Motivação
Motivação verdadeira vem de Deus. A Bíblia nos inspira a correr a carreira da fé com perseverança, sabendo que o Senhor fortalece, guia e recompensa os fiéis.
Força do alto
Tudo posso naquele que me fortalece. Deus dá poder aos fracos e renova a força dos cansados — Ele é a fonte de toda motivação.
Sun katei gayara numuti lidan Kristu le íchugubei erei nun.
Ruti erei lun le buchaalibei uagu,
ru ligía lanwoun lere le uánimabei.
Gayaraati labuchadun hawagu nibureintiña,
íbini ha héretimabaña ábürühatiña,
gama lumoun ha hemenigibaña luagu Aburemei,
súnwandan hibihuba lan iseri erei,
gayaraabei háhamahan kei ágila;
gayaraabei héibaagun gama lumoun mabuchabei hawagu,
gayaraabei héibugun ani gaguraasunmémebaña.
Gúndaatina luma Aburemei!
Buin niña lau ugundani luma Nubungiute,
lugundun sefu láadina, gáñeigüda láadina.
Ítara niña kei aban adari le adaürüti liridin,
o kei lan aban adari to ewendedutu lau burí tílagu lauti golu.
Bungiu íchugubalin lubuidun aritaguni hun lun héibugun luma, íderagualaün lun hadügüni kei labusenruni.
Correr para o alvo
Prossigo para o alvo, para o prêmio da soberana vocação de Deus em Cristo Jesus. A corrida da fé exige disciplina e foco.
Niduheñu, mariñaguntina luagu ibiha naali lan sun katei le; le nadügübei, nabulieiduni sun le erederubei árigi lun náfaagun lun nárügüdüni le nigibugiñebei, lun nachülürün lumoun lébeha éibaaguni, ani resibineime le lunbei líchuguni Bungiu sielu lun le agañeiruti, lídangiñe Kristu Hesusu.
Subudi humuti luagu gibe hamá éibaagutiña lidan aban éibaaguni, ani ábanrügüñein hádangiñe agañeira. Éibaagua humá lubeiti lidan ibagari le lidan aban luwuyeri lun gayaraabei lan hagañeiruni ledewehan Bungiu hun. Sun ha aransehabaña lun hebelurun lidoun huraraü, hóuchatiña lun madügün hamá ni kata le gayaraabei lásiñaragüdüni háhurerun. Ani hadügüni lun hagañeirun aban ridi gagadeirati. Ánheinti wagía, wáfaaguña lun wibihin aban ridi sielu le magadeirati. Au, néibaaguña lidan ibagari le, ruñunéi narihin luagun ubuiduni le lunbei líchuguni Bungiu nun, sielu. Mítarantina keisi ageindaguti le agayuahabei garabalirugu; lubaragiñe lira, bei numuti núgubu, fosunéi lun laganbunina, luéi lubeigia neferidiruba lan lárigiñe buga apurichihaadina lan houn amu.
Ru waméi warihin luagun Hesusu
Ligía lubeiti kei añaha lubéi saragu gürigia ha arufuda hamaalibei hafiñen geyegu wau, gidá waméi sun le eredehabaliwa wawariua, luma figóu le agüragubaliwa, adüga waméi éibaaguni le wabaabei lau erei, lau warihin luagun Hesusu, le ídangiñebei liabin wafiñen, le giñe abuiduragüdübalin wafiñen sunsuinagubei. Súfuriti Hesusu luagu gurúa, meberesenga ligía lau nibusigarídüna lan luwuyeri óunweni ligía, lugundun subudi lani luagu lásurun lanme lasufurirun, lagundaaruba lan; aba lañuurun luéigiñe lóunwenren Bungiu.
Samina humá lubeiti luagun lani Hesusu hénpulu, luagu lawanduni saragu súfuri hámagiñe gafigountiña; ligía mabuchadalá lubéi huagu, meferidirun humeime huguraasun.
Furumiñeguarügü katei le hadüga, adüga huméi lau ugundani, kamá hamuga hadügüñein lun Wabureme Kristu mama houn gürigia.
Propósito e missão
Deus tem planos de esperança para nós. Cada dia é oportunidade de fazer a sua vontade e avançar com confiança na missão.
Subudi numuti naransehan hubá, aransehani lun buiti mama lun wuribati hun, lun gayaraabei lan níchuguni dan le lunbei liabin buin lau emenigini hun. Au, le Aburemei ariñagubalin.
Sun le hamuriahan lidan niri, nadügübei, arufuda náamugei luéirigun Núguchi. Nadügüba furumiñeguarügü katei le hamuriahan lidan niri.
Heiba lubeiti habügürü gürigia ha lílana sun fulasu, adüga humaña nánime disipulugu; badisei humaña lidan liri Bungiu Úguchili, liri Bungiu Irahü, luma liri Sífiri Sandu. Arufudaha huguyame houn lun gaganbadi hamá lun sun le uágubei nariñaga hun. Subudi huméi luagu anahein lan huma sagü weyu darime lagumuchun ubóu. Ítarala.
Ganigi humá ragǘ huguyame gurasu, manufudeda humá danme le hageindagun hama, lugundun anihein Wabureme le Hubungiute huma, ani mígirun lubadün hábugua.
Sun le gayaraabei badügüni, adügabéi lau sun biyaraati; lugundun lidan umúahaü, le lunbei ñéinhinba lan badagara, madügǘnti ni kata ñein maritawagún ni kata, úati subudi ni lichú aau ñein.
Hábürühaba milu hilaaña luéigiñe bubaünan,
diisi milu luéigiñe bóunwenren,
gama lumoun masuseredunbei ni kata bun.
Madiherida humá lubeiti luagu ni kata, ni luagu kaba lan heiga, ni luagu kaba lan hata. Ladüga lirahüñü ubóu le, lárigiñanu burí katei le; anhein huguya, anihein aban Húguchi le subudihabúbei lun sun hemegeirun.
Dan meha le huma wamá, ru wamuti meha gumadi le hun: «Le máhabei luadigimaridun, meigalá». Gama lumoun aganbatiwa luagu añahein lan hídangiñe máhatiña hawadigimaridun; heredera madügünga ni kata, etenira lun le moun lubéi hetenirun lun. Wariñaguña houn burí gürigia hagía lau lugumadin Wabureme Hesukrístu lun hawadigimaridun darangilañu lun hagañeirunu heigan fein.
Niduheñu, mabuchadalá huagu adüga buiti.