Roupas
A Bíblia fala sobre roupas em sentido literal e espiritual. Deus vestiu Adão e Eva, nos veste de salvação e nos chama a revestir-nos de Cristo e de virtudes santas.
Deus provê as vestes
Desde o Éden, Deus cuidou das necessidades dos seus filhos. Ele nos veste de salvação e de justiça, cobrindo nossa vergonha com sua graça.
ताहराआ तियां बेनुउं डोआ उगड़ीत गोया, आन तियांहां मुंदू पोड़्यु के तें नागरेज होय; तियाहा काजे तियां अंजीरोअ पाने जोड़ीत जोड़ीत खोस्टी बोणावीत लेदी.
आन यहोवा देवे आदाम आन तियाआ लाडीइ काजे सांबड़ाआ आंगड़े बोणावीत कोइत तियांहां पोवाड़ी देदे.
Revestidos de Cristo
Pelo batismo, somos revestidos de Cristo. A Bíblia nos exorta a vestir compaixão, bondade, humildade, mansidão e paciência.
काहाके तुमू आखे ख्रिस्त ईसुपोऱ्याआ विश्वासोअ वाअहीं देवोअ पोऱ्ये होये. आन तुमाम जेते जोएं ख्रिस्ताआ नावम बाप्तिस्मा लेदोहो, तियां ख्रिस्ताहा फांगीत लेदूहू.
तियाहा कोत तुमू जें देवोअ निवड़ीइल्याअ होस, पवित्र आन मेराले माहें होय, तुमू वोडी माया, आन हाजली गोठी, आन हानालाय, आन सहनसेक्ती याहां पोवित ल्या.
जों जिके तियाहा एहेलेज पांडे आंगड़े जोड़े, आन आंय तियाआ नांव जिवनोअ पुस्तकोम रोत ने खुड़ो, पोन माआं आब्हाआ आन तियाआ देवदुतोअ सामने तियाआ नाव मानित लेहीं.
Modéstia e confiança
A beleza verdadeira não está no exterior. A Escritura valoriza o caráter interior acima de adornos e nos ensina a não nos preocupar excessivamente com roupas.
तेहेंज कोइत बोईं बी विश्वास आन समजदारीम हाजा साअका वाअहीं सोताहा होबाड़ुहूं जोवे; निस्त सिंग्ये गुथीइलो आन होनो, मोती आन मोगला साअका वाअहीं एतोज नाहां; पोन हाजा कामों वाअहीं, काहाके देवोअ भक्ती कोअनारी बायहींहीं ओंज होबेहे बी.
तुमाआं होबा सिंग्याअ पातार गुथीइलो, होना सांदीइ गोवणो पोवीइलोअ, आन भारी भारी आंगड़े पोवीइलोअ एहलुहू उपरसोल्यू देखावू ने जोवे. पोन तुमाआं मोनोम दोड़पाअला मोनवी सोभावोम मोन्ज्ये देवोअ नजरेमेहें जास्ती महत्वाआ एहला हानाला आन शांत आत्माआं अमर गोवणावाईं होबात रोअहूं जोवे.
"याआ काजे आंय तुमुहूं कोहो के, आपाआ जिवोअ काजे ए सिंता मा कोअहा, के आमू कि खाहूं आन कि पीहूं; आन नेत आपाआ शरीरोअ काजे कि पेवहूं. केहें जिव रोटा रोते आन शरीर आंगड़ा रोत मोगो नाहां के?
काहाके आपू दुन्यामेहें किज नाहां लेताये आन नाहां की लेत जात सेक्ते. जर आपापोअ खाअलोअ आन फांगीइलोअ रोयो, ताहां तियाजमेहें खुस रोअहूं जोवे.
"ठोग भविश्यवक्ताहां रोत सांबालजा. ते मेडाआं वेहे लेत तुमाआं जागे आवताहा, पोन मांयते वेतरीइनारा कोलवाआं होस होये.
तेताजमेहें हाजारो माहुंउं गर्दी तिहीं टोलू वोलीत गोयी, एतीही गर्दी के तें एकानेकाहा डोठ्लाअतेते, ईसु पेल्लाअठीज तियाआ सेलाहां कोनु वोल्यु, "फरिसीइ खमीरो रोत सांबालित रोजा," मोन्ज्ये तियांआं ढोंगड़ाय कोइलोअ खमीरोअ बाप्तिम कोहो. किज बी टापाअलो नाहां जो उगड़ीत ने सेके, आन किज बी निकाअलो कायनाहां, जो ओलखाइत ने सेके. आन तियाहा काजे जो किबी तुमू आंदारामेहें कोयोहो, तो उजालामेहें होंबलाय; आन जो किबी सुलीइहीं बिबड़ीत कोयोहो, तो मोब्योपोअ रोत परसार ओवे.
