Obediência

29 Bale, Piarə nə gâ ndə ə̂dû azü-awla nə kîrə əpʉ ə pa: «Ə lï ndə kə pa ä dji əpʉ ama Ndjapä ə ro əpʉ ama azü.

32 Ä sə tə azü ə̂në ä wû aərə səkɔ də ala ä, ä-ä də Âgbɔ̂ Yîrə̂ ə̂në Ndjapä zâ ətshə kə azü ə̂në əndje sə kə dji əpʉ ama ye kɔ.»

8 Ə̂në tshə sə tə Ɨrɨ Ndjapä nə kɔ, tshə wûsə̂ kə dji əpʉ ama Ndjapä nə lə aərə nɔ̂ ə̂në tshə wû əyo lə nə kɔ. 9 Â Ndjapä nə zâ ətshə tə əzü ə̂në tshə lï nɔ̂ gâ ye â tshə dô tə̂ ye, mandânə, tə Awoshe azü nə ə̂në əndje sə kə dji əpʉ ama ye kɔ lə kuzu â əndje sə də sorô piii.

Abä sə kə wla Âgbɔ̂ Yîrə̂

15 «Kədə e yində əmə, e sə kə bata aəpʉ lə âgbɔ̂ əpʉ nə̂ əmə.

23 Jezu kîrə əpʉ kə ətshə ə pa: «Kədə ə̈bə̈ əzü kə yində əmə, tshə sə kə bata əpʉ nə̂ əmə â Abä əmə sə kə yində ye; ä sə kə na gâ tə̂ ye â mbrə ə̂sə̂ ä mâ ndə ye.

3 Mbrə ə̂në äwä kə yində Ndjapä nə, kə də̂ kə pa a mbrə ərə ə lï də aəpʉ ə̂në tshə zâ ama də nə gâ ye kɔ. Â aəpʉ nə ə̂në tshə zâ ama də nə gâ ye kɔ, ə gbɔ gbɔ ne,

21 Alaye ə̂në mə yində e ngbatshe kɔ, kədə lɔsu əzə̂ nə kə wa ngbanga wa gâ lə kumu əzə̂ ne, a sə sə kə mbrə awa ətshi Ndjapä nə ne. 22 Â ərə nɔ̂ ə̂në a yu tshuku nə kə ətshə, a sə kə sɔtə̂ nə lə kəna ye, mbrə ə̂në a sə kə mbrə ndəma aâgbɔ̂ aəpʉ nə̂ ye â sə kə mbrə ərə ə̂në ə fʉ lə ala ye kɔ.

Aanda bishi

46 «Mbrə yekɔ də̂ e sə kə e əmə ə pa: "Âgbɔ̂ Əyïngerə, Âgbɔ̂ Əyïngerə" â mbrə ərə ə̂në mə pa ndə nə kə e kɔ mbrə ne?

Äwä kə na mandâ Jezu

23 Jezu pâ kwatə̂ye kə əndje nɔ̂ ə pa: «Kədə əzü kə yində kə na mandâ əmə, tshə wə̈ra tə̂ ye tə̂ ye də ə̂tə̂ ye, ə zä masheyɔ nə̂ ye* alɔnɔ̂ ka ə za äwä əmə.

22 E mbrə̈ ərə Lïndə̂ əpʉ nə, e djï djï kʉtə̂ nə ə djï ne kanika e frɔ tə̂ e frɔ ne.

22 E mbrə̈ ərə Lïndə̂ əpʉ nə, e djï djï kʉtə̂ nə ə djï ne kanika e frɔ tə̂ e frɔ ne.

7 Rəkɔ, e mbrə̈ tə̂ e teashe gâ tshekudu Ndjapä; e wə̈ra tə̂ e tə̂ djablo, ka tshə kpe ngrʉ̂ gashe tə̂ e.

19 «Rəkɔ, əzü ə̂në tshə sə kə wəra tə̂ ye tə̂ ə̈bə̈ aya əpʉ lə âgbɔ̂ əpʉ səye, â yisə̂ nə kə azü ndə kə pa əndje wəra tə̂ əndje tə̂ nə äwä bale ndje, əndje sə kə e ətshə tə əngʉ əzü lə takpa tə̂ azü nɔ̂ lə Əgɔngerə tshelafɔ. Bale, əzü ə̂në tshə ma tə̂ ye Lïndə̂ nə â yisə̂ nə kə angâ nə ndə kə pa əndje ma tə̂ əndje Lïndə̂ nə, əndje sə kə e ətshə tə âgbɔ̂ əzü lə Əgɔngerə tshelafɔ.

58 Rəkɔ, alaye əmə ə̂në mə yində e ngbatshe kɔ, e kä gbʉ gbʉ gbʉ, ə̈bə̈ ərə mëme e mëme ne. E mbrə̈ kosəra nə̂ Âgbɔ̂ Əyïngerə alɔnɔ̂, ə nä də nə gâ ətshinə, ə wüsə̂ nə ə pa kosəra ə̂në e mbrə kə Âgbɔ̂ Əyïngerə nə kɔ sə sə kə sə kʉ tə ambanə ne.

19 Tə̂ äwä kə dji əpʉ ama dji ne nə̂ əzü bale, ə̂kpû azü tê lə nyaka gâ ye. Äwä bale ndje, tə̂ äwä kə dji əpʉ ama nə̂ əzü bale, ə̂kpû azü dô tə̂ əndje tə aə̂rɔ̂ azü lə ala Ndjapä nə.

