Milagres
Os milagres manifestam o poder soberano de Deus. Desde a criação até os sinais de Jesus e dos apóstolos, Deus intervém sobrenaturalmente na história para revelar sua glória e amor.
O Deus dos milagres
Para Deus nada é impossível. Ele abriu o mar, fez cair fogo do céu e ressuscitou mortos. Seu poder não tem limites.
यीशुए तैन केरे पासे तेकतां ज़ोवं, "मैन्हन करां त एन न भोइ सके पन परमेशरे करां सब किछ भोइ बटते।"
यीशुए तैन केरे पासे तेकतां ज़ोवं, "मैन्हन करां त एन न भोइ सके पन परमेशरे करां सब किछ भोइ बटते।"
किजोकि परमेशरेरे लेई किछ भी नामुमकिन नईं।"
"अवं त सेभी इन्सानां केरो परमेशर यहोवा आईं; कुन मेरे लेई कोई भी कम मुश्किले?
तैखन मूसे अपनो हथ समुद्रेरे पासे रख्खो, ते यहोवाए सैरी राती पूर्वेरे पासेरां बड़ो बात च़लाव, ते समुद्रेरे दूई हिस्से केरतां पानी एन्च़रे अलग कियूं, ते मझ़मेइं शुक्कोरी ज़मीन भोइ जेई। तैखन इस्राएली समुन्दरे मझ़मेइं शुक्कोरी ज़मीनी पुड़ च़ेलतां निस्सी जे ते पानी तैन केरे देइने ते बांए पासे दिवारारू ज़ेरू खड़ू थियूं।
अवं यहोवारे बड्डां कम्मां केरि चर्चा केरेलो;
ते अवं तेरे चमत्कार याद केरेलो ज़ैना तीं बीतोरे वक्ते मां किये।
अवं तेरे सब कम्मन पुड़ ध्यान केरेलो,
ते तेरे बड़े कम्मन सोचेलो।
तूए चमत्कार केरनेबालो परमेशरस,
तींए कौमां केरे दरमियाने मां अपनि शक्ति बांदी कियोरीए।
Milagres pela fé
Se tiverdes fé como um grão de mostarda, movereis montanhas. A fé é a chave que acessa o poder miraculoso de Deus.
तैनी तैन सेइं ज़ोवं, "अपने घट विश्वासेरे वजाई सेइं, अवं तुसन सेइं सच़ ज़ोताईं, अगर तुश्शो विश्वास शेरीएरे गलेवे ज़ेत्रो भी भोए, त तुस उस पहाड़े जो ज़ोले कि, ‘इट्ठां निस्तां उड़ी गा,’ त तैन गालू, ते तुश्शे लेई कोई भी गल असुखती न भोल्ही।
यीशुए जुवाब दित्तो, "अवं तुसन सेइं सच़ ज़ोताईं कि अगर तुस विश्वास रखथ, ते शक न केरथ, ज़ैन फैगेरे बुट्टे सेइं भोवं तैन तुस भी केरि सकतथ, बल्के उस पहाड़े जो ज़ोले कि इट्ठां उखड़तां समुन्दरे मां गा, त तैन्ने भोल्हु।"
यीशुए तैस मट्ठेरे बाजी सेइं ज़ोवं, "तू ऐह को गल केरतस! अगर तू विश्वास केरस, त एन भोइ सकते। किजोकि मीं पुड़ विश्वास केरनेबालां केरे लेई सब किछ भोइ सकते।"
यीशुए तैन केरे पासे तेकतां ज़ोवं, "मैन्हु अपने आपे न बच़ेइ सकन, यानी मुक्ति हासिल न केरि सकन, पन परमेशर एन केरि सकते, किजोकि परमेशर सब किछ केरि सकते।"
यीशुए जुवाब दित्तो, "मैन्हन करां त एन न भोइ सके पन परमेशरे करां सब किछ भोइ बटते।"
ते तैने तैड़ी तैन केरे विश्वास न केरनेरे वजाई सेइं जादे चमत्कार न हिराए।
Sinais e prodígios
Os apóstolos realizaram sinais e maravilhas em nome de Jesus. Os dons do Espírito incluem a operação de milagres e a fé sobrenatural.
