28 ሄሳፈ ጉየ፥ የሱሲ ኡባይ ሀእ ፖለትዳይሳ ኤርድ፥ ጌሻ ማፃፋን ፃፈትዳይስ ፖለታና መላ "ታና ሳሜስ" ያግስ።✝

29 ሄ በሳን እስ ፁጋ ኩመ ጫላ ዎይነይ ደኤስ። ኤንቲ እስፖንጀ ሄ ዎይንያን የግድ፥ ህሶጰ ም ፄራን ዎድ፥ የሱሳ ዶናኮ ሺሽዶሶና። 30 የሱሲ ዎይንያ ጋንፅ በእድ፥ "ፖለትስ" ያግስ።

ሄሳፈ ጉየ፥ ባ ሁጵያ ዝቅ ኦድ ባ ሸምፑዋ እሚስ።

23 ዎታዳረት ማስቃልያ ቦላ እያ ካቅዳፐ ጉየ፥ እያ ማኡዋ ኤክድ፥ ኦይዱ በሳን ሻክድ፥ እሶ እሶ ኤክዶሶና። የዳ ማኤትያ እያ አዱሳ ማኡዋ ኤክዶሶና። 24 ዎታዳረት፥ "ኦና ጋካኔኮ፥ ሳማ የጋናፐ አትሽን፥ ማኡዋ ፔኮ" ያግዶሶና። ሄስ ሀንዳይ ጌሻ ማፃፋን፥

"ታ ማኡዋ ሻክ ኤክዶሶና፤

ታ አዱሳ ማኡዋ ቦላካ ሳማ የግዶሶና"

ጌተትዳይስ ፖለታና መላሳ።✝ ሄሳ ግሾ፥ ዎታዳረት ሄሳ ኦዶሶና።

25 ሽን የሱሳ ማስቃልያ ማታን እያ አይያ፥ እያ አየ ምችያ፥ ቀልዮጰ ማችያ ማይራማነ ማግደላ ማይራማ ኤቅዶሶና። 26 የሱሲ ባ አይዉነ እ ዶስያ ታማረይ ያን ኤቅዳይሳታ በእድ፥ ባ አየኮ፥ "ታ አየ፥ ነ ናኣ ሀይሳ በአ" ያግስ።

27 ሄሳፈ ጉየ፥ ሄ ታማርያኮ፥ "ነ አይዉ ሀኖ በአ" ያግስ። ሄ ታማረይ እዮ ሄ ዎደፐ ዶምድ ባራ ዳና መላ ሶ ኤፍስ።

33 ቀራንዮ* ጌተትያ በሳ ጋድ ካቅዶሶና። ዎራንታፐ እሱዋ ኡሻቻ ባጋራ ሀንኩዋ ሀድርሳ ባጋራ ካቅዶሶና። 34 የሱሲ፥ "ታ አዋዉ፥ ኤንቲ አይ ኦያኮ ኤሮና ግሾ፥ ኔኒ ኤንታዉ አቶ ያጋ" ያግስ።✝

ኤንቲ እያ አፍላ ቦላ ሳማ የግድ ሻከትድ ኤክዶሶና።

35 አሳይ ኤቅድ ፄሎሶና፥ ሽን ደርያ ሃረይሳት፥ "ሀራታ አሽስ፤ ፆሳይ ዶርዳ ክርስቶስ እያ ግድኮ አነ ባና አሾ" ያግድ ለቅስዶሶና።✝ 36 ዎታዳረት እያኮ ሺቅድ፥ ጫላ ዎይነ ኡሻ እምዶሶና።✝ 37 ያትድ፥ "ኔኒ አይሁደታ ካዎ ግድኮ ነ ሁጵያ አሻ" ያግድ ለቅስዶሶና።

38 እያዉ ሁጰ ባጋራ፥ "ሀይስ አይሁደታ ካዎ" ግያ ፁፈይ ደኤስ። 39 ካቀትዳ ዎራንታፐ እሶይ ጫሸ ሳአራ ጎችሸ፥ "አነ ኔኒ ክርስቶሳ ግድኮ፥ ነናካ ኑናካ አሻ" ያግስ።

