Reino dos céus

Kulinga mbuli ya usigavu ufisigwe

44 "Ufaume wa kuulanga uilinga na chinhu cha bei ng’hulu chifisigwe mumgunda. Munhu imwe yachifisule kachifisa kaidi. Kadeng’helela ng’hani mbaka kaita kugula vose yeli navo, amala kabwela na kuugula mgunda uja.

Kulinga mbuli ya chinhu cha bei ng’hulu lulu chipatika muisomba

45 "Kaidi, ufaume wa kuulanga uilinga na munhu imwe yozambwila chinhu cha bei ng’hulu chipatika muisomba chikemigwa lulu, 46 na viyapatile iyo lulu imwe, kaita kugula vinhu vose yeli navyo, kabwela kuigula lulu ija.

Kuilinga mbuli ya mbeyu ya haladali

31 Yesu kagendelela kuwalongela wanhu kuilinga mbuli imwenga,"Ufaume wa kuulanga uilinga na mbeyu ya haladali isoligwe na munhu imwe yaitile kuihanda mumgunda wake. 32 Mbeyu iyo ni ndodo kubita mbeyu zose zili muiisi, mbali ihota na kukula yokua ng’hulu kubita mibiki yose ili mdikonde. Yokula na kua mbiki mkulu mbaka ndege wakuulanga wokwiza kuzenga mvulu mmakwamvi gake."

Kulinga mbuli ya amila

33 Yesu kawalongela kulinga mbuli imwenga,"Ufaume wa kuulanga uilinga vino, mama imwe yaisolile amila na kuihanganya na usage wa ngano madebe maidi na nusu baho usage wose wolulumuka."

Kulinga mayani ga hembahemba

24 Yesu kawalinga wanhu mbuli imwenga,"Ufaume wa kuulanga uilinga na munhu yahandile mbeyu inogile mumgunda. 25 Chilo chimwe wanhu viwakalile wawasa, mbananzi keza kahanda mahembahemba muuhemba na kasegela. 26 Amala mbeyu vizotile na kukula na kulava mbelewela, na mahembahemba nago gasonga kufumula. 27 Watumigwa wa mwene mgunda wamuwinza wamlongela, ‘Mndewa gweye sikuhanda mbeyu zinogile muugunda wako, ivo mahembahemba gano galawa kulihi?’ 28 Mwenemgunda kawedika, ‘Mhasanyi iyo yasang’hane ivo,’ baho watumigwa wake wamuuza. ‘Kolonda cheye chiite kugang’ola?’ 29 Nayo kawedika, ‘Habule,’ lekeni, ‘Kwavija mhang’ola mahembahemba moung’ola uhemba ivija. 30 Vilekeni vose vikule hamwe mbaka mumlao. Amala nowalongela wasengaji tanhu wakunzanye mahembahemba makinza makinza wagasome moto, labaho wasenge uhemba wawike mdigulu jangu.’"

Yesu kofambula kulinga mbuli za mahembahemba

36 Amala Yesu kadilaga dija bumbila da wanhu na kengila mn’nga, waluko wake wamuwinza wamulongela, "Chilongele uja vija kulinga mbuli ya mahembahemba wogesa choni." 37 Yesu kawalongela, "Munhu yohanda zija mbeyu zinogile ni Mwana wa Munhu, 38 Mgunda uja iyo isi, zija mbeyu zinogile iyo wanhu waja ufaume wa Mulungu ni wao, mbali gaja mahembahemba iyo wanhu waja waija mbananzi, 39 na mhasanyi yahandile mahembahemba gaja iyo Mwenembago. Mulao iyo uhelelo wa isi. 40 Kama vija mahembahemba vigakunzanyigwa na kusomigwa mmoto, ivo vondaiwe muuhelelo wa isi, 41 Mwana wa Munhu kowalagiza watumigwa wake wa kwa Mulungu, wawakunzanye kulawa muufaume wake waja wose wowahonza wanhu watende malozo, na waja wose watenda ubananzi, 42 nakuwasa muumoto uja haufa, na uko wolila na kuluma meno. 43 Amala waja wanhu wa Mulungu wobung’huka kama zua muufaume wa Tataao. Kwaivo, yeli na magutwi na yahulike.

Kulinga mbuli ya lwavu lwa somba

47 "Ivija, ufaume wa kuulanga ulinga na lwavu utandigwe mdilamba na wokunzanya chila aina ya somba. 48 Lwavu vuumemile, wanhu waukwega mbaka mhwani, wakala hasi, wasagula somba wanogile waweka mmigelo yao, na waja wehile wawasa. 49 Ivo vondaiwe muuhelelo mwa isi, Watumigwa wa kwa Mulungu wolawila, wowabagula wanhu wehile na wanhu watogoligwe 50 na wowasa wanhu wehile muumoto uja haufa, uko wolila na kuluma meno."

