Nascer de novo
Nascer de novo é a porta de entrada para a vida em Deus. Jesus ensinou que sem o novo nascimento espiritual, ninguém pode ver nem entrar no Reino de Deus.
A necessidade do novo nascimento
Jesus declarou a Nicodemos: 'Aquele que não nascer de novo não pode ver o Reino de Deus.' O novo nascimento é pelo Espírito.
Yezu eezɛbɔɔza nɛ nɛ náá: «Tsɛɛtsɛ nɛ tsɛɛtsɛ, mɛ lɛɛ wɔ ɛ́ náá: Mot ɛ di ààbyel-byelak na bes ɔɔ, nyɛ aanàkwaabee Ɛyoŋ ɛ Zɛɛb.»
Yezu eezɛbɔɔza nɛ nɛ náá: «Tsɛɛtsɛ nɛ tsɛɛtsɛ, mɛ lɛɛ wɔ ɛ́ náá: Mot ɛ di ààbyel-byelak na bes ɔɔ, nyɛ aanàkwaabee Ɛyoŋ ɛ Zɛɛb.» Nikodhɛm eezɛke nɛ nɛ náá: «Mot aabaabyel-byelak na bes dáa, mot moo yɛ tɔa-mot? Nyɛ ɛ́ nɛ ghwyil ɛbaani tɔ mɔ nyɛɛg, da nyɛ ɛ́ baabyel-byelak sis é?» Yezu eezɛbɔɔza náá: «Tsɛɛtsɛ nɛ tsɛɛtsɛ, mɛ lɛɛ wɔ ɛ́ náá, mot ɛ di ààbyel byela mɛdii nɛ Sisim na Dɛɛ ɔɔ, nyɛ aanàkwaani tɔ Ɛyoŋ ɛ Zɛɛb. Mot ɛ byel-byelak tɔ epuud ɔɔ, nyɛ ɛ́ mot epuud. Mot ɛ byel-byelak tɔ Sisim na Dɛɛ ɔɔ, nyɛ ɛ́ mot sisim. Nàdjoka, etɛɛ náá, mɛ eeke nɛ nɔ náá: "Bi goka ɛ́ nɛ ɛbyel ɛ́, byela na bes." Pup kɛ ɛ́ é ze nyɛ di ekwyɛl ɛ. Tin, wɔy ɛpegwak ghuula tak. Deenek, kabela ɛ́ náá, wɔ ààgu pɛ yɛ di edus ɛ, nɛ pɛ yɛ di etɔ́ ɛ. Yɛ ɛ́ tyee wat nɛ bot ɛ zebyel tɔ Sisim Zɛɛb ɔ.»
Yezu eezɛbɔɔza náá: «Tsɛɛtsɛ nɛ tsɛɛtsɛ, mɛ lɛɛ wɔ ɛ́ náá, mot ɛ di ààbyel byela mɛdii nɛ Sisim na Dɛɛ ɔɔ, nyɛ aanàkwaani tɔ Ɛyoŋ ɛ Zɛɛb. Mot ɛ byel-byelak tɔ epuud ɔɔ, nyɛ ɛ́ mot epuud. Mot ɛ byel-byelak tɔ Sisim na Dɛɛ ɔɔ, nyɛ ɛ́ mot sisim. Nàdjoka, etɛɛ náá, mɛ eeke nɛ nɔ náá: "Bi goka ɛ́ nɛ ɛbyel ɛ́, byela na bes."
Tsɛɛtsɛ nɛ tsɛɛtsɛ, mɛ lɛɛ bin ɛ náá: Mot ɛ di ààmyaal Ɛyoŋ ɛ Zɛɛb dáa mɔɔ dhyeeb ɔɔ, nyɛ aanàkwaani tɔ tak.»
Yɛ ɛ́ ɛzɛ di dhil-mot tɔ Ɛyoŋ ɛ di tɔ gwoo ɛ?
É ɛwala ɛlenek, bɛdjekel naazɛtiila é bhaaz ɛ Yezu, bɛ naazɛdji nyɛ náá: «Yɛ ɛ́ ɛzɛ ɛ di boo-mot tɔ Ɛyoŋ ɛ di tɔ gwoo ɛ?» É di’enek, wɔ gwaa Yezu zɛdjóo mɔɔ dhyeeb, zɛtel nyɛ kuku ɛbwak é mis mɔɔ. Nyɛy nɛ nɔɔ náá: «Mɛ lɛɛ bin ɛ́ etɛp e tsɛɛtsɛ náá: Bi ɛ́ di ààswoola mɛfulu men, da bi ɛ́ di dáa bɔɔ dhyeeb ɔɔ, bi aanàkwaani tɔ Ɛyoŋ ɛ di tɔ gwoo ɛ. Boo-mot tɔ Ɛyoŋ ɛ di tɔ gwoo ɔ, yɛ ɛ́ mot di esil nyel’ɛ, da nyɛ ɛ́ di dáa mɔn’ak ɔ.
