28 Əsa fyewyi, woi kwu kpe nge ɓəhoɓəhoi kwo kwu zozhni, jesnu nabai nge Shekwoyi nyakagyigyiyi kwa kwu nu, Yeisu wa gna, "Nuwna myikwnu wo mi lo." 29 Nyikwnu anamnuwna mamai ɓə shi n abaayi, ntulonu ɓa da sooso fyi n kwo, ɓa kwu sooso yi gyi n bwusi, ɓa la kwo wulo ncei n Yeisu əgbe. 30 She wo ɓə la anamnuwna mamai towo, Yeisu wa gna, "A kwu zozhni." N dəyei, wa shni əwo tukwo kwnu jesnu wa dna əsnu.

23 She akwnuyi ɓə lá Yeisu znudu, ɓa kwu əwo aje, ɓa gna ɓa akwu ngwnu-anyi, okwu gbmanyi ntu n əzahozahoyi ɓo, n əje əmìnyai cezhi. Əje ye to ɓə cicii n ɓwaho m, n lului shi gbmanyi kwoi ya ń əshe lo snuta.

24 Ɓa gna aje, "Yi to sa kwo ya m. Fa ya knyi əza n əbashei n wo ɓa ɓwa kwo."

Dəye ɓə zhni nabai kwa nu nyakagyigyiyi nu n kwo gna,

"Ɓa ɓə la əmi ajekpe gnaya ga əɓahni

njesnu ntu əmi əje-kpadalai ɓo ɓa she əba."

Ntulonu əɓo nu nyi n akwnuyi ɓə zhni.

25 Yeisu əya, n əwo əya zadoi, Mariyamwu Kleyopas nyikwo n Mariyamwu Magadalayii, ɓa ɓə zhi n wo vyivyiwyi n Yeisu znudu abai. 26 She Yeisu ɓə gye əwo əya gnyi n ɓo, jesnu n mwutuyii n wo ɓə zhni woi ye wo nyi, n gnyi vyivyiwyi n ɓo, wa gna wo, "Nyikwoza, əho nugwnu nu gnyi nyi," 27 jesnu wa gna mwutuyi yi, "Əho əya nu gnyi nyi." Ənya n kwo ɓə laka nsayii, mwutuyi yi wa lo n Yeisu əyai n əwo pwuwa.

33 She ɓa ɓə si aba n a yi nge atukwobwe aba, ɓaa wo znudu ń abaayi, n kwnusnu n avyii; gbmanyi tu n əwo ɓwaizhe, gbmanyi tu n əwo ɓwaipmi ɓwa. 34 Yeisu wa gna, "Dada, zo ɓa abwi ntuge ɓa ta kpe əɓo ye lo n ɓa zhni m." Jesnu ɓa gná əwo aje n əbashei.

35 Aza ɓa kwu zhi ɓai shiawye, jesnu abegyiyi ce ɓai kpe wo agyè. Ɓa gna, "Wo ɓə la azaje gnyi, akpəge wo gnyi əwohni; ngye wo zhni Kirisiti, Shekwoyi nya nu, Əza Knyiknyiyi."

36 Akwnuyi ce ɓa ɓe jesnu ɓa kpe wo agyè. Ɓa ga wo anamnuwna mamai 37 jesnu ɓa gna, "Ngye əho nu zhni əsu Ayahudiyi nya, akpəge ho gnyi əhohni."

38 Wyidna ɓə kakpe n əwo tukwo əshe n əkwo nu ɓə nyi;

Əza ye nu Zhni Ayahudiyi əsu.

39 Zaknayi n avyì yi ń wo ɓə gyitu n ɓo nyi, wa knyi Yeisu akpmi: "Mi ta gna əho nu zhni Kirisiti m? Gnyi əhohni ɓədo n əyii!"

40 Ama aɓəkawuzhniyi zabaayi wa gnaknyi wo, wa gna, "Ho ta wo Shekwoyi ədna lo m, shikwonyi yi gwo tata gbmanyi nu m? 41 Əyi tata dnalo n əfye ntuge yi gwo ənya nu n əyi aɓəzhni gwogwolo ncei. Ama əza ye too zhni əɓonukwoi ho m."

42 Nlonu wa gna, "Yeisu, ɓəə pa əmi ɓo, əsa n ho ɓə lodna ncei n əho əbemi."

43 Yeisu wa dnaɓəgbe, "Mi gna ho gaiciya, n naiye ho ɓa kwnusnu n əmii dna n paradisi."

33 N nyipyei atukwogwnui, wyegbma kwa ɓe kpe n əknyii vnyanya nya snukna ngwnu-ata nyipyei nya. 34 Nlonu dna n snukna ngwnu-ata n nyipyei, Yeisu wa yì n bəgyei latu, "Eloi, Eloi, lama sabachthani?" (N əkwo nu gyi nge, "Əmi Shekwoyi, əmi Shekwoyi, knyiyi nu zhni honyi la mi ya a?")

