6 विश्वासो सिवाय देवोहो खुस नाहां कोइत सेकते. काहाके देवोअ जागे आवनारो एहें कोत विश्वास कोअहूं जोवे के तो होय, आन जें माहें तियाहा खोरा मोनोवाअहीं होदतेहे, तियांहां तो बक्शीस आपेहे.

12 हाजो होय तों माहुंउं जो परिक्शामेहें टिकीत रोहे, काहाके, जो परिक्शामेहें खोरो उतरे, तियाहा जिवनोअ टोपू जोड़े, जियाआ आथवसन प्रभु तियाआ मेर कोअनाराहां आप्योहो.

5 पोन जर एखाहा बुद्दीइ कमी ओय, ताहां तों देवोहो प्रार्थना कोअहूं जोवे, काहाके देव आखाहा खुसी वाअहीं आपेहे, आन तों तुमुहूं जोड़ीत जाय.

7 "मागा, ताहां तुमुहूं जोड़े; होदा, ताहां तुमुहूं सापड़े, ठोका, ताहां तुमाआं काजे बाअणो उगड़ीत जाय.

24 तियाहा काजे आंय तुमुहूं कोहो, के जो किबी तुमू प्रार्थना कोइत मागहा, ताहां विश्वास कोइत लेजा के तुमुहूं जोड़ीत गोयो, आन तुमुहूं जोड़ीत जाय.

21 तियाआ मालख्ये तियाहा कोयो, ‘शाबास, हाजा आन इमानदार सेवक, तू थोड़ी गोठीमेहें बी इमानदार रोयू, आंय ताहूं वादार मालधनोअ आधिकारी बोणाविहीं. आव आन ताआ मालख्योअ खुसीमेहें सामील ओव!’

23 जों किबी तुमू कोअहा तों पुरा मोनोवाअहीं कोआ, एहेलोहो समजीत कोआ के माअहुंउं काजे नाहां, पोन देवोअ काजे कोअताहा; 24 काहाके याअ बोदले तुमुहूं मालख्योपोअ रोत बक्शीस जोड़े ओं तुमुहूं मुंदू होय; तुमू मालिख ख्रिस्ताआ सेवा कोअता रोवा.

58 तियाहा काजे माआं मेराला पाव्हीइला, मजबुत आन पाक्के रोवा, आन प्रभुउ कामोमेहें सादा वादते जावा, काहाके तुमुहूं ओं मुंदू होय के, तुमाअ मेहेंनत प्रभुमेहें वाया कायनाहां.

9 आपू हाजे कामे कोइलाम उजगाय ने कोअहूं जोवे, काहाके जर आपू याम ढिल्ले ने पोड़ो ताहां बोराबर वेलेपोअ फल वाडीत टोलू कोअहूं.

30 पोन वारुज जोंअ जे पेहला होये ते सेवट्याआ बोणे; आन जे सेवट्याआ ते पेहला बोणे.

6 तो हारेक जोओंहों जिया तियाआ कामोंअ परमाणे फल आपे,

38 बिहीराहा बी आपा, ताहां तुमुहूं बी जोड़े. माअहें दाबी दाबीइ आन ठेहीं ठेहींइं आन सिकार पोइत उबाय ताअहूं जाआं टाके, काहाके जिया मापोवाअहीं तुमू मापित कोइत आपतेहे, तियाज मापोवाअहीं तुमुहूं बी मापित कोइत जोड़े."

33 जर तुमू तुमाआं हाजो कोअनाराआ एतोज हाजो कोअहा ताहां, तुमुहूं आशिर्वाद कि कोइत जोड़े? काहाके पापी बी एहेंज कोअतेहे.

8 मांदवाड़्याहां हुदारा, मोल्याहां जिवाड़ा, वोडा दुखोवालाहां सोके कोआ, पुते काडा. तुमुहूं फुकोट जोड़्योहो, फुकोट आपा.

8 तुमुहूं लागनारी आखी गोठी तुमापोअ कायम रोअहूं जोवे; आन आखा हाजा कामोअ कोअते तुमापोअ भारपुर रोअहूं जोवे कोत देव तुमुहूं आखी जातीइ मेरवानी आपित सेकेहे.

9 पोन जेहलोहो वसनोम लेख्योहो,

"जे गोठी डोए ने देख्यी आन कानो ने उनाअयी

आन कोडाआ मोनोम ने आयी,

ते गोठ्यी देवोपोअ मेर कोअनाराआं वाटू तियार कोअयीही."

18 आन तुमाआं मोनोअ डोआ उजालावाला ओवे के तुमू जाइंत लेअहूं जोवे के तियाआ हादीइलोअ आशा कि होय, आन पवित्र माअहूंमेहें तियाआ वारसाआ महिमाआं धन केतोहो होय,

3 काहाके देवे आपुहूं तियाआ महिमा आन भक्तीवाला जिवनोअ काजे हाद्येहे, तियाअरीइ आपाआ ओलखाती वाअहीं तिये सोताआ सेक्तीवाईं आपाआ जिवनोम जोवनारी आखी गोठी आप्यीही.

5 आन आशा आपुहूं नाहां लाजवाड़ती, काहाके देवो आपल्या पवित्र आत्मा वाअहीं देवोअ मेर आपाअ मोनोमेहें टाक्यीही.

32 जिये सोताआ बेटाह्हाहा जाआं ने मिक्यू, पोन तियाहा आपाआ आखाआ कोअते आपी देदू, ताहां बिहीरो आखो केहें ने आपे?

