Pensamentos
A Bíblia ensina que somos fruto dos nossos pensamentos. Por isso, Deus nos chama a renovar a mente, pensar em coisas nobres e guardar o coração com toda diligência.
Pensar no que é bom
Paulo nos exorta a pensar no que é verdadeiro, honesto, justo, puro, amável e de boa fama. A mente renovada é o caminho da transformação.
Ke akpatre, nditọeka ke Krais, ñkpọ akeedodo a-adooho akpanikọ, ñkpọ akeedodo a-anieghe ukpono, ñkpọ akeedodo a-anenne, ñkpọ akeedodo a-asanake, ñkpọ akeedodo a-ayaiyake, ñkpọ akeedodo a-adooho se ema, adieke ñkpọ adooho se etooro, ikere ibaña mme ñkpọ ado.
Ikiinañña ñkpọ ikeene naña ubonoñkpọ ederimbod aba, ado yak akikere ndufo akpəho ke adidu ufa uwem. Ndin ndufo eyaekan edomo enyʌñ enyịmme se ido uduak Abasi, eti ñkpọ Abasi, a-afọnnọ, anyʌñ anem anye esịd.
Ke ntoro, ibeeñe esịd ndufo ayọhọ-ayọhọ inyʌñ iwuuk idodanyen ndufo ke mfọn e-ediinọ ndufo ke emaeyaara Yisọs Krais.
Ndin yak anye a-akanna anam akan se ebeñe me se ekere, nte asañake akekem ke adudu a-anamma utom ke idem ñnyịn, abọ ubọọñ ke ufọkabasi ye ke Krais Yisọs ke afịd mme emana, ke nsi-nsi nsi-nsi! Amen.
Guardar a mente
A Palavra de Deus discerne os pensamentos e intenções do coração. Guardar a mente é proteger a alma das armadilhas do pecado.
Sia ikọ Abasi anie uwem anyʌñ anie adudu, asọp akan akankañ a-anieghe inua iba, anie adudu adiboiyo ndʌk esịd, tutu abakka ukpọñ ye sịbidịd, ñkikek idem ye ñkpadia akpọ. Anye akpe ikpe a-abañake akikere esịd ye edu unam ñkpọ ke esịd.
Ke akannakan ami, kpeme esịd mfo,
sia afịd ñkpọ se afo anam eto do ewuọ.
Nekke kere ñkpọ baña nte afo asịn ukod
nyʌñ nie iwuuk ke afịd mme usʌñ mfo.
Aba usʌñ a-abaaha nte anen,
ado ke akpatre anye adat awo akaa ñkpa.
Awo akeme adikere ke mme usʌñ imọ e-enen,
ado Abọọñ aduuñọ esịd.
Os caminhos de Deus são mais altos
Os pensamentos de Deus são infinitamente superiores aos nossos. Devemos entregar nossos pensamentos a Ele e confiar em sua sabedoria.
"Sia akikere mmi idooho akikere ndufo,
mme usʌñ mmi inyʌññọ ido ake ndufo,"
Abọọñ atañ.
Yak mbon ibak ekpọñ usʌñ ammọ,
yak ndiọi awo ekpọñ akikere ammọ.
Yak ammọ ekanna ebịne Abọọñ, ndin anye ayaatua ammọ mbọm,
ye Abasi ñnyịn, sia anye ayaafeen ke afịd esịd.
Yaak afịd se afo anam sịn Abọọñ ke ubọk,
ndin anye ayaanam uduak mfo anie iwuuk.
Abasi, nduuñọ miin, nyʌñ diọọñọ esịd mmi;
ndomo miin nyʌñ diọọñọ ayeemensia akikere mmi.
Se me aba usʌñ ndomokeed se ami ndue,
nyʌñ ndat miin saña ke usʌñ nsi-nsi.
Abọọñ, afo amenduuñọ miin,
anyʌñ andiọọñọ miin.
Afo amediọọñọ idaha a-ami ntieghe ye idahami a-ami ndaaha;
afo ameda ke anyan itie adiọọñọ akikere mmi.
Pensamento e conduta
Do coração procedem os males. A Bíblia nos adverte a não se preocupar excessivamente e a ter pensamentos sóbrios e disciplinados.
Anye amaasʌk akaiso adọkkọ ammọ ate: "Se ito awo esịd idem iwuọ ado se isappa awo. Sia afịd ndiọi akikere eto esịd awo ewuọñọ: Use, inọ, uwodawo, usịn efịbe, udọrọ itọñ, idiọọkesịd, abiaña, ndukpo ido, ufịb, adidọk, ntañidem ye ndisịme. Afịd ndiọiñkpọ ami eto esịd awo ewuọñọ enyʌñ esappa awo."