40 ሽን ሀንኮ ዎራንይ፥ "ኔኒ ሀይሳ መላ ፕርዳን ደአሸ ሀር አቶሽን፥ ፆሳስ ያይኪ? 41 ኑኒ ኑ ኦዳ ናጋራ ግሾ በሲያ ፕርዳ ኤኮስ፥ ሽን ሀ ኡራይ እስ ኢታባ ኦቤና" ያግድ ሀንቀትስ።

42 ቃስካ፥ "የሱሳ፥ ነ ነ ካዎተራ ያ ዎደ ታና ቆፓ" ያግስ።

43 የሱሲ፥ "ታ ነዉ ቱማ ኦዳይስ፤ ሀች ኔኒ ታራ ጋናተን ግዳና" ያግስ።

33 ኡሱፑን ሳተፐ ዶምድ፥ ኡዱፉን ሳተ ጋካናዉ ቢታ ኡባይ ምስ። 34 ኡዱፉን ሳተን የሱሲ፥ "ኤሎሄ፥ ኤሎሄ፥ ላማ ሳባቅታኒ?" ያግድ ዋስስ። ሄሳ ጉሳይ፥ "ታ ፆሳዉ፥ ታ ፆሳዉ፥ ታና አይስ አጋዲ?" ጉሱ።✝

51 ሄ ሳተን ፆሳ ኬን ካቀትዳ ማጋራጆይ ቆሞፈ ዱገ ጋካናዉ ናምኡ ከይድ፥ ፔት ዎስ። ቢታይ ቃፅስ፥ ዛላይካ ጳልቀትስ።✝ 52 ዱፎት ዶየትን ፆሳ አሳታፐ ዳሮት ሀይቆፐ ደንድዶሶና። 53 ኤንቲ ዱፎፐ ከይድ፥ የሱሲ ሀይቆፐ ደንድዳፐ ጉየ፥ ጌሻ ካታማ ብዶሶና፤ ያን ኤንቲ ዳሮ አሳስ በንትዶሶና።

54 ማቶ ሀላቃይነ እያራ የሱሳ ናግያ ዎታዳረት ቢታይ ቃፅዳይሳነ ሄሳን ሀንዳባ በእዳ ዎደ ዳሮ ያይድ "ቱማ ሀይስ ፆሳ ናኣ" ያግዶሶና።

