफ भोइ जेवं।" पन तैन मरां अक कोढ़ी अपनु कोढ़ हेरतां कि, तैसेरू कोढ़ साफ भोवरूए खुशी भोइतां बड़े ज़ोरे सेइं परमेशरेरी तारीफ़ केरतो वापस यीशु कां अव, ते यीशुएरे पव्वन पुड़ दोग रेखतां शुक्र लगो केरने। ऐह मैन्हु सामरी थियो। यीशुए तैस पुछ़ू, "कुन तैन दश कोढ़ी केरू कोढ़ साफ नईं भोवरू? फिरी तैना कोरहां जे? कुन एस गैर यहूदी मैन्हेरे अलावा तैन होरन एत्री हिम्मत न अई, कि गेइतां परमेशरेरी महिमा केरम?" तैखन यीशुए तैस ज़ोवं, "खड़ो उठ ते च़लो गा तीं मीं पुड़ विश्वास कियो तांए तू बेज़्झ़ोस।"
यीशु 38 सालां केरो बिमार मैन्हु बझ़ाते
एन गल्लन पत्ती यहूदी केरू अक तिहार भोवं, ते यीशु यरूशलेम नगरे जो जेव। यरूशलेम नगरे मां भैड्डां केरे फाटक कां अक हावदे, ज़ैस जो इब्रानी भाषाई मां बैतहसदा ज़ोतन, तैसेरां पंच़ अंगना थियां। एन मां बड़े बिमार, काने, टोन्टे, नीपाते (पानी हीलनेरे इंतज़ारे मां) भोते थिये। (किजोकि वक्ते पुड़ परमेशरेरो स्वर्गदूत हावदे पुड़ एइतां पानी हिलातो थियो, ते पानी हिलनेरां पत्ती ज़ै कोई पेइलो हावदे मां गातो थियो तै ठीक भोतो थियो, चाए तैसेरी कोई भी बिमारी किना भोए)। तैड़ी अक मैन्हु थियो, ज़ै 38 सालां केरो बिमार थियो। यीशुए तै तैड़ी बिशोरो लाव ते एन ज़ैनतां कि ऐह बड़ो च़रोकनो इस हालती मांए, ते तैस पुछ़ू, "कुन तू ठीक भोनू चातस?" तैने बिमारे जुवाब दित्तो, "हे प्रभु, मीं कां कोई मैन्हु नईं, कि ज़ताली पानी हिलावं गाए त मीं कोई हावदे मां गाने लेई मेरी मद्दत केरे, मेरे पुज़ते-पुज़ते तांतगर होरो कोई गाते।" यीशुए तैस सेइं ज़ोवं, "उठ अपनि खट सल्ल ते च़ल फिर।" तै मैन्हु तैखने ठीक भोव, ते अपनि खट छ़ुइतां च़लने फिरने लगो।
एक्की अफसरेरू मट्ठू बझ़ानू
दूइयोवं बार ज़ैखन तै गलील इलाकेरे काना ड्लाव्वें मां एवरो थियो ज़ैड़ी तैनी पानी दाछ़रो रस बनेवरू थियूं। तैड़ी अक बड़ो बड्डो राज़ेरो अफसर थियो तैसेरू मट्ठू कफरनहूम नगरे मां बिमार भोवरू थियूं। ज़ैखन तैनी अफसरे शुनू कि यीशु यहूदिया इलाकेरां गलील इलाके मां एवरोए त तै यीशु कां पुज़्ज़ो ते मिन्नत केरतां ज़ोने लगो मेरू मट्ठू मरने बालूए तू च़ल ते तैस बज़्झ़ा, किजोकि तैन मरने बालू थियूं। यीशुए तैस सेइं ज़ोवं, "ज़ांतगर तुस लोक निशान ते चमत्कार न लाहेले कधे विश्वास न केरेले कि, अवं मसीह आईं।" तैनी बड्डे अफसरे ज़ोवं, "प्रभु लूश केर एरू न भोए कि मेरू मट्ठू मेरि गाए।" यीशुए जुवाब दित्तो, "च़ल तेरू मट्ठू ज़ींतू भोनूए।" तैनी तैसेरी गल्लरो विश्वास कियो ते तैट्ठां च़लो जेव। तै हेजू बत्तां थियो त तैसेरे नौकर तैस मैल्हे ते ज़ोने लगे, "तेरू मट्ठू ज़ींतूए।" तैखन तै पुछ़ने लगो, "मेरू मट्ठू कैखन ज़ेरे बेझ़ोने लग्गोरू थियूं?" ते तैनेईं ज़ोवं "तैसेरो भुखार हीज दीसां एक्की बज़े उतरी जेवरो थियो।" तैखन तैसेरे बाजी याद अवं कि, तैए मौको थियो, ज़ैखन यीशुए ज़ोवरू थियूं, "गा तेरू मट्ठू ज़ींतूए" तैखन तैनी भी ते तैसेरे पूरे टब्बरे यीशु पुड़ विश्वास कियो। ई दूइयोवं चमत्कारेरो निशान थियो ज़ै यीशुए यहूदिया इलाकेरां वापस एजनेरां बाद गलील इलाके मां कियोरो थियो।
A mulher com fluxo de sangue
Uma mulher que sofria há doze anos tocou a orla do manto de Jesus e foi curada instantaneamente pela sua fé.
ते एरू भोवं कि अक कुआन्श भी थी, ज़ैस 12 सालां केरि खून च़लनेरी बिमारी थी। तैसां यीशु पत्पती एइतां तैसेरे चोगे सेइं हथ लाव। किजोकि तै अपने दिले मां एन ज़ोती थी, कि अगर अवं यीशुएरे चोगे सेइं हथ लाएली त अवं बेज़्झ़ोईं गानीं। यीशुए बेदलोइतां तैस कुआन्शरे पासे तक्कू ते ज़ोवं, "हे कुइये, हिम्मत रख, तेरे विश्वासे सेइं तू बेज़्झ़ोरोस" ते तै तैखने बेज़्झ़ोइ जेई।
तैस भीड़ी मां अक कुआन्श भी थी, ज़ैस 12 सालां केरि खून च़लनेरी बिमारी थी। तैसां बड़े बेइदन करां बड़ो दुख झ़ैल्लो। बिमारी ठीक भोनेरे लेई तैसां अपने सब पेइंसे खेर्च़ी दित्ते, पन तैस कोई फैइदो न भोव। पन तै होरि भी जादे बिमार भोइ जेई। तै यीशुएरे बारे मां शुन्तां अपने दिले मां ज़ोती थी, "अगर अवं सिर्फ तैसेरे लिगड़े सेइं हथ लाएली, त अवं बेज़्झ़ोईं गाली।" एल्हेरेलेइ तै मैन्हु केरि भीड़ी मां यीशुएरे पत्रेवरां आई ते तैसेरे लिगड़े सेइं हथ लाव। ज़ैखन तैसां यीशुएरे लिगड़े सेइं हथ लाव, त अकदम तैसेरो खून च़लनेरी बिमारी बेज़्झ़ोईं। तैसां अपनि जानी मां बुझ़ू कि अवं तैस बिमारी करां बेझ़ोरी आईं।
ते अक कुआन्श भी थी, ज़ैस 12 सालां केरि खून च़लनेरी बिमारी थी। ते तैसां अपनो सारो ज़िन्दगरो पेइंसो हकीमन कां अल्लाज़ेरे लेई खर्च़ कियोरो थियो, ते तै केन्चेरे हथ्थे ठीक न भोइ। तै कुआन्श यीशु पुतोरां एइतां तैसेरे चोगे सेइं हुरी, त अकदम तैसेरी खून च़लनेरी बिमारी बेज़्झ़ोईं। यीशुए ज़ोवं, "मेरे लिगड़े सेइं केनि हथ लाव?" ज़ैखन सब लोक इन्कार केरने लगे, त पतरसे ते तैसेरे सैथेईं ज़ोवं, "ए गुरू, लोक तीं ढ्लन्च़ने ते तीं उन्ढे बिछ़ड़ने लगोरोस।" पन यीशु ज़ोवं, "केन्चे मीं सेइं हथ लेवरोए किजोकि मीं पतो लगो कि मीं मरां शक्ति निसोरिए।" तैखन तैस कुआन्शां हेरू, कि अवं छ़ेप्पी न बेटि, त तै डरती-डरती सामने अई ते यीशुएरे पव्वन पुड़ बिछ़ड़तां सैरी लोकां केरे सामने ज़ोने लगी, मीं तीं सेइं हथ लेवरोए, ते ज़ेरो मीं हथ लेवरोए अवं अकदम बेज़्झ़ोरी। यीशुए तैस कुआन्शी ज़ोवं, "हे कुइये, तेरे विश्वासे तू बझ़ाई ते खुशी सेइं च़ली गा।"
Ressurreições
Jesus ressuscitou mortos — a filha de Jairo, o filho da viúva de Naim e Lázaro. Ele é Senhor sobre a morte.