"Ke ntak ado ke ami ibo ndufo ikiifịna idem ibaña uwem ndufo, se ediidia me se ediinwọñ; me se ibaña ikpọkidem ndufo, se ediisịne. Nte uwem ikponno ikan ndidia, ikpọkidem inyʌññọ ikpon ikan afọñ?
Ñko, ke ini ndufo ebọññọ akam, ikiikprak inua nte mbon i-imiidiọọñọke Abasi, sia ammọ ekere ke akam adeghe akeene uwak ikọ.
Ke ini atu awo emaekeyọhọ uwak tọsịn tutu mme awo edufiighe emọ-emọ, Yisọs amaatọọñọ adikwọrọ ikọ ke akpa ifed nnọọ mme mbed amọ, ate, "Ikpeme yiis mme Farisi, a-adooho mbubịk. Ibaaha se efọfʌk i-imiidiiyaarake, inyʌññọ iba se ededịp i-imiidiinaaha ke eferife. Ibaaha se afo atañ ke ekịm, a-awo imiidiikoppo ke uweemeayio, ndin adu a-afo adọññọ ke utọñ ke esịd ubeed eyaesuan ke mme akọm ufọk.
"Mme ufan mmi, ami ibo ndufo nte, ikiibaak mbon e-ekanna ewot ikpọkidem kpọd ado ikanna adinam ñkan ado. Ado ami ñyaiwọt ndufo anye a-ndufo ekpebaaha: Ibaak anye a-adooho amaawot ikpọkidem ama, amaana anie adudu aditop nsịn ke ukpe nsi-nsi ikañ. Ii, ke akpanikọ, ibaak anye ado. Idooho nsiak ition ke enyam ke kọbọ iba? Kpayeado, Abasi ifreke ammọ ndomokeed. Ke akpanikọ, e-ebat afịd ided iwuod ndufo. Ke ntoro, ikiifeghe ndịk; sia ekọmudua ndufo akpon akan uwak nsiak.
"Ami idọkkọ ndufo nte, awo se idiiñyimme miin anwa-anwa, Ayịn Awo ayaanyʌñ anyịmme anye ke iso mme enyere Abasi. Ado awo añkañña miin ke iso mbon awo, eyaenyʌñ ekañ anye ke iso mme enyere Abasi. Ndin eyaefeen enọ awo a-atañña ikọ adian Ayịn Awo, ado awo akeedodo a-atañña ikọ emiom adian Adisana Sịbidịd idiinieghe adifeen.
"Emaiben ndufo eka ke mme sinakọk, ke iso mme andikara ye ikpọ mme adaidaha, ikiikere naña ediifak idem ndufo me se ediitañ, sia Adisana Sịbidịd ayaitemme ndufo se ediitañ."
Awo ke atu ado amaabo Yisọs ate, "Andikpeeb, dọkkọ ayịneka mmi yak abakka udeeme ñkpọ akpa mmi annọ."
Yisọs amaabọọrọ anye ate, "Ete, anie akemmek miin nte abiideikpe me adeemeñkpọ ke ufọọd ndufo?" Yisọs amaadian do ate, "Ikpeme! Iba ke mfadidem ibaña mme nsio-nsio idiọọk itọñ; uwem awo ikọñọke ke uwak ñkpọ se anye anie."
Ñko anye amaatop ñke ami anọ ammọ ate, "Isọñ imọ awo keed amaadʌk ñkpọ inwañ eti-eti. Imọ awo ami amaakere ke esịd ammọ ate, ‘Nsoo ke ami ndiinam? Ami nnieghe itie se mbon afịd uwak ñkpọ inwañ ami.’
"Ndin anye amaabo, ‘Se ami mbo nnam ado ami. Ñyaawuut mme ise mmi, mmaana mbọp mme ise se ikpoon, ndin ñyaakoono akpakʌb ñkpọ inwañ mmi ñkebono ke ndo. Amaama ami ñyaabo idem mmi nte, "Afo amenie uwak nti ñkpọ se idiiba ikpeene ke uwak isua. Dat uwem usʌk-usʌk, dia, nwọñ nyʌñ kop inem uwem." ’
"Ado Abasi amaabo anye, ‘Afo ndisịme awo! Kpa akonayio ami eyaeyem uwem mfo uto fiin. Anie ndin adiinie afịd se afo akekọọ anịm anọ idem ado?’