Nova criação em Cristo
Quem está em Cristo é nova criação. Morremos e ressuscitamos com Ele para viver em novidade de vida, livres do velho homem.
Mot ɛ di tɔ ɛgwakel nɛ Klisto ɔɔ, mot yenɔk moo ɛ́ mot na bes. Etɛp e na mwa eesi tɔ lɛ, nyɛ moo ɛ́ tɔ etɛp e na bes.
Dum nɛ ɛduwa Zɛɛb’enek, mena naagwyɛ, delaa sama nɛ Klisto, etɛɛ náá, tyee wat nɛ dáa duma Sɛɛg nasa náá, Klisto gom pak myoŋ ɛ, yɛ ɛ́ deenek ɛ́ menabɛlka pe aabaakɛ tɔ tsik na bes.
Tin, yɛ bɛ náá, mena nadika ɛ́ mot ngɔt nɛ nɛ tɔ kɔkɔ mbi ɛsyee ɛ lɛ ɔɔ, mena aabaadika ɛ́ mot ngɔt nɛ nɛ tɔ mbi ɛgom ɛ lɛ pak myoŋ. Bot goka ɛ́ nɛ ɛgu ɛnyɔɛpe náá, mena tokapɛ mbi bot ɛ mena nadika kpaambel ɔ. Mena naazegwyɛka, mbema é mɛlaaba sama nɛ Klisto. Etɛɛ náá, tsik epuud mena nadika nɛ yɛ ɛ́ neegwyɛ, tin, mena needi ààbaadika ekwom e mesyem. Etɛɛ náá, mot nagwyɛ sama nɛ Klisto ɔ, nyɛ moo ɛ́ nyɛ eezedjɛaa di epiki, nyɛ naazepɛkaa tɔ mesyem.
Dum nɛ ɛduwa Zɛɛb’enek, mena naagwyɛ, delaa sama nɛ Klisto, etɛɛ náá, tyee wat nɛ dáa duma Sɛɛg nasa náá, Klisto gom pak myoŋ ɛ, yɛ ɛ́ deenek ɛ́ menabɛlka pe aabaakɛ tɔ tsik na bes.
Yɛ ɛ́ tyee wat nɛ biyɔ, beeka náá, sok bhwoob mesyem, bi ɛ́ dáa bot ɛ zegwyɛ ɔ. É di’enek, guka náá, bi ɛ́ nɛ tsik ɛ étɛp Zɛɛb, kɔ ɛsu ɛ ɛgwakel ɛ len nɛ Yezu Klisto.
Deenek, mɛ di nɛ tsik mos ɔɔ, ye tok mam di nɛ tsik, yɛ ɛ́ Yezu Klisto ɛ di nɛ tsik tɔ lam. Etɛɛ náá, tsik mɛ kadi nɛ yɛ mos kɔ ɛko ɛ bɔs’ak ɛ, yɛ ɛ́ kɔ ɛsu ɛ ɛdum ɛ koŋ ɛ lam nɛ Mɔn ɛ Zɛɛb, mot nakwyɛl mɛ, da djɛ tsik’ɛ étɛp mɛ neetsak ɔ.
Bi goka ɛ́ nɛ ɛkat embee mɛfulu mɛ bi nadi nɛ yɛ sok ɛ. Bɛkaka nɛ mɛfulu mɛ na mwa, yii embee egwyes tak di edul bin tɔ ɛsyee ɛ. Betka náá, Sisim Zɛɛb swoola mɛfulu men, ɛkɛɛ bi eebɔt kaad na bes. Tin, bi moo ɛ́ bot ɛ na bes. Mot na bes yenɔk kusaa ɛ́ dáa Zɛɛb di ekwyɛl ɛ. Deenek, etsɛɛtsɛ ɛpesa náá, nyɛ di mot epiki, mot edɛɛ.
Sa bi ààdi nɛ elɛŋ etsal pak’en, etɛɛ náá, bi naazekat mɛfulu mɛ na mwa, nɛ esesɛɛ bi nasesa sok ɛ. Bi moo ɛ́ nɛ mɛfulu mɛ na bes, bi moo ɛ́ bot ɛ na bes ɛ Zɛɛb Mɛkus-bot yenaka. Yɛ ɛ́ nyɛy ɛ di esa náá, bi gheenɔŋel nɛ nɛ, étɛp bi neegu nyɛ ɛnyɔɛpe. Ye tokapɛ nɛ mbɛk pak bot ɛ mbyak eYuda, nɛ bot ɛ di ààbɛ bot ɛ mbyak eYuda ɔ, pak mot zeni beka, nɛ mot di ààni beka ɔ. Ye tokapɛ nɛ mbɛk pak ndjoŋ, nɛ mot di ààgu mɛkana ɔ, ye tokapɛ nɛ mbɛk pak kwom nɛ mot di ààdi kwom ɔ. Tin, sa di nɛ mɛtaŋ ɛbuɛpe ɛ, yɛ ɛ́ Klisto, nyɛy ɛ́ djas tɔ etɛp djas.