5 ሽን እ ኑ ናጋራ ግሾ፥

ጫደትድ ማዱንፅስ፤

ኑ ቆሁዋ ግሾ ሾጨትድ ሊቅስ።✝

እያ ሴራን ኑኒ ሳሮ ደምዳ፤

እያ ማዱንን ኑኒ ፓፅዳ።

6 ኑኒ ኡባይ ኦገ ባልዳ ዶርሳዳ ዎራ ብዳ፤✝

ኑ ኡባይ ኑ ኦግያ ኦግያ ብዳ።

ሽን ጎዳይ ኑ ኡባ ናቁዋ

እያ ቦላ ዎስ።

7 እ ኡንኤትስ፤ ቆሄትስ፤✝

ሽን ባ ዶና ዶይቤና።

ሹካናዉ ኤፍያ ኡርገ ዶርሳዳ ላገትስ፤

ባ እክስያ ሜድያ ኡራ ስንን

ስእ ግያ ዶርሳ መላ አይኮካ ፖግቤና።

16 ካናት ታና ተቅዶሶና፤

ኢታ አሳት ታ ዩሹዋ ኦይክዶሶና፤

ታ ኩሸታነ ታ ቶሆታ ጫዶሶና።

17 ታ መቀት ታይበቶሶና፤

ታ ሞርከት ታና ደሬቆሶና።

18 ታ ማኡዋ ሻክድ ኤኮሶና፤

ታ አዱሳ ማኡዋ ቦላ ሳማ የጎሶና።

7 ታና በእያ ኡባይ ቀልቅሶሶና፤

ባንታ ሁጵያ ቃሸ ደሬቆሶና።

8 "እ ጎዳን አማነትስ፤ አነ እያ አሾ፤

ጎዳይ እያ ዶስኮ፥ አነ እያ አሾ" ያጎሶና።

13 ባ ሸምፑዋ ባ ላግያስ አድ እመይሳፈ አያ ግታ ሲቆይ ባዋ።

16 ፆሳ ናኣ አማንያ ኡባይ መርና ደኡዋ ላታናፐ አትሽን፥ ዮና መላ ፆሳይ ሀ አላምያ ዳሮ ዶስዳ ግሾ ባ እስ ናኣ እሚስ።

10 ኑኒ ፆሳራ ካሰ ሞርከ፥ ሽን እያ ናኣ ሀይቁዋን እያራ ስገትዳ። ሄሳፈ አድ፥ ሀእ ኑኒ ፆሳራ ስገትዳፐ ጉየ፥ እያ ናኣ ደኡዋ ጋሶን ኑኒ አታና።

16 ክርስቶስ ባ ሸምፑዋ ኑ ግሾ አድ እምዳይሳን ሲቆይ አይበኮ ኑኒ ኤርዳ። ኑካ ኑ እሻታ ግሾ ኑ ሸምፑዋ አድ እማናዉ በሴስ።

2 ኑ ናጋራይ ክርስቶሳ ባጋራ አቶ ጌተቴስ። እ ኑ ናጋራ ፃላላስ ግዶናሽን፥ አሳ ኡባ ናጋራስ ያርሸትስ።

8 እ ባና ካዉሽስ፤

ሀይቃና ጋካናዉ፥

ሀር አቶሽን ማስቃልያ ቦላ

ሀይቃናዉ ኪተትስ።

9 ክርስቶስ ሀይቆፐ ደንድዳ ግሾ፥ ዛር እ ሀይቆናይሳነ ሀይቆይ ስንፈ እያ ሃሮናይሳ ኑ ኤሮስ። 10 እ ሀይቅዳ ዎደ ናጋራስ እስቶሆ ዉርሰ ጋካናዉ ሀይቅስ፥ ሽን ሀእ ደኦን ፆሳስ ደኤስ።

3 ኑ ኡባይ ክርስቶስ የሱሳራ እስፋናዉ ፃማቀትዳ ዎደ እያ ሀይቁዋን እያራ እስፋናዉ ፃማቀትዳይሳ ኤረከትዬ? 4 ኑ ፃማቀትዳ ዎደ ክርስቶሳራ ሀይቅዳነ ሞገትዳ። ክርስቶስ ፆሳ አዋ ቦንቾ ዎልቃን ሀይቆፐ ደንድዳይሳ መላ ኑካ ኦራ ደኦን ዳና።✝

27 አስ ኡባይ እስ ቶሆ ሀይቃናዉ ሄሳፈ ጉየ ፕርደታናዉ በሴስ። 28 ሄሳዳካ፥ ክርስቶስ ዳሮ አሳ ናጋራ ድጋናዉ እስ ቶሆ ያርሸትስ። ሽን እ ናጋራ ቶካናዉ ግዶናሽን፥ ባና ናገይሳታ አሻናዉ ናምአን ቆንጫና።✝

22 "እስራኤለ አሳቶ፥ ሀ ቃላ ስእተ። ናዝረተ የሱሳ ኦናተይ፥ ፆሳይ ህንተ ግዶን ኦዳ ዎልቃማ ኦሱዋንነ ማላታታን ህንተዉ ቆንጮይሳ ህንተ፥ ህንተ ሁጰን ኤሬታ። 23 ፆሳ ካሰ ኤራንነ እያ ሸነን፥ የሱሲ ህንተዉ አድ እመትስ። ህንተ፥ ናጋራንቾት እያ ማስቃለ ቦላ ካቅድ ዎና መላ አድ እምደታ።✝ 24 ሽን ፆሳይ ሀይቆ ዎልቃ ድግድ እያ ደንስ። ሄሳ ግሾ፥ ሀይቆይ እያ ኦይካናዉ ዳንዳእቤና።✝

11 "ታኒ ሎኦ ሄንንቾ፤ ሎኦ ሄንንቾይ ባ ዶርሳታ ግሾ ባ ሸምፑዋ አድ እሜስ።

26 ህንተ ሀ ኡይ ምያ ዎደነ ሀ ፁአ ኡያ ዎደ ኡባን ጎዳይ ያና ጋካናዉ እያ ሀይቁዋ ኦዴታ።