"हे इस्राएलेरे लोकव, इना गल्लां शुना, यीशु नासरत नगरेरो अक मैन्हु थियो, ज़ै परमेशर तुश्शे लेई भेज़ोरो थियो, ते एस गल्लरी तसदीक तैसेरे खास चमत्कारां केरे सबूतेईं सेइं भोचे, ज़ैना परमेशरे तैसेरे ज़िरिये सेइं इश्शे सामने हिरां, ज़ेन्च़रे कि तुस एप्पू भी ज़ानतथ।
ते ज़ैखन तैनेईं प्राथना की, त ज़ैस ठैरी तैना अकोट्ठे जम्हां थिये, त तै ठार हिल्ली, ते तैना सब पवित्र आत्माई सेइं भेरोए, ते परमेशरेरू बच्चन बेड़ि दिलेरी सेइं शुनाने लगे।
ते परमेशर पौलुसेरे ज़िरिये सेइं बडां-बडां कम्मां ते चमत्कार हिरातो थियो। एड़ी तगर कि पौलुस ज़ैस रूमाले सेइं या फटके सेइं हथ लातो थियो, त तैना बिमारन पुड़ छ़डते थिये, त तैना बिमार बेज़्झ़ोते थिये, ते अगर तैन पुड़ भूतां केरो सैयो भोतो थियो, त तैना लोक ठीक भोते थिये।
मीं रोड़े प्रेरितेरी पिशान भी तुश्शे दरमियान हर किसमेरे सबर साथी ते निशान ते बड्डां-बड्डां कम्मां, ते चमत्कारेरां कम्मां हिरां।
मसीहेरी जानी मां यानी कलीसियाई मां, परमेशरे असन अलग-अलग कम केरने जो दित्तोरूए, पेइले प्रेरित, दूइयोवं नबी, ट्लेइयोवं शिक्षा देनेबाले, फिरी तैना, ज़ैन चमत्कार केरनेरो अधिकार दित्तोरोए। फिरी तैनी तैना ज़ैन बझ़ानेरो अधिकार दित्तोरोए, ते तैना ज़ैन होरि केरि मद्दत केरनेरी काबलीत दित्तोरोए, ज़ैना प्रधान्न, तैना ज़ैन पवित्र आत्मारे तरफां अलग-अलग किसमां केरि भाषां ज़ोनेरी काबलीत मैल्ही।
किजोकि परमेशरेरे आत्मारे ज़िरिये एक्की मैन्हु समझ़दैरारो सन्देश शुनानेरी काबलीत दित्तोरीए, ते होरि मैन्हु तैस्से आत्मारे ज़िरिये सेइं ज्ञानेरो सन्देश शुनानेरी काबलीत दित्तोरीए। तैए आत्मा एक्की मैन्हु मसीह पुड़ मज़बूती सेइं विश्वास केरनेरी काबलीत देते, ते तैए होरि मैन्हु, बिमार लोकन बझ़ानेरी काबलीत देते। आत्मा एक्की मैन्हु चमत्कारेरां कम्मां केरनेरी शक्ति देते, ते होरि परमेशरेरो सन्देश शुनानेरू वरदान, ते कोन्ची आत्मां केरि परख, ते कोन्ची मैन्हु बड़े किसमां केरि भाषां ज़ोनेरी काबलीत दित्ती, ज़ैना तैने नईं पेढ़ोरी, ते होरि मैन्हु तैन भाषां केरो मतलब समझ़नेरी काबलीत दित्ती, ज़ैना तैनेईं नईं पेढ़ोरी।
पन यीशुए जुवाब दित्तो, "तैस न ठाका, किजोकि अगर कोई मेरू नवं घिन्तां चमत्कारेरां कम्मां केरे, त तै मेरे बारे मां लूशी बुरी गल्लां न ज़ोए। किजोकि ज़ैना इश्शे खलाफ कम न केरन, तैना इश्शे पासेन।
Milagres de cura e provisão
A oração da fé salvará o enfermo. Deus provê, cura e intervém quando clamamos a Ele com fé genuína.
