Não desista!

12 Namanya kwekaa kwesiho kintu na kuwa na vintu vingi, mwe mbui zose chehina kweguta na kuona saa iwe nina vintu vingi hambu kuhungukiwa. 13 Nadaha kugosoa mbui zose izo mwe Klistu kwaviya yee nee anekhae nguvu.

Kwekaisa kwa kuzumiiya

16 Ivyo khatifa maya ata mii yetu ya chongoi ikasakaa, akini kwa ndani twatendwa wahya msi adi msi. 17 Kwaviya masuumizo tiyapatayo ni madodo du, yatigosoa tiwe tayali ili kuhokea ukuu misi yose kwesiho kisiikizi. 18 Ivyo khatikauwiya yada tidahayo kuyaona iya yada yesayokuoneka. Kwaviya tidahayo kuyaona ni ya kisingi kidodo du, akini viya vyesavyokuoneka ni vya misi yose kwesiho kisiikizi.

35 Ivyo msekwaza utintimavu wenu kwaviya una funge khuu kulawa kwa Muungu.

23 Titozeeze kwei kauwiyo tidizumiado na tidigombekado, kwaviya Muungu mwekugosoa kiaga chakwe khahituka. 24 Naho takundigwa tigeane moyo ili tikundisane na kugosoeana yedi swie kwa swie. 25 Naho tesekubada kukintana hamwe inga yekuwavyo mazweeya ya wantu watuhu, iya tigeane moyo na kutendesa kugosoa ivyo kwa kadii muonavyo msi uda wa Zumbe kuwa uhehi.

6 Khahana mntu yoyose amtamizae Muungu kwesiho kumzumiia Muungu. Kwaviya kia mntu ambasae Muungu akundigwa azumiie kuwa Muungu yuuko na awekha funge wada wamtongeao kwa kutendesa.

12 Kwaviya Mbui ya Muungu ina ugima na ina udaho naho ni kai kusima paange disengado kosekose. Naho datunga ata kupanga moyo na muye na vimamo na mzumo yeumo ndani yakwe. Vituhu dina umanyi kwa yada ambayo moyo yamamakhanya na wakunda kugosoa.

9 Ivyo, tikagosoa yedi kwesaho kusokea, kwaviya tesaho kufa maya tendatibonde ubosi kwa kisingi chakwe.

11 Neza kwako kinyio! Tozeeza muno wekuwacho nacho, ili mntu yoyose asekukuhoka funge dako da uvoti."

12 Ivyo wantu wa Muungu wategeezao miko ya Muungu na kumzumia Yesu, wakundigwa kuzizimiza.

Muungu khamgeeza mntu

12 Kajaiwa mntu yuda azizimizae kisingi cha kugeezwa kwaajii akivota ayo mageezo endaekhigwe funge ya ugima, Muungu ekuwaikiao kiaga wada wamkundisao.

33 Nawamba mbui izi mdahe kuwa na uivanisi he kuwa hamwe na miye, mwe inusi mwenda mkubwaniswe, akini togwani ni moyo miye khivota inusi."

66 Kwaajii ya ayo, wahina wakwe wangi wekumtongeao Yesu, wakauya mgeeka, wasekutongeana nae vituhu. 67 Ivyo Yesu akawauza wada kumi dimwe na mbii, "Nanywi mwakunda kuhauka?"

68 Simoni Petulo akamtambaisa, "Zumbe tendatiite kwa ndai? Wee una mbui za ugima wa misi yose kwesiho kisiikizi. 69 Swie tazumiiya na kumanya kuwa wee nee Klistu mwekusagulwae kulawa kwa Muungu."

18 "Khinanimibade nywie ikedu, nendaneze vituhu kwenu.

Ombeza na ondeza na kon’ta uvi

7 "Ombezani nanywi mwendamwekhigwe, na ondezani nanywi mwendampate na ukon’te uvi na mwenda mvuguiwe. 8 Kwaviya mntu yoyose aombezae ekhigwa na aondezae apata na akon’tae uvi avugwiiwa.

28 "Sooni aha hangu nywie nyose muangadikao na kuzamiwa na mafuushi, na miye nendaniwahumwiize. 29 Mzumiye kuongoewa na miye inga viya njeku afungwaho nila kisingi cha kuima, mkehine kulawa kwangu, kwaviya miye niyedi naho ni mnyenyekevu wa moyo, na nywie mwenda mwekhigwe nyemi. 30 Kwaviya yendaiwe vihufu kwenu kwamana mahinyo yangu ni mahufu."

