Reino dos céus

Trei Paraboli

44 "Atumtsea, amirãriljea a tserurilor undzeashti ca unã ayishteari ascumtã tu un agru, tsi un om u-aflã sh-u ascundi. Di haraua tsi ari, s-dutsi, vindi itsi-ari sh-acumpãrã agrul atsel.

45 Tutashã, amirãriljea a tserurilor undzeashti ca un prãmãteftu tsi s-dutsi caftã mãrgãritãri buni. 46 Cãndu aflã un mãrgãritar cu mari tinjii, s-dutsi sh-vindi itsi ari sh-lu acumpãrã.

Parabola al Gãrnutsu di Sinap sh-a Mãeauãljei

31 Elu lã pripunã a lor un parabolã altã dzãcãnda: "Amirãriljea a tserurilor lj-undzeashti a unui gãrnuts di sinapi, tsi lu ia un om sh-lu seamni tu agrul a lui. 32 Elu easti ma njic di tuti simintsãli, ma dupã tsi creashti, easti ma mari dicãt tuti erghili, shi s-fatsi un pom, ahãntu cãt puljilji a tserlui yin sh-aflã streahã tu dedzãli a lui."

33 Elu lã dzãsi a lor unã parabolã altã: "Amirãriljea a tserurilor undzeashti cu mãeaua tsi u-ljea unã muljeari sh-acatsi aloatlu cu trei misuri di fãrinã pãnã cãndu aloatlu s-hibã etimu."

Parabola a Ordzului

24 Elu l-pripunã a lor un altã parabolã: "Amirãriljea a tserurilor lj-undzeashti a unui om tsi siminã simintsã bunã tu agrul a lui. 25 Ma, iarã oaminjlji ma durnjea, vini neamiclu a lui shi siminã ordzu prit grãn sh-fudzi. 26 Cãndu grãnlu criscu sh-featsi carpo s-vidzu sh-ordzul. 27 Sh-huzmichearlji a nicuchirlui a casiljei s-apruchearã la nãsu sh-lji dzãsirã: ‘Doamne, nu ai siminatã simintsã bunã tu agrul a tãu? Di iu ishi ordzul?’ 28 Sh-elu lã apãndisi a lor: ‘Aestã lu ari faptã neamiclu.’ Atumtsea huzmichearlji lji dzãsirã: ‘Vrei tini s-nidzem shi s-li scutem?’ 29 Ma elu dzãsi: ‘Nu, cã scutãnda ordzul, deadun cu nãsu va scutets sh-grãnlu. 30 Alãsats s-creascã deadun pãnã la sitsirari. La chirolu a sitsirariljei va lã dzãc a sitsirãtorilor: Adunats ma nãinti ordzul, ligats-lu tu mãnuclji tra si-u ardem, sh-grãnlu bãgats-lu tu hãmbarea a mea.’"

Explicarea a Parabolãljei

36 Atumtsea Isusul, dupã tsi alãsã multsãnjili, s-turnã la casã sh-ucenitsilji a lui lji-s-apruchearã sh-lji dzãsirã: "Nã aspunã parabola a ordzului dit agru." 37 Sh-elu apãndisinda lã dzãsi a lor: "Atsel tsi seaminã simintsã bunã easti Hiljiu a Omlui. 38 Agrul easti lumea, simintsa atsea buna suntu hiljilji a amirãriljei sh-ordzul suntu hiljilji a arãului. 39 Neamiclu tsi u-ari siminatã easti draclu, iarã sitsirarea easti bitisita a lumiljei shi sitsirãtorilji suntu anghilji. 40 Ashã cum s-adunã ordzul shi s-ardi tu foc, ashã va hibã tu bitisita a lumiljei: 41 Hiljiu a Omlui va pitreacã anghilji a lui sh-elji va adunã dit amirãriljea a lui tuti scandalili sh-atselji tsi facã anapudii 42 sh-va lji arucã tu cireaplu di foc. Aclo va hibã plãngul sh-cãrtsãnirea a dintsãlor. 43 Atumtsea ndreptsãlji va strãlutseascã ca soarili tu amirãriljea a Tatãlui a lor. Cai ari ureclji trã avdzãri, s-avdã!"

