Protecção e segurança
Deus é nosso protetor e refúgio seguro. Em todas as circunstâncias, a Bíblia nos assegura que o Senhor guarda, sustenta e protege aqueles que nele confiam.
Deus, a nossa fortaleza
O Senhor é refúgio e fortaleza, socorro bem presente na angústia. Quem habita no esconderijo do Altíssimo descansa à sombra do Todo-Poderoso.
Tinggwang au anui kensiube
Tinggwang au anui nsiube nah kengkieng,
keherei tingdau nghabeu la.
Tinggwang au anui kensiube
Tinggwang au anui nsiube nah kengkieng,
keherei tingdau nghabeu la.
A kensiuki nah A kengkieng bam
Hutube Tinggwang msiu ga lungh kebambe au
Ngkiengtube miekang ga bamzie.
Ih RAMPAUBE ha rangzie, "Pa a kemsiube nah acu kegumbe,
a Tinggwang, Ih nlumla kelabe."
Pa pe hesiudung ne ncu gum beuzie,
nah pe hesiudung kangga nang msiu kera ngau luzie.
Pe masang au kegumbe nah kemsiube.
Cang ge n lambie kaumie tsaidi lubui
nah cang kerei ge n ba zetle,
dede cide n da gwang canglak.
Kedanemene RAMPAUBE au a kemsiube!
N kemsiube de liede Hutube Tinggwang tei lulo.
Herakesia gede n dwa rai gailak;
kehebwak kette n ki taiga gwang nna lak.
RAMPAUBE au a kebaa nah a kelikelube
RAMPAUBE a kebaa nah acu ri kebeube;
Ih cau de hing lai?
RAMPAUBE a teilung kensiube;
Ih cauge de hing swa lai?
Pa rünne agu tangtsu nah acu kelikelube;
pa au agu tsukwa kehube; Ih madaude ngamdi lak.
RAMPAUBE mine ngau rau kelame ziemne kensiu ge zie,
keherei kecu tingdau kensiu ge.
O escudo do Senhor
Deus nos rodeia com sua proteção como um escudo. Ele é rocha, baluarte e libertador. Sua fidelidade nos cobre e nos guarda.
Dede nang, RAMPAUBO, acu twagwa kepung a hegeu da,
a kendu, nah a peu pwa ngangcuh kebeube da.
Acu kelilu, Oh A Tinggwang
RAMPAUBO, a ngauraume daikiee ge no!
Kekiee ge acu mmau cuh dida.
Mi kekiee ge a ha rang,
"Tinggwang kengha au pe da gah." Selah
Dede nang, RAMPAUBO, acu twagwa kepung a hegeu da,
a kendu, nah a peu pwa ngangcuh kebeube da.
Ih RAMPAUBE dage hap gai,
nah pa pe kemci kideutu gade a sam keligai. Selah
Ih zeu mie nah zipdi;
Ih nrak cuh dailu, RAMPAUBE acu gum kebeu ziemne.
Ih ngauraume hemaa maadi de hing lak
acu mmau kera twagwa pung kebamme de.
Tinggwang au, pe lampui au mzui! RAMPAUBE sam au mci!
Pa au hegeu ge nzwa lie pe dade nsiu kera peei kelame ziemne.
Nang n kelikelu gu hegeu acu peuda. N ba zetle le acu ngha beu da, nah ngaugia de ne acu teingkieng beuda.
Nang a pi ziemne pe bam kedi ge teilu iciu eh a pi reneu di melu kerane.
A Tsura nah a kengkieng bam
RAMPAUBE, a tsurabe de peu samlampung kelube teilo,
hereu teikera ziemne a badung ledeu kelabe
nah keregi kera ziemne a zurangpuidung.
Nang au agu kesamsang samkak kelube nah a kengkieng reketbam,
a bam kehube nah acu kelikelube,
acu kegumbe nah Ih pe dage nsiu kelabe,
a kang gade heleuhdung de kezeu lu kelabe.
Hegwangmedung de kelikelu kepeu be,
David n kilabe de kingtie kesiabe gade kelikelube.
Dede n dage nsiu gai kelume leune depeu penui sui yilu;
peu penuide penui suiyi kwa sahlu kedanemene nang penui de gumbeu delu;
peu penuide n dage penui suiyi gailu, n zi de pesui kelame.