Ndeng’helelo ya kweli

3 Wamweda waja wavimanyile kua womlonda Mulungu, manake ufaume wa kuulanga wao.

4 Wamweda weli na giogio, manake wao wokwiza kuhanigwa.

5 Wamweda weli na uhole manake wao wokwing’higwa isi iwe yao.

6 Wamweda waja wolonda ng’hani kusang’hana goyolonda Mulungu, manake Mulungu kowadahiza kusang’hana gago.

7 Wamweda waja wowaonela bazi wamwenga,manake Mulungu nayo kowaonela bazi.

8 Wamweda weli na muhe ubung’huke, kwavija wao womuona Mulungu.

9 Wamweda waja wogala utindiwala, manake wokemigwa Wana Mulungu.

10 Wamweda waja wodununzigwa kwa kusang’hana goyolonda Mulungu, manake ufaume wa kuulanga ni wao.

11 Mmweda mweye wanhu wahawaliga na wahawaonela na kuwavwizila ubananzi wa chila namna kwa mbuli yangu.

12 Sekeni na kutenda galigali manake nhuzo yenu ng’hulu kuulanga. Saho ivo viwawaonele walagusi wa Mulungu wakalikabula yenu.

Yelihi yeli Mkulu Muufaume wa Mulungu

1 Chipindi chija waluko wamuwinza Yesu wamuuza, "Yelihi yeli Mkulu ng’hani Muufaume wa Kuulanga kwa Mulungu?" 2 Yesu kamkema mwana imwe kamwimiza hagati yao, 3 amala kalonga,"nomlongeleni kweli, kama hamuhinduke na kua kama wana wadodo, hamdaha mbe kwingila Muufaume wa Kuulanga kwa Mulungu. 4 Yoyose yonyenyekela kama mwana mdodo ino, iyo mkulu kubita wose Muufaume wa Kuulanga kwa Mulungu.

14 Yesu kalonga, "Walekeni wao wana weze kumwangu hebu sekemuwakimile, manake ufaume wa Kuulanga kwa Mulungu ni wa wanhu weli kama wana wano."

23 Baho Yesu kawalongela waluko wake, "Nowalongeleni kweli yokua vidala ng’hani kwa mzenzi kwingila muu Ufaume wa Mulungu. 24 Kaidi nowalongeleni, ibuha ng’hani kwa mnyama ngamia kwingila mdizonzo da sindano, kubita mzenzi kwingila muufaume wa Mulungu."

25 Waluko waja viwahulike ivo, wakanganya ng’hani, wamuuza, "Ivo yelihi yodaha kuloholigwa?" 26 Yesu kawalola kalonga, "Kwa wanhu mbuli ino haidahika, mbali kwa Mulungu mbuli zose zodahika."

Simmanyeni mweye

21 Si chila munhu yong’hema Mndewa, Mndewa kokwingila muulfaume wa kuulanga, mbali ija yosang’hana goyolonda Tataangu yeli kuulanga kwa Mulungu.

19 Ivo, munhu yoyose yoleka kutegeleza hata ndagizi imwe ndodo kubita zose, na kuwafunda wamwenga wasang’hane ivo, iyo kokua mdodo ng’hani muulongozi wa Mulungu. Mbali ija yonda yazigoge ndagizi na kuwafunda wamwenga iyo kokua mkulu muufaume wa Mulungu. 20 Leka ivo nowalongela, unovu wenu wa kumtogola Mulungu kama haubitile uja wa wafunda ndagizi na uja wa Mafalisayo, hamwingila mbee muufaume wa kuulanga.

9 Vino, ivo vumlondeka kupula,

‘Tata yetu ulikuulanga kwa Mulungu,

Zina jako ditogoligwe,

10 Ufaume wako uvike,

Duulonda disang’hanike muiisi kama uko kuulanga kwa Mulungu.

Yohana Mbatizi koligula

1 Mazua gaja Yohana Mbatizi kalawila yoligula mchiwala cha Yudea kalonga, 2 "Hindukeni na kuleka malozo genu," kwavija ufaume wakuulanga wammabehi!"

17 Kulawa chipindi icho, Yesu kasonga kuligula usenga wake yolonga, "Hindukeni na kuleka malozo genu manake ufaume wa kuulanga kwa Mulungu wammabehi!"

7 Gendeni mkaligule vino, ‘Ufaume wa kuulanga kwa Mulungu wa mmabehi.’

11 Ivo, nowalongeleni kua wanhu wengi wokwiza kulawa kuusimbukilo wa zua na uswelo wa zua, nawo wokala muindia hamwe na Ibulahimu na Isaka na Yakobo muufaume wa kuulanga kwa Mulungu.

11 Nowagangamizila, Yohana Mbatizi nimkulu kubita wanhu wose wakalile muiisi ino. Mbali yeli mdodo ng’hani muufaume wa kuulanga nimkulu kubita Yohana Mbatizi. 12 Kulawa chipindi cha Yohana Mbatizi mbaka sambi, ufaume wa kuulanga wolemigwa kwa ludabwa, nawo weli na ludabwa wousola.

Kuikila Uzenzi wa Kuulanga kwa Mulungu

32 "Mweye bumbila dodo sekemdumbe, kwa vija Tata yenu kaona goya kuweng’ha uja ufaume wake.

5 Mvimanye kua yeli na luhadu yoyose hebu mbananzi hebu yeli na maya ihile, iyo honda yauhazi mbee ufaume wa Kilisito na wa Mulungu. Munhu yeli na maya iyo kofugamila milungu ya nyang’iti