मर्री कुई ते बिमार कुआन्श
यीशु एन गल्लां हेजू मसां ज़ोने लगोरो थियो, त प्राथना घरेरो अक प्रधान अव ते यीशु कां मथ्थो टेकतां ज़ोने लगो, मेरी कुई मेरि जेवरीए, "पन तू अगर एइतां तैस पुड़ हथ रख्खस त तै हुन्ना ज़ींती भोइ गानीए।" यीशु तैस सेइं साथी च़लो जेव, ते चेले भी तैस सेइं साथी जे।
ज़ैखन यीशु तैस प्रधानेरे घरे पुज़ो, त लोक नगारो बज़ाते ते लेरां देंते लाहे। तैखन यीशुए तैन लोकन सेइं ज़ोवं, "दूर भोथ, किजोकि कुई मर्री नईं, बल्के झ़ुल्लोरीए।" एन शुन्तां तैना लोक हसने लग्गे। पन ज़ैखन लोक तैट्ठां दूर कढे, त यीशुए अन्तर गेइतां कुइयरो हथ ट्लाव, त तै ज़ींती भोइ।
तैखन याईर नंव्वेरो मैन्हु तैड़ी अव, ज़ै यहूदी लोकां केरे प्राथना घरेरे प्रधान्न मरां अक थियो। ज़ैखन तैनी यीशु लाव, त तैसेरे पव्वन पेव। तैनी एन ज़ोइतां यीशुए सेइं बड़ी मिन्नत की, "मेरी निकड़ी कुई मरनेबाली आहे। तू मीं सेइं साथी एइतां तैस पुड़ अपनो हथ रख, ताके तै बेज़्झ़ोस ते ज़ींती राए।" एल्हेरेलेइ यीशु तैस सेइं साथी तैसेरे घरे जेव।
मैन्हु केरि अक बड़ी भीड़ यीशु पत्ती च़ली, इड़ी तगर कि लोक यीशु पुड़ बिछ़ड़ते थिये।
प्राथना घरेरे लीडरेरे घरे मां पुज़तां यीशुए हैल्लो मच़ोरो लाव ते कने लोक बड़े लेरां देते त शोग केरते लाए। तैखन यीशुए घरे मां गेइतां तैन सेइं ज़ोवं, "तुस किजो रोलो मच़ातथ त लेरां देतथ? कुई मर्री नईं, पन झ़ुल्लोरीए।" ज़ैखन तैन लोकेईं एन शुनू, त तैना तैसेरो मज़ाक बनाने लग्गे, किजोकि तैना ज़ानते थिये कि कुई मेरि जेवरीए। तैखन यीशुए सारे मैन्हु तैट्ठां केढतां, सिर्फ कुइअरे हाज-बव त कने अपने ट्लाई चेलन सेइं साथी कमरेरे अन्तर जेव, ज़ैड़ी कुई पेवरी थी। तैखन यीशुए कुइयरो हथ ट्लेइतां तैस सेइं अपनि भाषाई मां ज़ोवं, "तलीता कूमी!" ज़ेसेरो मतलब कि, "हे निकड़ी कुइये, अवं तीं सेइं ज़ोताईं, खड़ी उठ!" अकदम कुई उठतां च़लने फिरने लग्गी, किजोकि तै कुई 12 सालां केरि थी। एन हेरतां तैना बड़े हैरान भोए।
"बस्सा, अवं इस ज़मानेरे लोकां केरि मिसाल केस सेइं देईं, तैना केसेरे ज़ेरेन? तैना तैन मट्ठां केरे ज़ेरेन ज़ैना बज़ारे मां बिशोरां एक्की होरि जो हक देइतां ज़ोतन, ‘असेईं तुश्शे लेई बेंशोई बज़ाई, ते तुस न नच़्च़े, असेईं शोग मनाव, पन तुसेईं लेरां न दित्ती!’ किजोकि यूहन्ना बपतिस्मो देनेबालो न रोट्टी खातो अव, न शराब पीतो अव, ते तुस ज़ोतथ, कि एस पुड़ भूतेरो सैयो आहे। मैन्हेरू मट्ठू खातू पीतू अव, ते तुस ज़ोतथ, ‘हेरा, तै पेटू ते शराबी मैन्हु, कने धड़त नेनेबाले ते पापी लोकां केरो दोस्त।’ पन अक्ल अपने सेब्भी मट्ठन करां जादे सच़्च़ी साबत भोइ।"
एक्की फरीसी मैन्हेरे घरे पापी कुआन्शी माफ़ी
फिरी केन्चे फरीसे यीशु कां मिन्नत की, कि मीं सेइं साथी रोट्टी खा, बस्सा, तै तैस सेइं साथी तैसेरे घरे जेव, ते तैस सेइं साथी रोट्टी खांने लगो। त हेरा, अक बदचलन कुआन्श ज़ै तैस नगरेरी थी एन बुझ़तां कि यीशु फरीसेरे घरे रोट्टी खांने बिशोरोए, संगमरमरेरे एक्की भांडे मां इत्र आनो।
ते हेरा याईर नव्वेंरो अक मैन्हु ज़ै प्राथना घरेरो अक प्रधान थियो, यीशु कां अव ते तैसेरे पव्वन पुड़ पेइतां मिन्नत केरने लगो, "तू मेरे घरे च़ल।" किजोकि तैसेरी अक्के कुई ज़ै 12 सालां केरि थी, तै मरनेबाली थी। ते ज़ैखन यीशु च़लोरो थियो, त लोक तैस उन्ढे बिछ़ड़ते थिये।
यीशु एन हेजू ज़ोतो थियो, त प्राथना घरेरे प्रधानेरे तैट्ठां केन्चे मैन्हे एइतां ज़ोवं, "तेरी कुई मेरि जेवरिए, हुनी गुरू तकलीफ न दे।" पन यीशु एन शुन्तां जुवाब दित्तो, "न डर। सिर्फ मीं पुड़ विश्वास रख कुई बेंच़ी गानीए।" ज़ैखन तै तैस घरे मां जेव, त तैनी पतरस यूहन्ना ते याकूब ते कुइयरे हाज बव्वेरे अलावा होरो कोई अन्तर एजने न दित्तो। सब लोक तैस कुइयरे लेई लेरां देंते थिये, पन यीशुए ज़ोवं, "लेरां न देथ, ऐह कुई मूओरी नईं बल्के झ़़ुलोरोए।" लोक एन शुन्तां हसने लगे, किजोकि तैना ज़ानते थिये कुई मेरि जेवरिए। पन यीशुए तैस कुइयरो हथ ट्लाव ते ज़ोवं, "कुइये खड़ी उठ!" ते तैसारे प्राण वापस आए ते तै लूशी खड़ी भोइ, ते यीशुए तैन ज़ोवं, एस कुइये किछ खाने जो देथ। तैस कुइयरे हाज बव हैरान रेइजे, पन तैनी तैन सेइं समझ़ेइतां ज़ोवं, ज़ैन किछ इड़ी भोवं एन केन्ची सेइं न ज़ोइयथ।
लाज़रेरी मौत
मरियम ते तैसेरी बेइन मार्थारे ड्लाव्वें बैतनिय्याह मां लाज़र नव्वेंरो अक मैन्हु थियो ई तैए मरियम थी ज़ैसां बादे मां प्रभु पुड़ इत्र छ़ेडतां अपने बालन सेइं तैसेरे पव पूंछ़ोरे थी, एसेरो ढ्ला लाज़र बिमार थियो। तैखन तैसेरी बेइने यीशु कां अक बिस्तार भेज़ो, "हे प्रभु, ज़ैस सेइं तू प्यार केरतस तै बिमारे।" ज़ैखन यीशुए एन शुनू त ज़ोवं, "ऐह बिमारी मरनेरे लेई नईं बल्के परमेशरेरी महिमारे लेई आहे, ताके तैसेरे ज़िरिये परमेशरेरे मट्ठेरी महिमा भोए।"
यीशु मार्था ते तैसेरी बेइन मरियम ते लाज़रे सेइं प्यार केरतो थियो। ज़ैखन यीशुए शुनू कि, लाज़र बिमारे, पन फिर भी दूई दिहाड़े तैड़ी बिश्शो ज़ैड़ी तै थियो। दूई दिहैड़ना बाद यीशुए अपने चेलन सेइं ज़ोवं, "एज्जा, अस फिरी यहूदिया इलाके मां गाम।" चेले ज़ोने लगे, "हे गुरू, थोड़े च़िर पेइले यहूदी लीडर तीं घोड़ेईं बाते थिये, ते तू फिरी तैड़ी गानू चातस?" यीशुए जुवाब दित्तो, "कुन दिहैड़ी मां 12 घंटे न भोन? ज़ै दीसां च़लते तैस ठोकर न लगे, एल्हेरेलेइ कि तै दुनियारी लौई मां च़ेलि सकते। पन अगर तै राती च़लते त आंधरे मां तैस ठोकर लगचे, किजोकि तैस कां लौ नईं।" तैनी एना गल्लां ज़ोई, ते अपने चेलन सेइं ज़ोने लगो, "इश्शो दोस्त लाज़र झ़़ुलोरोए पन अवं तैस बींझ़ांने च़लोरोईं।" तैसेरे चेले ज़ोने लगे, "हे प्रभु अगर तै झ़़ुलोरोए त तै बींझ़ेलो।" यीशुए लाज़रेरे मरनेरे बारे मां ज़ोवरू थियूं, पन तैसेरे चेलेईं बुझ़ू कि तैसेरो मतलब निड्लरे बारे मां कि झ़़ुलोरोए, पन अवं तैस बींझ़ांने च़लोरोईं। तैखन यीशुए रोड़ेच़ारे ज़ोवं, "लाज़र मेरि जेवरोए।
Domínio sobre a natureza
Jesus acalmou a tempestade, andou sobre as águas e multiplicou pães. A natureza obedece à voz do seu Criador.
यीशु तूफान रोकते
ज़ैखन यीशु किश्ती मां च़ढ़ो त तैसेरे चेले भी तैस सेइं साथी च़ले। ते अचानक समुन्दरे मां अक बड़ो तूफान अव ते किश्ती छ़ेलहेईं सेइं छ़पने लग्गी ते यीशु तैस मां झ़ुल्लोरो थियो। तैखन चेलेईं तै बींझ़ेइतां तैस सेइं ज़ोवं, "हे प्रभु, असन बच़ा! अस त डुबने लगोरेम!" तैनी तैन सेइं ज़ोवं, "हे घट विश्वासे बालाव, तुस किजो डरतथ?" तैखन तैनी खड़े उट्ठतां तूफान त समुन्दर डांटो, तैखने तूफान रुकी जेव त समुन्दर बड़े शांत भोव। लोक हैरान भोइतां ज़ोने लग्गे, "ऐह मैन्हु कौन आए कि तूफान त समुन्दर भी एसेरो हुक्म मनतन!"