ते विश्वासेरी प्राथनाई सेइं रोगी बच़ेलो ते प्रभु तैस बझ़ालो, ते अगर तैने पाप कियोरे भोल्हे त परमेशर तैस माफ़ केरेलो। एल्हेरेलेइ तुस एक्की होरेरे सामने अपने-अपने पाप मन्ना, ते एक्की होरेरे लेई प्राथना केरा, ज़ैस सेइं तुस बेझ़ोथ, धर्मी मैन्हेरे प्राथनारे अस्सरे सेइं बड़ू किछ भोइ बटते।
एलिय्याह भी इश्शो ज़ेरो दुख सुख झ़ैल्लने बालो मैन्हु थियो, तैने दिले सेइं प्राथना की, कि झ़ैड़ी न भोए, ते सड़े ट्लाई साल झ़ैड़ी न भोइ। फिरी तैने प्राथना की, त अम्बरेरां झ़ैड़ी भोइ, ते धेरती पुड़ फसल भोइ।
तैखन तैनी तैना पंच़ रोट्टी ते दूई मेछ़ली नी, ते अम्बरेरां तेकतां शुक्र कियूं, फिरी तैनी तैना रोट्टी ट्लोड़ी ते चेलन कां दित्ती, कि तैन बिशालोरे लोकन खांने जो देन। सारे मैन्हु खेइतां रेज़्ज़ी जे। तैल्ला पत्ती, यीशुएरे चेलेईं बच़ोरे टुक्ड़न सेइं 12 टोकरी भेरि।
आरामेरे दिहैड़ी कुबड़ी कुआन्श बझ़ानी
एक्की आरामेरे दिहाड़े यीशु प्राथना घरे मां शिक्षा देने लगोरो थियो। हेरा, तैड़ी अक कुआन्श थी ज़ै अठारे सालां केरि देंती भूतेरे सैइयेरे वजाई सेइं कुबड़ी भोवरी थी। तै सिद्धी न थी भोइ बटती। यीशुए तै कुबड़ी कुआन्श लाही त एप्पू कां कुजाई ते ज़ोवं, "हे कुआन्श, तू अपनि तकलीफी करां छुटी जेई।" ते यीशुए तैस कुआन्शी पुड़ हथ रख्खे ते तै लूशी बेझ़ोइं ते परमेशरेरी तारीफ़ केरने लगी। पन प्राथना घरेरो प्रधान यीशु पुड़ नराज़ भोव कि, एनी ऐह कुआन्श, आरामेरे दिहाड़े किजो बझ़ाई ते ज़ोने लगो, "हफते मां शा दिहाड़े कम काज़ केरनेरे लेई आन, ते तैन्ने मां कोई बझ़ावरो भी लोड़चे, ते आरामेरी दिहैड़ी न।" प्रभु यीशुए तैस जुवाब दित्तो, "हे पाखंडी लोकव कुन तुस आरामेरी दिहाड़ी अपने दांत या गधे खोलतां तैन पानी पियाने न नेथ? त कुन एन रोड़ू न भोवं कि ज़ै कुआन्श बेज़्झ़ोइ तै अब्राहमेरे खानदाने मरांए, ज़ै अठारे सालां केरि देंती शैताने गुलैमी मां रख्खोरी थी त आरामेरे दिहाड़े ए कुआन्श छुटानी न थी?" ज़ैखन यीशुए एना गल्लां ज़ोई त तैसेरे खलाफ ज़ोने बाले सेब्भी केरि बेइज़ती भोइ, ते सारे लोक यीशुए ज़ैना महिमारां कम्मां अपने हथेइं कियोरां थियां खुशी मनाने लगे।
गलील इलाकेरे काना नगरे मां यीशुए पेइलो चमत्कार कियो। एन केरतां तैनी अपनि महिमा बांदी की, त तैसेरे चेलेईं तैस पुड़ (होरो भी जादे) विश्वास कियो कि तै मसीह आहे।
तैखन तै चमत्कार ज़ै तैनी कियोरो थियो लोक हेरतां ज़ोने लगे, "तै नबी ज़ै दुनियाई मां एजनेबालो थियो सच़्च़े ईए।"
यीशुए तैस जो ज़ोवं, "तीं लेहितां तीं मीं पुड़ विश्वास कियो, धन तैना ज़ैना बगैर लहने मीं पुड़ विश्वास केरन।"
इस किताबरो मकसद
यीशुए अपने चेलां केरे सामने होरे भी बड़े चमत्कार कियोरे थिये, ज़ैना इस किताबी मां नईं लिखोरे। पन ज़ैना लिखोरन, एल्हेरेलेइ लिखोरेन, कि तुस विश्वास केरथ, कि यीशु परमेशरेरू मट्ठू, मसीहे, ते विश्वास केरतां तैसेरे नंव्वे सेइं हमेशारी ज़िन्दगी हासिल केरथ।
तैखन तै होरो चेलो भी ज़ै कब्री पुड़ पेइलो पुज़ोरो थियूं अन्तर जेव तैस भी लेहितां याकीन भोवं। किजोकि तैनेईं पवित्रशास्त्रेरी ऐह गल न थी समझ़ोरी ज़ेसेरे बारे मां यीशुएरू मुड़दन मरां ज़ींतू भोनू ज़रूरी थियूं।
Discernimento nos sinais
A Bíblia alerta contra falsos milagres e sinais enganosos. Devemos provar os espíritos e não seguir sinais que desviam de Deus.
