Milagres

26 Nambo Ayesu akabhalolanga, akabhalobholelanga, "Chikubho hecho ngakomboleka kwa bhandu, nambo kwa Annoongo goa gatenda komboleka."

26 Nambo Ayesu akabhalolanga, akabhalobholelanga, "Chikubho hecho ngakomboleka kwa bhandu, nambo kwa Annoongo goa gatenda komboleka."

37 Kwa maana chaakwa chilebhe changakomboleka kwa Annoongo."

20 Ayesu bhakaajangula, "Kwa kubhehe kuhobhalela kwinu kuchoko. Nannobholelanga kweli, handa nhobhalilinge hata kachoko handa mbeju ja haladali, mpakombola kulilobholela litombi helyelye, ‘Libhoke pamba lijabhule papala,’ na lyenelo lipakujabhula. Chaakwa choachela changakomboleka kwaachinu.

21 Ayesu akaajangulanga, "kweli ndendakunnobholelanga, handa nkahobhalilinge pangali kubhee na lipamba, ngabha kubhee mpakombolanga kutenda tu genigala gagatendikike kwa gongo ntini, nambo hata nkalilobholela litombi, ‘Nchitupule nkachijee mu bahali,’ na lyene lipakutendeka.

23 Ayesu bhakaalobholela, "Handa nkombwile! Goha gakomboleka kwa bhoabhala bhabhahobhalela."

27 Ayesu bhakaapia miho, bhakaalobholelanga, "Kwa amundu heche chilebhe ngakomboleka, nambo kwa Annoongo ngabha, ligongo goha kwa Annoongo gatendakomboleka."

27 Ayesu bhakajaangula, "Gangakomboleka kwa bhandu, kwa Annoongo gatendakomboleka."

58 Henela, bhangatenda yakangachika hijingi penipala ligongo lya kwangahobhalela kwabhe.

22 "Bhandu bha ku Isilaeli, nnyoanikiange malobhe gangani! Ayesu bha ku Nazaleti akibha mundu yakubhehe mamulaka gabhe ga chinnoongo gakalangikwa kwinunji kwa kutenda yakangachika, hikangachiko na hilolelo Annoongo hibhakatenda pakati jinunji kwa ndela jabhe, handa chimmanyanga.

31 Pabhakajomolanga kujopa, penipala pabhakibhanga bhakongininge pakapukunyika, nabhena bhoha bhakalongolelwa na Mboomo ja Annoongo. Bhoa bhakajemekanga kutangachanga Lilobhe lya Annoongo pangali bhoga.

Bhana bha Asikewa bhajiga kugabhenga mahoka

11 Annoongo akatenda yakangachika hijingi kupetela Apaulo. 12 Bhandu bhakatolanga ngobho na hitambaa hiikabhoka payeega mwa Apaulo akaipelekanga kwa akatamwa, nabhena bhakalamiwanga hitamwa yabhenji, na bhenibhala bhabhakibhanga na mahoka gakaabhokanga bhena bhandu.

28 Mu chibhoga cha bhandu chichahobhalela Akilisito, Annoongo abhekite kila chilebhe pakwe, bhakajemekanga akaandundame kabhele akabheka akaalondohi bhabhe, kabhele akabheka bhabhajigana, ngapena akabheka bhenibhala bhabhakweti ngwahupa ya kutenda yakangachika, kulamia bhandu na kujangatila, akachilongola na bhabhakombolanga kulongela hilongelo higeni.

8 Mboomo kumpekea jumo lilobhe lya malango, jongi lilobhe lya umanyo kwa Mboomo jojojo. 9 Mboomo jojojo kumpekea jumo uwecho nkolongwa gwa kuhobhalela, na atendakumpekea jongi ngwahupa cha kulamia. 10 Jongi atendakumpekea ngwahupa cha kutenda yakangachika, jongi ngwahupa ja kutangacha ngani ja Annoongo, jongi ngwahupa ja kulekania ngwahupa hiibhoka kwa Annoongo au ngabha, jongi atenda kumpekea ngwahupa ja kulongela chilongelo chigeni, na jongi ngwahupa ja kuhatambula yene higeni.

