Pensamentos
A Bíblia ensina que somos fruto dos nossos pensamentos. Por isso, Deus nos chama a renovar a mente, pensar em coisas nobres e guardar o coração com toda diligência.
Pensar no que é bom
Paulo nos exorta a pensar no que é verdadeiro, honesto, justo, puro, amável e de boa fama. A mente renovada é o caminho da transformação.
एते तैणीं, ओ भाईओ, ज़ुंण-ज़ुंण गल्ला परमेशरा सम्हनै शुची अर ज़ुंण-ज़ुंण गल्ला अदर करनै जोगी आसा, अर ज़ुंण-ज़ुंण गल्ला धर्मीं आसा, अर ज़ुंण-ज़ुंण गल्ला पबित्र आसा, अर ज़ुंण-ज़ुंण गल्ला शोभली आसा, अर ज़ुंण-ज़ुंण गल्ला मन्नैं भाऊंणै आल़ी आसा, एते तैणीं, ज़ुंण-ज़ुंण गल्ला भली अर बड़ैई करनै जोगी आसा, तिन्नां ई गल्ला दी दैआ धैन।
एऊ संसारे मणछा ज़िहै निं हआ, थारै मन्नां बदल़णैं संघै लोल़ी थारअ च़ाल-च़लण इहअ ठीक हुअ ज़िहअ परमेशर च़ाहा। ताकि तम्हैं इहै काम करे ज़ुंण ज़ेता करै परमेशर खुश हअ अर ज़ुंण काम भलै अर सिध्द आसा।
तैही करा आपणैं मन्नां काबू करी परमेशरे साबै हर कामां करना लै तैर एही आशा डाही करै कि परमेशरा करनअ तम्हां लै भलअ ई भलअ कि तेऊ दैणअ तम्हां लै आपणैं जशा दी उद्धार ज़ेभै मसीहा ईशू स्वर्गा का फिरी एछणअ।
ऐबै लोल़ी परमेशरो प्रतप्प प्रगट हुअ, तेऊए महान शगती ज़ुंण हाम्हां दी काम करा सह सका म्हारी सोठ समझ़ अर म्हारै मांगणै का बी खास्सी हर गल्ला पूरी करी। टोली अर मसीहा ईशू दी लोल़ी तेऊ परमेशरो हर बगत प्रतप्प सारी सदा तैणीं हुअ! एवमस्तू।
Guardar a mente
A Palavra de Deus discerne os pensamentos e intenções do coração. Guardar a mente é proteger a alma das armadilhas do pecado.
किल्हैकि परमेशरो बैण आसा ज़िऊंदअ, शगती आल़अ अर दुही बाखा तिछी तलबारा का बी तिछअ। सह करा आत्मां, प्राण, गांठ-गांठ अर हर ज़ोल़ ज़ुदै करी छ़िन्ह-बिन्ह। सह हेरा मन्नें गल्ला अर म्हारी सोठ परखी।
सोभी का खास्सी करनी आपणैं मन्नें फाज़त कि तम्हैं किज़ै सोठा,
किल्हैकि मणछे ज़िन्दगी ढल़ा तेऊ साबै ज़ेही सह सोठा।
ज़ुंण काम करनअ, सह लणअ पैहलै जोखी,
ताकि ज़ुंण तूह करे तेथ सफल होए।
एक बात हआ एही बी ज़ुंण मणछा का भली ज़ाण्हिंआं,
पर सह सका मौते दुआरै बी पजैल़ी।
मणछ सका आप्पू लै इहअ सोठी कि ज़ुंण तेऊ किअ सह आसा ठीक,
पर बिधाता का हआ थोघ कि तेऊए दिलै किज़ै आसा।
Os caminhos de Deus são mais altos
Os pensamentos de Deus são infinitamente superiores aos nossos. Devemos entregar nossos pensamentos a Ele e confiar em sua sabedoria.