झूठे नबी
"अगर तेरे दरमियाने मां कोई नबी या सुपनु हेरने बालो बांदो भोइतां तीं कोई निशान या चमत्कार हिराए, ते ज़ै निशान या चमत्कारे सबूत ठहरेइतां तै तीं सेइं ज़ोए, ‘एज्जा अस बखले देबतन पत्ती गेइतां तैन केरि पूज़ा केरम, ज़ैन करां तुस हुन्ना तगर अनज़ान राए,’ तैखन तुस तैस नेबी या सुपनु हेरने बालेरे वचन पुड़ कधी ध्यान न देइयथ; किजोकि तुश्शो परमेशर यहोवा तुश्शी अज़मैइश केरनेरे लेई तैस इस्तेमाल केरेलो, ज़ैस सेइं ई पतो लग्गे, कि इनां मीं सेइं अपने सारे मन ते सारे प्राणे सेइं प्यार केरतन या नईं? तुस अपने परमेशर यहोवाए पत्ती च़ेलथ, ते तैसेरो डर मेन्नथ, ते तैसेरे हुक्मन पुड़ च़ेलथ, ते तैसेरू वचन मेन्नथ, ते तैसेरी सेवा केरथ, ते तैस सेइं लिपटोरे रेइयथ।
एसेरां पत्ती मीं ट्लाई भूतां मैंडू केरे रूपे मां लआं। अक अजगरेरे ऐशी मरां निस्सू, ते अक पेइले हैवानेरे ऐशी मरां निस्सू, ते अक दूइयोवं हैवानेरे ऐशी मरां निस्सू, ज़ै जो झूठो सन्देश ज़ोते। इन भूतन कां चमत्कार केरनेरी काबलीत थी ते तैना दुनियारे सारे मुल्खां केरे राज़ केरनेबालन अकोट्ठे केरने च़ले ताके तैना सर्वशक्तिमान परमेशरे सेइं लड़न, ई तै दिहाड़ीए ज़ेइस परमेशर भूतन नाश केरेलो ते अपने लोकन मुक्ति देलो।
आसमानी निशानेरी मांग
इस पुड़ किछ शास्त्री ते फरीसी लोकेईं तैस सेइं ज़ोवं, "हे गुरू अस तीं करां कोई निशान हेरनो चातम।" तैनी तैन जुवाब दित्तो, "इस ज़मानेरे बुरे ते बदमाश लोक निशान हेरनो चातन, पन तैन योना नेबेरे निशानेरे अलावा होरो कोई निशान न दित्तो गालो। ज़ेन्च़रे योना नबी ट्लाई दिहाड़े ते ट्लाई रातन मेछ़लरे पेटे मां राव, तेन्च़रे मैन्हेरू मट्ठू यानी अवं भी ट्लाई दिहाड़े ते ट्लाई रातन ज़मीनी मां रालो।
अविश्वासे पुड़ अफ़सोस
तैखन यीशु फिरी तैन नगरन मां गेइतां तैट्ठेरे लोकन झ़िड़कतां ज़ोने लगो, ज़ैन मां तैनी चमत्कार कियोरे थी, पन तैनेईं अपने पापन करां मन न फिराव। "हे खुराजीन नगरेरे लोकव! तुसन पुड़ अफ़सोस, हे बैतसैदा नगरेरे लोकव तुसन पुड़ अफ़सोस, कि ज़ैना चमत्कार तुसन मां किये, अगर एना चमत्कार सूर ते सैदा नगरन मां कियोरे भोथे, त तैन लोकेईं केइसेरे देंतेरी टाट पलेटतां ते मांज़नी मां बिशतां अपने पापन करां मन फिरावरो भोथो। पन अवं तुसन सेइं ज़ोताईं, कि न्यायेरे दिहाड़े परमेशर, ज़ै सज़ा सूर ते सैदा नगरां केरे लोकन देलो, तुश्शी सज़ा तैस करां भी जादे भोल्ही। ते हे कफरनहूम नगरेरे लोकव, कुन तुस सोचतथ कि सुर्गे मां तुश्शी आदर भोनीए! नईं तुस त नरके गाले ज़ैड़ी पापी लोकन सज़ा मैल्हेली! किजोकि ज़ैना चमत्कार तुसन मां किये, अगर मीं एना सदोम नगरे मां कियोरे भोथे त सदोम नगर अज़ तगर भी भोनू थियूं। पन अवं तुसन ज़ोतां कि न्यायेरे दिहाड़े परमेशर ज़ै सज़ा सदोम नगरेरे लोकन देलो, तुश्शी सज़ा तैस करां भी जादे भोल्ही।"
A criação como milagre
O próprio corpo humano é milagre de Deus. Toda a criação testifica do poder e da sabedoria do Criador.
