Pais
Deus é nosso Pai celestial — amoroso, provedor, disciplinador e fiel. As Escrituras também honram os pais terrenos e os chamam a criar os filhos na instrução do Senhor.
O Pai celestial
Deus é Pai de misericórdias. Ele nos adotou como filhos, nos ama incondicionalmente e cuida de cada detalhe da nossa vida.
Fye gyewye, yeye yaakwo n Dada wo la zepwi yi n əɓwai loloiya, nge a yi əyi ge Shekwoyi aɓyi! N kwusnu aza pya nu n yi zhni! Ɓətukwo n kwo zhni to anyi ɓai kpe yi əye nyi m, əkwo nu nge ɓa to ɓə kpe wo əye m.
Fye gyewye, yeye yaakwo n Dada wo la zepwi yi n əɓwai loloiya, nge a yi əyi ge Shekwoyi aɓyi! N kwusnu aza pya nu n yi zhni! Ɓətukwo n kwo zhni to anyi ɓai kpe yi əye nyi m, əkwo nu nge ɓa to ɓə kpe wo əye m.
Zafnu ń fye ɓə gwo nyi, wo taa kwu fye zè afyenu, nabai nge fya gyianyì fyi n ədnawo m; n əkwoɓwi, Zafnu n fye ɓə gwo nyi, wo ɓə ɓe n fyei a gwo fye nu, n zhni anugwnu. Jesnu n əwoi nu n yi yi, "Abba, Dada." Zafnu n əwohni tukwoi, wo gbmiɓo lo n əyi zafnui nge yi zhni Shekwoyi aɓyi nu.
Dudulonu əɓa vnyanya ń ɓa ɓə la wo gwo, aza yi ń ɓa ɓə kwu gaiciyaga dna n əwo əye, wa ga ɓa ikwo ɓá kwu zhni Shekwoyi aɓyi;
Shebmyashi n bwugbafui ɓa ɓe da fye, n ɓa kwnu n Shekwoyi əyi Dada aba ɓədo n Dagayi Yeisu Kirisitii.
O cuidado paterno de Deus
O Pai celestial sabe do que precisamos antes de pedirmos. Ele dá boas dádivas aos filhos que pedem e cuida até dos passarinhos.
Fye shi alú afugyeyi awye; ɓa ta bye, kwo ɓa dò m, kwo ɓa yefyi n adobwi m, dudulonu əfye Dada əshemi nya kpá ɓa. Fye to du ɓa lo n apma m?
A ta kwnú agbakwolowyi ngwnu-aba kəɓwo gbmanyi nu m? Dudulonu dəho to lo n kwo kaya shi ń əknyi ntna əfye Dada akpe m. Jesnu kwo əfye atukwoyi vnyanya a ncei babai lo. Nlonu fye to wodna m; fye du agbakwolowyi bəgyé lo n apmaɓwa.
Ama əsa ń ha zhniaduwa, lodna n əho nyakwnumi, haa kpakwo gwu, jesnu ha zhniaduwa ga əho Dada, ń a ta gye wo nyi m. Nlonu əho Dada, n wo gye əɓo ń a zhni dna n ɓwuɓwu nyi, wo ɓa ga ho gyiba.
Ama əsa ń ha wnagbe ncei, ha kwu omi pmya ń ho tukwo jesnu ha əho awyewnu, nabai n kwo taa wu aza pəipəi nge ho dna lo n əgbewna m, akpəge əho Dada; n a ta gye wo nyi m, jesnu əho Dada n wo gye ɓo n a zhni kwo dna n ɓwuɓwu nyi, wo ɓa ga ho gyiba.
"Nyika nu lo n fye, adada, n əwo nugwnu ɓa nya wo əbmya ɓo, wa ga wo owa nu ń əkwo əɓwi a? Kwo ń wa nya wo pisezhi ɓo, wa ga wo napisi nu a? Nlonu, ngye əfye, kwo shikwonyi, fye zhni aɓənukwoizhniyi nu, fye kpəlo shi fye ɓa ga əfye aɓyi anya amanai, fye kwu gna kpekpe nge, əfye Dada n wo dna n əshemi nyi, wo ɓa gna aza yi Zafnu Gyigyiyi gaga nu n ɓa nya wo əkwo əɓo nyi!"