Nang kesamsangme de samlam beuzie kecune, RAMPAUBO;
nang penuide kengha le penuide hegeu nzwa gum beula.
Ih ncu qula, kedanemene nang a sam keli beu lalu, Tinggwang; a da nreu gwang lo nah Ih marang kegai dau a sam kingnei lo.
N samkakkelu samsang de miswakegah ria gade teilia lo, nang n da nsiu kelame de penui ngauraumedung dade kelibeu kelabe!
Nang n miak de ku kela nzwa eh acu gum beulo; n hesiu kangga acu hebai gailu
mina kesiame acu teikeherei kebam gade, a ngauraume acu twagwa pung kebamme dade.
Hegwangpei RAMPAUBE de nlum kecune;
Hutube Tinggwang samkakkelu samsang de ziemne pa nlai gailak.
N ba le n ngauraume pelane de tui luzie;
n zetle ba le ncu ngkau kelame de tui luzie.
Nang n rata kecudau, nang ngauraume de mibung gage keru nzwa ru dizie.
RAMPAUBE pe lunghop gade penuide ngkap dizie,
nah mi le penuide ru dizie.
Nang a kensiu bam; nang a reidung gade acu gum beu zie.
Ngkieng kelu leidung le nang acu twagwa luzie. Selah
Segurança e provisão
O Senhor supre todas as necessidades dos seus filhos. Quem busca o Reino primeiro não precisa temer — nada faltará aos que temem ao Senhor.
RAMPAUBE au acu kekwabe
RAMPAUBE au acu kekwabe; Ih magede teu si kera bamsi meda.
Madau ge heri heret hinghodung ketyeipok gah dila nah mzeu lala,
dede RAMPAUBE sam mzai kelame makeyibe magede camdi lak.
RAMPAUBE de nlumlu nah makeyi teilu;
kideube ga lungh lu nah samsang eh kwaklu.
Ih piage hena bam nah cu au hecing dida;
Kesamsangme de gi kedi madauge de Ih ngau ma,
mede pe namedung maha tyei la eh.
Cu a Tinggwang pe kendu mahei kebam Khrista Jisu gade nnui teumaikesia leune pwapeu zie.
Acu teingkieng beu kelabe ziemne Ih ma pelane tei lubui.
Dede Tinggwang hegwangram nah pe masang peei rai lulo, ciude ma aidungde pelane nnuide peuzie.
Ciziemne, penui nzwa diso, kedanemene nnui Pei au nnui kie kemak dwade nnui dai teu maisia bi cibam.
Kie, peei, ketung
Kielu, ciciude nnuide pwapeu zie. Peeilo, iciude nnui ngau luzie. Ketunglu, iciude nnuide ngkei beuzie. Kie kelame leune, ngau lula; nah peei kelabe, ngau lula; nah ketung kelabe de, ngkei beuzie.
Ciziemne, nnui kemaume de nnui name de mapeu keyi peu kera ciem ci liecai, tinggim ga kebam nnui Pei Tinggwang pe dade kie kelame de ciswa kemzu mapeu keyi peu zie meluini?
Guarda e livramento
O anjo do Senhor acampa ao redor dos que o temem e os livra. Deus promete guardar todas as nossas saídas e entradas para sempre.
Pecu rüt kelame da RAMPAUBE tinggimgwame twagwa pung bamla
nah penuide makehung gade kelilu la.
RAMPAUBE pe kilamedung de kelibeu la.
Peda nsiu kera kegwangme leune migede mmau dilak.
Acu kengha RAMPAUBE dade gwangla
Ih a miakdung ngang cuh lamlwadung gage pie gai.
Acu kengha daiga de gwang lai?
Acu kengha RAMPAUBE dade gwang zie,
tinggim nah kideu tei kegaibe dade.
RAMPAUBE peu n pi reneu dilak;
ncu kegumbe au ziangmui dilak.
Pielo, Israel de kegumbe
madaude ziangmui mede zip lama.
RAMPAUBE au ncu kegumbe;
RAMPAUBE au ncu gumbeu kera n taiga bam.
Ting baa kecudau tingnaimiak ne ncu tei rezam dilak,
mede tingmui hekei nede.
RAMPAUBE ne tei rezam kera leune gade ncu gum beu zie,
nah pa ne n teilung gum beu zie.