किल्हैकि बिधाता बोला इहअ, "मेरी सोठ निं तम्हां ज़ेही आथी,
मेरी बात बी आसा तम्हां का ज़ुदी।
कदुष्ट काम करनै का हटा पिछ़ू,
बूरी सोठ छ़ाडा पोर्ही,
म्हारै परमेशर बिधाता बाखा फिरा,
सह आसा झणैल़ू अर तेऊ हेरनै थारै पाप माफ करी।
सोभै गल्ला छ़ाडा बिधाता सेटा,
तेऊ करनी थारी गल्ला सफल।
हे परमेशर, तूह ज़ाच़-भाल़ मुंह राम्बल़ै करै, संघा भाल़ मेरै मन्नैं किज़ै आसा,
तूह परख मुंह कि हुंह किज़ै सोठा।
तूह दै भाल़णीं कि मुंह दी किज़ै खोट किनी आसा,
पर तूह निंऊं मुंह तैहा बाता ज़ेथ सदा लै ज़िन्दगी भेटा।
हे बिधाता, तंऐं आसा हुंह ज़ाच़अ भाल़अ द,
अर ताखा आसा मेरै बारै पठी थोघ।
मेरै उझ़णै-बेशणे बारै आसा ताखा पठी थोघ,
ताखा जाआ उझै स्वर्गै एतरअ दूर थोघ लागी कि हुंह किज़ै सोठा।
Pensamento e conduta
Do coração procedem os males. A Bíblia nos adverte a não se preocupar excessivamente e a ter pensamentos sóbrios e disciplinados.
तेखअ इहअ बी बोलअ ईशू, "ज़ुंण मणछे भितरा का निखल़ा तेता करै लागा मणछा छ़ोत। किल्हैकि भितरा का मतलब ज़ुंण मणछे मना का बूरै बच़ार निखल़ा ज़ुंण मणछा,
"कंज़रैई, च़ोरी, हत्या, पराई बेटल़ी संघै डेऊणअ, मांण, निक्की सोठ, कपट, धोखअ दैणअ, होरी बेटल़ी लै कंज़री सोठ, निंदा करनी, ज़ीद, झ़ुठअ बोल़णअ, घमंड अर ऐडी गल्ला बाखा निंयां। ईंयां सारी बूरी गल्ला निखल़ा भितरा का अर एता ई करै लागा मणछा छ़ोत।"
"तैही बोला हुंह तम्हां लै इहअ कि आपणीं ज़िन्दगी लै इहअ फिकर निं करी कि किज़ै खाणअ किज़ै पिणअ? नां आपणीं देही लै फिकर करी कि हाम्हां किज़ै बान्हणअ? ज़िन्दगी आसा रोटी का अर देही आसा झिकल़ै का खास्सी किम्मती।
"प्राथणां करदी बारी निं तूह होरी ज़िहअ एकी ई गल्ला लै भिई-भिई कांग डाही। किल्है लाई। तिंयां समझ़ा इहअ कि एही खास्सी कांग डाहे लाई, तै हेरनी तिन्नें अरज़ शूणीं।
तेतरी हुऐ तिधी हज़ारो लोग कठा एतरै कि लोग लागै एकी दुजे खूरा प्रैंदै गंईं लाई भाल़ै। ईशू बोलअ आपणैं च़ेल्लै लै इहअ, "फरीसी मणछे कपट रुपी सज़ेल़ै का रहै चतैन। इहअ बगत बी एछणअ ज़ेभै ढोपी डाही दी हर च़ीज़ शुझणीं सोभी का अर गुप्त च़िज़ो लागणअ सोभी का थोघ। ज़ुंण तम्हैं न्हैरै दी आसा बोलअ द, सह शुझणअ प्रैश्शै दी, अर ज़ुंण तम्हैं पांडा भितरी काना पिछ़ू आसा बोलअ द तेतो हणअ छ़ाप्परा का प्रच़ार।
