1 तियां दिहोमेहें बाप्तिस्मा आपनारु✝3:1 मत्तय 11:2-14; 14:1-12; लुक 1:13,57-66; प्रेशित 19:3,4 योहान यहुदीयाआ जंगलोमेहें आवित एहेलुहू परसार कोउ वोल्यू के, 2 "तुमाआं पापोहो सोड़ीत मोन फिरवा!" "काहाके होरगाआ राज✝3:2 मत्तय 4:17; 7:21; मार्क 1:15; लुक 10:9; 11:20; 17:20,21; 21:31; योहान 3:3,5 आहने आवित लागोहो." 3 ओ तोज होय, जियाअ बाप्तिमेहें यशया भविश्यवक्ते कोयोतो:

"रानोमेहें एका बोंबलीइनाराआ आवाज आवेहे,

‘प्रभुउ सड़क तियार कोआ;

तियाआ वाट हुदी कोआ!’"✝3:3 यश 40:3; मला 3:1; लुक 1:76

4 योहान उटड़ाआ रुंग्हाआ आंगड़े पोवित ओतू✝3:4 2 राजां 1:8, आन तियाआ कंबरेमेहें सांबड़ाआ पोट्टू ओतू, तियाआ खाणो टिडे*3:4 टिडे अक्रिदेस ओं युनानी बाशाआ शब्द होय, कनान देसोमेहें पाकनारा करब नावोअ साड़ोअ पापड़्याआ बाप्तिम बी कोहे., आन रानोमेऱ्योअ मोद ओतो. 5 ताहरेए येरुसालेमोमेर्‍येए आन पुरा यहुदीया मेर्‍येए आन यारदेन खाडीइ आहने-पाहनेए बादा गांवोंमेहें रोनारे माअहें तियाआ जागे आये. 6 आन जिवज्योअ गुनां कबुल कोइत यारदेन खाडीमेहें तियाआ आथे बाप्तिस्मा*3:6 बाप्तिस्मा सोको ओवीइलोअ उद्देशो वाईं माहुंहूं पाअयों मेहें बुडाड़ीत बारथे काडीलोअ नियम लेदो.

7 जाहां फरिसी*3:7 फरिसी ईसुउ जमाना मेर्‍याआ यहुदी पंथाआ आन राजकारणी पुढार्‍योंअ टोलू आन सादूकी✝3:7 मत्तय 16:1,11,12; 23:13-36; प्रेशित 23:6-7 यांमेर्‍याआ वारुज जोओंहों बाप्तिस्माआं काजे तियाआ वोगेहे आवत्लाहा देखीत तिये तियांहां कोयो, "ए हापोअ पिलां, देवोअ आवनारी खोते रोत नाहींइलोअ काजे तुमुहूं कोडे कोत देदो? 8 तुमू पापोअहें रोत फिरीत देवोअ वोगेहे सालताहा, एहेलोह जिवन सोताहा जिवीत देखाड़ा. 9 आन अब्राहाम आपाआ बाह्हू होय एहें कोत कोअलोअ विसार तुमू तुमाआं मोनोमेहें कोअहा मा; काहाके आंय तुमुहूं कोहो के, देव अब्राहामोअ काजे यां डोणोओं पोर्‍ये उब्जाड़ीत सेकेहे. 10 आन ओमेज रोत साड़ोअ थुड़ोमेहें कुवाड़ो मिक्योहो; एताआ वोतीइ के जों साड़ हाजो फल नाहां आपतो, तों साड़ वाडीत कोइत आगीमेहें टाकी देवाय. 11 आंय पाअयों वाअहीं तुमुहूं मोन फिरावीलाआ बाप्तिस्मा आपोहो, पोन जो माआं फासाड़ी आवनारु होय, तो माआं रोत बी जाअखु ताकतवान होय, आंय तियाआ खाहड़े तोइलोअ बी लायकीइ नाहां; तो तुमुहूं पवित्र आत्मा वाअहीं आन आगी वाअहीं बाप्तिस्मा आपे. 12 तियाआ आथोमेहें हुप होय, आन तो तियाआ खोलो सोको कोए आन तियाआ गोंवें मोठीमेहें मिके, पोन पुहूटो केदिहींज ने उलाअनारी एहेलिही आगीमेहें पेटाड़ी देय."

13 ताहां योहानोअ आथे बाप्तिस्मा लेअलोअ काजे ईसु गालीलोम रोत यारदेन खाडीइ मेरे आयू. 14 पोन योहान तियाहा कोनु वोल्‍यू, "आंय ताआ आथे बाप्तिस्मा लेअहूं जोगोहो होये, तेबी तू माआं आथे बाप्तिस्मा लेनु आयुहू?"

15 पोन ईसु तियाहा उत्तर आप्यो, "ओमे एहेंज कोइत ओवुहूं देमे; काहाके जों जों खोरो होय तों तों आपू कोअहूं जोवे एहेलिही देवोअ इश्शा होय." ताहां योहाने तियाआ गोठ मानित लेदी.

16 बाप्तिस्मा लेत कोइत ईसु पाअयोंमेहें रोत बाअथे निहींताज जुग उगड़ीत गोयु, आन देवोअ आत्मा पेरवाअ होस तियापोअ उतरीइत्लूज देख्यू. 17 आन पाला, जुगोमेहें रोत एक आवाज आयू, "ओ माआं मेरालू बेटुह्हू होये, याआ बाप्तिमेहें आंय जुदू खुस होये."