RAMPAUBE ne nang ketei leune gade
cu nah kelungta ncu gum beuzie.
Nang a Rabe gidilak
Acu gum beulo, Tinggwang, kedanemene Ih n dage nsiu kegaine.
Nang a Rabe gidilak
Acu gum beulo, Tinggwang, kedanemene Ih n dage nsiu kegaine.
Ih RAMPAUBE de a dwa gage kai muila, iciu eh acu deu mlai di gailak!
Ih RAMPAUBE de a dwa gage kai muila, iciu eh acu deu mlai di gailak!
Anui RAMPAUBE Tinggwang zi de nlumlu
Nang keherei kecudau RAMPAUBE depeu ncu ngha lo;
Jacob Tinggwang zi depeu ncu gum beulo
nah kemci ni gade kengha langgai lo
ncu Zion gade ngha kerane.
A teilung gum beulo nah acu keli beulo;
peu acu tei ngngam diso, kedanemene Ih n dage nsiu lalu!
A samsang nah a masang depeu acu gumlu,
kedanemene Ih n dade regui kelane.
Hekwen au ngkienglu kera kenret regui ge;
pe kengkieng kedi bam liede, pane keli gailak.
Pielo, RAMPAUBE miak au pecu rüt kelame de piela,
pe samkakkelu samsang ga regui kebamme de
ketsai gade penuide ribeu kerane
nah herakum tingdau peu ringbamlu kerane.
RAMPAUBE de anui kwa bamzie;
pa anuide kenghabe nah anui geu.
Confiança inabalável
Melhor é confiar no Senhor do que confiar no homem. Quem anda em integridade anda seguro, e a torre forte do nome do Senhor protege o justo.
RAMPAUBE a da la; Ih ngngi dilak;
mina ne acu dai tei lulai?
RAMPAUBE da nsiu kelube yiki
mina de kenlum swa.
RAMPAUBE zi au tsukwa kehu kengkieng ge;
cika makesangme pak mie eh kwak lula.
RAMPAUBE zi au tsukwa kehu kengkieng ge;
cika makesangme pak mie eh kwak lula.
Mige RAMPAUBE de rüt keludau, pa pecu kenlum bam lula;
ma aidung au pe name de gumlu kera kengking bam ge nzwa zie.
kedanemene RAMPAUBE n lambie bam zie
nah hebaih ga paklet lu kera gade n pi keu mzia beuzie.
Makesang lampui ga tet kelame kwak luzie,
dede pe lampui teingkoi kelabe de mtei dwa liagai zie.
Tinggwang sam leune kedei pie dida;
pe dage nsiu kegai leune de pa au gum beula.
Tinggwang sam leune kedei pie dida;
pe dage nsiu kegai leune de pa au gum beula.
Makesang ne penui lampui ga maukemakme de gum beula,
dede kesia au kemau tei kelame de teingkau dila.
Makesangme pa teikeneu leu tyeiset kemakta tyei bamla,
dede kemaume mzeu bam mui zie.
Kedanemene RAMPAUBE maci peula,
pemui gade maci nah kecikecet gwang la.
Pa pe suiyi tei kelame ziemne maci hekwa beula,
pa au masang eh tet kelame de gum beula,
makesang lampuidung pa gum beula
nah pa pecu nlum kelame lampui gum beuzie.
Kenriakme keherei ngau eh pekatei pecu hebai lula,
dede macet kemakme mie la nah cide ziemne keherei dizie.
Regi kera benai ziemne hekwendung mtei lubui,
dede hereu ngkienglu kera au RAMPAUBE da bam.
N mlung de peu kwak eh bamlu nah sünne eh gum teu pwabam lu,
kedanemene cide gade kering duirwak lwapet lalu.
A presença protetora
O Senhor prometeu estar conosco e nunca nos desampara. Ele é como sombra à nossa direita e fortaleza em todo o tempo.
Nnui lung ntiplu nah kuulu, ngngi so, nah penuide hing so; kedanemene RAMPAUBE nnui Tinggwang, pa nnuide ngngwa la delie; pa nnui dade canglu tadi mede nnuide gidi laklie."
Kelungta Tinggwang au mide gumla,
nah kelungta ba de pekangga.
Pa ngauraume de n dwa gwa mpet dila,
nah pa ranggai, "Tei msia di!"