"पर हुंह बोला तम्हां का ज़ुंण मेरै साथी आसा कि तम्हैं निं तिन्नां का डरी आथी ज़ुंण थारी देही च़ाहा मारनअ। तिंयां निं होर किछ़ करी सकदै। हुंह खोज़ूं तम्हां का कहा का लागा डरनअ? तेऊ परमेशरा का डरै ज़हा तम्हां मारी करै जम्परी पाणैओ हक आसा। हाँ, सह ई आसा ज़सरी डरा हेठै लागा रहणअ। दूई चाम्बे ढब्बै करै कै पांज़ च़ेल्ली निं बिक्कदी? तैबी निं परमेशर तिन्नां मांझ़ै एकी बी बिस्सरदअ। इधी तैणीं कि तेऊ आसा थारै मुंडे शराल़ बी सोभ गणै दै। तैही बोला हुंह डरी निं आथी, तम्हैं आसा तिन्नां च़ेल्ली का खास्सै किम्मती।
"हुंह बोला तम्हां का कि ज़ुंण मुंह मणछे पूता होरी मणछा सम्हनै मने, सह मनणअ मुंह आपणैं बाब परमेशरे स्वर्ग दूते सम्हनै। पर ज़ुंण मेरै बारै होरी मणछा सम्हनै हुधिए, तेऊ लै हुधणअ मुंह बी स्वर्गै आपणैं बाब परमेशर अर स्वर्ग दूता सम्हनै।
"ज़ुंण मुंह मणछे पूतो बरोधी हई किज़ै बोले, तेऊओ ज़ुल्म सका हई माफ, पर ज़ुंण पबित्र आत्में निंदा करे तेऊए ज़ुल्म निं कधि माफ हणैं।
"ज़ेभै लोग तम्हां सभागृहा, राज़पाल अर सैणैं सम्हनै निंए, तेभै निं फिकर करी कि हाम्हां किहअ करै अर किज़ै बोल़णअ, या किज़ै ज़बाब दैणअ। किल्हैकि पबित्र आत्मां खोज़णअ तम्हां का तेभी कि तम्हां किज़ै बोल़णअ।"
तेखअ बोलअ एकी मणछै लोगे झाल़ै मांझ़ा का ईशू लै, "हे गूरू, मेरै भाई लै बोल इहअ कि बाबे ज़ैदात दै मुल्है बी बांड।" ईशू बोलअ तेऊ लै, "हे मणछा, हुंह कुंणी आसा डाहअ द थारै पांच़ अर बांडी करदअ?" ईशू बोलअ तेखअ तिन्नां लै, "चतैन रहा, अर सोभी रंगे मांण करनै का रहा आप्पू बच़दै। किल्हैकि कोहिए ज़िन्दगी निं तेऊए खास्सी ज़ैदात करै बच़दी।"
तेखअ खोज़ी ईशू तिन्नां का एक होर कथ्या, "एकी सेठ मणछे हुई ज़िम्मीं दी खास्सी पज़ैआ। तेखअ लागअ सह आपणैं मन्नैं आप्पू लै बोल्दअ, ‘हुंह किज़ै करूं? मुखा निं एतरी फसला डाहणां लै ज़ैगा आथी।’ तेखअ बोलअ तेऊ ‘मुंह करनअ इहअ कि मुंह बणाणैं होछ़ै मणशू खोल्ही करै बधिया बडै अर तेथ डाहणअ मुंह आपणअ नाज़। तेखअ दैणीं मुंह आपणैं शाह लै एही दसल्ली कि ताखा आसा आजू खास्सी साला लै धन-माया अर ज़ैदात डाही दी। मुंह करनअ ऐबै बैह संघा हणीं मुंह मौज़।’ पर परमेशरै बोलअ तेऊ लै इहअ, ‘आरा ऐडै मणछा, तूह मरनअ ऐहा ई राची अर ज़ुंण बी तंऐं कठा आसा किअ द, सह कसरअ हणअ?’ इहअ ई ऐडअ आसा सह मणछ बी ज़ुंण आप्पू लै धन-माया कठा करा, पर परमेशर निं तेऊ सेठ मंदअ।"
