1 Muumlao wa kumi na tano wa Ufaume wa Kaizali Tibelio, wa Pontio Pilato yakalile mkuluisi wa Yudea, Helode kakala mkulu wa Galilaya, na walukolo wake Filipo kakala mkulu wa hanhu ha Itulea na Tlakoniti. Lusania kakala mkulu wa Abilene, 2 na Anasi na Kayafa wakala walava nhambiko wakulu. Chipindi icho usenga wa Mulungu umwizila Yohana mwanage Zakalia, kuja kuchiwala. 3 Yohana Mbatizi kavika muisi yose ili habehi na lwanda lwa Yolodani kuno yoligula kwa wanhu, "Lekeni malozo na mbatizigwe na Mulungu kowalekesela malozo genu." 4 Kama viyandikigwe mchitabu cha Mlagusi wa Mulungu Isaya,

"Dizi da munhu yoguta mchiwala,

‘Muike goya nzila ya Mndewa, goloseni hayabitila!

5 chila zanda dosilizigwa,

chila lugongo na chigogo hosilizigwa goya.

Nzila zikalile vihile zogolosigwa,

start with capital: qikwatuligwe zosindiligwa goya.

6 Na wanhu wose wouona ulohozi wa Mulungu!"

7 Yohana kadilongela dija bumbila da wanhu wakalile wokwiza kubatizigwa nayo, "Mweye ulelo wa nyoka! Yelihi yawalongele mkimbile ludoko wonda wize? 8 Laguseni kwa sang'hano kua mleka malozo. Sambi sekemuigode kulonga, ‘Tata yetu Ibulahimu!’ Nowalongeleni kweli, Mulungu kodaha kugatenda mabwe gano gawe wanage Ibulahimu. 9 Ivo shoka ya mmakono kukanha masina ga mibiki, chila mbiki ulemile kulela manhunda ganogile wokahnigwa na kwasigwa mmoto." 10 Dija bumbila da wanhu dimuuza, "Cholondeka chitente choni?" 11 Yohana kawalongela, "Yeli na migolole midi yamwing'he yelibule, yeli na ndia yatende ivo." 12 Ivija wagoga kodi weza wabatizigwe, wamuuza, ‘‘Mfundaji, na cheye chitendeze?" 13 Kawalongela,"sekemgoge kodi kubita chija chimlondeke." 14 Nao wamilizi wamuuza, "Cheye cholondeka chisang'hane choni?"

Kawalongela, "Sekemboke vinhu va munhu yoyose kwaludabwa mlinao hebu kumgala munhu mchitala kwa uvwizi. Ivo mwigute na vitumetume venu."

15 Nhonga za wanhu zisonga kongezeka, na wakanganya wagiza Yohana kodaha kua iyo Kilisito yasaguligwe na Mndewa. 16 Yohana kawedikila kawalongela, "Nie nowabatiza kwa mazi, kokwiza yeli na udaho kubita niye iyo sidaha kupumbulula nzabi za mikwabazi yake. Iyo kowabatiza kwa muhe wa Mulungu na moto. 17 Lungo wake wa mmakono, wa kubetela uhemba wake nayo kofagila lubuga lwake lwa kukunzanyila uhemba kudigulu, mbali mikupi yokunzanyigwa na kusomigwa kwa moto uwo haudaha kufa.’' 18 Ivo, kwa malakilo gamwenga mengi, Yohana kawakomhokela wanhu viyakalile kowaligulila wanhu Usenga unogile. 19 Mbali, Mfaume Helode viyakomhokeligwe na Yohana kwa mbuli ya kumsola Helodia, mwehe wa walukolo wake, na ubananzi wose yautendile Helode. 20 Helode kagangamiza ubananzi na kumgela Yohana mdigeleza.

21 Wanhu wose viwakalile wobatizgwa, na Yesu nayo kabatizigwa, na viyakalile yopula ulanga ugubuka, 22 na Muhe wa Mulungu kamhulumukila kwa lumbo da hua, na dizi kulawa kuulanga ihulikigwa, ‘'Gweye iyo mwanagu wa wende, ninogeligwe ng'hani na gweye."

23 Yesu kakala na ukulu wa milao salasini viyasongile san'no zake.Wakala womgesa kua iyo mwanage Yusufu, 24 na Eli kakala mwanage Matati, na Matati kakala mwanage Lawi, na Lawi kakala mwanage Meliki, na Meleki kakala mwanage Yanai, na Yanai kakala mwanage Yosefu, 25 Yosefu kakala mwanage Matatia, Matatia kakala mwanage Amosi, Amosi kakal mwanage Nahumu, Nahumu kakala mwanage Esili, Esili kakala mwanage Nagai, 26 Nagai kakala mwanage Maati, Maati kakala mwanage Matatia, Matatia kakala mwanage Semeini, Semeini kakala mwanage Yoseki, Yoseki kakala mwanage Yoda, 27 Yoda kakala mwanage Yoanani, Yoanani kakala mwanage Lesa, Lesa kakala mwanage Zalubabeli, Zalubabeli kakala mwanage Sheatieli, Sheatieli kakala mwanage Neli. 28 Neli kakala mwanage Meliki, Meliki kakala mwanage Adi, na Adi kakala mwanage Kosamu, Kosamu kakala mwanage Elimadamu, Elimadamu kakala mwanage Eli, 29 Eli kakala mwanage Yoshua,Yoshua kakala mwanage Yolimu, Yolimu kakala mwanage Matati, na Matati kakala mwanage Lawi, 30 Lawi kakala mwana wa Simeoni, na Simeoni kakala mwanage Yuda, na Yuda kakala mwanage Yusufu kakala mwanage Yolamu, Yolamu, kakala mwanage Eliakimu, Eliakimu kakala mwanage Melea, 31 Eliakimu kakala mwanage Melea na Melea kakala mwanage Mena, wa Matata, Matata kakala mwanage Nathani, kakala mwanage Daudi, 32 Daudi kakala mwanage Yese,na Yese kakala mwanage Obedi, na Obedi kakala mwanage Boazi, na Boziazi kakala mwanage Salumoni na Salumoni kakala mwanage Nashoni, 33 Nashoni kakala mwanage Aminadabu na Aminadabu kakala mwanage Alamu, na Alamu kakala mwanage Hesiloni, Hesiloni kakala mwanage Pelesi, Pelesi kakala Mwanage Yuda, 34 Yuda kakala mwanage Yakobo, Yakobo kakala mwanage Isaka, kakala mwanage Abulahimu, Abulahamu kakala mwanage Tela, Tela kakala mwanage Naholi, 35 Naholi kakala mwage Selugi, Selugi kakala mwanage Lubeni, Lubeni kakala mwanage Pelegi, 36 Pelegi kakala mwanage Ebeli kakala mwanage Sala kakala mwana wa Kenani, kakala mwanage Alufakisadi, Alufakisadi kakalawa Shemu, Shemu kakala mwanage Nuhu, Nuhu kakala mwanage Lameki, 37 Lameki kakala mwanage Metusela, Metusela kakala mwanage Enoki, kakala mwanage Yaledi, kakala mwanage Mahalaleli, Mahalaleli mwanage Kenani, 38 Kenani kakala mwanage Enoshi, Enoshi kakala mwanage Seti, Seti kakala mwanage Adamu, Adamu kakala mwana wa Mulungu.