6 Kwahela mundu kanguwesa kumhekelesa Sapanga pakawela ng’ogha na kumkwinila Sapanga. Kwaikiva kila mundu mweni kumyendela Sapanga angupalwa kukwinila yiwa Sapanga kabaha, na anguwapegha hupo wala wangumuhakula kwa kuyangala.

12 Kahighilwa mundu yula mweni kufumilila mayeso, kwaikiva pakayomola kufumilila, atepeghwa hupo gha ukomu hila Sapanga awalongilile yiwa atewapegha wala weni kumpala.

5 Paikawela mmonga wa mwenga kalepelelwa na luhala, hayu angupalwa kumyupa Sapanga mwenikuwapegha wondu wogha mweni atempegha mundu hayu luhala bila kukalipila.

7 "Mluwi, na mwenga mtepeghwa, mhakuli, na mwenga mtepokela, mkuwi mlyango, namwenga mtewoposolelwa."

24 Kwaikiva ninguwalongela pamyupa na kuluwa kindu mkwinili yiwa mpokela, na kyeni kitevile kya wenga.

21 Bambu ghaki akamlongela, "Ena ughola maha nesu mtumikila ghangu wa maha. Uwela mundu wa maha kumighalu gha mayaghani, nitekupegha makulunga. Uhiki uhekileli pamonga na Bambu ghako."

23 Lolosi ungulighola, ughole kwa uchakaka handa wandu weni kumtumikila Bambu na ng’ogha mundu. 24 Mmanyi yiwa Bambu atewapegha hupo hila awalongelili kuwapegha watumikila ghaki. Kwaikiva mwenga mungumtumikila Kilisito Bambu wa mwenga.

58 Kwa nagha, walongo ghangu wapalwa, mgholoki kwa ugangamalo kuukwinila, machuwa hyogha muyendeleli kulihumisa kulihengu lya Bambu kwaikiva mngumanya yiwa mahengu mnguyaghola kwaikiva gha Bambu mngughasika ng’ogha yaghi yaghi.

9 Hinu tukotoho kuleka kughola ghamaha, kwaikiva patughola maheli bila kutoka na kutenyuka ng’ogha moyu hinu tutebena ghamaha lipindi palihika.

30 Ila weni kuwela wa mtumbulo watewela wa mwihu, na weni kuwela wa mwihu watewela wa utumbulo.

6 Lichuwa hali Sapanga atempegha kila mmonga kukovekelana na angupalwa kupokela.

38 Muwapeghi ghangi hyogha wayapalili, na mwenga mtepokela. Kangi, mtepokela hupo ngulu imemeswili nesu hata kumwaghika. Kwa ikiva mtevikilwa na Sapanga hupo hilahila muitumila mwenga kwa wandu ghangi."

33 Kangi ikiva handa mtewagholela lilando maha wala hela wawagholela maheli, watewashukwile niki? Hata wavile na sambi ughola hagha.

8 Muwalamisi wavina, na muwahinduli wahovili, na muwaghululi wenikuwela na ukalawa, muwawingi mahoka. Mpeghwa yaghi hela, na mwenga mpeghi yaghi hela.

8 Sapanga kanguwesa kuwapegha mwenga kupiti vila mngupala kupokela, ili pamuwela na kila kindu mpati kupegha kukila lihengu maha.

9 Ila, handa iyandikwa kumayandiko gha Sapanga,

"Mighalu ivile mundu apatile ng’ogha kulola,

hilahila kuhyoghanila hagha,

mighalu ivile mundu kawesa ng’ogha kuiwachila kumoyu ghaki,

hagha ndiwa Sapanga awayandalilile wala weni kumpala."

18 Kangi ningumluwa Sapanga agubutuli mioyu gha mwenga, ili mpati kumanya lila litumaini mkemilwa na unaisa mkulu wa hupo awavikilile wandu ghaki,

3 Kwa uweso ghaki Sapanga katupegha kila kindu tukipalwa ku ngalilu gha twenga ili tulikali ngalilu gha kumuhekelesa mweni, kwa kummamya mweni atukemili kwa ukulu ghaki na ulungwana ghaki.

5 Litumaini hali liwesa ng’ogha kutuvika mhoni, kwaikiva Sapanga katuyitila kala kumioyu gha twenga upalo ghaki kwa njila gha Mpumulo ghaki yula atupeghili.

32 Kwaikiva Sapanga kamuwonela ng’onga luhungu mwana ghaki wa weka, ila amyeghili ili ahovi kwaikiva gha twenga wogha, hinu chakaka hilahila atetupatila vindu vighangi vya maheli.

14 "Ila yeyosi atenywegha masi ghala nitempegha nenga ateyumililwa ng’ogha machuwa hyogha bila mwihu. Masi ghala nitempegha nenga yatewela mghati mwaki handa uhimbuki weni kuyuma ng’ogha mghati mwaki utempegha ukomu wa machuwa hyogha bila mwihu."

24 Mpaka hinaa mluwa ng’ogha kindu chochosi kwa lihina lyangu. Mluwi na mwenga mtepokela lukani muweli mnguhekelela nesu.

7 Ila ninguwalongela uchakaka, ni mbaha nenga nihuki, kwaikiva handa nitehuka ng’ogha hayu mweni kuwatanga atehika ng’ogha, ila paniyenda nitemlaghila kwa mwenga.

14 Hinu, ninguyangala kuhikila lukani lya nenga ili kumwihu mbati hila hupo, na hupo yeni ni kukemwa na Sapanga haku kundumba kwa njila gha Kilisito Yesu.

6 "Watewela na luheku wala wogha weni kuwela na njala pamonga na kuyumilila kwaikiva gha kumuyitikila Sapanga.

Kwaikiva wateyukutiswa."

2 Hinu paumtanga mundu mkapuku, ukotoho kulitangasa. Ukotoho kughola handa wambindingu wangughola kumaghuta gha kukonganika Wayahudi. Chakaka ninguwalongela, wandu hagha wapokela kala hupo ghao.

6 Ila wenga pauyupa, uyingili mkyumba kyaku, utati mlyango, na hinu umluwi Tati ghako wa mkifisu, na mweni atekupegha hupo ghako."

16 Kwaikiva gha nagha tungutenyuka ng’ogha moyu hata mayaghani. Pamonga na yiwa mihigha gha twenga inguhakala, ila kwa mghati tungugholwa hyonu kila lelo.

6 Hinu, mnyenyekeli pahi gha Sapanga yula avile na makakala nesu, ili awayinuli kwa lipindi lyaki.

10 Mumyitikili Bambu, na mweni atewayinula.

23 Kwaikiva mahipo gha sambi ni kihu, ila fwaida gha Sapanga ni ukomu wa machuwa hyogha bila mwihu ku Kilisito Yesu Bambu wa twenga.

27 Ila mwenga mumpokela Mpumulo wa Kilisito, mweni angulikala paghati gha mwenga, hinu mungumpala ng’ogha mundu yeyosi awavuli kwaikiva Mpumulo wa Sapanga anguwavula kila kindu, mavulo ghaki ni gha chakaka ng’ogha gha uhwangi hata mayaghani. Hinaa mkovekeli mavulo gha Mpumulo wa Sapanga na muweli na umonga na Kilisito.

32 Twenga tulola kwa mihu gha twenga mighalu hai, pamonga na Mpumulo wa Sapanga avile Sapanga anguwapegha wogha wamyitikila."