"माआं दोस्ता, आंय तुमुहूं कोहो, तियांहां मा बिहा जे तुमाआं शरीरोहो माईंत सेकतेहे, पोन तिया रोत वादार बिहीरो किज बी नाहां कोइत सेकते. आंय तुमुहूं कोत देखाड़ोहो तुमू कोडाहा बिअहूं जोवे: देवोहो बिवा, जियाहा माअयो तिहीं रोत नरकाम टाकीइलोअ आधिकार होय, तियाहाज बिवा; होव, आंय खोरीज कोहो, तियाहाज बिवा!"
केहें बेन आनामेहें पास सिड़े नाहां वेसाअते? तेबी तिहींमेएं एका सिड़ाहा बी देव ने विहीराअत्लू. तुमाआं मुंडीपोर्येए आखे सिंग्ये बी गोणीत मिक्येहे, तियाहा काजे बिहा मा, वारुज सिड़ां रोत बी तुमाआं किंमत जाअखी होये!
आंय तुमुहूं खोरीज कोहो, जो कोडो आखाआ सामने माहूं मानित लेये, तियाहा माहुंउं बेटुह्हू बी देवोअ देवदुतोअ सामने मानित लेये. पोन जो आखाआ सामने जो माआं नाकार कोए, ताहां माहुंउं बेटुह्हू बी देवदुतोअ सामने तियाआ नाकार कोए.
"जो कोडो माहुंउं बेटाह्हाअ विरुद्दाम किबी गोठ कोए, तियाआ माफी ओत जाय; पोन जो पवित्र आत्माआं विरुद्दाम निंदा कोए, तियाआ सुकीइ माफी ने ओवनारी."
जेहेलाम तें माअहें तुमुहूं यहुदी आराधनालयोअ सामने, नेत सारकारोअ सामने, नेते आधिकार्योंअ सामने लेत जाय, ताहां सिंता मा कोअहा के केहें कोइत उत्तर आपुहूं, नेत की कोहूं. "काहाके पवित्र आत्मा तुमुहूं तियीज वेलेपोअ सिकाड़ी देये के कि कोअहूं जोवे."
ताहां गर्दी मेहें रोत एके जोएं ईसुहू कोयो, "गुरुजी, आमाआं आब्हाअ मालधन माअरी वाटीत लेय तेहें काजे माआं पायहोहो कोत दे."
ईसु तियाहा कोयो, "दोस्ता, कोडे माहूं तुमाआं न्याय कोअनारु के मालधन वाटनारु कोत नेम्युहूं?" आगाड़ी ईसु तियां आखाहा कोयो, "हेएजा, आखी बातीइ लालसाय कोइलो रोत सोताआ जिवोहो वासाड़ा; काहाके कोडाअ बी खोरो जिवन तियाआ जाअखा मालदार बोणीइलोम कायनाहां, तो केतुहू बी मालदार रोअहूं दे, काय फरक ने."
ईसु तियांहां एक काईं कोत आप्यी: "एका कुन्बीइ खेतोमेहें जाअखीलोहो ओन पाको. ताहां तो विसार कोउ वोल्यु, ओं ओन मिकुहूं इंहीं जागू कायनाहां, आंय कि कोअहीं? आन तिये कोयो, ‘आंय एहें कोअहीं, ए मोठी वेसड़ीत कोइत वोडी बोणाविहीं; आन तिहीं माआं आखो ओन आन मालधन मेकिहीं; आन माआं जिवोहो कोहीं, ए जीव! तापोअ जाअखीलेहें वोरह्ये पुरे एतोहो ओन कामावित मिक्योहो, आराम कोअ, खा-पी आन मोज्याम जिव!’ पोने देवे तियाहा कोयो, ‘आरे फोगा! यीज राती ताआ जिव निहींत जाय; ताहां जो किबी तुमे कामावयोहो तो कोडाअ बोणे?’"
आन सेलीसेलवाआ ईसु कोयो, "एहेंज कोइत तियाआ बी ओवे, जो सोताआ काजे मालधन हेंगालेहे, पोन देवोअ नजरेम कुन्बी कायनाहां."