20 Âgbɔ̂ əpʉ nə wûtu â tshelə nyaka zû yɔɔɔ; bale tə̂ ətshe ə̂në nyaka sə ngbatshe tə̂ nə kɔ, ə̂rɔ̂tə̂ Ndjapä sə ngbatshe kwatə̂ye ə rô pâ nə.

Tafa kə sə lə kosəra nə̂ Ndjapä

1 Alaye, rəkɔ mə sə kə mʉ əpʉ kə e ndə kə pa, mbrə ə̂rɔ̂tə̂ Ndjapä nə ə̂në ə sə ngbatshe kɔ, e zä tshekotə̂ e nɔ̂ kə Ndjapä nə tə ərə əkrɔ ə̂në ə sə tə sorô, ə sə kpî â ə̂në ə fʉ ə fʉ lə ala Ndjapä nə kɔ. Djatra äwä kə vrɔ Ndjapä nə ə̂në e lï ndə kə pa e vrɔ ətshə kɔ kə sə̂.

2 E mbrə̈ mbrə̈ tə̂ e Lïndə̂ kə mbrə tə̂ azü tshepashɔ tshe kpəsəye ne, bale e kätə̂ äwä kə Ndjapä tshə do tshelə kə wusə̂ ərə nə̂ e tə tafa nə, kanika e yerɔ äwä ərə ə̂në tshelə Ndjapä nə yində nə də ərə ə̂në ə sə tə ə̂rɔ̂ nə, ə̂në ə fʉ ə fʉ â ə lï nɔ̂ kɔ.

11 E sə̈ də əgo ndə kə pa e mbrə kosəra, e mbrə̈ adɔ mbrə̈ ne. E sə̈ woradja woradja ə mbrə̈ kosəra kə Âgbɔ̂ Əyïngerə.

14 Mbrə ə̂në azü nɔ̂ ə̂në Yîrə̂ nə̂ Ndjapä nə sə kə yisə̂ äwä kə əndje kɔ sə tə aləvu Ndjapä nə.

A djï əpʉ ama əgbro azü əgɔ

1 Azü nɔ̂ djï əpʉ ama əgbro azü əgɔ, mbrə ə̂në əpʉ ngerə nɔ̂ to mâ ndə Ndjapä â wutu, â əgbro azü əgɔ nɔ̂, Ndjapä kə kô əndje tə alayïngerə kɔ.

A djï əpʉ ama əgbro azü əgɔ

1 Azü nɔ̂ djï əpʉ ama əgbro azü əgɔ, mbrə ə̂në əpʉ ngerə nɔ̂ to mâ ndə Ndjapä â wutu, â əgbro azü əgɔ nɔ̂, Ndjapä kə kô əndje tə alayïngerə kɔ. 2 Âdârə ə̂në əzü ə̂në tshə wəra tə̂ ye ndə kə pa tshə dji əpʉ ama əgbro azü əgɔ, tshə wəra tə̂ ye tə̂ ərə ə̂në Ndjapä mbrə̂ də äwänə kɔ gâ ye. Â azü ə̂në əndje sə kə wəra tə̂ əndje tə̂ əgbro azü nə kɔ, əndje sə kə e ngbanga gâ pâ əndje də ə̂tə̂ əndje.

32 Rə də̂ mə sə kə yi kumu əmə mâ ndə e je də ə̂rû, kədə Ndjapä kə yində nə, ka mə wu tə̂ əmə lə takpa tə̂ e teashe.

11 â əndje bale bale sə kə pa də ama əndje ə pa

Jezu Kristə nə sə tə Âgbɔ̂ Əyïngerə

ndə kə mbe Abä də Ndjapä nə.

14 Mata aneshe kə dji əpʉ ama, e mbrə̈ tə̂ e mbrə̈ Lïndə̂ aəgo aərə ə̂në e sə̂ də nə leme-e ətshinə kɔ ne, alɔ ə̂në e tê tê pa ə wusə̂ ərə ne kɔ.

27 Koshe səkɔ kîrə əpʉ ə pa: «Yïndə Əyïlingû, tə Ndjapä nə̂ zə də lɔsu zə nɔ̂, də yîrə̂ zə nɔ̂, də awlra zə nɔ̂, də kə wusə̂ ərə nə̂ zə nɔ̂ ə yïndə ngâ zə mata ə də əbə də ə̂tə̂ zə.»*

E yïndə alayïkowɔ nə̂ e

27 «Mə pa kə e, e-e ə̂në e sə kə dji əpʉ nə̂ əmə kɔ: E yïndə alayïkowɔ nə̂ e! E mbrə̈ ə̂rɔ̂nə kə azü ə̂në tshelə əndje yində e yi ne kɔ! 28 E tö ngwarə gâ pâ azü ə̂në əndje dra e kɔ ə yü Ndjapä mbrə azü ə̂në əndje sə kə ma kanga tə̂ e kɔ!

16 Ə də̂ e də̂ kə kê əmə kɔ ne, əmə, mə kê e ə wlâ e ndə kə pa, e-e, e na na ye ə le ka kə le e nə daka pə je, kanika aərə nɔ̂ ə̂në e sə kə yu tshuku nə kə Abä də əɨrɨ əmə kɔ, tshə sə kə ko kə e.