Benjamin ha, Moses rangdi:
RAMPAUBE ne ku kelame petaiga kwak eh lunghbam;
RAMPAUBE pecu tingba pelane gumla,
nah pa RAMPAUBE ba kakga lunghla.
Ncu renia kera reunet teikelu kette ngking gailak;
nah ncu kemau ndam kelame leune de mmau zie.
Aide RAMPAUBE kilame mapwa, nah a dade penui kemzeu ngau zie, aide RAMPAUBE ne ndugai."
RAMPAUBO, helung n da kaipwa kebambe de, nang pecu lungciep yicangsiak kecu kai luzie, kedanemene pa ncu nlum kelane.
Nnui kecingting gade de Ih au pa da, nah nnui peu pu di kemaktane Ih nnui mapie lazie.
Ih nnui de tei ai nah Ih nnui mapie luzie; Ih nnui mapie zie nah Ih nnuide kelilu zie.
Nruinedung lim kelanzwa, cinzwa eh reugwame reu RAMPAUBE ne Jerusalem de gum beuzie;
pa ne gum nah kelilu zie pa cipaureu tetkak nah cide kaizeu lula.
keyi tei kera heteu lu;
kemzuibe peeilu, mine mneu kelame de lungmpet beulu,
pe pei kegahme kemzuibe peulu, hemipui ma pielu."
Magade nnui neungga eh samzai teilucai, nnui kideu gu ma keyibe tyei zie,
dede magade nnui mlai nah renia cai, kiengtie le nnuide ngkap dizie,"
RAMPAUBE mui gade cide rang pet kedi ziemne.
RAMPAUBE nnui ziemne regi beuzie, nah nnui au zing delwe sap bam kera gwale ma."
Rampaube au yi, keherei tingdau minadung de gum beula; nah pa peda nreu kegwangme ma piela.
Promessas de cuidado
Deus garante que nem um fio de cabelo cairá sem sua permissão. Ele deseja que vivamos em paz, confiança e segurança total nele.
Tangkine kena de peusa pakge le zwa la meni? Iciude nnui Pei ci mene kette hangdeu cak miedi lama. Dede nnui peu ga tamleidung kecang de peikap luda. Ciziemne hing helo, nnui tangkine kekiee ge swa pemi whungki lu.
Makeheibe de nnui nlumsiak eh, kie cai, nnui ngau luzie."
Nah a zi ziemne mina peciakne nnuide ngaurau dizie. Dede nnui peutam leige de tei ngga dilak. Nnui liakelu gade, nnui keringria ngaulu zie.
Pecai Jisu penui dage rangdi, "Ih nnuide peu rangkangbung nah nsung nah picum pung mene langkegai dau, nnui magede kenang dau ma, nnui kenang daudi ni?" Ge penui, rangdi "Magede ma."
Iciucai ma aidungde ziemne anui dai ranglai? Tinggwang anui kilam lacai, caune anuide renia lulai?
Cine anui kuu eh rang,
"Rampaube au acu kenghabe; Ih ngngi dilak.
Mina a dage daige tei lulai?"
Cine Tinggwang dage henah gailu. Dede herakesiabe de renia lu, iciude pa nnui dade pak dizie.
Cine, anui kedame nzwa zip kerabe ma. Meliene, anui mrak nah mcing bam lugo.
Fidelidade e aliança
Deus é fiel à sua aliança. Ele protege cada promessa que faz e guarda os seus como a menina dos seus olhos.
Dede Rampaube au masang, pa nnuide tei ngkieng beu nah kesia gade nnuide gum beuzie.
nah anui pe dade kie kegai leune anui ngau luzie, kedanemene anui pe ajadung de mzai nah pe suiyibe tei kelane.
Nah anui peda kekuu kebam de au, anui pe lungningbe nzwa ma keheibede kie liecai, pa anui kwa kingnei kela deda. Nah pa anui kwa kingnei kelade anui ci liecai, anui pe dage kiekegai keheibede, anui pe dage kie kegaide ngaulu kela cibam.
Keheibede Tinggwang dade lungh kegwangbe kemau teila kemak anui cibam, dede Tinggwang Nabe pecu peu kwak lula, nah makesiabe pecu tung lama.
