Pão

11,12 መና ጎዳይ ሙሳ፥ "ታን እስራኤላቱ ዙዙን ስሳድ፤ ኔን ኡንቱንቶ፥ ‘ኦማርሳን አሹዋ ህንተንቱ ማና፤ ዎንታ ኡክ ህንተንቱ ካላና፤ ሄ ዎደ ህንተንቱ ታን መና ጎዳ ህንተንቱ ጾሳ ግድያዋ ኤራና’ ያጋደ ኦዳ" ያጌዳ።

13 ሄ ጋላስ ኦማርሳን አሹ ሜተትያ ካፎቱ ዪደ፥ እስራኤልያ አሳይ ደእያ ሳኣ ማዬድኖ፤ ቃይ ዎንታ ኡንቱንቱ ዱንካነቱዋ ዩሹዋን ከተርሳይ ኩም ኡቴዳ። 14 ከተርሳይ ጽኤዳ ዎደ፥ ሳኣን ዎዳ ሻቻ ማላትያ ሱፓ ፖቁ መላ ቢታ ቦላን ቤቴዳ። 15 እስራኤለቱ ሄዋ በኤዳ ዎደ፥ ኡንቱንቱ እቱ እቱዋ፥ "ሀዌ አዬ?"✝ ያጌድኖ። አያዉ ጎፐ፥ ኡንቱንቱ እ አየንቶ ኤርበይክኖ።

ያትና ሙሴ ኡንቱንታ፥ "ህንተንቶ ማናዉ መና ጎዳይ እሜዳ ኡክይ ሀዋ።

31 እስራኤልያ አሳይ ሄ ኡክ ማና* ጊደ ሱንዳ። ማናይ ዴቡዋ አይፍያዳን ቦ፤ ኤሳና ኡኬዳ ኡክዳን ማልኤ።

23 ግዶፐነ፥ እ ቦላ ሳሉዋ አዛዚደ፥

ሳሉዋ ፐንግያ ዶዬዳ።

24 ኡንቱንቱ ማናዉ፥ ኡንቱንቶ ማና ቡክሴዳ፤✝

ሳሉዋ ቁማ ኡንቱንቶ እሜዳ።

25 ኪታንቻቱዋ ኡክ አሳይ ሜዳ፤

ጾሳይ ኡንቱንቶ ቁማ ዳርሲደ እሜዳ።

14 ኔን መህያዉ ማታ፥

አሳዉ ካ ሞክሳሳ።

ሄዌነ፥ አሳይ ቢታ ኦደ፥

ቢታፐ ካ ደማናሳ።

15 አሳ ዎዛና ናሸችያ ዎይንያ፥

ሶምኡዋ ሽጭስያ ዛይትያነ

ዎልቃ ኩንያ ቁማ ሞክሳሳ።

32 የሱስ፥ "ታን ህንተንቶ ቱሙዋ ኦዳይ፤ ህንተንቶ ሳሉዋፐ ቱሙ ኡክ እምያዌ ታ አባፐ አትን፥ ህንተንቶ ሳሉዋፐ ኡክ እሜዳዌ ሙሳ ግደና። 33 አያዉ ጎፐ፥ ቱማ ግዴዳ ጾሳ ኡክይ፥ ሳሉዋፐ ዎያዌ ሀ አላምያ አሳዉ ደኡዋ እሜ" ያጌዳ።

34 ኡንቱንቱ ዛሪደ፥ "ጎዳዉ፥ ኑካ ሄ ኡክ ኡባ ዎደ እማ" ያጌድኖ።

35 የሱስ፥ "ታን ደኡዋ ኡክ፤ ታኮ ይያ ኡራይ ኡባካ ኮሻተና። ቃይ ታና አማንያ ኡራይ አይነ ሳመተና።

48 ታን ደኡዋ ኡክ። 49 ህንተንቱ አዎቱ መላ ቢታን ማና ሜድኖ፤ ሽን ሀይቄድኖ። 50 አሳይ አፐ ሚደ ሀይቀና ኡክይ ሳሉዋፐ ይያዌ ሀዋ። 51 ሳሉዋፐ ዎዳ ደኡዋ ኡክይ ታና፤ ኦንነ ሀ ኡክፐ ሞፐ፥ መናዉ ደአናዋ፤ ቃይ ሀ አላምያ አሳዉ ደኦ ግዳና ማላ፥ ታን እማና ኡክይ ታ አሹዋ" ያጌዳ።