51 Nsayii əjesa n a ɓə ncei kna, Dagayipwuwa nya kwa gnajeya ngwnu-aba, ənya n kwo laka n əshe kwoi lo snuta. Əknyi kwa jeashna, ape ɓa ɓaya 52 avnyigwo ɓa gwuya. Aza agyigyiyi anayi n ɓa ɓə kwu fyí nyi, ɓaa jezeɓe n wyewyeyi. 53 Ɓa kwnuɓe n avnyigwo n Yeisu kalala avnu ɓa lo əzhiyaakwo gyigyiyi ɓa kwnuzhi da aza bəgyé.

54 Əsa n bəzhetagyida n aza yii n ɓa ɓə zhi ɓai gwu Yeisu nyi, ɓə gye əknyi kwoi jeashna, jesnu n aɓo vnyanya n ɓa ɓə zhni nyi, ədna kwa wo ɓa, jesnu ɓa daɓo, "Ɓəhnihni wo ɓə zhni Shekwoyi Nugwnu nu!"

13 Əzaho to n yeye yaakwo ədoi lo n du dəye m: əza waa əwo wyewyeyi yashi ntu əwo anugwnudo ɓo m.

16 Ntuge Shekwoyi ɓə ye n anyìi n mwa, kwa zhni wo waa əwo Nugwnu mamai ɓyigba ga, nabai əzadəhodəhoyi n wo ga wo gaiciya, n wo to ɓə ɓwu m, ama woi ɓwa wyewyeyi nyalonyalo nya.

10 Ntuge ngye əsa ń yi ɓə ye zhni Shekwoyi anuwnuyi, a ɓə la yi je yeɓədo n woi ntu əwo Nugwnu əfyi ɓo. To, nsayi, shi a la yi je yeɓədo nyi, yi ɓaa gna gnyignyi ɓwaɓwa nu dna n əwo wyewyeyi!

16 Zokwo nu nyi n yi kpe ənya əye n kwo gyi yeye: Yeisu Kirisiti ɓə la əwo wyewyeyi ga ntu əyi ɓo. Njesnu yi gwo ya kwu əyi awyewyeyi ga ntu əyi azaje ɓo n əyi amapwii.

2 Əwo nu zhni tagba nyagbmi ntu əyi aleifyi ɓo, kwo to ɓwasnu ntu n əyi anya ɓo nu gbmanyi m, ama ntu anyi aleifyi vnyanya ɓo ce.

8 Shi wo ɓə gye əwohni tukwo dna n nayi nu ngye zanyikwoci,

waa əwohni tukwo gba lo əfyi,

kwo əfyi tu n znudu!

9 Ntuge yi kpəlo nge shi a ɓə la Kirisiti kala ń əfyi nyi, wo taa je fyí m; əfyi to ye n kalái lo tu ń əwo tukwo m. 10 Əfyi ń wo ɓə fyí nyi, wo ɓə fyí leifyi əfyi nu znugbmanyi ntu aza vnyanya ɓo; ama anyìgyi ń wo gyi nsaiye nyi, wo gyianyì ga Shekwoyi nu.

3 Kwo fye ta kpəlo nge əyi vnyanya ń a ɓə zhni yi batizima fyi ń Kirisiti Yeisu nyi, nge a ɓə zhni yi batizima fyi n əwo əfyi nu m? 4 Ntucenu, a ɓə kwu yi kwnubyi n woi dna ń batizima lo əfyi, nabai n ɓwasnu ngye she a ɓə lá Kirisiti kala ń əfyi dna ń latu Dada nya nyi, əyihni ce ń yi ɓa myi ya gyianyì wyewyeyi woiwoyi nya.

27 N ɓwasnu shi kwo zhni ɓəshishi nu n əza aba, wa fyi znugbmanyi jesnu n dəye avnu ai da wo owa nyi, 28 ntulonu a ɓə la Kirisiti ga znugbmanyi nabai wa kwu azabəgye aleifyi ya; jesnu wo ɓə kpeyaɓe əɓwa baayi, toge woi je aleifyi kwu m, ama woi ɓe n gnyignyii ga aza yi n ɓa zhilo ɓai pmi wo.

22 "Əmi Aisrailayi aje, fye kna ɓəye tnubwa: Yeisu Nazeretiyi ɓə zhni əza nu n Shekwoyi ɓə knyí ga fye n aɓo wowoi, aɓo awowoi n aznùi ado n Shekwoyi ɓə wu dna n əfye atasni dna n wo, ngye shi fye kpəlo n əfyehni nyi. 23 Ama Shekwoyi n əwo ɓəmwushi tnadoshnai, n wo ɓə pma əkwo əɓo yekpé n sapa; wo ɓə la Yeisu taya ga fye jesnu n bmazhni akpizhniyi nyai, fyaa wo wu, fya knyi wo akwusa tu n znudu. 24 Ama Shekwoyi waa wo laka n əfyi, waa wo loya n azhnìgye əfyi nya, ntuge kwo to ɓə ɓa yezhni əfyi kwaa wo shiɓwa dna m.

11 "Əmi nu zhni knyiknayi manai. Knyiknayi manai ga əwo wyewyeyi ntu n aknyi ɓo.

26 Ntuge əsahosahoi n fya gyi biledi ye jesnu fyaa sni bwoɓyi ye, fye da Dagayi əfyi ɓo nu nya əsa n wo ɓə jezeɓe ncei.