ज़ैखन ड्लोझ़ भोइ, त यीशुएरे चेलेईं तैस कां एइतां ज़ोवं, "ई सुनसान ठारे, त च़िर भी बड़ू भोवरूए। ते एन लोकन भेज़ी छ़ड ते कोस्कोई ड्लाव्वन मां गेइतां किछ खाने जो घिन्न।" यीशुए तैन सेइं ज़ोवं, "एना भेज़ने ज़रूरी नईं! तुस्से एन किछ खाने जो देथ।" चेलेईं तैस सेइं ज़ोवं, "इड़ी असन कां पंच़ रोट्टी ते दूई मेछ़ली केरे अलावा होरू किछ नईं।" तैनी ज़ोवं, "तैन इरां मीं कां आनां।" तैखन यीशुए लोकन घासे पुड़ उन्ढे बिशनेरे लेई ज़ोवं, ते पंच़ रोट्टी ते दूई मेछ़ली हथ्थे मां रेखी, ते अम्बरेरे पासे तेकतां शुक्र कियूं, ते रोट्टी ट्लोड़ी-ट्लोड़ी अपने चेलन कां दित्ती, ते चेलेईं तैन लोकन दित्ती। ते सारे मैन्हु खेइतां रेज़्ज़ी जे। तैल्ला पत्ती, यीशुएरे चेलेईं बच़ोरे टुक्ड़न सेइं 12 टोकरी भेरि। रोट्टी खानेबाले लोकां केरि तैधात कुआन्शां ते बच्चां केरे अलावा कोई 5000 मड़द थिये।
ते लगभग झ़ेज़्झ़ेरे च़ेवरे बज़ेई ज़ैखन हेजू आंधरू थियूं, यीशु समुन्दरेरे पैनी पुड़ च़ेलतां अपने चेलन कां अव।
यीशु 4000 लोकन रोट्टी खुवाते
यीशुए अपने चेले कुजेइतां तैन सेइं ज़ोवं, "मीं एन लोकन पुड़ बड़ो तरस एइते, एना मैन्हु ट्लेइ दिहैड़ी केरे देंते बराबर मीं सेइं साथिन, ते एन कां खाने जो किछ भी नईं। अवं एन नियन्ने भेज़ने न चैईं, कोस्कोई एरू न भोए कि एना बत्ती मां रेइ गान।" तैसेरे चेलेईं तैस जुवाब दित्तो "अस इस सुनसान ठैरी मां एत्रे लोकां केरे लेई रोट्टी कोट्ठां आनम, ज़ैना सेब्भी केरे लेई पूरी भोन?" यीशुए पुछ़ू, "तुसन कां केत्री रोट्टी आन?" तैनेईं ज़ोवं, "सत रोट्टिन ते किछ निक्की मेछ़ली भी आन।" तैखन तैनी लोकन ज़मीनी पुड़ बिशनेरे लेई ज़ोवं। ते यीशुए तैना सत रोट्टी ते मेछ़ली ट्लेइ, ते परमेशरेरू शुक्र केरतां ट्लोड़ी, ते अपने चेलन कां दित्ती ते चेलेईं तैना मैन्हन दित्ती। सारे मैन्हु रोट्टी खेइतां रेज़्ज़ी जे। तैल्ला पत्ती, यीशुएरे चेलेईं मेछ़ली त कने रोट्टी केरे बच़्च़ोरे टुक्ड़न मरां सत टोकरे भेरतां सल्ले। रोट्टी खाने बालां केरि तैधात कुआन्शां ते बच्चां केरे अलावा 4000 मड़द थिये।
प्राथना घरेरे लेई चुंगी
ज़ैखन तैना कफरनहूम नगरे मां पुज़्ज़े, त प्राथना घरेरे लेई चुंगी घिन्ने बाले पतरसे कां एइतां पुछ़ू, "कुन तुश्शो गुरू प्राथना घरेरी चुंगी न दे?" तैनी जुवाब दित्तो, "हाँ देते।" ज़ैखन पतरस घरे मां पुज़ो त यीशुए तैसेरे पुछ़नेरे पेइले तैस सेइं ज़ोवं, "हे शमौन तू कुन समझ़तस? दुनियारे राज़े कोन लोकन करां चुंगी घिन्तन अपने बच्चन करां या होरि लोकन करां?" पतरसे तैस सेइं ज़ोवं, "होरन करां।" यीशुए तैस सेइं ज़ोवं, "त मट्ठां बरी भोइ जेआं। फिरी भी एल्हेरेलेइ कि अस तैन ठोकर न देम, तू समुन्दरे पुड़ गेइतां कंटो लेइतां मेछ़ली ट्लेइयां, ते ज़ै मछ़ली पेइली लग्गेली, तैसारू आशी खोल्लां, ते तीं अक सिक्को मैलनोए, ते तै सिक्को नेइतां मेरी ते अपनि चुंगी देइयां।"
बेफल फैगेरो बुट
झ़ेझ़ां ज़ैखन यीशु नगरे मांजो वापस एवरो थियो, त तैस ढ्लुख लग्गी। बत्तरे ड्लेखी अक फैगेरो बूट लाव ते तैस कां जेव, ते पट्लां केरे अलावा तैस पुड़ किछ न लाव, तैनेईं तैस जो ज़ोवं, "कधे भी तीं पुड़ फल न लग्गेलो ते तैखने तै बुट शुक्की जेव।" एन हेरतां चेले हैरान भोइतां पुछ़ने लग्गे, "ई फैगेरो बुट अकदम केन्च़रे शुक्की जेवरोए?" यीशुए जुवाब दित्तो, "अवं तुसन सेइं सच़ ज़ोताईं कि अगर तुस विश्वास रखथ, ते शक न केरथ, ज़ैन फैगेरे बुट्टे सेइं भोवं तैन तुस भी केरि सकतथ, बल्के उस पहाड़े जो ज़ोले कि इट्ठां उखड़तां समुन्दरे मां गा, त तैन्ने भोल्हु।" अगर तुश्शो विश्वास पक्कोए त ज़ैन किछ तुस प्राथनाई मां मग्गेले, तैन तुसन मैल्ही गालू?
ज़ैखन तैना समुन्दरे पार केरने लग्गोरे थिये, तैखन अक बड्डो तूफान च़लो, त छ़ेल्ली एड़ी तगर पुज़्ज़ी कि किश्ती पैनी सेइं भेरोई जेई। पन यीशु किश्तरे पेत्री पासे, शिरहाने पुड़ क्रोड़ी रेखतां झ़ुल्लोरो थियो। तैखन तैसेरे चेलेईं तै बींझ़ेइतां तैस सेइं ज़ोवं, "हे गुरू, कुन तीं फिक्र नईं, अस त मरने बालेम!" तैखन यीशुए उठतां तूफान डांटो, त समुन्दरे सेइं ज़ोवं, "शान्त रा, रुकी गा!" अकदम तूफान रुकी जेव त समुन्दर शान्त भोव। तैखन यीशुए अपने चेलन सेइं ज़ोवं, "तुस किजो डरतथ? कुन तुसन हेजू भी मीं पुड़ विश्वास नईं?" पन तैना बड़े डेरि जे त एप्पू मांमेइं ज़ोने लग्गे, "ऐह मैन्हु कौन आहे कि तूफान त समुन्दर भी एसेरो हुक्म मनतन!"
