Ressurreição

5 Bale, trawaya nə zâ əpʉ ə pâ kə ayashe nə ə pa: «E-e, awa mä e mä ne, mbrə ə̂në mə wusə̂ nə ə pa e sə kə pra Jezu ə̂në əndje kû ətshə gâ ala masheyɔ gâ ye kɔ. 6 Tshə sə sə kotəye ne, tshə shê gâ ye mata ə̂në tshə pâ ndə nə gâ ye kɔ. E nä gâ əmə ə wü ətshe ə̂në əndje zâ ətshə shô gâ tʉ gâ tə̂ nə kɔ.

6 Bale, tshə pâ kə əndje ə pa: «Awa kätə̂ kə mbrə e gâ ye! E sə kə pra Jezu, əzü əgɔ Nazaratə, ətshə ə̂në əndje kû ətshə gâ ala masheyɔ gâ ye kɔ. Tshə shê gâ ye, tshə sə sə kotəye ne. Ətshe ə̂në əndje zâ ətshə gâ tə̂ nə kɔ kə səye.

6 Tshə sə sə kotəye ne, tshə shê gâ ye. E lï tshelə e gâ pâ əpʉ ə̂në tshə pâ kə e alɔ ə̂në tshə sə̂ pə mâ Galile kɔ 7 ə pa: "Əgblə nə̂ Əzü lï ndə kə pa azü za ətshə gâ lə kəna alayïnyaka, əndje wo ətshə gâ ala masheyɔ â tə̂ vəta əlo nə, tshə sə kə she nə."»

8 Bale, trawaya ətshə nə səkɔ, ə̂në tshə yî kumu ye ətshinə gâ tə̂ ama ə̂dû nə kɔ, lî ndje gâ lə ə̂dû nə. Tshə wû â yîndə nə də lɔsu ye. 9 Mbrə ə̂në əndje tê tê pa ə dji tshelə âdâ Fraka nə̂ Ndjapä ə̂në ə pâ Jezu lï ndə kə she lə takpa tə̂ akuzu kɔ ne.

3 Angbʉlînə ərə ə̂në mə yîsə̂ nə kə e kə də̂ əpʉ ə̂në, əmə ndje də ə̂tə̂ əmə, mə djî gâ ye kɔ: Kristə tshû mbrə anyaka nə̂ əzə̂, mata ə̂në Fraka nə̂ Ndjapä pâ kɔ. 4 Əndje shî ətshə, tshə shê tə̂ vəta əlo nə, mata ə̂në Fraka nə̂ Ndjapä pâ kɔ,

25 Jezu pâ kə ətshə ə pa: «Əmə, mə də̂ əpʉ kə she akuzu də əpʉ sorô. Əzü ə̂në tshə za lɔsu ye kə əmə, tshə sə kə sə tə sorô, kədə tshə â tshû kəmə. 26 Â əzü nɔ̂ ə̂në tshə sə tə sorô â za lɔsu ye kə əmə, tshə sə sə kə tshu alɔ bale ne. Bə zä lɔsu zə gâ pâ əpʉ səkɔ a?»

21 Mbrə ə̂në, äwä bale ə̂në kuzu nâ tə̂ äwä əzü bale kɔ, kə she azü nâ ndje tə̂ äwä əzü bale.

14 Bale, kədə a yində əpʉ nə də lɔsu əzə̂ ə pa Jezu tshû gâ ye â Ndjapä shê ətshə lə takpa tə̂ akuzu gâ ye kɔ, a yïndə əpʉ nə ndje də lɔsu əzə̂ ə pa azü ə̂në əndje zâ lɔsu əndje kə Jezu â tshû gâ ye kɔ, Ndjapä sə kə she əndje ə ngbo əndje də a-Jezu tə̂ ə̂sə̂ nə bale je.

14 Mbrə ə̂në əpʉ kə yində əzə̂ ə̂në Kristə nə yində əzə̂ kɔ, rô pâ ä gâ ye, ä-ä ə̂në ä wû ngâ ə pa: əzü bale tshû gâ ye mbrə azü nɔ̂, rəkɔ azü nɔ̂ tshû äwä bale ndje gâ ye. 15 Tshə tshû mbrə azü nɔ̂ gâ ye, ndə kə pa azü ə̂në əndje sə tə asorô kɔ, əndje sə sə də sorô nə mandânə səye kʉ mbrə əndje də ə̂tə̂ əndje ne, bale mbrə ətshə nə ə̂në tshə tshû ə shê gâ ye mbrə əndje kɔ.

5 Mbrə ə̂në kədə a sə äwä bale mata ətshə tə̂ äwä kuzu ə̂në tshə tshû gâ ye kɔ, a she äwä bale mata ə̂në tshə shê gâ ye kɔ je. 6 A wusə̂ nə ə pa əndje kû angbrɔ əzü ə̂në a sə̂ leme-e tə̂ äwä nə kɔ gâ ala masheyɔ də Kristə nə gâ ye, ndə kə pa kushu nyaka nə lə əzə̂ nə tshu gâ ye kanika a da daka pə tə akanga nə̂ nyaka nə ne.