3 እ ኔና ዝቂ ኦዳነ ኮሻይሴዳ፤ ሄዋፐ ስሚደ ኔና ግድና፥ ዎይ ነ ማይዛ አዎቱዋ ግድናካ፥ ኤረና ማና ኔና ምዜዳ። ሄዋ እ ኦዳዌ አሳይ መና ጎዳይ ሃሳይያ ቃላ ኡባናፐ አትና፥ ኡክ ጻላላን ደኤናዋ ኔና ታማርሳናሳ።✝

4 ሽን የሱስ ዛሪደ፥ "ጾሳ ማጻፋን፥ ‘አሳይ ጾሳይ ሃሳይያ ቃላ ኡባን ደአናፐ አትን፥ ኡክ ጻላላን ደኤና’ ያገት ጻፈቴዳ" ያጌዳ።✝

19 ቃይ ማጋገ ኡክ አኪደ፥ ጾሳ ጋላቴዳ፤ ሄ ኡክ መን ኡንቱንቶ እሚደ፥ "ሀዌ ህንተንቶ እመትያዌ ታ አሹዋ፤ ሀዋን ታና ቆፓና ማላ ሀዋ ሚተ" ያጌዳ።

26 አያዉ ጎፐ፥ ህንተ ሀ ዳቡዋ ሜዳ ዎደ ኡባንነ ሀ ጹኣፐ ኡሼዳ ዎደ ኡባን ጎዳይ ያና ጋካናዉካ፥ አ ሀይቁዋ ኦዲታ።

16 ኑን ጾሳ ጋላቲደ ሻክያ አንጁዋ ጹአይ ክርስቶሳ ሱና እትፐተይ ደእያዋ ግደኔ? ቃይ ኑን መንያ ኡክይ ክርስቶሳ አሹዋና እትፐተይ ደእያዋ ግደኔ? 17 እት ኡክይ ደእያ ድራዉ፥ ኑን ጮራ ግዶፐካ፥ እት አሳተ። አያዉ ጎፐ፥ ኑን ኡባይካ ሄ እት ኡክ ሻከቴቶ።

