Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
Jisu tsit
Ipaucai, ma pelane teicang kedi ci luge nah iciu eh kesanglaisiu de peu canglu kera ziemne, Jisu rangdi, "Ih hereu dida." Mabungge zau kehia pui kebam cika ge kaipwa bam, cine penui kenlünpai zau kehia pui kebam de hyssop tie gage kailu nah cide pwacuh pe mui gage kai. Jisu zau kehia de saklu ge, pa rangdi, "Cide cang dida." Pecai pa pe peu keumie nah pe rabe mpüt gaidi.
Pecai, reugwamedung Jisu de gwak kedi dau, penui pe painidung keulu delwe cidung de zi mdai tei eh mzilu, reugwame hangge ziemne zige ge eh; nah ncwa de. Cu ncwa de pe herui ga, pe peule de dakmie pe pile kecang. Pecai penui hangge ge dade rangdi, "Anui cide hietdi melugo, meliene cide ziemne anui dacak piego cide caube gu zie bi kedetlu kerane." Aide teigai iciu eh kesanglaisiu kerangde teicang lu kerane,
"Penui kak gade penui a painidung mzi,
nah a paini ziemne dacak tei."
Ciziemne, regwamedung aide tei. Cu Jisu krus taiga sap kebam caige pe pui, nah pe pui caihereibe pui, Clopas nau Mary, nah Mary Magdalene. Jisu pe pui nah pa ku kela caisuibe de ipau taiga sap kebam ngaulu ge, pa pe pui dage rangdi, "Mipoe, pielo, n napei de!" Pecai pa ledeukelube dade rangdi, "Pielo, N pui de!" Cipauting gade ledeukelube pekatei peki ga pecu ngngwa gwangdi.
Nah penui "Mipeura," lie qukela heni gega gwanglu ge, cika ge penui pecu gwak di, nah kemau keteime kena de si eh, hangge de pe zetle nah kedage de pe hile. [Dede Jisu rangdi, "A pei, penui mau gibeu lo, kedanemene penui tei kebam de penui ci melu."] Pecai penui dacak tei eh pe paini mzilu. Nah minadung petaiga sap eh piebam. Kedimedung de pecu henui tei bam eh, rang eh, "Pa kedame de kelilu la. Pa Khristabe Tinggwang ne kedet kelube de cai, peu pekatei pecu kelilu lo." Cidau reugwamedung de petaiga gwang kehiadui pecu peu nah pecu nuidi, nah rang eh, "Magade nang Jewme Gwangpei de cai, nkatei ncu kelilu lo." Cidau pepeu reu gage de, "Aide Jewme Gwangpei da," de raugai.
Pecai kemaume gwak kenzeu kena hangge paube pecu kii eh ranggai, "Nang Khrista meni? Nkatei ncu de nah anaide de kelilu lo." Dede sam keli eh, kedabe pecu kesiu eh ranggai, "Nang Tinggwang de hing meni? Nang de pa nzwa eh keherei zeu. Nah anui au keherei kebam petau da. Kedanemene anai au anai ta ziehi ngau zeu. Dede mina aipaude au kemau ge de tei ma." Cidau pa rangdi, "Jisu, Nang n hegwangram ga gwang kelu dau acu nsung gailo." Cine Jisu pe dage rangdi, "Ih n dage rangsiakte liazie, henai gade nang kereluini ga acu ngngwa bamdi zieda."
Jisu tsit
Nah bamdakkak pe herokbe gwang luge, kideu pelane ga muiting bamdi bamdakkak pe hekuibe di kemaktane. Bamdakkak pe hekuibe ga Jisu sahbak eh sahgai, "Eloi, Eloi, lama sabachthani?" aide pekie, "A Tinggwang, a Tinggwang, daitei nang acu pütdi no?"
Ainie, kerecaki kehezupai de pe tün gade pesing kecang hakmiedi, nah nnuiteu, nah tangtsudung pangpop di. Heraudung ngkeidi, nah kemcime kekiee ge zip zeu kebamdung de cuhdi. Jisu ringcuhdai kelucai, penui herau gade mpetdi, delwe kemci namdi ga lüt eh mina kekiee ge de peu ngaugai. Cu haireukedibe nah pecu ngngwa Jisu de pie kebamme, nnuiteu kecu nah matei kedidung de ngau luge, penui ngngi sütti eh rangdi, "Aide Tinggwang Nabe kesang delie."