Ih au nda gwang lauda Ih au kideu ga bam si lakta, dede mina aidungde kideu ga bam reu. Kemci Peibo, n zi gade penui de kai kwak bam lulo nang acu kepeu de, ciu eh anai ket kecu nzwa penui ngngwa ket teilu zie. Ih penuide ngngwa kebam dau, Ih penui de n zi gade kwak eh kaipwa bamlu, nang acu kepeume zi de. Ih penuide gum teula luda, nah penui hangge de gah dima, ngkapdi kerabe nabe gwale iciu eh kesanglaisiudung tei canglu kerane.
Ih n dade kideube gade penuide keu tet dilo eh kie ma, dede penuide kesiabe gade peu kwak lulo n dade kiela.
Kedanemene RAMPAUBE gwale cau Tinggwang no,
nah Tinggwang gwale caube tsurakang ge no?
Ciciucai cu, n kilabe kilungme de samlam beu kera peu n suiyi lulo, ciu eh cide n dwa gade kelungta peu bam jüja lu kerane. Kedanemene nang, RAMPAUBE Tinggwang, ma aidungde ranggai da, nah n samlam gade n kilabe leuhme de kelungta samlam pungzie."
Pecai David penui deu Damascus ga Aram gage reugwame ramzeukidung teigai lu nah Aramme pe kila teidi nah pe dage heraha kai ladi. RAMPAUBE David kemie leuga pecu ngkieng kelu peu.
Nang kemie leuga Ih ncu nzangla nah n ngauraumedung de n dwa gade ngam ciau dida, nah Ih n zi kideu ga kendume zidung nzwa teibeu zie.
Ciziemne nnui a samdung mzai maisia, a zaidung kai nzeu lu, nah tei mzailu. Ciude cipau deu de kwak eh lungh lu zie.
Ih aidung de teu eh nnuide ngngwa samkak la, madaude kau kengngi leune de duinai gele ngkap dai lakta. Madaude kideube de duinai ne ngkap dai lakta."
RAMPAUBE Tinggwang pe kilame caihakecime
dage pe kecet ranglia mene magede tei lama.
Provisão diária
Deus satisfaz os desejos do coração dos seus filhos. Ele abençoa, renova as forças e sustenta dia após dia quem nele confia.
N ngaugia tadung de a da gwang cangta kedi tei diso, RAMPAUBO;
n samkakkelu samsang nah ncu nlumlukebui dene peu acu gum kwaklu.
N reidung RAMPAUBE dage kailu, nah pa ncu teirelui beu zie;
pa kesangme de madaude peu tet ngkoi dilak.
Dede Ih n kengkieng ha teu lei teizie,
nah tingcang dau n keku bammui kela ha teu Ih lei teizie!
Kedanemene nang agu tsukwa kehu ge kecune
nah Ih keherei kelu benai a kemsiube.
Dede hegwangpei Tinggwang da pe suiyi dizie;
Tinggwang zi gade sampet kelu mileune pecule pwa hegie dizie,
dede kenretdung rang kelame muidung ngkui ciak dizie.
Tinggwang da lei teilu! Lei tei pezi twalu!
Jordan Reuki langkam ga langkiedung ga tetka gwang kecube de twalu!
Pe zi au RAMPAUBE! Renga bamlu pe dwaga de!
Pa au pe pei kegahme pei, hemipuidung de gumbeu kelabe,
Tinggwang au pa lungh kebam kemci ni ga bam
Anui reidung cuibeu kelabe, Rampaube depeu samlam pung kelube tei lulo,
anuide kelikebeube Tinggwang. Selah
Ih RAMPAUBE nnui Tinggwang,
nnuide Egypt deu gade ngngwa mpet kebeube.
Nnui mui ngnga mdi gai, nah Ih tei pui beu zie.
Kedanemene RAMPAUBE Tinggwang au anuide gum kelabe nah anui geu;
RAMPAUBE ne ngaugia nah kendu peu zie;
keyi tei kelame de pa madaude keyibe peu tadi lama
Nnui RAMPAUBE de hung kelame, kesia ngkau lu!
Pa pecu kenlumme ge teilung gum beula,
nah kenlienme ba gade pa penui de keumpet peula.
RAMPAUBE au kengha kegahme de gum beula;
Ih kengngi ga ladi, nah pa ne acu kelibeu.