9 "ስም ህንተንቱ ሀዋ ማላ ዎሳ ዎስተ፤

" ‘ሳሉዋን ደእያ ኑ አቦ፥

ነ ጌሻ ሱንይ አንጀቶ።

10 ነ ካዉተይ ዮ፤

ነ ሸኒ ሳሉዋን ሀኔዳዋዳን፥

ሳንካ ሀኖ።

11 ጋላሳን ጋላሳን ኮሽያ ቁማ

ኑዉ ሀቼ እማ።

9 ኬካ አሳይ ባረ ቁማፐ ህዬሳዉ ጮ እምያ ድራዉ አንጀታና።

37 ሽን የሱስ ዛሪደ ኡንቱንታ፥ "አሳዉ ምያባ ህንተ እምተ" ያጌዳ።

ሄዋፐ ጉየ ኡንቱንቱ፥ "ኑን ቢደ፥ ላኡ ጼቱ ብራ ሳንትምያ* ቁማ ሻሚደ፥ አሳይ ማናዉ እማኔ?" ያጊደ አ ኦቼድኖ።

38 የሱስ ኡንቱንታ፥ "ህንተንቶ አፑን ዳቡ ደኢ? ቢደ በእተ" ያጌዳ።

ኡንቱንቱ በኢደ፥ "እቼሹ ዳቡዋነ ላኡ ሞልያ" ያጌድኖ።

39 የሱስ ባረና ካልያዋንታ አሳ ኡባ ጭታን ጭታን ሻክ ሻኪደ፥ ማታን ኡትሳና ማላ አዛዜዳ። 40 አሳይ ጼቱ ጼቱነ እሻታሙ እሻታሙ ጭታን ጭታን ኡቴድኖ። 41 የሱስ እቼሹ ዳቡዋነ ላኡ ሞልያ ኦይቂደ፥ ፑደ ሳሉዋ ጼሊደ፥ ጾሳ ጋላቴዳ፤ ዳቦቱዋ መንደ አሳዉ ግሻና ማላ፥ ባረና ካልያዋንቶ እሜዳ፤ ቃይ ላኡ ሞልያካ ኡንቱንቱ ኡባዉ ሻኬዳ። 42 አሳይ ኡባይ ሚደ ካሌድኖ። 43 ሄዋፐ ጉየ አቴዳ ዳቦቱዋ ዶካይነ ሞልያ ዶካይ ታማነ ላኡ ዛምቤልያ ኩሜዳዋ የሱሳ ካልያዋንቱ ደንድኖ።

25 ታን ካሰ ያላጋ፤ ሀእ ስም ጭማድ፤

ሽን ጽሎ አሳይ ጮ አትና፥

ዎይ አ ናናቱ ምያዋ ይ ዎስሽን፥

ታን ኡባካ በአ ኤርከ።

ፓርሳዋቱዋነ ሳዱቃዋናቱዋ እርሹዋ

5 አ ካልያዋንቱ አባ ፕኔዳ ዎደ፥ ቁማ አፋናዋ ዶጌድኖ። 6 የሱስ ኡንቱንታ፥ "ፓርሳዋቱዋ እርሹዋፐነ ሳዱቃዋናቱዋ እርሹዋፐ ህንተንታ ኤሪደ ናገትተ" ያጌዳ።

7 ኡንቱንቱ ባረንቱ ግዶን፥ "እ ሀዋ ያግያዌ ኑን ቁማ አህቤና ድራሳ" ያጊደ ሃሳያ ዶሜድኖ።

8 ሽን ኡንቱንቱ ግያዋ የሱስ ኤሪደ፥ "ሀ አማኑ ፓጬዳዋንቶ፥ ቁማይ ባይና ድራዉ፥ አያዉ ህንተንቱ ግዶን ሃሳዪቴ? 9 ሀእካ ህንተንቶ ገልቤኔ? ታን እቼሹ ኡክ እቼሹ ሻአ አሳ ምዛደ ካልሴዳዋ፥ ቃይ ህንተንቱ አፑን ዛምቤልያ ኩንደ አቴዳ ሱፓ ደንድተንቶ ዎዛና አክቴ? 10 ዎይ ታን ላፑ ኡክ ኦይዱ ሻአ አሳ ምዛ ካልሴዳዋ፥ ቃይ ህንተንቱ አፑን ዛምቤልያ ኩንደ አቴዳ ሱፓ ደንድተንቶ ዎዛና አክቴ? 11 ታን ህንተንታ ፓርሳዋቱዋ እርሹዋፐነ ሳዱቃዋናቱዋ እርሹዋፐ ናገትተ ግያዋፐ አትን፥ ኡክባ ህንተንቶ ሃሳያቤናዋ ህንተንቱ ዋኒደ አኬክክቴ?" ያጌዳ።

12 አ ካልያዋንቱ የሱስ ባረንቶ ኦዴዳዋ፥ ፓርሳዋቱዋ ትምርትያፐነ ሳዱቃዋናቱዋ ትምርትያፐ ኡንቱንቱ ናገታና ማላ ኦደቶዋፐ አትን፥ ሙናቃን ትግያ እርሹዋፐ ናገታና ማላ ግደናዋ ሄ ዎደ አኬኬድኖ።

አዳ ኤራንቻ ኡራይ ኦናዉ በስያዋ

1 ነ ኡክ ሃ ቦላን ኦላ፤ ዳሮ ጋላሳቱዋፐ ጉይያን፥ ኔን ዛረደ አ ደማና። 2 ነዉ ደእያ ማጹዋ ላፑን ዎይ፥ ኡባ ሆስፑን ሳኣን ሻካደ ዎ፤ አያዉ ጎፐ፥ ስንፐ ሀ ሳኣ ቦላ አይ ኢታባይ ያነንቶ፥ ኔን ኤራካ።