ज़ैखन दिहाड़ी डुबने लग्गोरी थी, त यीशुएरे चेलेईं तैस कां एइतां ज़ोवं, "ई सुनसान ठारे, ते च़िर भी बड़ू भोवरू आहे। एन मैन्हन भेज़, ताके एना च़ेवरे पासां केरे बेस्तन त कने ड्लाव्वन मां गेइतां अपने लेई खाने जो रोट्टी घिन्न।" पन यीशुए तैन्न जुवाब दित्तो कि, "तुस्से एन खाने जो रोट्टी देथ।" पन तैनेईं तैस सेइं ज़ोवं, "कुन अस दूई शौव दिहाड़ी केरि कमाई सेइं रोट्टी घिन्तां एन मैन्हन खुवाम? एन न भोइ सके!" एल्हेरेलेइ, यीशुए तैन सेइं ज़ोवं, "तुसन कां केत्री रोट्टी आन? गेइतां हेरा।" पतो केरनेरे पत्ती, तैनेईं यीशु सेइं ज़ोवं कि, "पंच़ रोट्टी त कने दूई मेछ़ली आन।" तैखन यीशुए अपने चेलन हुक्म दित्तो कि, "सारे मैन्हु नीले घासे पुड़ बिशाला।" एल्हेरेलेइ तैना मैन्हु शौव-शौव त कने पज़ा-पज़ा केरि हुन्डी मां बिश्शी जे। तैखन यीशुए अपने हथ्थे मां पंच़ रोट्टी ते दूई मेछ़ली ट्लेइ, त अम्बरेरे पासे तेकतां शुक्र कियूं। तैल्ला पत्ती, यीशु तैना रोट्टी ट्लोड़तां चेलन कां देते जेव कि लोकन खाने जो देन। तेन्च़रां दूई मेछ़ली भी तैन सारे लोकन बेंटी दित्ती। ते सारे मैन्हु खेइतां रेज़्ज़ी जे। तैल्ला पत्ती, यीशुएरे चेलेईं बेच़ोरी रोट्टी त कने मेछ़ली केरे टुक्ड़न सेइं 12 टोकरी भेरि। ज़ैनेईं रोट्टी त मेछ़ली खेइ, तैन मां 5000 मड़द थिये।
तैनी हेरू कि तैसेरे चेले किश्ती मां च़ेप्पू देइ-देइ परेशान भोने लग्गोरेन, किजोकि एग्रोवरां बड़ी तेज़ हवा च़लोरी थी।
लगभग झ़ेज़्झ़ेरे च़ेवरे बज़ेई ज़ैखन हेजू आंधरू थियूं, यीशु समुन्दरेरे पैनी पुड़ च़ेलतां अपने चेलन कां अव। तै तैन केरां अग्रोवं निसनू चातो थियो। पन ज़ैखन तैनेईं यीशु समुन्दरेरे पैनी पुड़ च़लतो लाव, त तैनेईं सोचू कि तै भूत आहे। तैल्हेरेलेइ, तैनेईं चिन्डां मैरी, किजोकि तैना सारे तैस हेरतां बड़े डेरि जोरे थिये। पन तैनी अकदम तैन सेइं गल्लां की ते ज़ोवं, "हिम्मत रखा! अवं आईं। डरा न!" तैखन तै तैन केरि किश्ती मां च़ढ़ो, ते तूफान च़लनो बन्ध भोइ जेव। तैखन चेले बड़े हैरान भोए,
यीशु चमत्कार केरतां 4000 मैन्हन रोट्टी खुवाते।
तैन दिहाड़न मां एरू भोव कि, मैन्हु केरि बड़ी भीड़ यीशु कां फिरी अकोट्ठी भोइ। तैन कां किछ खाने जो न थियूं। तैखन यीशुए अपने चेले एप्पू कां कुजेइतां तैन सेइं ज़ोवं, "मीं एन मैन्हु केरि भीड़ी पुड़ तरस एइते, किजोकि एना ट्लेइ दिहाड़ां केरे देंते मीं सेइं साथी आन, ते एन कां खाने जो किछ नईं राओरू। अगर अवं एन ढ्लुखोरे घरे जो भेज़ी, त च़लते-च़लते बत्ती मां थेकतां रेइ गानेन, किजोकि एन मरां कोई-कोई दूरेरां भी आन।" तैसेरे चेलेईं तैस जुवाब दित्तो, "इड़ी सुनसान ठैरी एन मैन्हन जो एत्री रोट्टी कोट्ठां आनम कि एन मैन्हु रेज़्ज़तां खान?" तैखन यीशुए तैन पुछ़ू, "तुसन कां केत्री रोट्टी आन?" तैनेईं जुवाब दित्तो, "सत रोट्टी आन।" तैखन यीशुए मैन्हु केरि भीड़रे पासे मुड़तां तैन जो हुक्म दित्तो कि, "ज़मीनी पुड़ बिश्शी गाथ।" तैखन तैनी तैन सत रोट्टी ट्लेइतां परमेशरेरू शुक्र केरतां ट्लोड़ी, ते अपने चेलन कां देते जेव कि तैना लोकन खाने जो देन। ते चेलेईं मैन्हन रोट्टी दित्ती। तैन कां थोड़ी ज़ेरि निक्की मेछ़ली भी थी। यीशुए मेछ़ली केरे लेई भी परमेशरेरू शुक्र केरतां अपने चेलन सेइं ज़ोवं, "इना भी लोकन खाने जो देथ।" तेन्च़रां तैसेरे चेलेईं कियूं। तैना सारे मैन्हु रोट्टी खेइतां रेज़्ज़ी जे। तैल्ला पत्ती, यीशुएरे चेलेईं मेछ़ली त कने रोट्टी केरे बच़्च़ोरे टुक्ड़न मरां सत टोकरे भेरतां सल्ले। तैड़ी लगभग 4000 मड़द थिये। लोकन रोट्टी खुवानेरे पत्ती यीशुए मैन्हु भेज़ी दित्ते।
यीशु एक्की फैगेरे बुट्टे फिटकार देते।
त एग्री दिहाड़ी, ज़ैखन यीशु त तैसेरे चेले बैतनिय्याह ड्लोंव्वेरां निस्तां यरूशलेम नगरे जो वापस एज्जी राओरे थिये, तैखन यीशुए ढ्लुख लग्गी। तै दूरेरां फैगेरो अक नीलो बुट लेइतां तैसेरे नेड़े जेव कि खाने जो शायद तैस मां किछ मैल्हे। पन, ज़ैखन तै बुट्टे कां जेव, त तैड़ी पट्लां केरे अलावा तैस किछ न मैल्हू, किजोकि तै फल्लेरो मौसम न थियो। तैखन यीशुए तैस बुट्टे फिटकार देइतां तैस सेइं ज़ोवं, "हुन्नेरे पत्ती, तीं मां कोई फल कधी न लग्गेलो!" त तैसेरे चेले एन शुनी राओरे थिये।
विश्वासेरे बारे मां फैगेरे बुट्टे करां अक सबक शिख्खा।
एग्री दिहाड़े, झ़ेज़्झ़ां यीशु त तैसेरे चेले तैट्ठां यरूशलेम नगरे जो च़ले त तैनेईं तै फैगेरो बुट लाव, ज़ैस यीशुए पेइले फिटकार दित्तोरो थियो। तै बुट ज़ीलन तगर शुक्की जेवरो थियो। पतरसे तै गल याद आई कि यीशुए एस बुट्टे फिटकार दित्तोरो थियो, त तैनी यीशु सेइं ज़ोवं, "हे गुरू, तक! ऐह फैगेरो बुट ज़ैस तीं फिटकार दित्तोरो थियो, शुक्की जेवरोए! (एन केन्च़रां भोवं)" यीशुए अपने चेलन जुवाब दित्तो, "तुस परमेशरे पुड़ विश्वास रखा। अवं तुसन सेइं सच़ ज़ोताईं कि ज़ै कोई एस पहाड़े सेइं ज़ोए, ‘तू उखड़तां समुन्दरे मां बिछ़ड़ी गा,’ त एन्च़रां ज़ोइतां अपने दिले मां शक न केरे, पन विश्वास केरे कि ‘ज़ैन अवं ज़ोताईं तैन भोइ गालू,’ त तैसेरेलेइ तैन्ने भोल्हु। एल्हेरेलेइ अवं तुसन सेइं ज़ोताईं कि, ज़ैखन तुस प्राथना केरतां परमेशरे करां ज़ैन भी मगेले, त विश्वास केरा कि तुसन तैन ज़रूर मैल्ही गालू, तैखन परमेशरे करां तैन तुसन दित्तू गालू। ते ज़ैखन कधी तुस खड़े भोइतां परमेशरे कां प्राथना केरतथ, त अगर तुसन केन्ची सेइं गिलो भोए, त पेइले तुस तैस माफ़ केरा, ताके तुश्शो सुर्गेरो बाजी भी तुश्शे पाप माफ़ केरे।
पेइले चेले कुजाने
एक्की दिहाड़े यीशु गन्नेसरतेरे समुन्दरेरे बन्ने पुड़ खेड़ोरो थियो, ते बड़े लोक तैस करां परमेशरेरू वचन शुन्नेरे लेई तै उन्ढे बिछ़ड़ी गाते थिये। तैनी दूई किश्ती बन्ने लेगोरी लेही, ते मेछ़ली ट्लानेबाले किश्ती ड्लेखी छ़ेडतां अपना ज़ालां धोने लग्गोरो थिये। यीशु एक्की किश्ती मां च़ढ़ो ते किश्तरे मालिके शमौने सेइं ज़ोने लगो, तुस किश्ती इट्ठां बन्ने पुड़ेरां नेइतां थोड़ी दूर लाथ। फिरी यीशु किश्ती मां बिशतां तैन लोकन उपदेश देने लगो। ज़ैखन तैनी लोकन शिक्षा दित्ती त तै शमौने सेइं ज़ोने लगो, "तुस किश्ती डुग्घी ठैरी च़लाथ ते मेछ़ली ट्लानेरे लेई ज़ाल छ़डा।" शमौने जुवाब दित्तो, "हे गुरू, असेईं सैरी राती तरले कियोरेन ते अक मछ़ली भी नईं ट्लेइयोरी, पन असां तेरे ज़ोने सेइं ज़ाल छ़डतम।" आखर्कार पतरस ते तैसेरे सैथेईं ज़ालां छ़ेडी दित्तां ते एत्री मेछ़ली लेगि, कि ज़ालां छ़िन्दोइतां मेछ़ली बेइरोवं निस्सने लेगि। तैखन तैनेईं अपने सैथन जो ज़ैना होरि किश्ती पुड़ थिये, इशारो कियो कि एज्जा इश्शी मद्दत केरा, ते तैना भी आए ते किश्ती मेछ़लेईं सेइं एत्री भेरोई जेई कि किश्ती डुबने लगी। शमौन पतरस एन हेरतां यीशुएरे पव्वन पुड़ पेइतां ज़ोने लगे, "हे प्रभु, अवं पापी मैन्हु आईं तू मीं करां दूर भो!" गल ऐह थी कि तै त तैसेरे साथी एत्री मेछ़ली लेइतां हैरान भोइ जेवरे थिये। तेरहो हाल जेब्देरे मट्ठां केरो यानी याकूब त कने यूहन्नारो भी थियो, ज़ैना शमौने सेइं साथी थिये, यीशुए शमौने सेइं ज़ोवं, "डर नन्ना अज़्ज़ेरे बाद तू मेछ़ली ट्लाने बालो नईं, बल्के मैन्हन अकोट्ठे केरतां मेरे चेले बनानेबालो भोल्हो।" तैनेईं किश्ती ड्लेखी एन्हतां लेई, ते अपनु सब किछ छ़ेडतां यीशु पत्ती च़ले जे।
