Pais e filhos

12 «Duuchchi Woddik Gootti atik Magen ati’a uwwaake boga’n wogga atixxi qeerrexxo’a anna atikanna ama atixxa ulfees.✝

Oosetanna Oosetika Hado

1 Ha’no oosee! Goottiinke kaddineemmaxxe hado ha’nokee ajajemme! Tinni hasissaaxxe yaanen. 2 «Anna atikanna ama atixxa ulfeessi!» hiyyaak ajaji addachchiisatika hiyyichcho afeeke siretike ajaajan. 3 Tenneenna assittotole «Duuchchiinxi yaane ati’a qajeeldaan; tenne butta’ninna atixxi wogga qeerrexxaani.»

20 Ha’no oose! Tinni Gootta gammachchissaaxxe kaddeemmaxxee duuchchiinxe yaanenni hado ha’nookee ajajemme!

22 Ate’e i’leeka anna caqas,

ama atixxi cindoole cee’mitoxxe.

26 Anna mulqedhaak, amatanna shoraak,

shookokanna salphine idagaake belton.

20 Anna yookaan ama ifixxa yowwaak belti,

lubbo isixxi dimma dukkana’ni ba’ammake ifishsha baxxaan.

4 Hiini aro’o shi’witteexxi hiyyeette manjo oose yookaan oosetixxa oose afeexxe kaddoole tinni oose ediseexxi ifike mine’n Mageno fakkaata leellishate kaddo’a ifike hadi’a galata hiissa barattowaal; tinni Mageno gammachchiisaaxxe yaanen.

6 Belto atika me’iyyo hasissaaka ora duuchcha iso’o baraachissi:

hedheeke baro duuchcha’ni isoo’o hordofa’ni hedhaan.

6 Telcho ati’a uwwaanneka konnee ajajuwwa godoba galchedhi. 7 Atixxe oose’ninna barsiisi: mine atike’ni ofoldato woddanna: ora me’itatto wodda; diiphphatto woddanna kexxatto wodda konne ajajuwwixxe’e jabeesite barisiis.

8 Anke beltoo! Atike annika gorsa caqasi;

ama atixxi uuttaaxxa barachchiisanna gibboxxe’e.

9 Isenna ati’a ulfinna lebammake umiinke kallachchishshanna,

gooba atika danchoossitammaxxe ellellashshaten.

4 Ha’no annuwwaa! Oose ha’nooxxa Gootta Yessuusike seera’n akeekina’ninna barachchiisina’n nosse, malee’e insa’nee jinnissinoqqe’e!

21 Ha’noo oosetiki hadi! Oose ha’nooxxi godoba kultitabaashsha insa’nee hifachchiissinoqqe’e.

15 Oose kutik gananna xixa muxxe kandaasha assitaan,

nossichcho ba’eeki belti kinni ildeenxa ama salphisaan.

24 Kutik belto ifika gana sodaataak belto ifika gibaaken,

belto ifika eyyaaki kinni xexe’achchoti xixaan.

7 Magen ha’noo ifixxe ooseshsha uude’een isike xixichchika gorsa ossitine adhdhe. Isinni anni xixabaak belti ayyete?

3 Oosse Duuchchi Woddike Goottixxe uwwan;

tinni godobiinxi gumma isixxe eebban.

4 Dargageessummati i’linaaxxi labbaxxi oose

loliinke manjixxe anga’ni hedheeke gabetike mogidishshaten.

5 Konne Gabetike mogiduwwishsha hexxeexxa heddo labbaxxa oose

afeeke manijchchixxa wodo;

ifike naaphinni qachchiinke dalla’ixxe hula’n falamaa wodda isi shookabaan.

6 Oosetixxi oose akka’watee kallachaken,

annikinna ama oosetee’e hirreti hirboora.

24 Qajeel beltik anni yo’oshsha gammadaan;

beeka belto i’leekinna kijibaan.

Solomoonika mammaassuwwa

1 Solomoonka mammaassuwwa,

Muxxe belti anna gammachchiisa,

hawwawwi belti kinni amatee yaaddote ila.

11 «Ha’noo giddii’n annake kadeek belti ifik (Daabo kadhatoole kinjo uwwaak ayyete?)* qulxu’me kadhatoole, bofa isi’a uwwaaki hedheeta? 12 Yookaan qulxu’me kadhatoole is’a gaaddo uwwaata? 13 Ha’noo fuggaaleryyende kaddineen hexxineexxi oose ha’nooxxe eloxxa uwwa, uwwa egendinoole iimate’n hedheek ha’nook anni isoo kadhataakeeri’a hittatta Woyyichcha Hafuura caala bira sa’isseexxi uwwa gopha?»

8 Mitti manji fira ifik giddii’n shiqika hado ifika gargaara gophoole amana ifixxa waakate’eeke, amanabaake manni irranna isi hara fuggichchaken.

15 Isoo magenoofata gibbinoole kinni edi wodda ha’nooki annuwwi Eefiraxxisike galaani wido hedhemma wodda magenoonfantaammaka yookaani ta’a giddo hexxineeke Amoorake ardike dharichcha magenuwwina’an hoone’a magenoonfatinaaxxa fi’le. Aninna anki mini hadi kinni Duuchchi Woddike Gootta Magenoonfantanon.»

24 Tennexxee Labbak annakannaa ama ifixxa waalaan; are ifixxeninnaa weli mitteke kandaan; lamiingi mitte maala kandaan.✝

16 Hadiinxe ballessa’a oose insa’neexxi shiyendoqqe’e, oosetinna hujjeexxe ballessaxxe’e hadi shiyemoqqe’e: mitti mittinig ifi ifixxe cubbonni shiyemowaal.✝