Nascimento
O nascimento é obra das mãos de Deus. Cada criança é formada por Ele no ventre materno com propósito e amor. A Bíblia celebra a vida desde a concepção até a eternidade.
O nascimento de Jesus
O maior nascimento da história mudou o curso da humanidade. Jesus nasceu de uma virgem pelo poder do Espírito Santo, conforme as profecias.
Jisu Khrista de kemna
Jisu Khrista de ainzwa mnalu. Pe pui, Mary, Joseph de ngngwa lungh kerane naurang teilu, dede penai ngngwa ncüt kemakne gade, mipuibe Kemci Rabe gade tetlak la kedi cidi. Dede pe nahpei Joseph au kemzuime ge nah mtei dwade pecu peu hengam teineu ma, cine pa pecu ngkim eh tadi kera cetlu. Pa ma aidungde cet kebamdau, ainie, Rampaube gwame ge pe mangle de peda gwang eh ranggai, "David napei, Joseph, Mary de n nau kera ngngidi helo, kedanemene pa tetlak kela de au Kemci Rabe gade lu. Pa mipei nage de mna luzie, nah nang pe zi Jisu lie msiak zie, kedanemene pa pe mina de penui maudung gade kelibeu zie."
Ma aidung pelane Rampaube ne caihakecibe dage kerang de teicanglu kerane teigai, ainzwa ranggai,
"Ainie, relei kemci pui ge tetlak luzie nah mipeina ge de mna luzie, nah penui pe zi Immanuel quzie" cide pekie, "Tinggwang anuide ngngwabam."
Pecai Joseph ziep kebam gade mraklu nah Rampaube gwame pe dage kerang nzwa teilu nah pa Mary de pe naulu. Dede henanabe de mnalu kemaktane Joseph pe nau de ngngwa nauhepei zai tei ma. Nah pa pezi Jisu msiaklu.
Ciziemne Rampaube ne marehi ge nnuide peu zie: Pielu, releipui ge telak luzie, mipeina ge nna luzie, nah pezi Immanuel lie qu zie.
Mary Elizabeth da rwakemie
Nah kei herok bekei, Tinggwang tinggimgwabe Gabriel de Galilee ga Nazareth lie qukela namdi gage langgai, relei kemcipui mipei ge pe zi Joseph lie kecu, David kiriame pei, naurang tei pwa kebam pui dage kai, nah relei kemcipui zi au Mary.
Nah tinggimgwabe pe dage rangdi, "Ngngi so, Mary, kedanemene Tinggwang ncu ngau pesuilu delu. Nah pielo, nang tetlak luzie, nah mipeina ge de mna lu zie, nah nang pe zi Jisu qu zie. Pa au disüt zie nah pecu Hutube Napei lie quzie, nah Rampaube Tinggwang pe pei David hegwangbam de pecu peu zie. Nah pa Jacob leuhme reu kelungta kedi tei zie, nah pe hegwangram au penli bamlak."
Dede Mary tinggimgwabe dage rangdi, "Ih relei kemci pui ge, cine dainzwa aiciu lulai?" Nah sam keli eh, tinggimgwabe pe dage rangdi, "Kemci Rabe n reu ga gwang zie, nah Hutube kengkieng ne ncu sunglu zie. Ciziemne, kemci nabe de mna lai eh kebam de de Tinggwang Nabe lie qu zie.
Formados desde o ventre
Deus nos teceu no ventre de nossa mãe. Antes de nascermos, Ele já nos conhecia e nos separou para um propósito sagrado.
Nangne a lungnet pelane damgai;
nang ne a pui za gade acu tamtok ncütlu.
Ih ncu twa zie,
kedanemene Ih au n bata miswakegah ge kecune.
A rabe ma aide ci hemisüt bam.
A radung n dade hebai dima
a pui ja gade tamtok teune lu,
Ih cika kembai gade lungh di cu kecu dau, Ih cika kebam nang ci.
A pui za gade nang acu ngau;
tingbazie acu kepeudung pelane n laisiukwak gage rauteula,
tingbazie raitu de gwang kemak dwa de.
"Ih ncu npui henabam gage damgai kemak dwa ncu kedetlu da;
ncu mna lu kemak dwa Ih ncu teu ntsam luda; Ih ncu heleuhdung dage caihakecibe teigai beu dida."
Nang acu a pui puk gade ngngwa lu;
Ih tung kebam dau gade nang acu peu ncu nlumlu.
Acu mna kelu gade ncu peu dida;
Ih a pui puk ga kebam dau gade nang a Tinggwang da!
Apui za gade nangne acu ngha zütza gwang;
apui za gade acu ngngwa mpet kebeube au nang;
a hetwa de au n ziemne mui zie.
"Mipui ge pe na de nsung tadi lubui ni, pe tung gade tungbam kecudau, cine pa ne nna kelu pe na da ngaugia bam meni?
Yeo, penui nsung tadi lubui, dede Ih au ncu nsung tadi lak.
Ih ngiena mna kera ngkei gaibeu nah hena cide depeu mna lakni?, RAMPAUBE keteu.
Crianças — bênção e promessa
Jesus acolheu as crianças e disse: delas é o Reino dos céus. Os filhos são herança do Senhor e motivo de alegria para os pais.
Dede Jisu rangdi, "Henamedung de peu ada gwanglo, penuide kaam helo, kedanemene tinggim hegwangram au cipaume gulu."
Ciziemne, keheibe de pekatei pecu tei henahpwa hena aipau nade nzwa kelube ne tinggim hegwangram gade ditu zie. Keheibe de hena aikenzwa nade a zi gade ngngwa kelame, acu de ngngwa lula.
Iciu eh pa henamedung de pe baga pwalu delwe pe ba penui reu gage kai eh samlambeu.
Pielo, henamedung au RAMPAUBE dade kegwang mapeu ge,
nah mna beu kela za gu petsi de au pe dade kegwang ziehi ge.
Ih hena aide ziemne kiegai nah RAMPAUBE Ih kie kegaide teibeu delie.
N ziemne RAMPAUBO, n batadung teipwa kegai gade a sui yilu.
A suiyi ziemne Ih lei teizie kedanemene n batadung ziemne.
Nascer de novo
Jesus ensinou que é preciso nascer de novo para ver o Reino de Deus. O novo nascimento é espiritual — pelo Espírito e pela Palavra.
Jisu keligai nah pe dage rangdi, "Ih nnui dage rangsiakte liazie, mige mna heci dailu meliecai, pa Tinggwang hegwangram ngau gailak."
Mipui ge kemna dau pa rei la kedanemene pe bamdakkak gwang bam kedine, dede pa henana gede mna lu ge, pa pe rei de nsung si la ma kedanemene mige de mna pwa kideu gage kai kelu pe suiyi dene.
Keheibede Tinggwang dade lungh kegwangme kemau tei lama, kedanemene Tinggwang tsibe peda kebamne. Pa kemau tei gailak ta, kedanemene pa Tinggwang dade lungh kegwangne.
Pe dage lei tei gailo, lei tei pecu twa lulo;
pa tei kegai mimakecang batadung leune ranglo.