तूफान रोकनो
फिरी एक्की दिहाड़े एरू भोवं, कि यीशुए अपने चेलन सेइं ज़ोवं, "एज्जा, समुन्दरे पार गाम ते तैना किश्ती मां च़ेढ़तां समुन्दरे पार च़ले जे।" पन ज़ैखन किश्ती च़लोरी थी, त यीशुए झ़ुल्ली जेव ते समुन्दरे पुड़ बड़ो तूफान अव, ते किश्ती पैनी सेइं भेरोने लग्गी, ते तैन खतरो भोइ जेव। चेलेईं तै बींझ़ेइतां तैस सेइं ज़ोवं, "हे गुरू, असां मेरि गातम यीशु खड़े उठो ते हवाई जो ते पैनी जो ज़ोवं, रुकी गाथ ते तूफान रुकी जेव।" यीशुए अपने चेलन सेइं ज़ोवं, "तुश्शो विश्वास कोरहां जेव?" तैना डेरि जे ते हैरान भोइतां एप्पू मांमेइं ज़ोने लगे, "ऐह कौने! ऐह हवाई त पैनी भी हुक्म देते ते तैना एसेरो हुक्म मनतन।"
तूफान रोकनो
फिरी एक्की दिहाड़े एरू भोवं, कि यीशुए अपने चेलन सेइं ज़ोवं, "एज्जा, समुन्दरे पार गाम ते तैना किश्ती मां च़ेढ़तां समुन्दरे पार च़ले जे।" पन ज़ैखन किश्ती च़लोरी थी, त यीशुए झ़ुल्ली जेव ते समुन्दरे पुड़ बड़ो तूफान अव, ते किश्ती पैनी सेइं भेरोने लग्गी, ते तैन खतरो भोइ जेव। चेलेईं तै बींझ़ेइतां तैस सेइं ज़ोवं, "हे गुरू, असां मेरि गातम यीशु खड़े उठो ते हवाई जो ते पैनी जो ज़ोवं, रुकी गाथ ते तूफान रुकी जेव।" यीशुए अपने चेलन सेइं ज़ोवं, "तुश्शो विश्वास कोरहां जेव?" तैना डेरि जे ते हैरान भोइतां एप्पू मांमेइं ज़ोने लगे, "ऐह कौने! ऐह हवाई त पैनी भी हुक्म देते ते तैना एसेरो हुक्म मनतन।"
भूतां केरे सैये सेइं दुखी मैन्हु बझ़ानो
फिरी तैना गिरासेनी इलाके मां पुज़्ज़े, ज़ै गलील समुन्दरे सामने पारे।
ज़ैखन दिहाड़ी डुबने लगी त तैन 12 चेलेईं यीशु सेइं ज़ोवं, "एन लोकन भेज़ी छ़ड एना कोस्कोई ड्लाव्वन मां गेइतां बिश्शन ते रोट्टरो इंतज़ाम केरन। किजोकि असां गैर आबाद ठैरी आम।" तैनी तैन सेइं ज़ोवं, "तुस्से एन किछ खाने जो देथ।" तैनेईं ज़ोवं, "असन कां पंच़ रोट्टी ते दूई मेछ़लीन करां जादे किछ भी नईं, पन असां गेइतां एन जेई रोट्टी मुल्ले घिन्तां आनतम, त इन भोइ बटते।" (किजोकि तैन लगभग 5000 मड़द थिये।) यीशुए अपने चेलन सेइं ज़ोवं, "एन लोकन 50-50 मैन्हु केरि हुन्डी मां बिशाला।" ते चेलेईं तैन्ने कियूं ते तैना तेन्च़रे बिशाले। तैखन तैनी तैना पंच़ रोट्टी ते दूई मेछ़ली नी, ते अम्बरेरां तेकतां शुक्र कियूं, फिरी तैनी तैना रोट्टी ट्लोड़ी ते चेलन कां दित्ती, कि तैन बिशालोरे लोकन खांने जो देन। सारे मैन्हु खेइतां रेज़्ज़ी जे। तैल्ला पत्ती, यीशुएरे चेलेईं बच़ोरे टुक्ड़न सेइं 12 टोकरी भेरि।
गलील इलाकेरे काना नगरे मां यीशु पेइलो चमत्कार केरते।
तैल्ला पत्ती, ट्लेइयोवं दिहाड़े गलील इलाकेरे काना नगरे मां केन्चेरो ड्लाह थियो। यीशुएरी अम्मा भी तैड़ी थी। यीशु ते तैसेरे चेलन भी धाम कियोरी थी। ज़ैखन दाछ़रो रस मुक्को, त यीशुएरी अम्मा तैस सेइं लगी ज़ोने, "एन कां दाछ़रो रस मुक्कोरोए।" यीशु लगो ज़ोने, "अम्मा, मीं तीं सेइं कुन कम? हेजू मेरो वक्त नईं एवरो।"
तैसेरे अम्मा नौकरन सेइं ज़ोवं, "ज़ैन किछ यीशु तुसन सेइं ज़ोए, तैन्ने केरथ।" तैड़ी नेड़े घोड़ां केरे शा (बड्डे) घड़े रखोरे थिये, ज़ैन मां दूई-दूई ट्लाई-ट्लाई मन (पानी) लगतू थियूं। यहूदी लोक अपने रुवाज़ेरे मुताबिक (अपने आपे त कने चीज़न) धोनेरे लेई एन घड़े (मां पानी भेरतां) इस्तेमाल केरते थिये। यीशुए नौकरन सेइं ज़ोवं, "घड़न मां पानी भरा।" तैनेईं पूरे घड़े भरे। तैखन यीशुए तैन सेइं ज़ोवं, "हुन्ना, घड़े मरां किछ पानी केढतां धांमरे प्रधाने कां (च़खनेरे लेई) देथ। तैनेईं तैस कां नेव। ज़ैखन धांमरे प्रधाने तैन पानी च़ख्खू, ज़ैन दाछ़रो रस बनोरू थियूं, तै न थियो ज़ानतो कि एन कोट्ठां एवरूए, पन नौकर ज़ानते थिये, ज़ैनेईं तैन केढतां आनेरू थियूं। एल्हेरेलेइ धांमरे प्रधाने लाड़ो कुजव, ते तैस सेइं ज़ोवं, ‘हर कोई मैन्हु (आम तौरे, धामी मां) पेइलो रोड़ो दाछ़रो रस देते, त ज़ैखन लोक पीतां रज़्ज़तन, त बादे मां घट रोड़ो ज़ेरो दाछ़रो रस देते, पन तीं रोड़ो हेजू पत्रोवं रखोरो थियो!’"
गलील इलाकेरे काना नगरे मां यीशुए पेइलो चमत्कार कियो। एन केरतां तैनी अपनि महिमा बांदी की, त तैसेरे चेलेईं तैस पुड़ (होरो भी जादे) विश्वास कियो कि तै मसीह आहे।
पन तैनी तै गल तैस अज़मानेरे लेई ज़ोई, किजोकि तै एप्पू ज़ानतो थियो कि तै कुन केरेलो। फिलिप्पुसे तैस जुवाब दित्तो, "एन केरे लेई 200 दीनारां केरि रोट्टी भी पूरी न भोल्ही कि तैन थोड़ी-थोड़ी मैल्ही गैली।" तैसेरे चेलन मरां शमौन पतरसेरे ढ्लाए अन्द्रियासे तैस सेइं ज़ोवं, "इड़ी अक मट्ठूए ज़ैस कां जौआं केरि पंच़ रोट्टिन, तै दूई मेछ़लीन, पन एत्रे लोकन जो कुन तैना पूरी भोनिन?" यीशुए ज़ोवं, "लोकन बिशाला।" तैड़ी बड़ो घास थियो। तैखन लोक ज़ैना लगभग 5000 मड़द बिश्शोरे थिये। तैखन यीशुए रोट्टी ट्लेइ ते शुक्र केरतां बिशने बालन दित्ती, ते तेन्च़रे मेछ़लीन मरां भी ज़ेत्री तैना चातो थियो बेन्टी। ज़ैखन तैना खेइतां रज़्ज़े त तैनी अपने चेलन सेइं ज़ोवं, "बच़ोरे टुक्ड़े अकोट्ठे केरा, ताके किछ शारू न गाए।" ते तैनेईं अकोट्ठू कियूं, ते जौआं केरे पंच़ रोट्टी केरे टुक्ड़न मरां ज़ैना खाने बालन करां बच़ोरे थिये 12 टोकरे थिये।
ज़ैखन तै लगभग ट्लाई च़ेवरे मील नेड़े अव, त तैनेईं यीशु समुन्दरे पुड़ च़लतो लाव ते किश्तरे नेड़े एइतो लाव ते डरे। पन यीशुए तैन सेइं ज़ोवं, "अवं आईं डरा न।" ते तै तैस किश्ती मां च़ढ़नेरे लेई तियार भोव, ते तैखने किश्ती तैस ठैरी पुड़ पुज़ी ज़ैड़ी तैना च़लोरे थिये।
तिबिरियुसेरे समुन्दरेरे बन्ने चेलन पुड़ बांदू भोनू
बादे मां यीशुए एप्पू एक्की फेरे फिरी अपने चेलन पुड़ तिबिरियुस सुमन्दरेरो बन्ने एन्च़रे बांदो भोव। शमौन पतरस, थोमा ज़ैस जो दिदुमुस ज़ोतन, नतनएल ज़ै गलीलेरे काना नगर मां रहतो थियो, ते जेब्देरू मट्ठू ते होरे चेले भी तैड़ी थिये। शमौन पतरसे तैन सेइं ज़ोवं, "अवं मेछ़ली ट्लाने गाताईं।" तैनेईं ज़ोवं, "अस भी तीं साथी च़लतम।" तैना तैट्ठां निस्से ते किश्ती मां च़ेढ़तां जे, पन तैस राती तैन किछ न मैल्हू।
झ़ेझ़ां सुबेलो यीशु बन्ने पुड़ एइतां खड़ो भोव, पन चेलेईं न पिशानो कि ऐह यीशुए। तैखन यीशुए तैन ज़ोवं, "हे बच्चव, कुन तुसन कां किछ खाने जो आहे?" तैनेईं जुवाब दित्तो, "नईं।" यीशुए ज़ोवं, "ज़ाल किश्तरे देइने पासे छ़डथ त तुसन किछ मेछ़ली मैल्हनिन।" तैनेईं ज़ाल छ़ड्डू ते मेछ़ली एत्री ज़ाले मां लेगि कि ज़ाल खिचोने न लगू। तैखन यीशु ज़ैस चेले सेइं प्यार केरतो थियो तैनी पतरसे सेइं ज़ोवं, "ऐह त प्रभुए।" ज़ेरू शमौन पतरसे शुन्नू कि प्रभुए, तैनी अपनो चोगो, ज़ै कम केरनेरे लेई खोल्लोरो थियो लाव ते पैनी मांजो छाल मारी। होरे चेले ज़ैना किश्ती मां थिये ज़ाल ज़ैना मेछ़लेईं सेइं भेरतां थियूं तैनेईं खिचतां आनू, किजोकि तैना 100 मीटर दूर थिये।
ज़ैखन तैना बन्ने पुड़ ओस्से, त तैनेईं मूरन पुड़ मेछ़ली रेखोरिन ते ड्लेखी रोट्टी भी लेही। यीशुए तैन सेइं ज़ोवं, "ज़ैना मेछ़ली तुसेईं ट्लेतोरिन तैन मरां किछ इरां आनां।" शमौन पतरस किश्ती मां च़ढ़ो ते ज़ाल ड्लेखी पुड़ खिचतां आनू ज़ैस मां 153 मेछ़ली लेगोरी थी, ते फिरी भी ज़ाल नईं छ़िंदोरू।
Libertações
Jesus expulsou demônios com autoridade. Os espíritos impuros não resistiam à sua palavra e saíam imediatamente.