ताहरुउ ईसु तियाआ सेलाहां कोयो, "तिहीं वाअहीं आंय तुमुहूं कोहो, जिवीइलोअ कोअते कि खाहूं, कि पीहूं आन कि पेवहूं एहेलिही फिकर मा कोअहा. काहाके जिव ओनो रोत जाअखु महत्वाआ होये, आन डिल साअका रोत जाअखो महत्वाआ होये. कागड़ाअहें पाला, ते नाहां बियारु ओअते, आन नाहां वाडते; तियांआं नाहां दाणा मेकीइलोअ गोडावन रोतू, के नाहां मोठी रोती; तेबी देव तियांहां पालेहे! तुमाआं किंमत सिड़ां रोत बी वादार होये. तुमाआं विसमेहें कोडो एहेलोह होये, जो फिकर कोइत जिवनोमेहें एक घेड़ी जिवन वादाड़ीत सेके? तियाहा काजे जर तुमू हानाम रोत हानो काम बी नाहां कोइ सेकते, ताहां बिहीरी गोठीइ कोअते काहा फिकर कोअतेहे? तिवर्याआ फुलोहों पाला, तें केहेलेहे वोडे ओवतेहे: तें नाहां काम कोअते के नाहां सोताआ काजे साअके विंइंते; तेबी आंय तुमुहूं कोहो, के शलमोन राजाआ आखा होबामेहें रोत बी वादार तें तिवर्याआ फुले जाअखे बाहरी होबाअते ओते. तियाहा काजे जर देव रानठ्या खोड़ोहो, जो आज होये आन हांदाअ हांगाड़ाम पेटात जाये, तियाहा जाआं निलागार कोअहे; ताहां, ए कमजोर विश्वासोवालां, तो तुमुहूं केहें ने पोवाड़े!
"तिहीं वाअहीं तुमू कि खाहूं आन कि पीहूं कोत फिकरेम मा रोहा, आन सिंता मा कोअहा. काहाके दुन्यामेर्येए आखे माअहें यीं गोठीइ फासाड़ी लागीत रोतेहे, आन ओं तुमाआं आब्हाहा मुंदू होये, के तुमुहूं यी गोठीइ गरज होये. पोन तुमू तोम तियाआ राज्याआ फाट लागा, ताहां ए गोठी बी तुमुहूं जोड़ीत जाय.
"ए हाना गोवारा बिही मा, काहाके तुमुहूं होरगाआ राज्य आपिइलोअ तुमाआं आब्हाहा गोम्योहो. तुमाआं मालधन वेसीत कोइत गरिबोहों वाटी द्या. आन सोताआ काजे एहेलिही खोत्ली बोणावा, जे जुनी नाहां ओवती, मोन्ज्ये होरगामेहें मालधन हेंगाला, जो केदिहींज कमी नाहां ओवतो, आन जिहीं बांड नाहां आवित सेकता, आन ओदायो बी नाहां लागीत सेकतो. काहाके जिहीं तुमाआं मालधन तिहीं तुमाआं मोन बी लागीत रोय."
"कंबर बांदीत कायम तियारीज मेहें रोवा, आन तुमाआं दिवा पेटाअलाज रोअहूं द्या. आन एहेला सेवकोअ होस बोणा, जे वेहेवालोअ पांगातीइ जागे रोत फिरीत आवनारा मालख्योअ वाट जोवताहा, मोन्ज्ये, जेहेलाम तो आवे ताहां तुमू ताबुड़ बाअणो उगाड़ीत सेके. मालिख फाशुउ वोलीत आवे ताअहूं जाआं जे सेवक कंबर बांदीत तियारीज मेहें रोल्या देखाय तियांआं हाजो होय! काहाके आंय तुमुहूं हुदाअलीज कोहो, तो सोताहा तुमाआं सेवा कोइलो काजे कंबर बांदीत तियार रोय! आन रोटाअ टेबलोपोअ खाअलोअ काजे बोहाड़े, आन आवित कोइत तियांआं सेवा कोए. जेहेलाम तो पोरापोर रातीही नेत तिहीं रोत बी वादार वेल ओत जाय, तेबी जे सेवक जागताज सापड़े, तियांआं केतोह हाजो आवे! पोन तुमू ओं जांअतीज रोजा; के जर कोओअ मालख्योहो ओं मुंदू रोतु ताहां तो तियाआ कोअ बांडोहो ने लुटुहूं देतु. तुमू बी तियार रोवा; काहाके माहुंउं बेटुह्हू एहेली वेले आवित लागे जेहेलाम तुमुहूं ईतवाय बी ने."
पेत्रे कोयो, "प्रभु, ए काईं का आमाआं कोअतेज लागू होये के आखाआ काजे बी?"
प्रभु उत्तर आप्यो, "बाकी नोवकर-साकर्याहां बोराबर वेले पोअ हिदो आपे तेहें काजे प्रभु जियाहा नेमीत सेके, एहेलुहू तो इमानदार आन ओकलवान सेवक कोडू होये?" जिया सेवकोहो मालिख आवित कोइत एहें कोअत्लूज सापड़ावे तियाआ जुदो हाजो आवे! खोरीज आंय तुमुहूं कोहो के, तो मालिख तिया सेवकोहो तियाआ आखा मालधनोपोअ आधिकारी बोणावे.