"Gəluce ɓyiyi, fye to wodna m, ntuge kwo dá əfye Dada lo wa ga fye əbemi.
Nyaga manai n nunui tnagyifyi dəhodəhoi, kwo gbmi n əshemi nu, n kwo shniɓe ń Dada əshemi abwuznagna nya aba, əwo n wo ta shnaba ngye ajejelukwo nyi m.
Əza ń wo to ɓə kna əwo Nugwnu ya gnyi m, ama waa wo taya ga ntu əyi ɓo vnyanya; kwo ɓa zè n wuna, ń wo to ɓə kwnu yi anyaga vnyanya, ɓədo n woi dna ń snusnugye ma a?
Conhecer o Pai
Jesus é o caminho para o Pai. Ninguém conhece o Pai senão o Filho e aquele a quem o Filho quiser revelar.
Yeisu wa dnaɓəgbe, "Əmi nu zhni zokwo jesnu gaiciyanunui n wyewyeyii. Zaho taa myi wa ɓe Dada aba m, akpəge dna n əmi.
Əmi Dada pwuwa n anyakwnui lo n mwa bəgyé; ngye kwo to ɓə nyi nlonu m, mi ɓə ɓa gna fye nge mi lo mii zhniaba aba nu ga fye?
Njesnu mi ɓa zhni ɓəhoɓəhoi n fya nyaɓo dna n əmi əye, nabai n Dada ɓa ɓwa latu dna n Nugwnu.
Əzadəhodəhoyi n wo n əmi aɓəgbetui shi, jesnu woi shi ɓa əɓwa, wo zhni əza nu n wo ye mi. Əza n wo ye mi, əmi Dada ɓa ye wo, jesnu əmihni ce ɓa ye wo, ma wu əmihni n əwo aba."
Yeisu wa dnaɓəgbe, "Zahozahoyi n wo ye mi wo ɓa vyi əmi nyawu. Əmi Dada ɓa ye wo, jesnu yi ɓə ɓe əwo aba, yi la wo zè əyi pwuwa.
Əzaho to lo ń wó shni Shekwoyi wyegye m, akpəge Nugwnu ɓyigba gbmanyi, ń wo zhni Shekwoyi nu n əwohni nyi, əwo nu gna wó lo vyivyiwyi n Dadai, əwo nu n kwu Dada wu yi.
Mi ga ɓa wyewyeyi nyalonyalo nya, ɓa to ɓə fyí m, nanyinanyi; əzaho taa myi wa fna ɓa n əmi akwnu m. Əmi Dada, n wo kwu ɓa ga mi nyi, wo du aza vnyanya lo n ikwo; əzaho taa myi wa fwna ɓa n əmi Dada akwnu m. Əmi n əmi Dadai yi zhni gbmanyi nu."
"Dada, mi ye aza yi n ho kwu ɓa ga mi nyi, ɓai kwu kwnusnu n mii n aba n mi dna nyi, jesnu ɓai gye əmi latu əwye, latu n ho la ga mi nyi ntuge ho ɓə kwu yeye wu mii to ai shi anyì m.
"Əmi Dada wo kwu aɓo vnyanya fa fyi ń əmi akwnu. Əzaho to lo n wo kpe Əza ń Nugwnu n zhni m akpəge Dada, jesnu əzaho to lo n wo kpe əza ń Dada n zhni m, akpəge Nugwnu, jesnu ń aza yii n Nugwnu la ɓa knyí waa əwohni kpeyawu ɓa.
Ntucenu fye kwu zè anunui, ngye shi əfye Dada əshemi nya ń zhni nunui nyi.
"Ama əzaho to lo n əfye n a ɓa yi wo nge ‘Rabyi’ m, ntuge fye ń Nyawuyii ɓwasnu lo gbmanyi nu, jesnu əfye vnyanya fye zhni fyehnifyehni nu. Njesnu fye to yi zahozahoyi ń anyì nge, ‘dada’ m ntuge fye ń Dadai ɓwasnu lo gbmanyi nu; ń wo dna ń əshemi nyi.