A rabe pe kemtak ni ga cailigwang daidi lubui da
kedanemene RAMPAUBE a dade pezai yi kelane.
Kedanemene nang ketsai gade a teilung kelibeu da,
a miakduidung peu lwa tadi,
nah peu acu ngam dima.
Ih keringme deu ga de
RAMPAUBE gwa tei zie.
Nang au a kensiu ki nah acu kegumbe;
n sam ga a keregui bam.
RAMPAUBE ne kibe teima liecai
RAMPAUBE ne kibe teigai kemaktane,
penui kemta gage makam teigai la, cide tei kegaimedung.
RAMPAUBE ne namdibe kwa kemaktane,
kepieme sap eh kemta gage kwa bam.
Cika Ih David de pekii pwak cuh kecu tei zie
nah keniak kelube a hegwangpei ziemne kebaabung kaibeu zie.
Ih pe ngauraumedung de hengam le cum luzie,
dede pe dade hegwang peurwa baa zie."
RAMPAUBE au a da la penli ga kecang;
n samkak de samsang, RAMPAUBE, kelungta la mui zie.
Nang n badung le tei kelume ge de pütdi helo.
Nang n ba ngkeibeu
nah ring kela leune hengim teicang beu la.
Pa mine teikeherei kelame ziemne hetu tiakla
nah mzeu kelame de ketyeipok peu la.
RAMPAUBE hebaangmedung de lungmpet beu la;
RAMPAUBE miakcetme de peu ma ngaulu;
RAMPAUBE henah kelame dung de teu cuh beu;
RAMPAUBE mina kesamsang medung de ku.
RAMPAUBE kideu ga sangmedung de gumbeu;
pa pe pei kegame nah hemipui de teu cu beu,
dede pa kenlienmedung de renia la.
Ih lungciep teu delwe zeu mie zie nah zip zie,
kedanemene nang rünne, Oh RAMPAUBO, acu gum nah kwa kwakbeu kelane.
Tinggwang reunet pelane teulu, iciude nnui herakesiabe heciem teikela gade ngkieng luzie.
Tinggwang reunet pelane teulu, iciude nnui herakesiabe heciem teikela gade ngkieng luzie. Kedanemene anui mi teih nah mi jai de ngngwa keregi ma, dede kedime, kengkieng keteumedung, kideu kemui teu kebamme, tinggim ga kesia rabe maadungde ngngwa renia bamlu.
Ih ncu keteu, mige Tinggwang de cwalu zieni? Iciu de nnui anuide cwabam dida. Dede nnui rang eh, ‘Anui dainzwa ncu cwa no?’ Kereizige nah hemaadung kepeu gade. Heleuh pelane, acu cwala kedine, reset le nnuide reset beu dida. Kereizige pelane kerecaki kibung ga teugwang lu, ciciu lude peu a kiga taktyeipwak bamlu kerane, nah cu aide ga acu kedakpie lu," de eh reugwame reu RAMPAUBE rang, "Magade Ih tinggim gu kirie de nnui ngkei beu ma nah samlamdung de nnui da rui gaibeu mecai, cika kibung kemrwa cidung ziemne bamsi tadi kemaktane.
Ih penuide nah a kideutu twagwa eh kebamdung de de samlam si beuzie, kedanemene Ih peting siak dau tingrui langgai beuzie kecune. Aide samlam tingrui zie.
Kedanemene rangkang ncu gumkwak beulu kela nzwa kemteu de ncu gumkwak beu zie,
dede maci pekeyi au keheibe de peda cide kebamme teilung pwapeu la.
Cinzwa eh samliakeyi rang kelame samliakeyi de gade penui pok ngau tyei kerabe lie Rampaube sam kaibeu lie.
Kedanemene rangkang kehengin au makesia pelane bangdwabe da, aide kehengin ne mina kangge kenlum gade nreutet dida, nah helung keherei kekiee le pwa penui lung teikeherei la dida.
Kedanemene Ih leu kelame de peu sak zie, nah mnei kelame de teipui beuzie."
aide ziemne Ih ma aidungde gade keherei lala. Dede Ih ngngamdi lama, kedanemene Ih nlum kelabe de Ih ci, nah pa acu nlum kebeude cipau tingba de gwangcang kemaktane kaikwak bamlu kenui Ih cisiakte bam.