47 Amirãriljea a tserurilor undzeashti tutashã cu plasa arcatã tu amari, tsi adunã multi soi di peshti. 48 Cãndu ea easti umplutã, piscarlji u-scoatã mardzina di amari sh-apãrnjeascã s-adun tu coshuri atselji bunjilji, sh-atselji tsi nu suntu buni lji arucã nclo. 49 Ashã va s-undzeascã tu bitisita a lumiljei. Va yinã anghilji sh-va li dispartã anapudzlji di ndreptsãlji 50 sh-va lji arucã tu cireaplu di foc. Aclo va-hibã plãngul sh-cãrtsãnirea a dintsãlor."

3 "Ghinicuvintats suntu atselji oarfãnjlji tu duh, cã a lor easti amirãriljea a tserurilor. 4 Ghinicuvintats suntu atselji tsi vãiteascã, cã elji va s-diznjeardã. 5 Ghinicuvintats suntu atselji froninji, cã elji va mushtineadzã loclu. 6 Ghinicuvintats suntu atselji tsi au foami shi seati ti ndriptati, cã elji va s-fãnãteascã. 7 Ghinicuvintats suntu atselji njiluitslji, cã elji va aflã njilã. 8 Ghinicuvintats suntu atselji cai suntu curats tu inimã, cã elji va lu veadã Dumnidzãlu. 9 Ghinicuvintats suntu atselji tsi aducã pacea, cã elji va s-acljeamã hiljilji a Dumnidzãlui. 10 Ghinicuvintats suntu atselji avinatslji trã ndriptati, cã a lor easti amirãriljea a tserurilor. 11 Ghinicuvintats va-hits voi cãndu va vã ngiurã, sh-va vã avinã, sh-arãdãnda, va dzãc tuti arãli contra voi, trã itia a mea. 12 Hãrsits-vã shi harãcupsits-vã, cã mari easti arãsplata a voastrã tu tseruri, cã ashã lji avinarã sh-prufitsilji nãintea a voastrã."

Ma Marli tu Amirãriljea a Tserlui

1 Tu atsea oarã ucenitsilji s-apruchearã a Isusului sh-lu ntribarã: "Cai easti cama marli tu amirãriljea a tserurilor?" 2 Sh-Isusul dupã tsi acljimã un cilimean njic ningã nãsu, lu bãgã namisa di nãshi, 3 sh-dzãsi: "Dealihea ma vã dzãc, macã nu vã alãxits sh-nu vã fãtsets ca cilimenjlji atselji njitslji, voi nu va intrats pute tu amirãriljea a tserurilor. 4 Cai va s-apleacã ca aestu cilimean njic, easti cama marli tu amirãriljea a tserlui.

14 Atumtsea Isusul dzãsi: "Alãsats cilimenjlji atselji njitslji s-yinã la mini sh-nu li nchidicats, cã a lor easti amirãriljea a tserurilor."

23 Atumtsea, Isusul lã dzãsi a ucenitsilor a lui: "Dealihea vã dzãc cã un avut cu zori va s-intrã tu amirãriljea a tserurilor. 24 Sh-nãpoi ma va dzãc: Easti ma lishoarã s-treacã cãmila tu guva a aclui, dicãt avutlu s-intrã tu amirãriljea a Dumnidzãlui." 25 Cãndu li avdzãrã aesti zboari, ucenitsilji a lui s-ciudisirã multu shi ntribarã: "Atumtsea, cai va s-ascapã vahi?" 26 Sh-Isusul mutrinda cãtrã nãshi dzãsi: "Trã oaminjlji aestã easti nipututã, ma trã Dumnidzãlu itsido easti putut."