एक्की सूबेदारेरो यीशु पुड़ विश्वास
ज़ैखन यीशु कफरनहूम नगर मां अव त अक रोमी सूबेदार ज़ै 100 सिपेहिन केरो अफसर थियो, तैनी यीशु कां एइतां बिनती की। "हे प्रभु, मेरो नौकर अधरंगेरो मरीज़ घरे बिमार भोवरोए, तै च़लनेरे काबल नईं, ते तै बेड़ि तकलीफी मांए।" तैनी तैस सेइं ज़ोवं, "अवं एज्जेलो ते तैस बज़्झ़ेइलो।" सूबेदार ज़ोने लगो, हे प्रभु अवं एस काबल नईं कि तू मेरे घरे मां एज्जी सकस; पन तू अगर सिर्फ ज़बाना सेइं ज़ोस त मेरो नौकर बेज़्झ़ोलो। किजोकि अवं भी केन्चेरे अधिकारे मां कम केरताईं, ते सिपाही मेरे अधीन आन, ते ज़ैखन एक्की जो ज़ोताईं कि गा, त तै गाते ते होरि जो ज़ोतां एई, त तै एइते, ते अपने सेवके जो ज़ोताईं इन कम केर त तै केरते।
यीशु एन शुन्तां हैरान रेइ जेव, ते एप्पू पत्ती च़लनेबाले मैन्हन सेइं ज़ोने लगो, "अवं तुसन सेइं सच़ ज़ोताईं, कि मीं इस्राएल मुल्खे मां इस गैर यहूदी मैन्हेरो ज़ेरो मैन्हु नईं लवरो ज़ै मीं पुड़ एत्रो विश्वास केरे।" अवं तुसन सेइं ज़ोताईं कि बड़े गैर कौमां केरे लोक पूर्बेरां ते पछमेरां एइतां अब्राहमे, इसहाक ते याकूबे सेइं साथी परमेशरेरे राज़्ज़ेरी धामी मां शामल भोल्हे। पन इस्राएली लोक बेइर आंधरे मां छ़ड्डे गाले ज़ैड़ी तैना लेरां देते ते दंत च़ापते राले। ते यीशुए तैस सूबेदारे सेइं ज़ोवं, "घरे जो गा, ज़ेरो तेरो विश्वासे तेरे लेई तेरहु भोल्हु," ते तैखने तैसेरो नौकर बेज़्झ़ोइ जेव।
ज़ैस मैन्हु पुड़ भूतेरो सैयो थियो यीशुए तै मैन्हु बझ़ाव
ज़ैखन तै गलील समुन्दरेरे पार, गिरासेनी इलाके मां पुज़ो, त दूई मैन्हु ज़ैन पुड़ भूतां केरो सैयो थियो कब्रन मांमेइं यीशु कां मिलने आए। तैना एत्रे निग्गर थिये, कि कोई भी तैस बत्तां निस्सी न थियो बटतो। तैना ज़ोरे-ज़ोरे चिन्डां मारने लग्गे ते ज़ोने लग्गे, हे परमेशरेरा मट्ठां, तीं असन सेइं कुन कम्मे? कुन तू वक्ते करां पेइले असन नरके मां छ़डने एवरोस? तैन करां दूर सूरां केरो अक बड़ो घान च़रने लगोरो थियो। भूतेईं यीशु कां मिन्नत केरतां ज़ोवं, "अगर तू असन कढने चातस त उन सूरां केरे घाने मांजो भेज़।" तैखन यीशुए ज़ोवं, "गाथ," तैना भूतां तैट्ठां निस्तां तैन सूरां केरे घाने मां जेआं, ते सूरां केरो सारो घान उछ़ड़तो-उछ़ड़तो डैल्ले मां गेइतां सारे सूर मेरि जे। तैखन सूरां केरे च़ारनेबालेईं एन हेरू, त तैना डेरि जे, ते तैनेईं नगरेरे लोकन सेइं सारो बिस्तार दित्तो, ते ज़ैन पुड़ भूतां केरो सैयो थियो तैन केरो हाल भी शुनाव। तैस नगरेरे सारे लोक यीशु सेइं मिलनेरे लेई आए ते यीशु लेहितां लोक मिन्नत केरतां ज़ोने लग्गे, इश्शे इलाके मरां च़लो गा।
यीशु एक्की लैट्टे बझ़ाते
ज़ैखन तैना बेइर च़लोरोरे थिये, त लोकेईं अक मैन्हु ज़ै गल्लां न थियो केरि बटतो, किजोकि तैस पुड़ भूतेरो सैयो थियो, तै तैनेईं यीशु कां आनो। ते ज़ैखन भूतेरो सैयो तैस मरां कढो, त लट्टो गल्लां केरने लगो, लोक बड़े हैरान भोइजेइ ते ज़ोने लग्गे, असेईं एरो ज़ेरो माजरो इस्राएले मां पेइले कधे नईं लाहोरो।
यीशु ते शैतान
तैखन लोकेईं अक मैन्हु यीशु कां आनो ज़ै कानो ते लट्टो थियो ते तैस पुड़ भूतेरो सैयो थियो, तै तैनेईं तैस कां आनो, तैनी तै ठीक कियो, ते तै लहने लगो ते गल्लां भी केरने लगो।
कनानी कौमरे कुआन्शरो यीशु पुड़ विश्वास
यीशु तैट्ठां च़लो जेव, ते सूर ते सैदारे आसे पासेरे इलाकेरे नेड़े अव। तैस इलाकेरी अक कनानी कुआन्श यीशु कां आई, ते चिन्डां मैरतां ज़ोने लग्गी, "हे प्रभु दाऊदेरा मट्ठां, मीं पुड़ दया केर, मेरी कुइये पुड़ भूतेरो सैयोए, तैन भूत तैस बड़ू सताते।" पन यीशुए कोई जुवाब न दित्तो, तैसेरे चेले नेड़े एइतां तैस कां मिन्नत केरने लग्गे, "एस भेज़, किजोकि ऐह चिन्डां मारचे ते इश्शो पीछो न छ़डे।" तैनी जुवाब दित्तो, "अवं इस्राएलेरी हेरोरि भैड्डां केरे अलावा होरि कोन्ची कां नईं भेज़ोरो।" पन तै कुआन्श आई, ते तैस कां मथ्थो टेकतां ज़ोने लग्गी, "हे प्रभु मेरी मद्दत केर।" तैनी जुवाब दित्तो, "बच्चां केरि रोट्टी नेइतां कुतरन देनी ठीक नईं।" तैसां ज़ोवं "सच़्च़े प्रभु, पन ज़ैन टुक्ड़े मालिकेरी मेज़े पुड़ेरां बिछ़ड़तन तैना कुतरां भी खातन।" यीशुए तैस जुवाब दित्तो, "ऐह कुआन्श तेरो विश्वास बड़ोए, ज़ेरू तू चातिस तेरे लेई तेरहु भोए" ते तैसारी कुई तैखने बेज़्झ़ोइ जेई।
यीशुए अक मट्ठू बझ़ाव ज़ैस पुड़ भूतेरो सैयो थियो
ज़ैखन तैना हछे मैन्हु केरि बड़ी भीड़ी कां पुज़े, त अक मैन्हु तैस कां अव, ते ज़ैधू केरे भारे बिशतां ज़ोने लगो। "हे प्रभु मेरे मट्ठे पुड़ दया केर, तैस मिरगरी वजाई सेइं दौवरे एइतन, ते तैस बड़ो दुखे, ते बार-बार अग्गी मां ते बार-बार पैनी मांजो खिरकते। मीं तैन तेरे चेलन कां आनोरू थियूं, पन तैनेईं तैन ठीक न केरि बटु।" यीशुए ज़ोवं, "हे विश्वास न केरनेबाले ते ढीठ लोकव, अवं केइस तगर तुसन सेइं साथी भोनोईं, केइस तगर तुश्शी झ़ैलतो रेइलो? तैस मीं कां आनां।" तैखन यीशुए तैन भूत झ़िड़कू, ते तैस पुड़ां सैयो निस्सी जेव, ते तैन मट्ठू तैखने ठीक भोइ ज़ोवं।
ज़ैखन यीशु तैड़ी थियो, त तैन केरे प्राथना घरे मां अक मैन्हु थियो, ज़ैस पुड़ भूतेरो सायो थियो। अचानक तैनी मैन्हे चिन्डां मेरतां ज़ोवं, "हे नासरत नगरेरो यीशु! तीं सेइं असन कुन कम? कुन तू असन नाश केरनेरे लेई एवरोस? अवं ज़ानताईं कि तू कौन आस, तू परमेशरेरू पवित्र मट्ठू आस!" पन यीशुए तैस भूते झ़िड़कतां ज़ोवं, "च़ुप रा, एस मैन्हु मरां निस्सी गा!" तैखन भूते तै मैन्हु ड्लेडेइतां त ज़ोरे सेइं चिन्डां मेरतां तैस मैन्हु मरां निस्सी जेव।
यीशु एक्की मैन्हु मरां बड़े भूतां केरो सायो कढते।