26 Yesu akawakauwa, akagombeka, "Kwa mntu mbui inu khaidahika, iya kwa Muungu mbui zose zadahika."

37 kwaviya khahana mbui yesayokudahika kwa Muungu."

6 Naho namanya kuwa Muungu yuda mwekuvoka ndima inu ntana mwe mioyo yenu nategemea endaaiyendeeze na kuiiganya adi misi ida endahoeze Yesu Klistu.

17 Mntu akawa ndani ya Yesu kawa kiumbe kihya, ya kae yemboka na kauwa yawa mahya.

Uwanga kwa Muungu kuhya na inusi mhya

1 Naho nee naona uwanga kwa Muungu kuhya na inusi mhya. Uwanga uko kwa Muungu kwa bosi na inusi ya bosi yaga, khavikuonekana vituhu, nayo mazimshindo khaikuoneka vituhu. 2 Nee naona mzi wa Muungu mwenye, Yelusalemu mhya, ukaseeya kulawa uko uwanga kwa Muungu, uikwa vitana inga mvyee ekuhambwavyo vitana kwaajii ya muumewe. 3 Nikategeeza mgutio mkuu kulawa he kigoda cha useuta ukagombeka, "Isasa Muungu ekaa gatigati yao, naho endaekae nawo na kuwatenda wantu wakwe nawo wendawatende Muungu yao. 4 Uyo endaawahanguse mesozi yawo yose kwaviya ufe khauko vituhu wala usungu wala maumevu wala ndio, kwaviya mbui za kae zemboka."

11 Gosoani ndima msekuegea, iya gosoani ndima ya Muungu kwa moyo wose. 12 Kuwani na nyemi kwaajii mwamkauwiya Muungu, zizimizani mpataho suuba, vikani misi yose.

12 Kuwani na nyemi kwaajii mwamkauwiya Muungu, zizimizani mpataho suuba, vikani misi yose.

19 Wandugu wesekugeeza kuihiza yoyose ekukugosoeae masa, mbade Mungu mwe maya yakwe amiihie kwaviya mwe Maandiko yakwe amba, "Ndima ya kuihiza ni yangu miye, miye nendanimvuzie."

17 Ivyo uzumizi walawana na kutegeeza mbui, na iyo mbui yalawana na kumbiikia Klistu.

28 Naswi tamanya kuwa mwe mbui zose Muungu agosoa ndima hamwe na wose wamkundisao, kwa kuwekha yekuwayo yedi kwa wada wekwetangwao kwaajii yakwe.

16 Maandiko ya Muungu yaandikwa kwa uwongoezi wa Muungu, yafaa kuhinyia ukwei, kuwahaza wantu masa yao na kuwaongweeya wantu wekae kwa kugosoa mbui yedi kwa kumkundisa Muungu, 17 ili mntu wa Muungu awe kaigania na kaikwa tayali kwaajii ya kugosoa kia ndima yedi.

13 Toza vitana mahinyo yada ya kwei nekukuhinyayo na kusigaa mwe uzumizi na uwo ukundiso wetu mwe kuwa hamwe na Klistu Yesu. 14 Ikauwe mbui ida ntana wekwekhigwayo kwa uwambizi wa Muye wa Muungu mwekaa ndani yetu.

16 Tamuombeza Zumbe yetu Yesu Klistu mwenye na Muungu Tati yetu ambae nee katikundisa na kwa wedi wakwe akatihongeza misi yose kwesiho kisiikizi na kauwio denye udaho, 17 awagee moyo na kuwatintimaza ili mdahe kugosoa na kutamwiiya yekuwayo yedi.

9 Akini inga tikazumiya na kugombeka kuwa tigosoa mavigaviga, aho Muungu endaatiekee mavigaviga yetu na kutiusia masa yose kwaviya ni mkwei na ugosoa viya ikundigwavyo.

14 Unu nee utintimavu tekuwao nao hemeso ya Muungu, tikaombeza kintu chochose inga akundavyo yee, atitegeeza. 15 Ikawa tamanya kuwa atitegeeza kisingi timvikiaho, aho tamanya kuwa atekha yada timuombezayo.

7 Mwenye ukundiso khafa maya, misi yose azumiiya na aendeea kukauwia misi yose na khabada kuzizimiza katu.