Nascimento de Jesus
O nascimento de Jesus é o evento que divide a história. O Verbo se fez carne e habitou entre nós. Deus enviou seu Filho ao mundo para nos salvar e nos reconciliar consigo.
O Verbo se fez carne
Jesus não nasceu por acaso — sua encarnação foi planejada antes da fundação do mundo. Ele se esvaziou e assumiu a forma humana por amor.
Edu emi mbufo ekpenyenede edi enye emi Kraist Jisọs ekenyenede. Enye ekenyene ukem obot Abasi, edi enye ikekereke ete ke ana imọ ida ñkañka ye Abasi ke odudu. Utu ke oro, ke ima idem Esie, Enye ama ọsuhọde idem Esie, onyuñ ada obot eyenutom. Enye ama akabade ebiet owo, onyuñ ọwọrọ owut idem ke mbiet owo. Enye ama ọsuhọde idem Esie; onyuñ asaña ke afañ ñkop item tutu ọkọsuñọ ke ñkpa, kpa ñkpa Esie ke etoñkpa.
Edi ke ñkem ñkem ini, Abasi ama osio Eyen Esie ọdọñ. Enye ekedi nte eyen emi eka obukidem amande, onyuñ odu uwem ke idak ibet mme Ju, man Enye afak mme mmọ emi ekedude ke idak ibet, man ñnyin idi nditọ Abasi.
Sia mme nditọ, nte Enye okotde mmọ, edide mme owo emi enyenede obuk ye iyip, Jisọs ke idem Esie ama akabade etie nte mmọ onyuñ abuana ke obot mmọ nte owo. Enye akanam emi, man oto ke ñkpa Esie Enye ekpekeme ndisobo Setan, emi odudu ñkpa odude enye ke ubọk. Ndien ọkpọk mme mmọ emi ndik ñkpa ekesinde ke ufin ke ofuri uwem mmọ ayak.
Emi ọwọrọ ete, ke akana Enye akabade ebiet mme nditọ Ete Esie ke kpukpru oruk usuñ, man otodo Enye edi Akwa Oku emi anamde akpanikọ, onyuñ okopde mbọm ọnọ mmọ ke utom emi Enye anamde ọnọ Abasi, man oto ke oro efen mme idiọkñkpọ kpukpru owo.
Koro Abasi akamama ererimbot, oro akanam Enye osio ikpọñ ikpọñ Eyen Esie ọdọñ, ete owo ekededi emi ọbuọtde idem ye Enye okutak, edi enyene nsinsi uwem.
O anúncio e o nascimento
O nascimento de Jesus foi anunciado por anjos, precedido por sinais e recebido com adoração pelos pastores e pelos magos do oriente.
Ndien emana Jisọs Kraist ekedi ntem: Ke ema ekemen Meri eka Esie enọ Josef ke ndọ, mbemiso mmọ enyene ebuana añwan ye ebe, ema eyarade efiọk ete ke enye oyomo idibi oto ke odudu Edisana Spirit.
Edi ke ini enye okosuk ekerede ñkpọ emi, sese, Enjel Jihofa ama ọbiọñọde enye ke iso ke ndap, onyuñ ọdọhọ enye, ete, "Josef, eyen Defid, kufehe ndik ndida Meri nte ñwan fo: koro idibi oro enye oyomode oto Edisana Spirit. Ndien enye eyeman eyen eren, ndien afo eyenyuñ osio Enye enyiñ JISỌS, koro edi Enye edinyaña ikọt Esie isio ke mme idiọkñkpọ mmọ."
Ndien kpukpru mme ñkpọ emi eketibe man osu nte Jihofa akadade inua Asiak Uduak Esie etiñ, ete; "Sese eyenọwọñ añwan eyeyomo, onyuñ aman, eyen eren, ndien eyenyuñ esio Enye enyiñ Imanuel," emi ọwọrọde ete, "Abasi ododu ye ñnyin." Ke ini Josef ama ekedemere, enye ama onyuñ anam kpa nte Enjel Jihofa eketemede enye, onyuñ ada ñwan esie adian ke idem esie. Edi enye ikọdiọñọke enye iferi nte ñwan tutu enye aman eyen eren. Ndien Josef ama osio Enye enyiñ "JISỌS".
