18 Äwä kə zu Jezu Kristə sə rəke. Əyï nə də Marə̂ sə tə yashe ə̂në Jozafu yîndə kə za ətshə. Bale, angbʉlînə ndə kə pa əndje ko tə̂ əndje, Marə̂ zâ əndu tə̂ äwä Âgbɔ̂ Yîrə̂. 19 Äkɔ̈ nə də Jozafu sə tə ə̂rɔ̂ əzü. Ə̂në tshə yî yində kə wutu də əpʉ nə gashu lə ala azü nɔ̂ ka ə za gana gâ lə ala əwɔ nə ne kɔ, tshə prâ äwä ndə kə katə̂ ye kʉ lə gə̂lê nə. 20 Ə̂në tshə sə pə kə tegbɔ kumu ye gâ pâ nə kɔ, ə̈bə̈ trawaya nə̂ Əyïlingû bʉ̂ gâ tə̂ ye lə ə̈lü ə pa: «Jozafu, ätä Davidə, awa ndə kə pa bə za əwɔ zə də Marə̂ ma əbə ma ne. Mbrə ə̂në əgblə nə ə̂në tshə zâ əndu ye kɔ nâ tə̂ äwä Âgbɔ̂ Yîrə̂. 21 Tshə sə kə zu əgblə koshe, bə sə kə dji əɨrɨ ye Jezu*, mbrə ə̂në ətshə kə sə kə tshɔ azü əgɔ nə̂ ye lə anyaka nə̂ əndje.»

22 Aərə sə̂ nɔ̂ wûtu ndə kə pa əpʉ ə̂në Əyïlingû pâ tə̂ äwä awopandəma Ndjapä kɔ, ndəma nə mbrə. Tshə pâ:

23 «Wü! Amvera ə̂në tshə wusə̂ akoshe wu ne sə kə za əndu ə zu əgblə koshe.

Əndje sə kə dji əɨrɨ ye Emanuwalə,

âdâ nə kə də̂: "Ndjapä sə lə takpa tə̂ əzə̂".»*

24 Alɔ ə̂në Jozafu jô lə əlo nə kɔ, tshə mâ ərə ə̂në trawaya nə̂ Əyïlingû nə zâ ama kə ətshə ndə kə pa tshə ma kɔ. Tshə zâ əwɔ nə gâ lə anda. 25 Bale, Jozafu də Marə̂ shô shô də koshe də yashe ne ʉrrr ndjɔ gâ tə̂ alɔ ə̂në Marə̂ nə zû ə̈bə̈ əgblə koshe â Jozafu djî əɨrɨ ye ə pa Jezu kɔ.

26 Tə̂ mindû amanə bale yipʉ əndu nə̂ Alizabatə nə, Ndjapä wlâ trawaya Gabriyalə gâ lə ə̈bə̈ gala əgɔ Galile, ə̂në əɨrɨ nə kə də̂ Nazaratə kɔ. 27 Tshə wlâ ətshə kə ə̈bə̈ amvera ə̂në tshə wusə̂ akoshe wu ne, əɨrɨ ye kə də̂ Marə̂ ə̂në ə̈bə̈ koshe nâ ndə ye ndə kə za ətshə; əɨrɨ koshe nə kə də̂ Jozafu, ə̈bə̈ ätä əyïngerə Davidə.

30 Bale, trawaya nə̂ Ndjapä nə pâ kə ətshə ə pa: «Marə̂, awa katə̂ kə mbrə bə gâ ye, mbrə ə̂në Ndjapä mâ ə̂rɔ̂tə̂ ye kə əbə gâ ye. 31 Bə sə kə za əndu ə zu əgblə koshe ə̂në bə sə kə dji əɨrɨ ye Jezu. 32 Tshə sə kə sə tə âgbɔ̂ əzü, əndje sə kə e ətshə Ɨrɨ Ndjapä ə̂në tshə sə mâ ngâ lafɔ kɔ. Əyïlingû Ndjapä sə kə mbrə ətshə tə əyïngerə mata ätä nə də Davidə nə. 33 Tshə sə kə sə tə əyïngerə nə̂ azü əgɔ Isərayalə nɔ̂ piii. Ngerə nə̂ ye sə sə kə nglɔ nə bale ne.»

34 Marə̂ nə pâ kə trawaya nə̂ Ndjapä nə ə pa: «Ərə nə sə kə ma atâ, mbrə ə̂në mə wusə̂ akoshe wu ne kɔ?» 35 Trawaya nə̂ Ndjapä nə kîrə əpʉ kə ətshə ə pa: «Âgbɔ̂ Yîrə̂ sə kə jerə gâ pâ zə, awlra nə̂ Ndjapä ə̂në tshə sə mâ ngâ lafɔ kɔ sə kə sə gâ pâ zə mata tshekojerɔ. Âdârə ə̂në əgblə nə ə̂në bə zu ətshə je kɔ, tshə sə kə sə kpî mbrə Ndjapä; əndje sə kə e ətshə Ɨrɨ Ndjapä.

14 Bale, Jezu pâ: «E kätə̂ aaya aneshe əndje na gâ tə̂ əmə. E känga äwä känga tə̂ əndje ne. Mbrə ə̂në Əgɔngerə tshelafɔ sə tə ənə̂ azü ə̂në əndje sə mata əndje kɔ.»

4 Âdârə ə̂në əzü â ma tə̂ ye tə əngʉ əzü mata aya əgblə səye, tshə sə kə sə tə âgbɔ̂ əzü ə rô azü nɔ̂ lə Əgɔngerə tshelafɔ. 5 Əzü nɔ̂ ə̂në tshə wəra ə̈bə̈ aya əgblə tə ə̂rɔ̂nə mata ətshə ənə̂ səye də əɨrɨ əmə, tshə wəra əmə də ə̂tə̂ əmə.»

16 Mandânə, tshə kô aneshe nə gâ lə kəna ye ə zâ kəna ye gâ pâ əndje ə tô ngwarə gâ pâ əndje.

3 Jezu pâ əpʉ kə ətshə ə pa: «Djatra əpʉ, mə pa kə əbə, kədə əndje zu ə̈bə̈ əzü zu kwatəndje* ne, tshə lï lï ndə kə wu Əgɔngerə nə̂ Ndjapä ne.»

21 «Alɔ ə̂në yashe sə kə zu nə, tshə sə lə əyo, mbrə ə̂në əlo ye lî gâ ye. Bale, alɔ ə̂në tshə â zû əgblə nə gâ ye kɔ, ə̂sə̂ əyo səkɔ djerə ətshə gâ ye mbrə ə̂në tshə sə də ə̂rû ə̂në tshə zû ə̈bə̈ əzü gâ pâ ashɔ gâ ye kɔ.

9 Əzü nɔ̂ ə̂në Ndjapä kə zû ətshə kɔ, tshə sə sə kə mbrə nyaka alɔnɔ̂ ne, mbrə ə̂në Ndjapä nə lû sorô nə̂ ye gâ lə əzü nə gâ ye. Tshə lï lï ndə kə pa tshə mbrə nyaka ne, mbrə ə̂në Ndjapä kə zû ətshə kɔ.