Dede anui tahdung kesia ziemne pecu reu dida; anui maudung ziemne pecu teitset dida.
Anui kezuyi ziemne pecu saja peu, nah pe jai gade anui yi ngkeilu.
Anui pelane au meurün gah kedibe nzwa da; anui hange ge kecu pekatei pe lampui gage nreu tetdi,
nah anui pelane kemau de RAMPAUBE pe dage pwa gai dida.
Pecu teikeherei di; ciuliede pa pekatei pecu tei hena keludau, pa pe mui ngkei ma;
meurünna ge de gitset kera ngngwa kemie nzwa, nah meurün ge pemai tai kera dwa matu kemak nzwa,
ciu eh pa sam gede rang ma.
Heteudung ne acu twagwapung bam dida;
makesia ketei maa acu twagwa luda;
penui a ba nah a pi kui dida.
Ih a radung peei ciak lubui da.
Penui acu pie nah pieling eh bam.
Penui a painidung penui kakgade nzi luda,
penui a painidung ziemne dacak tei.
Acu kengaume leuh acu rangmsia la;
penui acu nuila; penui acu penui peungum gaila.
Penui rangla, "Pa RAMPAUBE de nlumla;
peu RAMPAUBE de pecu kelibeu.
Pecu peu pecu keli beulu, kedanemene pa pecu pesui lu."
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
Migede keku kedi aide swa galie, pa pezangme ziemne pe teilung kai beu kecu.
Tinggwang kideube de hungzu kecune, pe Na kepumlibe de pa kaibeu, iciu eh pecu nlum kelu keheibe de kap eh gah dilak dede kelungta kering ngaulu kerane.
Kedanemene magade, anui pe ngauraume teibam keladau, pe Na tsaigai kebeu gade anui Tinggwang de ngngwa kezuyi lucai, daihia gede, kezuyi kelu caide, pe teilung le anuide kelilu zieno.
Aide gade anui keku ci lula: Khrista anui ziemne pe teilung kaibeu. Nah anuide sinamedung ziemne anui teilung kaibeu maisia.
Pa anui mau ziemne ratak tei kebeube da, nah anui ziemne rünne ma, dede kideube pelane ziemne de.
pa pekatei pecu tei henah delwe ketsai kecang de samzai tei gwang,
nah cross gade ketsai kecang de!
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
Anui cibam Khrista de ketsai gade kwakcuh kelune pa tsai dailak da; ketsai pereu kengkieng bamsi meda. Kedanemene Khrista tsit de au, pa piage gage pelane ziemne kemau gage tsaigai. Ciuliede, pa lungh kela teilung de, pa Tinggwang ziemne lungh bam.
Mede nnui kekiee ge Khrista Jisu gade duipum tei kelume pe tsit gage duipum tei kelu nnui ci meni? Cine, anuide au duipum teikelu gade pecu ngngwa pe tsit gage kung dida. Aide teikedi au Peibe Tinggwang kendu gade Khrista de ketsai gade kwakcuh kelunzwa, anuide peu teilung kehecibe ga lunghlu kerane.
Mina de peu piage tsai eh pecai tutiak ga gwang kera riem kebeu nzwa, cide nzwa, Khrista de piage mina kekiee maudung gibeu zielie pe pum kaibeu, delwe pia pe kenabe gwang daizie, kemau ha ziemne ma, dede pecu regui eh kwa kebamme de kelilu kera ziemne.
Israelmedung, sam aidungde kingnei lulo: Tinggwang pe bata kedi, miswakegah nah marehidung gade Nazarethme Jisu de nnui dage keulia ndu gaida, cide Tinggwang nnui kakga de teigai, nnui cibam nzwa. Mina aipaude de, Tinggwang pa mrairiem teukela nah cetnswa teukela nzwa pecu mina kesiame ba gage kaigai beudi, nah nnui pecu cross gage gwak tsetdi. Pa au Tinggwang ne kwakcuh kelube ddeda, iciu eh ketsai rei gade pecu lungmpet beu, kedanemene pecu ketsai ne kaam nzeugai lakdi.
Ih au meurün kekwa keyibe. Meurün kekwa keyibe meurün ziemne pe teilung kaibeu la.
Kedanemene nnui tangku aide tyei nah hepiak aide kesak ramsangne, nnui pa gwang kemaktane Rampaube tsit ha ranglia bam lugu.