तेखअ बोलअ ईशू आपणैं च़ेल्लै लै, "तैही बोला हुंह तम्हां लै इहअ कि आपणीं ज़िन्दगी लै इहअ फिकर निं करी कि हाम्हां किज़ै खाणअ, किज़ै पिणअ नां आपणीं देही लै फिकर करी कि किज़ै बान्हणअ? किल्हैकि ज़िन्दगी आसा रोटी का अर देही आसा झिकल़ै का खास्सी किम्मती। सरगै डैऊंदै काऊड़ै भाल़ा! ईंयां नां बऊंदै अर नां लऊंदै नां तिन्नें खेच खहल़ नां भढार हंदै। तैबी धाचा तिन्नां परमेशर आप्पै। तम्हैं आसा इना का खास्सै किम्मती।
"तम्हां मांझ़ै इहअ कुंण आसा ज़ुंण फिकर करी आपणीं अमर धख ज़ेही बी सका लाम्मी करी? तैही बोला हुंह तम्हां लै, ज़ै तम्हैं फिकर करी एक होछ़अ ज़िहअ काम बी निं करी सकदै, होरी गल्ला लै किल्है करा फिकर?
"बणैं लागै दै होछ़ै-होछ़ै फूला लै दैआ धैन कि तिंयां किहअ करै बझ़ा! तिंयां नां मैन्थ करदै अर नां तिंयां कातदै, तैबी बोला हुंह तम्हां लै कि सुलैमाने राज़ै बी निं आपणीं ज़िन्दगीए सारै राज़-पाठा दी तिन्नां मांझ़ै कहा एकी बराबर झिकल़ै बान्हैं। ज़ै परमेशर घैहणींए घाहा लै, ज़ुंण आझ़ आसा अर काल्ला दहणअ सह आगी जैंदरी, तिन्नां का बी इहै झिकल़ै बन्हैऊंआं। ओ बैहमी विश्वासीओ, तम्हां लै कै सह झिकल़ै दैई निं सकदअ? तम्हैं ऐहा गल्ला लोल़ै निं रहा लागी कि किज़ै खाणअ अर किज़ै पिणअ? नां बैहम करा। किल्हैकि संसारे ज़ाती रहा इना गल्ला लोल़ी लागी। पर थारै बाब परमेशरा का आसा थोघ कि तम्हां किज़ू गल्ले ज़रुरत आसा। पर तम्हैं करा आपणैं बाब परमेशरे धर्म अर राज़े लोल़-तोप अर ईंयां सोभ गल्ला जाणीं तम्हां भेटी।
"तम्हैं आसा भेडे होछ़ै छ़ुंडा ज़िहै ज़हा हुंह सभाल़ा, तम्हैं निं किछ़ी गल्ले फिकर करी। किल्हैकि थारै बाब परमेशरा लागअ इहअ भलअ कि तेऊ दैणअ तम्हां लै राज़। आपणीं ज़ैदात करा बेच़ी दान अर आप्पू लै बणाआं इहै थैल्लू ज़ुंण कधि पराणैं निं हंदै। मतलब स्वर्गै करा आप्पू लै धन कठा ज़ुंण तिधी सदा रहणअ। नां तेता नेल़ च़ोर एछदअ अर नां किल़ै लागदै। किल्हैकि ज़िधी थारअ धन आसा, तिधी रहणअ थारअ मन्न बी लागी।