पोन जर तो सेवक मोनोमेहें कोनु वोले के, माआं मालिख आविइलाआ जास्ती वाआ लागाड़ेहे, आन तो तियाआ आखा नोवकर-साकर्याहां, बोईंन-माट्योहो देनू आन गाई देनू वोले आन खानून-पीनू वोले आन साकवाल बोणू वोले. ताहां तिया सेवकोअ मालिख एहेलिही वेले आवित लागे जेहेलाम तियाहा मुंदू बी ने जाये, आन तियाहा जुदू डोंड आपे, आन तियाआ वाटू बिगर विश्वासी माहुंउंरी ठरवी देये.
तियाआ मालख्योअ इश्शा जाईंत बी जो सेवक तियार नाहां रोतु, आन मालख्योअ ईश्शाअ परमाणे नाहां सालतु, तो जास्ती मार खाय. पोन जिया सेवकोहो ने मुंदू ओतू तिये जर मालख्योहो ने गोमे एहेलोह काम कोअयो, तर तियाहा थोडू मार जोड़े. जियाहा वादार आप्योहो, तियाप रोत वादार मागे, आन जियाहा जास्तीज आप्योहो तिया पोअ रोत जास्तीज वसूल बी कोए.
आंय धरती पोअ आग लागाड़ु आयुहू, आन ते आगाड़ीज रोत पेटाइत रोती ताहां केतोह हाजो आवतो! माहूं एक बाप्तिस्मा लेअलोअ होये, आन जाअहूं जाआं ओं पुरो ने ओवे ताअहूं जाआं आंय केतुहू तारसोम रोहीं! आंय धरती पोअ मिटाड़ू आयुहू एहेलोह तुमुहूं लागेहे के? नाहां, आंय मिटाड़ू नाहां, पोन फाटाफुट कोउ आयुहू. काहाके ओमे रोत आगाड़ी एका कोओ मेऱ्येए पास जोएं एकानेकाआ विरुद्दाम वाटाइत जाय. तीन जोएं बेनोअ विरुद्दाम आन बेन तीनूउं विरुद्दाम वाटाइत जाय. आब्हू बेटाह्हाअ विरुद्दाम आन बेटुह्हू आब्हाआ विरुद्दाम; आन आयही बेटिह्हीइ विरुद्दाम, आन बेटिह्ही आयहीइ विरुद्दाम, आन हावेह्हे वोवड़ीह्हीइ विरुद्दाम आन वोवड़ीह्ही हावेह्हेए विरुद्दाम ओत जाय.
ईसु गर्दीही कोयो, "जाहां बुड्तामेहें वादलो आवत्लो देखाअहे, आन ताहां ताबुड़ कोतेहे के, वोऱ्हात पोड़े, आन तेहलोज ओवत्लो. जेहेलाम देहोअ भागोम वारो सालत्लो तेहेलाम तुमू कोतेहे के ओमे झांव साले, आन तेहलोज ओवत्लो. ए ढोंगड़ाय कोअनारां! तुमुहूं धरतीइ आन जुगोअ रंग-रुप देखीत कोइत वेलेए आंदास लागाड़ता आवड़ेहे, पोन ओमेएं वेलेए आंदास काहा ने लागाड़ता आवड़ीइत्लो?"
जो ठीक होय तियाआ बाप्तिम तुमू सोताआ निर्णय सोताहाज काहा नाहां ठरवीत लेते? जेहेलाम तुमाआं भान्गड्याअरी तुमू कोर्ठामेहें जाअहूं कोअताय, ताहां जे भान्गड़ ओवीही ते वाटेज मिटाड़ीत ल्या, नेते, तुमाआं भान्गड्यु तुमुहूं न्यायाधिशोअ सामने ओडीत लेत जाय आन न्यायाधिश तुमुहूं सेयनिकोअ आथोम होपी देये, आन तो तुमुहूं जेलेम टाकी देय. आंय तुमुहूं कोहो, जाअहूं जाआं तुमू आनाआ आनो ने फिटी देहा, ताअहूं जाआं तिहीं रोत ने सुटीत सेकहा.
योहान उटड़ाआ रुंग्हाआ आंगड़े पोवित ओतू, आन तियाआ कंबरेमेहें सांबड़ाआ पोट्टू ओतू, तियाआ खाणो टिडे, आन रानोमेऱ्योअ मोद ओतो.