O papel da mulher
A Bíblia honra a mulher como colaboradora essencial no plano de Deus. De Provérbios 31 às mulheres do Novo Testamento, a Escritura celebra a sabedoria, a força e a fé feminina.
A mulher virtuosa
Mulher virtuosa, quem a achará? Seu valor excede o de rubis. Ela é sábia, trabalhadora, generosa e temida pelo Senhor.
Mdala muheri
Mdala yakana zyuma ziherepa ndo gaa kaweza kumpata? Yomberi ndo gwa mana kuliku madini ga beyi nkula!
Mpalu gwakuyi kamwamini kwa moyu gwakuyi, hapeni kakosi shintu shoseri shiheri mashaka goseri.
Hapeni kamtenderi mpalu gwakuyi mirandu midoda, ilaa hakamtenderi mirandu miheri mukulikala kwakuyi koseri.
Kasakula mibahira ya kondolu na nguwu nvufu na kutenda lihengu kwa mawoku gakuyi kwa ugangamala.
Yomberi ndo handa meri za ushuhuzi, kajega shiboga shakuyi kulawa kutali.
Kimuka mandawira putiputi, kuyitandira kaya yakuyi shiboga na kuwapanana mahengu mayaya.
Kalihola kuhemera lirambu, kulawirana na vyakapata na kulima mizabibu.
Kawera kala kutenda lihegu kwa makakala na kugangamaziya mawoku gakuyi.
Kavimana handa mahengu gakuyi gana mota, katenda lihengu mpaka pashiru.
Kapota ubunda kwa mawoku gakuyi mweni, kasona nguwu kwa mawoku gakuyi.
Kayi kawapanana wahushu, katalipisiya liwoku kuwatanga yawahera vintu.
Mdala ayu kanyawa nguwu nvufu na kashuwuza, kawawuzira washuwuzi wa mifunga.
Makakala na ligoya ndo zyuma zakuyi, kaseka na kaliholerandiri mashaka gagiza.
Kazumba kwa luhala na mafunda ga ufiru ga mululimi mwakuyi.
Kagatendera lihengu goseri yagatendeka munumba yakuyi, kalikayandiri shiboga sha uleri.
Mdala yakana luhala hakanyawi numba yakuyi, kumbiti mzigizigi hakayibomoli kwa mawoku gakuyi ulamweni.
Mwanagwangu, gupikanili mlonguziwu gwa tati gwaku, pota nagugaleka mafunda ga mawu gwaku.
Beleza interior
A beleza verdadeira não é exterior, mas o caráter incorruptível de um espírito manso e tranquilo. Isso tem grande valor diante de Deus.
Wapalu na wadala
Namwenga wadala, mlituli pasi pa uwezu wa wapalu wenu, su handa kwana wapalu woseri yawajimira ndiri shisoweru sha Mlungu, wapati kujimira kwa kuguwona mgenderanu gwenu. Hayiweri ndiri kwa mwenga mpaka kutakula shisoweru, toziya hawawoni ntambu mgenderanu gwenu yaguwera guherepa na gwa ligoya. Kuliheripiziya kwa mwenga namtumbira vitwatira vya kunja, gambira ntambu zya kudukusa viri zya maringisu nentu na kuvala vintu vya zahabu na nguwu zya beyi nkulu. Su uherepa wenu ufiruwa kulawirana na ntambu ya mngati mwa untu wa nakaka, uherepa yawunyala ndiri wa uheri na unyamaliru wa rohu, weni ndo wa mana nentu palongolu pa Mlungu. Hangu ndo ntambu yawaliherepiziyiti pamakashu wadala wananagala yawamguwiriti na kumtumbira Mlungu kwa kulitula pasi pa wapalu wawu, gambira Sara ntambu yakalituliti pasi pa Aburahamu na kumshema yomberi mtuwa gwakuwi. Mwenga muwera vinu wahinga wakuwi handa pamutenda gaherepa pota kutiliziwa shintu shoseri.
Ntambu iraa ayi mwenga wapalu, mulikali na wadala wenu kwa mahala, muwapanani ligoya pamuvimana kuwera womberi wawera legilegi na ntambu yawawera wahala pamuhera na mwenga manemu ga ukomu, mtendi hangu su kwahera shintu hashileweleri maluwa genu kwa Mlungu.
Viraa virii nuwafira wadala muweri na mahala mvali nguwu zyazijimilika palongolu pa wantu kwa kulilemba ndiri kwa ulembu wa malingisi ga kupota viri pota kwa vintu vya zahabu na lulu ama nguwu zya beyi nkulu.
Viraa vilii wadala wawu wafiruwa waweri na ntambu iherepa, nawawatakulira wayawu vidoda, yawalilewelera na yawawera waaminika muvitwatira vyoseri.
Parceria e dignidade
Deus criou homem e mulher à sua imagem. A mulher não é inferior, mas parceira e co-herdeira da graça da vida.
Su Mlungu kamuwumba muntu kwa mfanu gwakuyi mweni, kwa mfanu gwa Mlungu kamuwumbiti mpalu na mdala. Mlungu kawatekelera na kawagambira, "Mleri na mwongereki, mwakaimemiziyi isi na kuikolamlima; muwakolimlima wasomba wa mubahari na wampongu wa kulyera na kila shiwumbi shikomu shashigendagenda pasipanu.
Mtuwa Mlungu kalonga, "Iherepa ndiri mpalu ayu kuwera gweka yakuwi, hanimtenderi muyaguwi gwa kumfaa."
Kayi kamgambira mdala, "Hanikongeri utama wa kuyuwula, na kwa kutama hagwiwuli mwana, pamuhera na hangu haguweri na mata kwa mpalu gwaku, na yomberi hakakukolimlima."
Mumakaliru getu kwa kulikolerana pamuhera na Mtuwa, mdala kashintu ndiri pota ya mpalu na mpalu kashintu ndiri pota ya mdala. Gambira mdala ntambu yakalawirana na mpalu, ntambu iraayi mpalu kayiwuka kwa mdala, kumbiti kila shintu shilawa kwa Mlungu.
Wadala wawamani wapalu wawu handa kummana Mtuwa. Toziya mpalu kanawu ukolamlima kwa mdala gwakuwi gambira Kristu ntambu yakawera na ukolamlima kwa shipinga wantu woseri yawamjimira Yesu na Kristu mweni kawaponiziya wantu yawamjimira, womberi ndo nshimba yakuwi. Handa shipinga sha wantu yawamjimira Yesu, ntambu yawammana Kristu ntambu iraa ayi wadala wawamani wapalu wawu muvitwatira vyoseri.
Vilaa vilii guwagambiri wadala wazewi watendi vitwatira vya vimfiriziya Mlungu. Wafiruwa ndiri kuwera wasonguziya, nawawera walowera, kumbiti wafiruwa wafundi vitwatira viheri. Kwa njira ayi hawawezi kuwafunda washina mawu wahinga kuwafira wapalu wawu na wananguta wawu, waweriti na ulewelera na makaliru mananagala, yawalolera weri vitwatira vya numba zyawu, na yawawapikanira wapalu wawu, su shisoweru sha Mlungu nawashigilanga.