A tɔ̈lɔ Ndjapä ə̂në tshə shê əzə̂ lə kuzu kɔ

3 A tɔ̈lɔ Ndjapä, Abä Âgbɔ̂ Əyïngerə nə̂ əzə̂ də Jezu Kristə! Tshə wû əyo əzə̂ ro pâ nə, â zû əndʉ əzə̂ tə̂ äwä kə she Jezu Kristə lə takpa tə̂ akuzu, ndə kə pa a za lɔsu əzə̂ gâ pâ ə̈bə̈ ərə ə̂në ə sə kə za sorô kə əzü kɔ.

21 Ə sə tə ə̈bə̈ ərə ə̂në ə yisə̂ nə ə pa batamo sə kə tshɔ e lə kuzu kpəsəye, tə̂ äwä kə she Jezu Kristə nə. Ə sə sə tə batamo kə yutu əbru tə̂ tshekotə̂ əzü ne, bale ə sə tə kə za tə̂ əzü kə Ndjapä də lɔsu ə̂në ə sə mvo kɔ.

Əpʉ kə yu Ndjapä

20 Ndjapä ə̂në tshə za blatshe kə azü, ə̂në tshə shê Âgbɔ̂ Əyïngerə nə̂ əzə̂ də Jezu, lə takpa tə̂ akuzu gâ ye kɔ, tə âgbɔ̂ awobata azü tə̂ äwä ə̈ndjï mbʉkʉ ə̂në ə sə piii kɔ, 21 tshə mbrə̈ e tə azü lə kə mbrə ə̂rɔ̂ ərə nɔ̂ ndə kə pa e mbrə ərə ə̂në tshelə ye yində nə kɔ. Tshə mbrə̈ ərə ə̂në ə fʉ lə ala ye kɔ lə əzə̂ tə̂ äwä Jezu Kristə. Azü mbë ətshə də ə̂ngû də ə̂ngû piii! Asərəmə!

10 Ərə bale ə̂në mə yində nə kə də̂ kə pa mə yerɔ ətshə kpro də awlra ə̂në ə shê ətshə lə takpa tə̂ akuzu gâ ye kɔ ə wu marä tə̂ aəyo ə̂në tshə wû kɔ ə tshu marä tə̂ kuzu ə̂në tshə tshû kɔ

6 Ənə̂ ye tə ə̂rɔ̂nə â tshə sə tə ənə̂ Ndjapä, əzü ə̂në tshə sə lə takpa tə̂ azü nə ə̂në əndje she angbʉlînə kɔ! Bishi kuzu sə sə kə mbrə ə̈bə̈ ərə tə̂ azü səkɔ ne, bale əndje sə kə sə tə aawotokrɔ nə̂ Ndjapä də əndje nə̂ Kristə â əndje də a-Kristə nə ə mbrə ngerə lə ə̂ngû sake bale (1 000) je.

12 Bale, mə wû akuzu, aâgbɔ̂ əndje də aəngʉ əndje, əndje kâ gâ lafɔ gâ ətshi mbata ngerə nə. Əndje ndjɔ̂ tshela alabə̈ afraka, â əndje ndjɔ̂ tshela ə̈bə̈ ata fraka nə ə̂në ə sə tə fraka sorô kɔ. Əndje wâ ngbanga gâ pâ akuzu nə ə lï də ərə ə̂në əndje tâ gâ lə afraka nə kɔ, Lïndə̂ aərə ə̂në əndje mbrə̂ gâ ye kɔ. 13 Ə̂ngû əngbrʉ kô əndʉ akuzu ə̂në əndje sə̂ lə ye kɔ gashu, kuzu də ə̂sə̂ akuzu kô əndʉ akuzu ə̂në əndje sə̂ lə əndje kɔ gashu, â əndje wâ ngbanga gâ pâ əndje ə lï də aərə ə̂në əzü bale bale mbrə̂ gâ ye kɔ.

22 Bale, Ndjapä bâta əmə â mə daka pə ʉrrr ndjɔ kpəsəye â yisə̂ əpʉ səye ətshi azü nɔ̂: aəngʉ azü də aâgbɔ̂ azü kɔ. Mə yîsə̂ ə̈bə̈ əpʉ yî kpî tə̂ əpʉ ərə ə̂në aawopandəma Ndjapä gâ ndə Mayïzə pâ ə wutu je kɔ ne. 23 Əpʉ nə də̂: Kristə nə ə wu əyo je ə she tə əlî əzü lə takpa tə̂ akuzu je, ə mʉ əpʉ ə̂yîəwo kə she azü lə kuzu kɔ kə azü əgɔ nə̂ ä də azü ə̂në əndje sə sə tə Ajuwufu ne kɔ je.»

18 «E wü-a! A sə kə na mâ Jeruzalamə, azü sə kə za Əgblə nə̂ Əzü gâ lə kəna aâgbɔ̂ azü nə̂ aawotokrɔ də aawoyisə̂ âgbɔ̂ əpʉ nə̂ Mayïzə. Əndje sə kə wa ngbanga kuzu gâ lə kumu ye 19 ə sə kə za ətshə gâ lə kəna azü ə̂në əndje wûsə̂ Ndjapä wû ne kɔ ndə kə pa əndje mɔ ətshə, ə da ətshə də djakwa, ə ku ətshə gâ ala masheyɔ â tə̂ vəta əlo nə, tshə sə kə she nə.»