Como era a relação de Jesus com pedro: os maiores ensinamentos de Cristo ao seu seguidor

Ɔzhizɔsi Mbala Opita

15 Kwuye ungwu bɔkɔ o mbwa kiya irimo, Ɔzhizɔsi a za la Ɔsamɔ Opita te, <<Ɔsamɔ umɛ uwu Ɔzhɔnu, uŋɔ ŋɔ pwu idɛnyi mi ika ɛlɛ ma iyesheshi?>>

A zɔ te, <<Ee, Ɔkwu>> <<Ŋɔ yitu tee mi pwu idɛnyi ŋɔ.>>

Ɔzhizɔsi a zɔ te, <<Shi ilɔ mi kiya ingyirimo.>>

16 A kwɛyi Ɔzhizɔsi a gba e yo wu kwuyo ngwopo kpɔ te, <<Ɔsamɔ umɛ uwu Ɔzhɔnu, ŋɔ pwu idɛnyi mi ngboro?>>

A gba wu opwu te, <<Ee, Ɔkwu, ŋɔ yitu te mi pwu idɛnyi ŋɔ.>>

Ɔzhizɔsi a zɔ te, << Bɔ ilɔ mi eyi.>>

17 Ungwola a za wu te, <<Ɔsamɔ umɛ uwu Ɔzhɔnu, ŋɔ pwu idɛnyi mi?>>

Ubu uwu Opita e fomo kwuwongu Ɔzhizɔsi e yo wu kwuyo ungwola te, <<Ŋɔ pwu idɛnyi mi?>> A zɔ te Ɔkwu ŋɔ yitu iyi kiya lɛɛbi; ŋɔ yitu te mi pwu idɛnyi ŋɔ.>>

Ɔzhizɔsi a zɔ te, <<Shi ilɔ mi kiya ingyirimo.

28 Akwɛyi Opita a za wu tee, <<Ɔkwu gba akwu uŋɔ ngboro de ba za mi te la mi zɛma mu embyi kaa la mi bi du ŋɔ.>>

29 Akwɛyi Ɔzhizɔsi a gba wu opwu tee, <<Bo>> Akwɛyi Opita a wɔma mu kwoda akwɛyi e le mu luze mu kadu unga embyi e sheye mbaa Ɔzhizɔsi. 30 Tabɔkɔ a ma kwokpo kwu yi mu ifyama iiyɛkɔkɔ mu kwoda akwɛyi a riyi akwɛyi e le mu dingbi akwɛyi a tara oga tee, <<Ɔkwu sa mi ma loo!>>

31 Kɛlɛlɛ akwɛyi Ɔzhizɔsi a nda kwuwo e yi wu akwɛyi a za wu tee <<Uŋɔ uwu ikwu idu lu fulo kɛɛkyi ele! Kimbe ki shi ŋɔ yi egbo epo?>>

Opita A Zɔma Te E Yi Ɔzhizɔsi Mo

54 Akwɛyi o yi Ɔzhizɔsi mo akwɛyi o kawa mogba uwu Oboshi Uwakɔ; Opita ba a mbwalu shaaru mu izhikembo. 55 O kpala ɔyi mu odida akwɛyi Opita e kyo a ŋɔma mbala enzu umba o yi mu ɔyi ivyemo mɔmɔ awu tete. 56 Tabɔkɔ umɛgba umesheko a ma Opita a ŋɔma umba ɔyi mɔmɔ akwɛyi a bɔ wu eyeshii akwɛyi a zɔ tee, <<Onzu ele tete e yi mbala Ɔzhizɔsi.>>

57 Opita ba a zɔma, a zɔ tee, <<Oko ele, Imi lala mi yi wu mo!>>

58 Kwuye bwɛɛ onzu awa a ma Opita akwɛyi a za wu tee, <<Uŋɔ ŋɔ kwu onzu ukpɛnyi meka mba tete!>> Opita ba a gba wu opwu tee, <<Uma, mi yi mbala mba mo!>>

59 Mizhikembo iyi awa ikpɛnyi tee, akwɛyi onzu uwufo e bo a zɔ tee, <<Imulo iyi munɛ mo ndii, onzu ele e yi mbala Ɔzhizɔsi, moo akwu onzu uwu Ogalili tete!>>

60 Opita ba a gba opwu tee, <<Uma, mi yi kiya ingyi ŋɔ yi mu isomo mo!>> Tabɔkɔ e yi mu iso isomo tayi akwɛyi okwuru e tɛyi. 61 Ɔkwu e fulo biri e yese Opita, akwɛyi Opita e lolo iso iyi ba Ɔkwu e so wu awu tee, <<Ŋɔ zɔ kwu zɔ mi izhɛla dɛ gba okwuru e tɛyi mutu ɔlɛ le.>> 62 Akwɛyi Opita a wɔ kwudu akwɛyi e loga iyɛkɔkɔ.