8 काकरेकी जब तुहुरे विश्वास कर्लो ते परमेश्वर तुहुरिन्हे अपन अनुग्रहसे बँचालेलाँ। और तुहुरे अपनहे अप्निहीँ नै बँचैलो, बेन यी ते परमेश्वरके दान हो; 9 और यी तुहुरिन्के कर्लक मजा कामके कारण नै हो। तबेकमारे तुहुरिन्के थेन घमण्ड करना कौनो कारण नै हो।

5 ऊ हम्रिहिन्हे पापके दण्डसे बँचैलाँ, ऊ हमार अपने धार्मिक कामके कारण असिके नै करलाँ। पर ऊ हमारमे दया कर्लक कारण ऊ हम्रिहिन्हे पवित्र आत्मा देके हम्रिहिन्हे बँचालेलाँ। ऊ हमार पापहे धुइलाँ और हम्रिहिन्हे एकथो लावा जीवन जिअक लग और लावा तरिकासे व्यवहार करक लग हम्रिहिन्हे एकथो तरिका देलाँ।

9 परमेश्वर हम्रिहिन्हे मुक्ति देलाँ। और हम्रिहिन्हे पवित्र जीवन जिअक लग बलैलाँ। हम्रे मजा काम कर्ली कहिके ऊ हम्रिहिन्हे नै बलैलाँ। पर अपन योजना और उ अनुग्रहक अनुसार बलैलाँ। परमेश्वर यी संसारहे बनैनासे आघे येशू ख्रीष्टहे यी संसारमे पठाके अपन कृपा देखैना योजना पैलेहेँसे बनालेले रहिँत।

16 काकरेकी ख्रीष्टके खुशीक खबरमे महिन्हे गर्व बा। काकरेकी परमेश्वर अपन शक्तिसे खुशीक खबरमे विश्वास करुइया प्रत्येक जहनहे बँचैथाँ। सुरुवात ओहोँर परमेश्वर यहूदी मनैनहे मुक्ति देलाँ, और आब सक्कु मनैनहे मुक्ति देथाँ।

23 काकरेकी सक्कु जाने पाप करल बताँ, और परमेश्वरके देना महिमासम नै पुगल हुइँत।

7 कौनो एकथो धार्मिक मनैयक लग मुना मुश्किल बा। शायद हुई सेकत कि केऊ जात्तिकमे कौनो मजा मनैयक लग मुना तयार होजाई।

8 पर परमेश्वर हमार लग हुँकार प्रेम यम्नेहेँ देखैथाँ, कि हम्रे पापी रहलेमे ख्रीष्ट हमार लग मुगिलाँ।

23 काकरेकी पाप कर्लक ईनाम मृत्यु हो। पर जोन वरदान परमेश्वर हम्रिहिन्हे देथाँ, उ वरदान सदाकालके जीवन हो, जोन जीवन हमार प्रभु येशू ख्रीष्टमे मिलत।

9 यदि तुँ येशूहे प्रभु हो कहिके मनैनके आघे स्वीकार कर्बो, और परमेश्वर येशूहे मुअलमेसे जित्ती करैलाँ कहिके अपन भित्री मनसे विश्वास कर्बो कलेसे पक्कै फेन परमेश्वर तुहिन्हे मुक्ति दिहीँ। 10 हम्रे अपन भित्री मनसे विश्वास कर्थी, तबेकमारे परमेश्वर हम्रिहिन्हे धर्मी ठहरैथाँ। और हम्रे विश्वास कर्थी कहिके कहक लग हम्रे अपन मुहँक प्रयोग कर्थी, यहे कारणसे हम्रे बँचजैथी।

10 हम्रे अपन भित्री मनसे विश्वास कर्थी, तबेकमारे परमेश्वर हम्रिहिन्हे धर्मी ठहरैथाँ। और हम्रे विश्वास कर्थी कहिके कहक लग हम्रे अपन मुहँक प्रयोग कर्थी, यहे कारणसे हम्रे बँचजैथी।

31 तब् ओइने कलाँ, "प्रभु येशू ख्रीष्टमे विश्वास करी और अप्नि और अप्निक परिवार मुक्ति भेटैबी।"

31 तब् ओइने कलाँ, "प्रभु येशू ख्रीष्टमे विश्वास करी और अप्नि और अप्निक परिवार मुक्ति भेटैबी।"