किजोकि तीं मेरे एंत्रीं अंग बनेवरेन;
तीं अवं अम्मरे पेटे मां बनाव।
अवं तेरू शुक्र केरेलो, एल्हेरेलेइ कि अवं भयानक ते अद्भुत तरीके सेइं बनाव जेवरोईं,
तेरां कम्मां त हैरान केरनेबालन,
ते अवं एन रोड़ेच़ारे ज़ानताईं।
ज़ींत देनेरे लेई शुक्र
हे यहोवा अवं पूरे दिले सेइं तेरू शुक्र केरेलो;
ते अवं तेरे सब चमत्कारेरे कम्मां केरे बारे मां ज़ोइलो।
एल्हेरेलेइ यहोवा एप्पु तुसन अक निशान देलो। शुना, अक कुवारी कुई दोज़ींती भोल्ही ते मट्ठू ज़ाली, ते तै तैस मट्ठेरू नवं इम्मानुएल रखेली, ज़ेसेरो मतलब परमेशर असन सेइं साथी आहे।
एन सब किछ एल्हेरेलेइ भोवं, कि ज़ैना वचन प्रभुए यशायाह नेबेरे ज़िरिये ज़ोवरे थिये पूरे भोए कि, "हेरा, अक अड्लाई कुई पेटे भारी भोल्ही, ते तैस अक मट्ठू भोल्हु, ते लोक तैस जो इम्मानुएल ज़ोले।" ज़ेसेरो मतलब ई आए, परमेशर असन सेइं साथी आए।
पन ज़ैखन तैनेईं यीशु समुन्दरेरे पैनी पुड़ च़लतो लाव, त तैनेईं सोचू कि तै भूत आहे। तैल्हेरेलेइ, तैनेईं चिन्डां मैरी, किजोकि तैना सारे तैस हेरतां बड़े डेरि जोरे थिये। पन तैनी अकदम तैन सेइं गल्लां की ते ज़ोवं, "हिम्मत रखा! अवं आईं। डरा न!"
पन यीशु एन शुन्तां जुवाब दित्तो, "न डर। सिर्फ मीं पुड़ विश्वास रख कुई बेंच़ी गानीए।"
ज़ैखन तैना यरूशलेम नगरे नेड़े पुज़्ज़े त ज़ैट्ठां बत ज़ैतून पहाड़े पुड़ेरां उन्ढी गातीए तैड़ी सारे चेलेईं एना चमत्कार हेरतां ते खुशी भोइतां परमेशरेरी तारीफ़ केरने लगे कि,
"धने तै राज़ो ज़ै परमेशरे नव्वें सेइं एइते!
ते सुर्गे मां महिमा ते अम्बरे मां शान्ति भोए।"
एना गल्लां ज़ोनेरां पत्ती यीशु तैन केरे सामने हेरते-हेरते परमेशरे तै सुर्गे जो नियो, ते बिदलारां तै तैन केरे एछ़्छ़न करां छ़ुपाव।
ते अवं तल्ले बिछ़ड़ी जेव, ते मीं अक आवाज़ शुनी, ज़ै मींजो ज़ोने लगोरी थी, हे शाऊल, हे शाऊल तू मीं किजो सतातस?
अठोवं आफत-टिट्टां केरू एजनू
फिरी यहोवाए मूसा सेइं ज़ोवं, "फ़िरौने कां गा, किजोकि मीएं तैसेरो ते तैसेरे नौकरां केरो मन एल्हेरेलेइ सखत कियोरोए, कि अवं अपने चमत्कार तैन केरे सामने हेरेईं, ते तुस लोक अपने मट्ठन ते पोट्लड़न सेइं एन गल्लां केरे बारे मां ज़ोथ, कि मीं यहोवाए मिस्री लोकन सेइं सखत सलूख केरतां केन्च़रे अपने चमत्कार हिराए, ताके तुसन पतो लग्गे कि अवं यहोवा आईं।"