"Kpa ntom ke adiiwuọọñọ inọ awo a-akọọhọ mme inie abon anọ idem amọ ado inieghe inie ke ñkañ Abasi."
Ndin Yisọs amaabo mme mbed amọ ate, "Ke ntoro ami ibo ndufo ikiifịna idem ibaña uwem ndufo, me nsoo ke ediidia; me ikpọkidem ndufo, me nsoo ke ediisịne. Sia uwem akan ndidia, ikpọkidem anyʌñ akan afọñ. Ikere ibaña mme inuen anyọñ. Ammọ itọọhọtọ, idọkkọdọk, inyʌññọ inie aba me ise; ado Abasi abọọk ammọ. Nwaanwa dise ndufo a-adooho ekọmudua ndufo akpon akan ake mme inuen! Anie ke atu ndufo ikeme adidian awa keed ke uwem amọ ato ke adifịna? Adieke ndufo imiikanna inam etək-etək ñkpọ ami, ntak a-ndufo efịnake ebaña mbon ñko-o?
"Se naña mme ñkpokpoñ ikọd ekọt. Ammọ inamma utom inyʌññọ ituak afọñ. Ado ami idọkkọ ndufo ke Sọlọmọn ke afịd ubọọñ amọ ikisịneke afọñ se iyaiya nte keed ke atu mme ñkpokpoñ ikọd ami. Adieke Abasi anọọhọ ñkpokpoñ ke ikọd nsiine, a-adooho ammọ eba mfịn, ñkpọñ ekpooño ammọ efọọmọ ke ikañ, nsoo ikpinam ke anye anekke ase ñkpọ ibaña ndufo; ndufo mbon etək mbuọdidem! Ikiinyʌñ isịn esịd ndufo ke se ediidia me se ediinwọñ; ikiikere ibaña ado. Sia mbon ederimbod imiidiọọñọke Abasi esịn esịd ke mme ñkpọ ntom, ndin Ete ndufo adọdiọọñọ ke ndufo emeyem mme ñkpọ ami. Ado ndufo ikap isịn esịd iyem abioubọọñ Abasi, ndin eyaedian afịd mme ñkpọ ami inọ ndufo.
"Ikiikop ndịk, etək udịm edọñ, sia Ete ndufo a-akop inemesịd adinọ ndufo abioubọọñ Abasi. Inyam inie ndufo inyʌñ idat inwam mme uweene. Inọ idem ndufo ekpad akʌk i-imiidiitahake, ñkpọuto ke hefịn i-imiidiikpuuho, ke itie inọ imiidiikpereke, utañkpọ inyʌññọ isobo. Sia itie nte ñkpọuto mfo ana, kpa ke ndo ke esịd mfo adiisịne.
"Isiine afọñ, ibeeñe idem utom, inam mme utuenikañ ndufo esak, nte mbon e-ebeeñeke idem ebet eteufọk ammọ adiito usọrọ ndọ ndi, nọ ato do anye amaato adi idikọñ usʌñ ammọ ebeere ini keed enọ anye. Adiifọfọn inọ nditọufọk e-eteufọk adiito idikịt ammọ naña eba ke mbeeñeidem. Ke akpanikọ ke ibo ndufo, eteufọk ayaasịne afọñ aba ke mbeeñeidem, abo nditọufọk esuuk etie ke akpokoro ndidia, ndin anye ayaase ñkpọ abaña ammọ. Adiifọfọn inọ mme nditọufọk e-eteufọk adiito idikịt naña ammọ eba ke mbeeñeidem, akpekọm ke ufọọd akonayio me idaha ayio ayemme adisiere. Ado idiọọñọ ntom: Adieke anieufọk akpekediọọñọke idaha ini ke akonayio i-inọ adiidi ufọk amọ, anye akpaakekpeme ufọk amọ, ndin ikpikiyakka nọ inọ adʌk. Ana ndufo ñko ebeeñe idem, sia Ayịn Awo adiidi ke awa a-ndufo imiidiibeeñeke ibet anye."
Pita amaabịp ate, "Abọọñ, afo atop ñke ami inọ ñnyịn me atop anọ afịd awo?"
Abọọñ amaabọọrọ ate, "Anie ndin ado anam akpanikọ ye anie aniọñ etubom mbon utom, e-eteufọk anịmme ke iwuod nọ asikpe akʌk ndidia anọ mbon utom ke akem ini? Ayaafọn anọ ayịnufọk e-eteufọk anyọññọ adikịt naña anye anam se ekebo anye anam. Ke akpanikọ ke ibo ndufo, ayaanịm anye ke iwuod afịd ñkpọ se anye anie. Ado ayịnufọk akpekere ke eteufọk imọ atinyọñ idi ayaakpeene, ndin atọọñọ adifiomo mme nditọufọk mbon ñko, ata, anwọñ, akpa mmịn, eteufọk amọ ayaanyọñ adi ke usen a-ayịnufọk ami imiikikpeññe idem ye ke awa a-anye imiidiọọñọke. Eteufọk amọ ayaanọ anye ufen anyʌñ abịn anye nọ akeba ye mbon imiinịmme Abasi ke akpanikọ.