5 Ascultats, frats sh-surãri a melji vruts! Nu lji aleapsi Dumnidzãlu niavutsilji a lumiljei tra s-hibã avuts tu pisti sh-mushtinitori a amirãriljei, tsi elu lã-u tãxi atsilor tsi lu vor?

21 Nu itsi om tsi nj-dzãtsi: ‘Doamne, Doamne,’ va intrã tu amirãriljea a tserurilor. Ma va intrã singur atsel tsi fatsi vrearea a Tatãlui a meu tsi easti tu tseruri.

19 Atsel tsi va ncalcã un di aesti ordini ma njitsi, sh-va s-aibã nvitsatã oaminji, elu va s-acljeamã ma njiclu tu amirãriljea a tserurilor. Ma atsel tsi va li bagã tu practicã sh-va lã li-nveatsã a alantsãlor, va s-acljeamã ma marli tu amirãriljea a tserurilor. 20 Trã atsea mini ma vã dzãc: macã ndriptatea a voastrã nu va s-u treacã atsea a Scribilor sh-a Fariseilor, voi nu va s-intrats tu amirãriljea a tserurilor.

9 Ma voi rugats-vã ashã:

‘Tatãl a nostru tsi eshti tu tseruri,

si sãmtseascã numa a ta.

10 S-yinã amirãriljea a ta. Si s-facã vrearea a ta tu loc, ashã di cum tu tser.

Ioan Pãtidzãtorlu

1 Tu atseali dzãli vini Ioan Pãtidzãtorlu, tsi predica tu irnjia a Iudeiljei, 2 shi dzãtsea: "Mitãnjiusits-vã, cã amirãriljea a tserurilor easti aproapi!"

17 Di atumtsea Isusul apãrnji s-predica shi s-dzãtsea: "Mitãnjiusits-vã cã amirãriljea a tserurilor easti aproapi."

7 Dutsets-vã sh-predicats, dzãcãnda: ‘Amirãriljea a tserurilor s-apruche.’

11 Mini ma vã dzãc cã multsã va yin di la rãsãrit sh-di la ascãpitat, sh-va s-apunã la measã cu Abrahamul, cu Isacul sh-cu Iacovul tu amirãriljea a tserurilor,

11 Dealihea ma vã dzãc: Di atselji tsi suntu amintats di muljeri nu ari ishit pute vãrã ma mari di Ioan Pãtidzãtorlu. Ma, ma njiclu tu amirãriljea a tserurilor easti ma mari di elu. 12 Sh-di tu dzãlili al Ioan Pãtidzãtorlu sh-pãnã tora amirãriljea a tserurilor ma s-rebilipseashti sh-rebilji u-arãchescu.

28 Trã atsea, luãnda un amirãrilji niminatã, s-hãristisim sh-prit aestã s-lji huzmitipsim a Dumnidzãlui cu arsiri, cu alãvdari sh-cu fricã, 29 cã Dumnidzãlu a nostru easti un foc tsi ardi.

10 Trã atsea, frats sh-surãri, cilistisits-vã s-vãrtushits ma multu acljimarea sh-alidzearea a voastrã, cã fãcãnda aesti nu va cãdets vãrã oarã. 11 Ashãtsi voi va hits ghini-ashtiptat s-intrats didip tu amirãriljea eternã a Domnului shi a Ascãpãtorlui a nostru Isus Hristos.

18 Sh-Domnul va mi ascapã di itsi lucru arãu tra s-mi ducã tu amirãriljea a lui tsereascã. Mãriri atsilui tu eta a etilor! Amin.

32 Nu ti-aspari, cupii njicã, cã a Tatãlui a vostru lj-arsi s-vã da amirãriljea.

5 Sã shtits ghini aestã: nitsi-un curvar, nitsi-un nicurat sh-nitsi-un zilipsearic, cai easti idulatru, nu ari mushtiniri tu amirãriljea a Hristolui sh-a Dumnidzãlui.