Filhos de Deus
Nascemos de novo pela Palavra viva de Deus. Quem crê em Jesus recebe o direito de se tornar filho de Deus, nascido do Espírito.
É di’enek, bot djas aamyaal nyɛ ɔ, bot aadum koŋ nɛ nɛ ɔ, Mɛkpa waadjɛ bɛ ghwyil ɛdi ɛ́ bɔn ɛ Zɛɛb. Bɔn ɛ Zɛɛb tak aanàkwaabyel-byelak ghiya, ààbɛ yii gwyes epuud, ààkobaabɛ-bɛak yii ɛkwosak ɛ mot. Yɛ ɛ́ ɛbyel nɛ ɛkwosak ɛ Zɛɛb ɛ.
Ɛbwaalel ɛ di nɛ tsik na kɔm-kɔm ɛ
Bhɔɔ nɛ Zɛɛb, Sɛɛg ɛ Ghɛŋ’enaka Yezu Klisto! Tin, tɔ lyem ghoŋ nyɛ di nɛ yɛ nɛ nena ɛ, nyɛ eesa náá, mena byel-byelak na bes dum nɛ ɛgom ɛ Yezu Klisto tɔ ɛsyee. Deenek, menaka ɛ́ bot ɛ di nɛ ɛbwaalel ɛ di nɛ tsik na kɔm-kɔm ɔ. É di’enek, menaka ɛ́ bot ɛ di egwaal tɔ mɛmyaala embɛɛ esa ee Zɛɛb kwom étɛp’enaka ɛ. Nyɛy nyɛ ɛmet ɛ di ebaal bin yɛ ɛ pɛ tɔ gwoo. Tin, esa binek, tok nɛ ghwyil ɛ́ saabel, ààpulel, ààsyee.
Deenek, Mbɛɛ Bhaadal eesa náá, bi baabyel-byelak na bes. Ààkabɛ byela nyel nɛ epuud, yɛ ɛ́ byela Mɛkpa ɛ Zɛɛb di ààgwyɛ ɛ, nyɛ nasa deenek ɛ́ nɛ mɛkpa mɛ di nɛ tsik na kɔm-kɔm ɛ.
Deenek, dáa bɔɔ etɔlɔɔ e bɔn, dika nɛ gwyes mɛdii mɛ mɛbel yii Mɛkpa ɛ Zɛɛb. Etɛɛ náá, yɛ ɛ́ mbɛɛ mɛdii mɛ mɛbel di ààpuuzaa nɛ dhiiti sonok ɛ. Deenek, é ghɛŋ bi aadɛ yɛ ɛ, yɛ waasa náá, bi wyee ɛnyɔɛpe, nɛ ɛbela tsik. É di’enek, Ekwyala na Dɛɛ lɛɛ ɛ́ náá: «Bi eebowal, bi eebee dáa Ghɛŋ di ɛnyɔ ɛ.»
Bɔn ɛ Zɛɛb
Beeka mbi kwyɛl Zɛɛb Sɛɛg di nɛ yɛ nɛ nena ɛ, mɛkwyɛla mɛ tak ɛ di esa náá, mena djóoaaka bɔn ɛ Zɛɛb. Tin, nɛ tsɛɛtsɛ menaka ɛ́ bɔn bɛ. Deenek, bot ɛ bɔs’ak nabɛ ɛ́ ààgu mena, dum nɛ tɛp tak ɛ bɛ di ààgu nyɛy Zɛɛb. Bɛwɛn bam mɛ di ekwyɛl ɔ, mena mooka mos ɛ bɔn ɛ Zɛɛb. Tin, Zɛɛb dinaa ààpalyaal mena sa mena aadika djɛmɛn ɛ. Bela náá, mena nɛ guka náá, é ghɛŋ Klisto aatuula ɛ, mena aadika ɛ́ tyee wat nɛ nɛ. Deenek, etɛɛ náá, mena waabeeka nyɛ dáa nyɛ di ɛ.
Tin, dáa ɛwala ɛ Zɛɛb nakoobal ɛ nakadjala ɛ, Zɛɛb naazɛdhis Mɔn’ɛ. Moma ɛ́ nabya mɔn tak, nyɛ nawyelaa ɛ́ si etsi e Moiiz, étɛp nyɛ neepɛk bot ɛ nadi si bhel etsi ɔ, dɔɔ nɛ ɛsa náá mena dika bɔn ɛ Zɛɛb.
Tin, Zɛɛb ɛ́ nɛ boo lyem ghoŋ, nyɛ nɛ kwyɛl mena ɛbuɛpe dhaa nyel. Yɛ ɛ́ dum nɛ kwyɛl tak ɛ, nyɛ nasa náá, mena baadika nɛ tsik sama wat nɛ Klisto. Dáa ye di náá, mena naazegwyɛka étɛp ɛdjak ɛ lena ɛ, Zɛɛb natsik mena ɛ́ kɔ ɛsu ɛ enɛm nɛ embɛɛ bɛ.
Este artigo te tocou? Faça uma oração!
+581 estão orando agora.
Junte-se à corrente de oração.