Como era a relação de Jesus com pedro: os maiores ensinamentos de Cristo ao seu seguidor

Yeisu je Byitusu zhnidna n amwutuyi

15 She ɓa ɓə kwu pwo nyagyi gyi ɓo, Yeisu wa gna Byitusu, Sima Yohana nugwnu, "Ho ye mi lo n du anya ye?" Wa gna, "Əə, Dagayi ho kpəlo nge mi ye ho lo." Yeisu wa gna, "Kpa əmi akwugyasnáyi."

16 Njesnu Yeisu wa gna, "Sima Yohana nugwnu, ho ye mi lo?" Wa dnaɓəgbe, "Əə, Dagayi, ho kpəlo nge mi ye ho lo."

Yeisu wa gna wo, "Kna əmi aknyi."

17 Əɓwa taayi wa gna wo, "Sima Yohana nugwnu, ho ye mi lo?"

Kwaa Byitusu knyibwugba ntuge Yeisu ɓə nya wo əɓo əɓwa taayi nu, "Ho ye mi lo?" Wa gna, "Dagayi, ho kpe aɓo əye lo vnyanya; ho kpəlo nge mi ye ho lo."

Yeisu wa gna wo, "Ga əmi aknyi nyagyi.

28 Byitusu wa dnaɓəgbe, "Dagayi ngye əho nu, gna mi ge mi ɓe da ho tu n nuwna."

29 Wa gna, "Ɓe."

Nlonu Byitusu wa gbmi ń əya nunwanya, wa znazna tu ń nuwna woi lo da Yeisu. 30 Ama shi wo ɓə gye əse, ədna kwa wo wo, jesnu shi wo ɓə ya woi shni, wa gbmi əɓwi ya, "Dagayi, gnyi mi!"

31 Nsayisayii Yeisu wa ta əwo əɓwa ya, wa wna wo. Wa gna, "Əho gaiciyaganunui gbagbaida, knyiyi nu naa zhni hoi bmabwugba ya?"

Byitusu na Yeisu aɓo

54 Nlonu ɓa wna wo, ɓa lo n woi n pirisiti dnagbmai pwuwa. Byitusu wa lo woi vyi wo ń tagnyi. 55 She azaho n abaayi, ɓə kwu əná fnyizhi n ashilagyí akpeda atasni, ɓai kwu sase zhi, Byitusu waa sase shi ɓədo n ɓai. 56 Ɓyinyikwoyi tnutnuyi ho, wa gye wo sase shi n əná aba. Wa shi wo awye byiwuu wa gna, "Zanugbayi ye ɓə kwnusnu n woi."

57 Ama wa na kwo aɓo. Wa gna, "Nyikwoza, mi ta kpe wo ye lo m."

58 Əsa fyewyi ce, əzado wa gye wo əwye jesnu wa gna, "Əhohni ce, ho ɓə kwnusnu n ɓai."

Byitusu wa dnaɓəgbe, "Zanugbayi, əmi nu to m!"

59 A ɓwa əsa ngye snukna gbmanyi əzado ce wa je kwo əgbemyi, "Ɓəhnihni, əza ye ɓə kwnusnu n woi, ntuge wo zhni Gəliliyi nu."

60 Byitusu wa dnaɓəgbe, "Zanugbayi, mi ta kpe əɓo ye lo n ho gnyi hoi da m, kpeekpe!" Woi ye ɓwagnyi woi daɓo, pisenugba kwa cekwu. 61 Dagayi wa pmyiawye shi Byitusu ceewo. Nlonu Byitusu wa pa ɓədagbma n Dagayi ɓəə kwu da ga wo nyi: "Pisenugba ɓə snu n kwo cekwu n naiye, hoi la əmi yekpé aɓəna aɓwa ngwnu-ata." 62 Nsayi wa gbmiya lo əbmyi wa ciɓwi bwugbazhii nya.