12 येशू बाहेक कौनो दोसुर जहनमे मुक्ति नै हो। काकरेकी स्वर्गक तरे मनैनके लग कौनो दोसुर नाउँ नै देगिल हो, जिहिसे हम्रिहिन्हे मुक्ति मिले सेके।"

21 और उ समयसे आघे जे-जे परमप्रभुक नाउँ लिहीँ,

उ सक्कु जाने मुक्ति भेटैहीँ।’"

6 येशू उहिहे कलाँ, "डगर, सच्चाई और जीवन महिँए हुइतुँ। मोरिक ओहोँरसे बाहेक केऊ फेन बाबक थेन आई नै सेकी।

16 काकरेकी परमेश्वर संसारके मनैनहे असिन प्रेम करलाँ कि ऊ अपन थेन रलक एक्केथो किल छावाहे दैदेलाँ, ताकि हुँकारमे विश्वास करुइया केऊ फेन नाश ना होए, पर ऊ सदाकालके जीवन भेटाए।

12 पर जतरा मनै हुँकिन्हे स्वीकार करलाँ और हुँकारमे विश्वास करलाँ, ऊ ओइन्हे परमेश्वरके लरका हुइना अधिकार देलाँ।

17 तबेकमारे यदि केऊ ख्रीष्टहे विश्वास करत कलेसे ऊ लावा स्वभाव भेटैले बा। पुरान बात बितगिल बा, हेरो, उ सक्कु लावा होगिल बा।

3 येशू उहिहे जवाफ देलाँ, "जात्तिके मै तुहिन्हे कहतुँ, यदि केऊ लावा होके नै जल्मल कलेसे ऊ परमेश्वरके राजमे जाई नै सेकी।"

3 और कलाँ, "जात्तिके, मै तुहुरिन्हे कहतुँ, मन बदलके तुहुरे छुटी लरका हस नै हुइबो कलेसे कबु स्वर्गक राजमे नै पैँठ्बो।

9 यदि परमेश्वरके आघे हम्रे अपन पाप स्वीकार कर्बी कलेसे ऊ हमार पाप माफ करदेथाँ। और ऊ सक्कु अधर्मसे हम्रिहिन्हे शुद्ध परथाँ। काकरेकी ऊ विश्वासयोग्य और धर्मी बताँ।

9 कौनो मनै सोँच्थाँ कि प्रभु अपन फिर्ता अइना वाचा पूरा करनामे बेर करतताँ। पर प्रभु उ मेरसे बेर नै करथुइँत। बेन ऊ तुहुरिन्हे धैर्यता देखाइतताँ। काकरेकी ऊ केऊ फेन नाश ना होए कहिके चहथाँ। पर सक्कु जाने अपन मन बदलके पाप करे छोरदिँत कना ऊ चहथाँ।

20 सुनो, मै तुहुरिन्के मनके भित्तर जाइक लग घरक बाहेर ठरह्याके दवार ढकढकुइया मनैया हस हुइतुँ। यदि तुहुरे मोरिक आवाज सुन्बो, और मोरिक लग अपन मन खोल्बो कलेसे मै भित्तर अइम। और हम्रे एकदोसर जहनसे एक्के संग संगति करब।

28 ओइन्हे मै सदाकालके जीवन देथुँ, और ओइने कबु नाश नै हुइहीँ, और केऊ फेन ओइन्हे महिन्से छिनके नै लैजाई।

36 जे परमेश्वरके छावकमे विश्वास करत, उहिहे सदाकालके जीवन मिलगिल बतिस। पर जे परमेश्वरके छावक कलक नै मानत, उहिहे सदाकालके जीवन नै मिल्हिस, पर परमेश्वरके दण्ड ओकरमे पलिरही।"

8 तुहुरे येशूहे नै देख्ले हुइतो, तभुन फेन तुहुरे हुँकिन्हे प्रेम करथो। तुहुरे हुँकिन्हे अब्बे नै देख्थो। पर तुहुरे हुँकारमे विश्वास करथो। तबेकमारे तुहुरे बहुत खुशी बतो। तुहुरे कतरा खुशी बतो कहिके वर्णन करना शब्दै नै हो। 9 काकरेकी परमेश्वर तुहुरिन्के प्राणहे पूरा रुपमे पापके सजायमेसे मुक्ति देहतताँ। यी तुहुरिन्के येशू ख्रीष्टमे कर्लक विश्वासके ईनाम हो।