Ho zhninubwo lo nge mi taa myi ma yi əmi Dada, jesnu n əsagbmanyii wa tnu mi n amaləkai agwodo awoceabai nu m?
Fye kwu zhni asnusnugyei, shi əfye Dada zhni snusnugyeyi nyi.
Latu zhni əyi Shekwoyi nya nu n Dadai, nyalonyalo. Aamyi.
Disciplina e amor paterno
O Pai disciplina os filhos que ama. A correção divina produz fruto de justiça e paz para aqueles que foram exercitados por ela.
Fye kwu əmìfyi n azhnìgyei kwaa zhni tata; Shekwoyi shi fye ngye əwo aɓyi nu. Ntuge knyi əɓyi nu lo n əwo dada ta tá wo ma a? N a ta tá fye lo; shi zahozahoyii gwo tata m; a gye fye to zhni akwnusnuyi nu m, anugwnu ɓədo n anyigwnu ahnihnii m, nanyinanyi. Nshnisnusnu, əyi vnyanya yi ɓə kwu adada nayi nya ɓwa n ɓa ɓəə ta yi jesnu yi ɓə kwu mwamwa ga ɓa ntuce. A gye, yi ɓa gna əyihni gaga nu, n Dada azafnu nya akwnu nabai ya pwo! Ba ta yi n əsai fyewyi shi ɓa gye kwo gnadu n bmyabmya; ama Shekwoyi ta yi ntu n əyihni bmyabmya ɓo nu, nabai n yi ɓa ɓwa əwo gyigyi.
Pais terrenos
A Bíblia honra os pais que criam os filhos nos caminhos de Deus. Honrar pai e mãe é mandamento com promessa de vida longa.
Aɓyi, fye vyi əfye azamayi ɓəda dna ń Dagayi, ntuge dəye dnalo n ɓəfyece zokwo. "Ga əho dada mwamwa n əho əyai" əkwo nu zhni ɓəgbetu kpmisnui n ɓəgbei shi, nabai ń aɓo ɓa lo ho n bmya jesnu ha wo wyewyeyi kpamwai agbmada dna n anyì.
Adada, fye to fyi əfye aɓyi minagyi m; n əkwoɓwi fye shi ɓa fyi ń tata ɓədo n Dagayi gbegai.
Adada, fye to fyi əfye aɓyi minagyi m; n əkwoɓwi fye shi ɓa fyi ń tata ɓədo n Dagayi gbegai.
Aɓyi, fye vyi əfye azamayi ɓəda fyi n ɓəhoɓəhoi, ntuge dəye kwo da Dagayi agbma.
Adada, fye to wnu əfye aɓyi bwugba m, sakwnu bwugba kwa bma ɓa.
Ntuge nyazhnizhni gnyilo kwoi pmi n awyetui nyipyei ń Shekwoyi ɓə kwnu əwo aɓyi wu.
Mi gnyi mii ka ga əfye nu, adada,
ntuge fye kpe əwo əye lo n wo ɓəə nyi n ayayaba nyi.
Mi gnyi mii ka ga əfye nu, aɓyikasa,
ntuge fye kwu əzanukwoyi gyiakalá.
Aɓyi ayeyeyi, mi ka ga fye,
ntuge fye kpe Dada əye lo.
Adada, mi ka ga fye,
ntuge fye kpe əwo əye lo n wo ɓə nyi n ayayaba nyi.
Azanugbai aɓyikasa, mi ka ga fye,
ntuge fye n akalái fyilo,
ntuge Shekwoyi ɓədagbma dnalo n fye,
njesnu fye kwu əzanukwoyi gyiakalá.
Fye to ye anyìmi m
Fye to ye anyi kwo nyahonyahoi n kwo dnalo n anyì m. Ndei əzahozahoyi ye anyi lo, Dada yeye to dnalo n wo m.