यीशु त तैसेरे चेले गलील समुन्दरेरे पार, गिरासेनी इलाके मां पुज़्ज़े। ज़ैखन यीशु किश्ती पुड़ेरां ओस्सो, त तैखन अक मैन्हु, ज़ैस पुड़ भूतां केरो सायो थियो, कब्रन मांमेइं यीशु कां मिलने अव। तै मैन्हु कब्रस्ताने मां रहतो थियो। (तै मैन्हु बड़ो खतरनाक थियो।) कोई तैस शंगली सेइं भी न बेन्धी सकतो थियो। किजोकि (पेइले बड़े बार) लोकेईं तैसेरे हथ पव शंगलन सेइं बन्धोरे थिये। पन हर बार तै हथ्थां केरि शंगलां ट्लोड़तो थियो त पव्वां केरि शंगलां केरे टुक्ड़े-टुक्ड़े केरतो थियो। कोई तैस कैबू न केरि सकतो थियो। तै हमेशा रात-दिहाड़ी कब्रस्ताने मां त कने पहैड़न पुड़मेइं हंठतो थियो त चिन्डां मारतो थियो, त अपने आपे घोड़न सेइं ज़खमी केरतो थियो।
ज़ैखन तैनी मैन्हे यीशु दूरेरां लाव, त तै दौड़तां यीशु कां अव ते तैस कां मथ्थो टेको। यीशुए भूते सेइं ज़ोवं, "हे भूता, एस मैन्हु मरां निस्सी गा!" तैनी भूते ज़ोरे सेइं चिन्डां मेरतां ज़ोवं, "हे यीशु, परमप्रधान परमेशरेरा मट्ठा, मीं तीं सेइं कुन कम? अवं तीं परमेशरेरी कसम देताईं, मीं दुख न दे।" एल्हेरेलेइ यीशुए तैस पुछ़ू, "तेरू कुन नवं आहे?" तैनी यीशु सेइं ज़ोवं, "मेरू नवं फौज आहे, किजोकि अस बड़े आम।" तैखन तैनी यीशु कां बड़ी मिन्नत की, "इस इलाके मरां असन बेइर न भेज़।" तैड़ी पहैड़ी पुड़ सूरां केरो अक बड़ो घान च़ेरि राहोरो थियो। तैल्हेरेलेइ तैन भूतेईं यीशु कां मिन्नत की, "महरबानी केरतां असन उन सूरन मां भेज़ी दे ताके अस उन मां गाम!" तैखन यीशुए तैन्न, सूरन मां गानेरी अज़ाज़त दित्ती, त तैना भूतां तैस मैन्हु मरां निस्तां सूरन मां जेआं। तैखन सूरां केरो घान, ज़ैस मां लगभग दूई हज़ार सूर थिये, टिब्बे पुड़ेरां बिछ़ड़तां अकदम समुन्दरे मां डुबतां मेरि जे। ज़ैखन सूरां केरे च़ारनेबालेईं एन हेरू, त तैना डेरि जे। तैनेईं तैट्ठां नेशतां नगरे मां त कने आसे पासेरे ड्लाव्वन मां ऐह खबर शुनाई। तैल्हेरेलेइ लोक एप्पू हेरनेरे लेई तैड़ी आए।
पन तुस ज़ोतथ कि अगर कोई मैन्हु अपने हाज बव्वे सेइं सिर्फ एन ज़ोए, त तैन बड़ू आहे कि, ‘मीं करां ज़ै किछ मद्दत तुसन मैल्ही सकती थी, तै पेइली बलिदान भोवरीए, यानी परमेशरे जो च़ढ़तल च़ाढ़ोरीए। एल्हेरेलेइ, अवं तुसन किछ न देइ सेखी।’ एरी शिक्षा देइतां तुस लोकन तैन केरे हाज बव्वां केरि किछ मद्दत केरने न देथ। एन्च़रां तुस अपनि परमपरा च़लानेरे लेई, परमेशरेरी गल्लां टेली छ़डतथ। एरी ज़ेरि तुस होरि भी बेड़ि गलत परमपरा मन्ते एवरेथ।"
मैन्हु ज़ुट्ठो केरनेबैली गल्लां।
तैखन यीशुए फिरी सारे लोक एप्पू कां कुजेइतां तैन सेइं ज़ोवं, "तुस सारे लोक, मेरी गल ध्याने सेइं शुना ते समझ़ा। एरी कोई चीज़ नईं ज़ै बेइरां मैन्हेरे अन्तर गेइतां तैस ज़ुट्ठो केरे। पन ज़ैना बुरी चीज़ां मैन्हेरे अन्तरां, यानी तैसेरे दिले मरां बेइर निस्चन, तैन्नां तैस ज़ुट्ठो केरचन।
गैर-यहूदी कौमरे कुआन्शरो विश्वास
तैल्ला पत्ती, यीशु तैट्ठां निस्तां सूर त सैदा नगरेरे आसे पासेरे इलाकेरे नेड़े अव। ते तैड़ी तै एक्की घरे मां जेव। ते तै चातो थियो कि कोई न ज़ैनी सके कि अवं इड़ी आईं। पन तै छ़ेप्पी न सको। तैड़ी अक कुआन्श थी, ज़ेसेरी निकड़ी कुइये पुड़ भूतेरो सायो थियो। तै यीशुएरे बारे मां शुन्तां अकदम तैड़ी आई ते तैसेरे पव्वन पुड़ पेई। त तै कुआन्श गैर कौमरी थी ते सुरूफिनिकी इलाकेरी थी। तैसां यीशु सेइं मिन्नत की कि, "मेरी कुइये पुड़ेरां भूतेरो सायो केढी देथ।" पन यीशुए तैस सेइं ज़ोवं, "पेइले बच्चन रज़ने दे, किजोकि बच्चां केरि रोट्टी नेइतां कुतरन जो देनी ठीक नईं!" तैसां जुवाब दित्तो, "सच़्च़े, प्रभु! पन कुतरां भी मेज़े हेठोरां बच्चां केरि रोट्टन मरां बिछ़ड़ोरे टुक्ड़े खातन।" तैखन यीशुए तैस सेइं ज़ोवं, "मीं पुड़ तीं एत्रो विश्वास रखोरोए, एल्हेरेलेइ तू आरामे सेइं घरे जो गा। तेरी कुइये मरां भूतेरो सायो निस्सी जेवरोए।" तैसां कुआन्शां तैट्ठां अपने घरे वापस एइतां हेरू कि कुई खट्टी पुड़ आरामे सेइं झ़ुल्लोरी थी, त भूतेरो सायो तैस मरां निस्सी जोरो थियो।
मैन्हु केरि भीड़ी मरां एक्की मैन्हे यीशु जुवाब दित्तो, "हे उस्ताद, मीं अपनु मट्ठू तीं कां आनेरू थियूं, ताके तैन ठीक भोए। किजोकि तैस पुड़ भूतेरो सायो आहे, ते तैस गल केरने न दे। कोन्ची भी ठैरी तैन भूत मेरे मट्ठे ट्लाते, ते ज़मीनी पुड़ बिछ़ोड़ते। तैखन तैसेरे ऐशी मरां शैम्फ एइतीए ते तैन दंत कटते ते ठठमुकर भोइ गाते। मीं तेरे चेलन सेइं ज़ोवरू थियूं कि, ‘मेरे मट्ठे पुड़ेरां भूतेरो सायो केढी देथ।’ पन तैना केढी न सके!" एन गल्लां शुन्तां यीशुए तैन जुवाब दित्तो, "हे गैर विश्वासी मैन्हव! अवं केइस तगर तुसन सेइं साथी रालो? त केइस तगर अवं तुश्शो अविश्वास झ़ैल्लेलो? तैस मट्ठे मीं कां आनां!" तैखन तैनेईं तैन मट्ठू यीशु कां आनू। ज़ैखन तैनी भूते यीशु लाव, त तैनी अकदम तैन मट्ठू मरोड़ू, ते मट्ठू तल्ले बिछ़ड़ू। ते तैसेरी ऐशी मरां शैम्फ निसने लग्गी त तैन ड्लेडने लग्गू।
यीशुए तैसेरे बाजी पुछ़ू, "एसेरी ऐह हालत केइसेरी देंती आहे?" तैसेरे बाजे ज़ोवं, "बचपनेरी देंती। एस मारनेरे लेई एन भूत बड़े बार कधी अग्गी मां ते कधी पैनी मां बिछ़ोड़तू रहते, पन अगर तू किछ केरि सकतस, त असन पुड़ तरस खेइतां इश्शी मद्दत केर!" यीशुए तैस मट्ठेरे बाजी सेइं ज़ोवं, "तू ऐह को गल केरतस! अगर तू विश्वास केरस, त एन भोइ सकते। किजोकि मीं पुड़ विश्वास केरनेबालां केरे लेई सब किछ भोइ सकते।" तैस मट्ठेरे बाजे अकदम ज़ोरे सेइं लेरां देइतां ज़ोवं, "हे प्रभु, अवं विश्वास केरतईं, मेरी मद्दत केर कि अवं शक न केरि।"
ज़ैखन यीशुए हेरू कि बड़े लोक दौड़तां अकोट्ठे भोने लग्गोरेन, त तैनी भूत एन ज़ोइतां डांटू, "हे भूता, ज़ै एस मट्ठे टोव्नू त लट्टू बनातस। अवं तीं हुक्म देताईं, एस मट्ठे मरां निस्सी गा, ते एसमां फिरी कधी भी न एज्जां!" तैखन तैनी भूते चिन्डां मारी त तैन मट्ठू मरोड़ू, फिरी तैन तैस मट्ठे मरां निस्सी जेव। त मट्ठू मर्रू ज़ेरू भोइ ज़ोवं, इड़ी तगर कि बड़े लोक ज़ोने लग्गे कि मट्ठू मेरि ज़ोवं। पन यीशुए मट्ठेरो हथ ट्लेइतां खड़ू कियूं। ते मट्ठू ठीक भोइतां खड़ू भोवं।