39 Nambo Ayesu akalobhola, "Nkotokunkanikia, maana bhakwa amundu bhabhatenda yakangachika kwa lihina lyangu, ngapena kombola kulongela gangalimmbone nnani jangu. 40 Ayesu bhakaalobholelanga nkotokwahibhila amundu habha chibhatenda. Kwakubhee amundu bhaobhala bhangatukaana twenga, bhabhii pamo na twenga.

16 Ngapena Ayesu bhakatola yeniyela mikate nhano na homba hibhele, bhakalola Kunani kulihunde, bhakaachukulu na kwaalumbalila Annoongo na bhena bhakajimetula ngapena bhakaapekeanga bhanapunji ili bhaapekeange bhandu. 17 Bhandu bhoha bhakalyehe, bhakajukutanga. Na bhenibhala akaandundame bhakakumbanga mbakatika ya hiikahigalila, bhakatweleanga hikapu komi na hibhele.

Ayesu bhatenda kwaalamiha haikege bhamo lichobha lya kupomolela

10 Lichobha limo Ayesu bhatendita kujigana mu Nyuumba ja konganilana Bhayahudi lichobha lya kupomolela. 11 Mu Nyuumba jenejo kukibha na mwikege jumo bhabhakatamikwa na mahoka kwa yaaka komi na nane, ng’ongo gwabhe kugapenda na bhakalepela kujema gwema. 12 Ayesu pabhakaabhona, bhaakakema, na kwaalobholela, "Mwikege nnamite chitamwa chinu," 13 Ayesu bhakabheka mabhoko nnani jabhe, mala bhakajema gwema bhakajemeka kwalumbalila Annoongo. 14 Nambo akolo bha nnyumba ja konganilanga Bhayahudi bhakatumbala ligongo Ayesu bhatekwalamia bhena haikege lichobha lya kupomolela. Henela akolo bha nyuumba ja konganilanga Bhayahudi bhakaendelea kugulobholela nkutuli gwa bhandu, "Gabhi machobha chita mpalikwanga kutenda lihengo, mu machobha hago, nhikange nnamange, nambo nkotokuhikanga Lichobha lya Kupomolela." 15 Pena bahi Hangwana bhakaajangulanga, "Mwe mwangota akandendemundu! Bholi, kila jumo jwinu ngaajogolela ng’oombe jwabhe au liponda jwabhe kubhoka mu lichinga bhakaapelekwa kwaang’wea machi Lichobha lya Kupomolela? 16 Na hojojo mwikege, bha ubhelehi gwa Aibulahimu, Lichetani bhaatabhite kwa yaaka komi na nane yenjeni, yangapaalikwa kujogolekwa chitabho chenjeni Lichobha lya Kupomolela?" 17 Pabhakajomola kulobhola genago, akapwati bhabhe bhakaabhona honi nambo bhena bhangi bhoha bhakaahangalalanga ligongo lya hikubho yoha hiibhakaitenda.

11 Chenjeni nga chikibha chilolelo cha kujemeka chibhakatenda Ayesu konokwe ku chilambo cha ku Kana ja ku Galilaya, konokwe Ayesu akalangia ng’anyimo gwabhe na bhenibhala bhabhachijigana bhakanhobhalela.

14 Bhandu pabhakabhonanga chilolelo chenecho chibhakatenda Ayesu, bhakajemekanga kulongela, "Kweli jonjoni nga Alondohi bha Annoongo jwaahika pachilambo."

29 Ayesu akaalobholela, "Ntekuhobhalela ligongo ntekumona? Bhatekutendelwa gammbone na Annoongo, bhenibhala bhabhahobhalelanga pangali kumona!"

Ligongo lya kujandika chitabu heche

30 Ayesu akatenda hilolelo hijingi yengi nnongi ja bhabhachijigana bhabhe, nambo yangajandikwa muchitabu heche. 31 Nambo ngani heye hitekujandikwa ili mkombolange kuhobhalela yakubhee Ayesu nga Akilisito, Mwana jwa Annoongo na kwa kunhobhalela mmangange na umomi gwa machobha goa kwa kutama nkati jabhe.

8 Ngapena jonijola jwaachijigana jwakalongolela kuhika kumbako, hela hela akajingila nkati akabhona, akahobhalela. 9 Bhakibhanga tangu bhangahelewanga Majandiko ga Annoongo gagakalobhola kubhee Ayesu apaalikwa kuyoka.

