Eclesiastes 11

አዳ ኤራንቻ ኡራይ ኦናዉ በስያዋ

1 ነ ኡክ ሃ ቦላን ኦላ፤ ዳሮ ጋላሳቱዋፐ ጉይያን፥ ኔን ዛረደ አ ደማና። 2 ነዉ ደእያ ማጹዋ ላፑን ዎይ፥ ኡባ ሆስፑን ሳኣን ሻካደ ዎ፤ አያዉ ጎፐ፥ ስንፐ ሀ ሳኣ ቦላ አይ ኢታባይ ያነንቶ፥ ኔን ኤራካ።

3 ሻሪ ሃን ኩሜዳባ ግዶፐ፥ ቢታ ቦላን እራ ትጌ።

ምይ ሁጲሳ ኩንድና ገድሳ ኩንድና፥ ሄ ባረ ኩንዴዳ ሳኣን ደኤ።

4 ጫርኩዋ ሀኖታ ናግያ ኦንነ ካ ዘረና፤ ቃይ ሻሪ ደንዳናዉ ናግያ ኦንነ ባረ ካ ጫከና።

5 ጫርኩ ሀቃና ብንቶ፥ አ ኦግያ ኤራካ፤ ቃይ ናአይ አት ኡሉዋን ዋን መትንቶካ ኤራካ። ሄዋዳንካ፥ ኡባባ መያ ጾሳይ ባረ ኦሱዋ ዎት ኦንቶ፥ ኤራናዉ ዳንዳያካ።

6 ዎንታ ጉራን ግድናካ ኦማርሳን፥ ነ ዘረ ዘርያዋ አጎፓ፤ አያዉ ጎፐ፥ ዎንታዌ ሎአኔ ኦማርሳዌ ሎአኔ ኔን ኤራካ።

7 ፖኡ ናሸችያዋ። አዋ አይፍያ በእያዌካ ሎኦባ። 8 አስ ሎይ አዱሳ ላይ ሀ ሳኣን ደኦፐ፥ ሄ ኡባ ላይንካ ናሸቶ። ሽን ማ ዎደቱዋ ቆፓ። አያዉ ጎፐ፥ ሄ ዎደቱ አዱቃና። ያናዉ ኡባባይካ መላ።

ዞርያ ኡባ ዪቻ

9 ኔኖ ያላጋዉ፥ ያላጋተይ ሎይ ሎኦባ ግድያ ድራዉ፥ ነ ያላጋተ ላይን ናሸታ፤ ነ ዎዛናይካ ናሸቶ። ነ አይፊ ጼሌዳባነ ነ ዎዛናይ አሞቴዳባ ኡባ ፖላ። ሽን፥ ሄ ኔን ኦዳዋ ኡባ ድራዉ፥ ኔና ጾሳይ ፕርዳናዉ ደእያዋ ዶጎፓ።

10 ሄዋ ድራዉ፥ ስም ነ ዎዛናፐ ህርጋ፥ ነ ቦላፐካ ሴላ ድጋ። አያዉ ጎፐ፥ ናአተይነ ያላጋተይ መላ።