Edi Enjel ama ọdọhọ enye ete, "Kufehe ndik Meri, koro Abasi, enende iso ye afo. Idibighike afo eyeyomo onyuñ aman eyen eren, ndien afo eyesio Enye enyiñ Jisọs. Enye eyekpon eti eti ndien eyekot Enye eyen ñkoññkan Abasi. Ọbọñ Abasi eyenọ Enye ebekpo ubọñ Ete Esie Defid. Ndien Enye eyekara ofuri ufọk Jekọb ke nsinsi; Obio Ubọñ Esie idinyuñ inyeneke utit."
Ntre ñko ke Josef okoto ke obio Nasaret ke Kalili aka Betelehem ke Judia, obio Edidem Defid, koro enye okotode ekpuk ye ñkọk emana Defid. Enye ama asaña ye Meri emi ekenyimede ndinọ enye ke ndọ aka ndisin enyiñ ke ñwed. Ini uman Meri ama ekpere.
Ke adañaemi mmọ ekedude do, ini uman Meri ama ekem. Ndien enye ama aman akpa eyen esie, eyen eren. Enye ama awañ enye ke ọfọñ nna, onyuñ emen enye esin ke usin udia ufene, koro ufọk isen ke obio ama ọyọhọ kpak, anam mmọ ikenyeneke itie ke ufọk isen.
Edi asaña-utom Abasi ọsọñọ mmọ esit ke ndidọhọ mmọ ete, "Ekufehe ndik! Ami nda ata eti mbuk akwa idaraesit nsọk mbufo.
Mfin emi ke obio Defid, Andinyaña amana ọnọ mbufo; Enye edi Andinyaña Ọbọñ. Emi edidi idiọñọ inọ mbufo; mbufo eyekut nsekeyen emi ewañde ọfọñ nna, onyuñ anade ke usin udia ufene."
Ke ini akwa udim mbon enyọñ ema ekefiak edọk ke enyọñ, mme ekpemerọñ ema eneme ke otu mmọ ete, "Eyak ñnyin ika ke Betelehem, ikese ñkpọ emi etibede, emi Ọbọñ ama eketiñ ọnọ ñnyin abaña."
Mmọ ema esọp eka, enyuñ eyom usuñ ekekut Meri ye Josef ye eyen oro, emi akamanade ke usin udia ufene. Ke ini mmọ ema ekekut Enye, mmọ ema ebuk enọ kpukpru owo mme ikọ emi. Idem ama akpa mme mmọ emi ekekopde se mme ekpemerọñ eketiñde enọ mmọ.
O Rei que veio servir
Jesus nasceu para ser Rei, e todo aquele que é da verdade ouve a sua voz. Os magos o adoraram e ofereceram seus tesouros.
Pailet ama obup Enye ete, "Nte afo ndien edi Edidem?" Jisọs ama ọbọrọ ete, "Afo ọmọdọhọ ete ke Ami ndi Edidem. Ekeman Mi, ndien ami ñkonyuñ ndi ke ererimbot ke ntak kiet emi, nditiñ ikọ mbaña akpanikọ oro. Owo ekededi emi adade ke ñkañ akpanikọ oro eyekpañ utọñ ọnọ Mi."
Ke mmọ ema ekekop uyo Edidem, mmọ ema edaha isañ, ndien sese, ntantaọfiọñ emi mmọ ekekutde ke edem usiahautin ebe iso ọnọ mmọ ndien edituak ada ke ebiet emi nsekeyen oro okodude. Ke ini mmọ ekekutde ntantaọfiọñ oro, mmọ ema edat esit etieti.
Ke mmọ ema ekeduk ufọk ekekut nsekeyen ye eka esie Meri, mmọ ema eduọñọ ke isọñ etuak ibuot enọ Enye. Ndien mmọ ema ekubọde ekebe ñkpọuto mmọ enyuñ enọ Enye enọ gold, ye ufuọññkpọ ye mir (itiat emi enemde ufuọñ eke efọpde). Sia Abasi okoduride mmọ utọñ ke ndap ete mmọ ekufiak eka ebine edidem Erọd, do mmọ ema esaña usuñ efen enyọñ obio mmọ.