"थारी कुछी लोल़ी गाची बान्हीं रही अर थारै दीऐ लोल़ी ज़ल़दै रहै। तम्हैं रहा तिन्नां मणछ ज़िहै ज़ुंण आपणैं मालका न्हैल़ै रहा लागी कि बैहा का केभै एछणअ फिरी कि ज़ेभै सह दुआर टोक्के, तेभै खोल्हणअ तेभी तेऊ लै दुआर। तिन्नां लै आसा बर्गत, ज़हा तिन्नों मालक एछी बिहुदै भाल़े। हुंह खोज़ा तम्हां का सत्त कि ज़ेभै सह तिन्नां रोटी खांदअ बशैल़े, तेभै करनी तेऊ आप्पै दास बणी तिन्नें च़ाकरी। ज़ै सह राचकै दुजै पहरै या चिऊथै पहरै तिन्नां बिऊंतै भाल़े, तिन्नां लै हणअ सह खुश।
"पर ऐहा गल्ला लऐ तम्हैं समझ़ी कि, ज़ै घअरे मालका का इहअ थोघ हंदअ कि च़ोर केभै एछणअ तै रहणअ त तेऊ बिऊंतै अर आपणैं घअरै निं तेऊ च़ोरी दैणीं ती हणैं। तम्हैं बी रहा हर बगत तैर। किल्हैकि ज़हा घल़ी तम्हैं सोठी बी निं सकदै, तैहा घल़ी एछणअ हुंह मणछो पूत।"
तेखअ बोलअ पतरासै, "हे प्रभू, ऐहा कथ्या कै तूह सिधअ हाम्हां ई लै बोला कि होरी लै बी बोला?" ईशू बोलअ तेऊ लै, "इहअ भरोस्सै करनै जोगी अर समझ़कार मणछ कुंण आसा ज़सरै मालकै सह सोभी दास-दासी लै हुकम करदअ अर कामां कराऊंदअ भढारी डाहअ बणाईं कि तिन्नां लै रोटी-पाणीं करे दैई? मालक हआ तेऊ दासा लै खुश ज़हा तेऊओ मालक इहअ ई करदै भाल़े। हुंह खोज़ा तम्हां का सत्त कि तेऊ बणाणअं सह आपणीं सारी ज़ैदातो भढारी। पर ज़ै सह दास इहअ सोठे कि मेरै मालक एछणा लै आसा अज़ी खास्सी बल़ैग, अर सह होरी दास-दासी च़िक्कदअ-मारदअ अर शूर-शराबा झुटदअ लागे, तेऊ दासो मालक एछणअ तैहा धैल़ी, ज़ेभै सह न्हैल़अ बी निं होए लागअ द। ज़ेभै तेऊओ मालक एछणअ तेऊ का निं थोघ बी लागणअ। तेऊ भेटणीं तेते सज़ा तिन्नां ज़ेही ज़ुंण विश्वास घात करा।
"सह दास ज़हा आपणैं मालके बारै थोघ त पर तैर निं रहअ अर नां तेऊ तिहअ किअ ज़िहअ मालकै तेऊ लै बोलअ त! तेऊ भेटणीं बेघै बूरी मार। पर ज़हा दासा का इहअ थोघ निं होए कि तेऊओ मालक किज़ै काम कराऊंणअ च़ाहा अर नज़ाणै दी कोई गलती करे, तेऊ भेटणीं थोल़ी मार। तैही ज़हा लै खास्सअ आसा दैनअ द, तेऊ का मांगणअ खास्सअ ई अर ज़हा का खास्सअ डाहअ द आसा, तेऊ का काढणअ बी खास्सअ।