"Ayịnufọk a-adiọọñọke uduak eteufọk amọ ado inamma mbeeñeidem, inyʌññọ inam se eteufọk amọ ayem enam, ayaabọ uwak ntiim. Ado ayịnufọk i-imiidiọọñọke uduak eteufọk amọ ado anam ñkpọ se idot ufen, ayaabọ etək-etək ufen. Amaado awo e-ekenọọhọ uwak, eyaebịp uwak ñkpọ eto anye; ñko awo e-eyaaha uwak ñkpọ esịn ke ubọk, eyaenyʌñ eyem uwak ñkpọ eto anye.
"Ami ñkedi adisịn ikañ ke ederimbod; ubaha nte adooho ikañ ado amaasaasak! Ami mmenie uduọkmmọọñ adina, ndin se naña mba ke mfʌhọ tutu uduọkmmọọñ ado akweeñe! Ekere ke ñkeben emem ndi isọñ? Iyoo, ñkeben ubakka ndi. Tọọñọ ke idahami, awo ition eyaeba ke ubon, ndin ubakka ayaaba ke ufọọd ammọ, ita eyaebakka eda ye iba ako, iba eyaenyʌñ ebakka eda ye ita ako. Ete ayaatuaha ye ayịn amọ, ayịn ayaanyʌñ atuaha ye ete; eka ayaatuaha ye ayịn awonwaan amọ, ayịn awonwaan ayaanyʌñ atuaha ye eka; eka ebe ayaatuaha ye anwaan ayịn amọ, anwaan ayịn ayaanyʌñ atuaha ye eka ebe."
Yisọs amaabo atu awo ate, "Ndufo imaikịt naña ntọñanyọñ ato usobutịn adi, idaha-idaha ado ndufo ete, ‘Edịm ayaadep,’ edịm anyʌñ adep. Ñko afịm a-atooho usuuk amaafịme, ndufo ete, ‘Ayio ayaada,’ anye anyʌñ ado ntoro. Ndufo mme mbubịk! Ndufo emediọọñọ naña ekappa naña ayio adiiba akeene naña isọñ ye anyọñ aba. Anam die ndin nọ ndufo imiikanna ikappa idiọọñọ se utọ ini ntom ada anọ?
"Nsoo inam nọ ndufo imiikanna ibiide inọ idem ndufo se ido nnen-nnen? Ke ini awo usua mfo ubenne fiin abịne akpe ikpe esob, nwana nam emem ye anye ke usʌñ, imiidooho ntoro anye ayauben fiin abịne abiideikpe, ndin abiideikpe ayauyaak fiin anọ adaaha, ndin adaaha ayausịn fiin ke ufọk ñkpakọb. Ami udọkkọ fiin nte, afo uduuwuọhọ tutu afo akpe akpatre akʌk."
"Ami mmaanam edioomo ye anyen mmi
mbo ke ndiiseeghe abọikpa ke anyen use.
Mfọn e-ennọọhọ miin anam ami ibo ndufo keedekeed: Ikiikịt idem ndufo nọ akpon akan naña akpenaa ndufo ekịt, ado ikap inie eti iwuod ye mfarakeidem, nọ asaña akekem ke udomo mbuọdidem a-Abasi inọọhọ ndufo keedekeed.
Ami mmedat anyịñ Abọọñ ñnyịn Yisọs Krais ikpe ndufo ubọk, nditọeka ke Krais, nte yak afịd ndufo enyịmme ye emọ-emọ ke se ndufo etañ ye se enam, mbaak ubakka adiba ke atu ndufo, ado nọ ato do ndufo ediana keed ke esịd ye ke akikere.
Anie ke atu ndufo adiọọñọ akikere esịd awo ke mmiibọhọke sịbidịd esịd mbon ado? Ke ukem usʌñ ado awo ndomokeed idiọọñọke akikere Abasi ke miibọhọke Sịbidịd Abasi.
Ikiibiaña idem ndufo. Awo ndufo ndomokeed akpekere ke iminie aniọñ ayio idahami, ana anye akappa ado akọi nọ ato do anye anie aniọñ.