Kupala kuibhona yakangachika

38 Kubhoka penapo bhabhajigana Malagilo ga Amusa na Mafalisayo bhakaalobholela Ayesu, "Bhannyigana, tupala kuibhona yakangachika kubhoka kwaachinu."

39 Nambo Ayesu bhakaajangula, "Chibhelei changaamanya Annoongo! Mpalanga hilolelo, nambo chibhelei heche ngapata hilolelo yoha yela nambo jeni jela hilolelo ya alondoi Ayona. 40 Handa henela Ayona chibhakatama machobha gatatu muhi na kilo mulutumbo lwa hoomba, nga chiipakubhee kwa bhena Mwana bha Amundu chibhapakutama pahi ja undopi kwa machobha gatatu muhi na kilo.

Hilambo ya bhandu bhangahobhalela

20 Kubhoka penapo, Ayesu akajemeka kwaalongelelanga mabohu bhandu bha hilambo yela, yakubhee pamo na kuitendela yakangachika hijingi, kwa kubhee bhandu bhabhe bhangapala kuleka mabohu gabhenji. 21 Akaalobholelanga, "Kulaga kupakubhee kwaachinu mwangota bhandu bha chilambo cha ku Kolasini! Kulaga kupakubhee kwa mwangota bhandu bha chilambo cha ku Betisaida! Kwa kubhee handa hikubho yakangachika hiikateendeka kwaachinu nga ikatendeka konikola ku chilambo cha Tilo na kuchilambo cha Sidoni, bhandu bhakwe bhakawala ngobho ja majunia, na kuchipakala lihu kulangia kubhee bhatenda kuleka mabohu gabhenji! 22 Nambo ndendakunnobholelanga, lichobha lya kuhukumulwa lipakubhee chindema muno kwa bhandu bha chilambo cha ku Tilo na chilambo cha ku Sidoni bhapakupatanga hukumulo ngolongwa kupeta mwangota. 23 Na mwangota, bhandu bha chilambo cha ku Kafalanaumu, bholi, bhapakuntuluanga mpaka kunani kwa Annoongo? Ngabha hopo, mpakutulukwa pahi mpaka kuwee. Hilebhe yakangachika hiikatendeka kwaachinu handa hikatendeka konokwe ku chilambo cha ku Sodoma, chilambo hecho chikabhee mpaka leleni! 24 Nambo nannobholela yakubhee, ipakubhee chindema muno kwachinu bhandu bha chilambo cha ku Sodoma kulaga mu lichobha lya kuhukumulwa kupeta mwenga!"

22 Bahi, genego goha gapitila ili likweele lyela lilobhe lya Hangwana lilikalongelwa kwa ndela ja alondohi bha Annoongo kubhee, 23 "Mwaali jwangaamanya analome apakola chitumbo na apakubheleka mwana mwanalome, na bhenebho bhandu bhapakwaakema liina Aemanueli" Maana gakwe, "Annoongo pamo na tweenga"

49 Pabhakammonanga bhabhikujenda nnani ja machi, bhakaganikianga nga lihimwi, "Bhakapotanga nyenye," 50 kwakubhee bhoa pabhakammonanga bhakajogopanga, kachoko Ayesu bhakaalobholelanga nabho, "Nkotokange, nkotokujogopanga nga nenga!"

50 Nambo Ayesu pabhakajoha genago bhakaalobholela Ayailo, "Nkotokujogopa, nhobhalele tu, na bhenabho bhapakulama."

37 Pabhakahika kubhandikila ku Yelusalemu, pa kujemeka chielelo cha litombi lya Mizeituni, nkutuli goha gwa bhanapunji bhabhe bhakajemeka kwaalumbalila Annoongo kwa kuhangalala kwa lilobhe likolongwa ligongo lya yakangachika hibhaibhonitinge. 38 Bhakalobholanga, "Bhatendelwa gammbone Akola bhabhahika kwa lihina lya Hangwana! Amani kunani kulihunde kwa Annoongo na ng’anyimo konokwe kunani muno."

9 Pabhakajomola kulongela genago, akatolekwa kujaula kunani kwa Annoongo bhenaangota bhabhi tangu bhatendakulolanga, lihunde likaawekela bhakotokokwabhona kabhele.

7 Penapo nakagwee pahi, nakajoa lilobhe libhi kunobholela, ‘Asauli, Asauli, mboni nntendakunagia?’