"हुंह आसा पृथूई दी आगी चैल़दअ आअ द। हुंह होर एता सुआई किज़ै च़ाहा कि आग एभी ज़ल़े! मुंह आसा आजू एक घोर दाह-दुखे डुबकी लणा लै। ज़ेभै तैणीं सह पूरअ निं हुअ तेभै तैणीं आसा मुल्है खास्सअ बोझ़। तम्हैं किज़ै समझ़ा कि हुंह पृथूई दी मेल़-ज़ोल़ करदअ आसा आअ द? हुंह बोला नांईं, पर हुंह आसा मणछा एकी-दुजै का ज़ुदै करदअ आअ द। किल्हैकि एभा पोर्ही हणैं एकी घअरे पांज़ ज़ण्हैं आप्पू मांझ़ै बरोधी चिई ज़ण्हैं दूई का अर दूई ज़ण्हैं चिई का।
‘बाबा करनी शोहरू संघै ज़ीद
अर शोहरू करनी बाबा संघै ज़ीद।
ईजा डाहणीं शोहरी संघै ज़ीद
अर शोहरी डाहणीं ईजा संघै ज़ीद।
शाशुई करनी नुशा संघै ज़ीद
अर नुशा डाहणीं शाशुई संघै ज़ीद।’"
ईशू बोलअ तिधी तिन्नां खास्सै झाल़्हुऐ दै लोगा बाखा फिरी, "ज़ेभै तम्हैं बादल़ पछ़मा बाखा भाल़ा, तेभै बोला तम्हैं इहअ कि पाणीं हणअ अर इहअ ई हआ बी। ज़ेभै दखणा बाखा बागरी च़ला, तेभै बोला तम्हैं इहअ कि आझ़ पल़णअ चटाक धुप्पअ अर हआ बी तिहअ ई। ओ कपटी मणछो, पृथूई अर सरगे बारै जाआ तम्हैं तेते लछ़ण भाल़ी समझ़ी, तै एऊ जुगो भेद किल्है निं समझ़दै?
"तम्हैं आप्पै किल्है निं फैंसलअ लंदै कि भलअ किज़ै आसा? ज़ेभै तूह आपणैं दुशमणा संघै पांच़ा सेटा लै आसा च़ाल्लअ द, तेभै कर बाता हांढदी तेऊ संघै मेल़-ज़ोल़। इहअ निं हआ कि सह निंए ताह पांच़ा सेटा अर पांच़ दैए ताह सपाही का अर सपाही पाए ताह कैद खानै दी। हुंह खोज़ा तम्हां का सत्त ज़ेभै तैणीं तूह पाई-पाई नां भरी मुक्के, तेभै तैणीं निं तूह तिधा का छ़ुटणअ।"
"मंऐं आसा आपणीं आछी लै बी बधान डाहअ द कि मुंह निं कधि
च़ंदरी सोठ डाही कहा शोहरी भाल़ै लागणअ।
किल्हैकि मुंह परमेशरा का ज़ुंण जश आसा भेटअ द, हुंह बोला तेता पिछ़ू तम्हां सोभी लै इहअ कि ज़िहअ समझ़अ लोल़ी तेता का ज़ादै निं तम्हैं आप्पू समझ़ी। पर ज़िहअ परमेशर थारै विश्वासे साबै बांडी आसा दैनअ द तम्हैं समझ़ा आप्पू तेते साबै।
भाईओ, हुंह करा तम्हां का प्रभू ईशू मसीहे नाओंऐं अरज़ कि तम्हैं सोभै डाहा आप्पू मांझ़ै सोभै कठा रही एक मन्न अर एक मकसद।
ऐहा गल्ला निं कोहै भुझ़ी सकदअ कि दुजअ मणछ असली दी किज़ै सोठा! ऐहा गल्ला ज़ाणा सिधअ सह ई मणछ आप्पू, अर परमेशरे सोठ बी निं परमेशरे आपणीं आत्मां छ़ाडी कोहै समझ़ी सकदअ।
कोहै बी निं आप्पू लै धोखअ दैई। ज़ै तम्हां मांझ़ै कुंण एऊ संसारे मणछे साबै आप्पू लै बडअ भारी ज्ञैनी समझ़े, तै बणै ऐडअ ताकि तम्हैं परमेशरे साबै ज्ञैनी बणी सके।