यीशु पतरसेरी शिखी ते होरे लोकन बझ़ाते
फिरी तै प्राथना घरे मरां उट्ठतां शमौनेरे घरे जेव ते शमौनेरी शिखी बड़ो भुखार थियो, ते लोकेईं तैसारे बारे मां यीशु सेइं ज़ोवं। तै खड़ो भोइतां तैसारे पासे फिरो ते बिमारी झ़िड़की, ते तैसारो सारो भुखार उतरी जेव ते तै खड़ी भोइ, ते तैन केरि सेवा केरने लगी।
ज़ैखन तै बन्ने पुड़ ओस्सो, त तैस नगरेरो अक मैन्हु मैल्हो ज़ैस पुड़ भूतां केरो सायो थियो, ते तै बड़े दिहाड़े केरो देंतो न लिगड़ां लातो ते न घरे रहतो थियो, बल्के कब्रन मां रहतो थियो। तैनी मैन्हे यीशु लाव ते चिन्डां लगो मारने, ते तैसेरे सामने झुकतां ज़ोरे सेइं ज़ोने लगो, "हे यीशु परमप्रधान परमेशरेरा मट्ठां! तीं मीं सेइं कुन कम्मे? अवं तीं कां मिन्नत केरताईं मीं दुख न दे।" किजोकि यीशु तैस भूते तैस मैन्हु मरां निसनेरो हुक्म देने लगोरो थियो, एल्हेरेलेइ तै बड़े बुरे तरीके सेइं ट्लेइतां रखोरो थियो, ते लोक तैस कैबू केरनेरे लेई अग्री भी रस्सन ते शंगलन सेइं बेन्धतां रखते थिये, ते तै तैन भी ट्लोड़तो थियो, ते भूत तैस मैन्हु जंगले मां नेतू थियूं। यीशुए तैस पुछ़ू, "तेरू कुन नवं आहे?" तैनी ज़ोवं "मेरू नवं फौज आहे," किजोकि तैस मां बड़ां भूतां थियां। ते तैनेईं तैस कां मिन्नत की, "असन अथाह कुण्डे मां गानेरो हुक्म न दे।" तैड़ी पहैड़ी पुड़ अक सूरां केरो बड़ो घान थियो, ते तैनेईं तैस कां मिन्नत की, "असन एन मां गाने दे ते यीशुए गाने दित्तां।" ते तैना भूतां तैस मैन्हु मरां निस्तां तैन सूरन मां च़ेलि जेआं, ते सूरां केरो सारो घान उतरैई उन्ढे छालां मैरतां समुन्दरे मां डुबतां मेरि जेव।
सूरां केरे च़ारने बाले एन हेरतां नेश्शी जे, ते नगरे मां ते ड्लाव्वन मां एस गल्लरी खबर शुनाई। लोक तै तमाशो हेरने आए, ते यीशु कां ज़ैस मैन्हु मरां भूतां केरि फौजरो सैयो निस्सोरो थियो, तैनी लिगड़ां लां ते होशी मां एइतां यीशु कां बिशोरो लाव ते डेरि जे।
"अवं तुसन सेइं सच़ ज़ोताईं कि ज़ैना इड़ी खड़े आन, तैन मरां किछ मैन्हु एरे आन कि ज़ांतगर तैना परमेशरेरे राज़्ज़ेरी शक्ति न हेरेले, तांतगर तैना न मरेले।"
यीशुएरू रूप बेदलोनू
एन गल्लां केरे लगभग अठ दिहाड़ना बाद पतरस, ते यूहन्ना ते याकूब साथी नेइतां एक्की पहाड़े पुड़ प्राथना केरने च़ले जे। ते ज़ैखन यीशु प्राथना लगोरो थियो केरने, त तैसेरी शकल बेदलोई जेई, ते तैसेरां लिगड़ां लौअरां ज़ेरां चमकने लगो। ते हेरा, मूसा, ते एलिय्याह, इन्ना दूई मड़द तैस सेइं गल्लां केरने लग्गे। इन्ना महिमा सेइं साथी लेइहोए, ते तैसेरे मरनेरी गलबात केरने लगोरे थिये, ज़ैन किछ यरूशलेम नगरे मां भोनेबालू थियूं।
पन पतरस ते तैसेरे सैथी केरि एछ़्छ़ी निड्ली सेइं गिरकी भोवरी थी, ज़ैखन तैना बींझ़े, त तैनेईं तैसेरी महिमा ते तैना दूई मड़द भी लाहे, ज़ैना तैस सेइं साथी खड़े थिये। ज़ैखन तैना तैस करां च़ले, त पतरसे यीशु सेइं ज़ोवं, "हे गुरू, इश्शू इड़ी रानू रोड़ूए, कि असां ट्लाई डेरे बनाम, अक तेरे लेई, ते अक मूसेरे लेई, ते एलिय्याहेरे लेई।" तैस पतो न थियो, कि तै कुन लगोरो ज़ोने।
ते हेरा, एक्की मैन्हे तैन लोकन मरां बड़े ज़ोरे सेइं हक देइतां ज़ोवं, "हे गुरू अवं तीं कां ज़ोवले हथ केरतां कि मेरे मट्ठे पुड़ दया केर; तैन मेरू अक्के मट्ठूए। ते हेर, अक भूत तैस अपने कब्ज़े मां केरते, ते तैन अकदम चिन्डां मारते, ते कम्बने लगते, ते तैसेरे ऐशेरां शैम्फ निसचे, ते भूत तैस बड़े बुरे तरीके सेइं ज़खमी केरतां शारते। ते मीं तेरे चेलन कां बिनती कियोरी थी, कि तैस कढन, पन तैना न केढी सके।" यीशुए जुवाब दित्तो, "हे विश्वास न केरने बालाव ते ढीठ लोकव, अवं केइस तगर तुसन सेइं साथी रेइलो ते तुश्शी झ़ैल्लेलो? अपने मट्ठे इड़ी आन।" तै मसां एवरो थियो, त भूते तैन मट्ठू मुरोड़तां शारू, पन यीशुए भूत झ़िड़कतां कढू, ते तैन मट्ठू बज़्झ़ेइतां तैसेरे बाजेरे हवाले कियूं।
अपने मौतरे बारे मां यीशु दूइयोवं बार ज़ोते
ते सब लोक परमेशरेरी बेड़ि कुदरती हेरतां हैरान रेइजे, ते ज़ैखन सब लोक तैन कम्मां ज़ैन यीशु केरतो थियो हैरान रहते थिये। त तैनी अपने चेलन सेइं ज़ोवं।
यीशु ते शैतान
फिरी तैनी एक्की लट्टे मरां भूतेरो सैयो कढो, ज़ैखन भूतेरो सैयो निस्सो, त तै लट्टो गल्लां लगो केरने, ते लोक हैरान रेइजे।
ते तैन मरां एक्के महायाजकेरे नौकरे पुड़ तलवारां च़लाई ते तैसेरो तैनी कन्न उड़ाव। पन यीशुए जुवाब दित्तो, "बस्सा बड़ू भोइ जेवं।" ते यीशुए तैसेरो कन्न तैखने हथ लेइतां बझ़ाव।
ज़ैखन यूहन्नारे बिस्तार देनेबाले लोक वापस च़ले जे, त यीशु यूहन्नारे बारे मां गवाही देने लगो, "तुस जंगले मां कुन हेरने जेवरे थिये? कुन हवाई सेइं हिलते निरैठरे डाल? त फिरी तुस होरू कुन हेरने जेवरे थिये? कुन रोड़ां लग्गोरां लिगड़न बालो मैन्हु? हेरा, ज़ैना मगां लिगड़ां लाने बाले मैन्हु, ते ज़ैना एश केरनेबाले लोक भोतन। तैना राज़ मेहलन मां रहतन, त फिरी तुस होरू कुन हेरने जेवरे थिये? कुन कोई नबी? हाँ, अवं तुसन सेइं ज़ोताईं, नेबी करां बड्डे। ऐह तैए, ज़ेसेरे बारे मां लिखेरूए,
‘हेर, अवं अपनो बिस्तार देनेबालो तीं अग्री-अग्री भेज़ताईं, ज़ै तेरी बत अग्रोवं तियार केरेलो।’ "
यीशुए ज़ोवं, "अवं तुसन सेइं सच़ ज़ोताईं, कि ज़ै कुआन्शन करां ज़र्मोरोए, तैन मां यूहन्ना बपतिस्मो देनेबाले करां बड्डो कोई नईं। पन ज़ै परमेशरेरे राज़्ज़े मां निकड़ोए, तै यूहन्ना करां बड्डोए।" ज़ैखन तैन लोकेईं एन गल्लां शुनी त धड़त नेनेबालेईं भी यूहन्ना बपतिस्मो देनेबाले करां बपतिस्मो नेइतां परमेशर धर्मी मन्नो। पन फरीसी लोकेईं ते शास्त्री लोकेईं तैस करां बपतिस्मो न नेइतां परमेशरेरी मर्ज़ी अपने बारे मां टाली।