14 पोन जो कोडो तिया पाअयोंमेहें रोत पिये जो आंय तियाहा आपिहीं, तो फाशोअ केदीहींज तोरह्‍यो ने रोये; पोन जो पाईं आंय तियाहा आपिहीं, तो तियामेहें एक उकलू बोणीत जाये, जो हादाजल्म्याअ जिवनोअ काजे निहीया कोए."

24 ओमे जाआं तुमू माआं नावसे किज नाहां माग्यो; मागा ताहां जोड़े, काहाके तुमाआं खुसी पुरी ओत जाअहूं जोवे.

7 पोन आंय तुमुहूं खोरीज कोहो के माआं जाअलोअ तुमाआं काजे हाजो होय, काहाके जर आंय ने जांव ताहां तो हेंगात्यु तुमाआं जागे ने आवे; पोन जर आंय जाहीं, ताहां तियाहा तुमाआं जागे मोकलिहीं.

14 याअकाजे के जिया इलामोहों ताबाम लेअलोअ काजे देवे माहूं ख्रिस्त ईसुमेहें उसे हाद्युहू तियी निशाणीइहें गुगदीइतुज जाहो.

6 जें सतीपणोअ काजे फुकल्ये आन तोरह्ये होय तियांआं हाजो होय,

काहाके देव तियांहां तारवे!✝

2 "तिहीं वाअहीं जाहां तू गोरब्योहो दानधरम कोअही, ताहां आगाड़ी आगाड़ी भोंगू मा वाजाड़ही, जेहें कोइत वोडार्‍या आराधनालयोमेहें आन वाटेपोअ माअहें तियांआं वोडाय कोए तेहें काजे भक्ती कोअताहा, तेहलोहो तू वोडू देखावू मा कोअही. आंय तुमुहूं खोरीज कोहो, के तियांआं फल तियांहां जोड़ीत गोयोहो.

6 पोन जेहेलाम तू प्रार्थना कोअही, तेहेलाम तू ताआ खुलीम जा; आन बाअणो वालित ले, आन ताआ होरगा मेऱ्याआ आब्हाहा एखलामेहें प्रार्थना कोअ. ताहां ताआ होरगा मेऱ्युउ आब्हू जो ताहूं एखलामेहें पालेहे तो ताहूं फल आपे.

14 तुमू कुहराय मा पोन हाजलाय होदा, ताहांज तुमू जिवते रोहा; आन जेहें कोइत तुमू कोताहा तेहलोज सेनाआ प्रभु यहोवा हुदाअलीज तुमाअरी रोय.

12 आंय जाइंत लेदोहो के माहुंउं कोअते खुसी कोइलाआ आन जिवन पोइत हाजो कोइला सिवाय बिहीरो किज हाजो कायनाहां. 13 आन माहुंउं खाय-पिय आन तियाआ आखी मेहेंनती मेहें खुस रोय ओं बी देवोअ दान होय.

18 पाल, जे हाजी गोठ आंय आनुभाव कोअयीही ते ए होय के, माहुंउं खाय-पिय आन जे तियाआ मेहेंनत जे तो धरतीपोअ कोअहे, तियाआ पुरा जिवनोमेहें जो देव तियाहा आप्योहो, खुस रोय; काहाके तियाआ भाग ओज होय.

19 आखा माहुंहूं, जियाहा देव मालमिलकत आप्यीही, आन तियाहा वापरीइलोअ आन तियामेहें रोत भाग लेअलाआ आन मेहेंनत कोअतामेहें खुसी कोइलाआ बी सेक्ती आप्यीही: ओं देवोअ वरदान होय.

16 तियाहाज काजे आमू हिम्मत नाहां सोड़ता; आमाआं बारथेए डिल आरवाअतो जाहे, तेबी आमाआं मांयतेए सोभाव दाड़ख्युउ नोवू बोणतु जाहे.

6 तियाहा कोत देवोअ ताकतवाला आथोअ निसे हानाले रोवा, ताहां तो तुमुहूं बोराबर वेलेपोअ उसे कोए.

10 प्रभुउ सामने हानाले बोणा, ताहां तो तुमुहूं उसे कोए.

23 काहाके पापोअ मोजरी ते मोत होय, पोन देवोअ वरदान आपाआ प्रभु ख्रिस्त ईसुमेहें हादाफल्योअ जिवन होय.

27 पोन तुमापोर्‍युउ तो अभिशेक जो ख्रिस्ते सोताआ आत्माम रोत तुमापोअ ओल्युतो, तो तुमाम रोहे; एखु तुमुहूं सिकाड़े तियाआ बी गरज कायनाहां, काहाके तियाआ आत्मामेर्‍युउ अभिशेक आखी गोठी तुमुहूं सिकाड़ेहे. तो जों सिकाड़ेहे तों खोरो होय, खोटो नाहां. आत्माआं हिकवोण मानतेहे ताहां तुमू ख्रिस्तामेहें टिकीत रोतेहे.

32 आमू यी गोठीइ साक्शीदार होये, आन जे तियाआ आदेश मानतेहें तियांहां देवे जो पवित्र आत्मा भेट कोत आप्युहू, तो बी साक्शीदार होये."

12 ताहां यहोवा मोशेहे कोयो, "डोगोपोअ माआ जागे सोड़ीत आव आन तिहीं रो; आंय ताहूं डोणोअ पाटी, आन माहें सिकाय तेहें काजे आंय लेखल्यू नियम आन आदेश आपीही."