16 जे केऊ फेन मोरिकमे विश्वास करी, चिन्हक रुपमे उहिहे डुब्कि देऊ कि ऊ आब मोरिकमे विश्वास करत। और परमेश्वर उहिहे ओकर पापके सजाय मिल्नासे बँचैहीँ। पर जे मोरिकमे विश्वास नै करी, ओकर पापके सजाय परमेश्वर उहिहे दिहीँ।

11 विश्वासीनहे असिके सिखाऊ, काकरेकी परमेश्वर सक्कु मनैनहे अनुग्रह करके पापमेसे बँच्ना डगर देखैले बताँ। 12 अपन कृपासे परमेश्वर हम्रिहिन्हे सिखैथाँ कि हम्रे असिन व्यवहार ना देखाई, जोन व्यवहार परमेश्वरहे खुशी नै बनाइत। और जोन चिजहे भेटैना अविश्वासीनके इच्छा रथिन, ओसिन चिजके इच्छा हमारमे नै रहे परत। और हम्रे संसारमे बती कलेसे समझदारी और धार्मिकतासे परमेश्वरहे खुशी बनैना व्यवहार देखाई परत।

22 मोशक नियम कानुन कहत कि लगभग सक्कु चिजहे खुन छिटके चोखा बनाई परत। और खुन बिना चह्रैले पाप माफ हुई नै सेकत, जे मृत्युहे देखाइत।

28 ओस्तेहेँके बहुत्ते मनैनके पाप उठाके लैजाइक लग ख्रीष्ट अपनहे एकचो बलि करलाँ। और ऊ दोसुरचो फेनदोस्रे मनैनके पापके बलिदान हुइक लग नै अइहीँ। पर हुँकार डगर हेरके बैठुइयनहे बँचाइक लग अइहीँ।

10 काकरेकी जब हम्रे परमेश्वरके दुश्मन रही। वहे समयमे हुँकार छावक मृत्युसे ऊ हम्रिहिन्से मिलाप करलाँ। तबेकमारे हम्रे पक्कै फेन जाने सेक्थी कि आब जब हमार मिलाप हुँकार संग होगिल बा कलेसे ऊ हम्रिहिन्हे बँचैहीँ। काकरेकी ख्रीष्ट जित्ती बताँ।

21,22 ते तुहुरिन्हे पतै बा, कि जसिके एकथो मनैया आदमके कारण यी संसारमे पाप आइल। और आब मुअलमेसे फेनदोस्रे जित्ती हुइना फेन एकथो दोसुर मनैया ख्रीष्टसे सुरु होगिल बा, जेकर कारण मुअल मनै फेनदोस्रे जित्ती हुइहीँ।

27 येशू ओइन्के ओहोँर हेरलाँ, और कलाँ, "यी मनैनके लग अपनहे बँचैना असम्भव बा, पर परमेश्वरके लग ओइन्हे बँचैना सम्भव बा। परमेश्वरके लग सक्कु चिज सम्भव बा।"

27 येशू कलाँ, "मनैनके लग ज्या असम्भव बा, उ परमेश्वरके लग सम्भव बा।"

10 काकरेकी मै, मनैयक छावा हेराइल मनैनहे सदाकालके दण्डसे बँचाइक लग और मुक्ति देहक लग आइल बतुँ।"

47 काकरेकी प्रभु हम्रिहिन्हे असिन आज्ञा देले बताँ, ‘मै तुहुरिन्हे गैर-यहूदिनके लग एकथो ओजरारके रुपमे चुन्ले बतुँ। ताकि तुहुरे संसारमे हरेक ठाउँक मनैनके थेन जाऊ, और ओइन्हे बताऊ कि परमेश्वर ओइन्हे कसिके बँचाई चहथाँ।’"

13 "तुहुरे साँकिर दवार सोज किल परमेश्वरके राजमे जाई सेक्बो। काकरेकी विनाशमे पुगैना दवार चाकर और डगर सहजिल रहत, और यम्नेसे भित्तर जउइयन बहुत्ते रथाँ। 14 काकरेकी सदाकालके जीवनमे पुगैना दवार साँकिर रहत, और डगर कर्रा रहत। और साँकिर डगरमे नेगुइयन गोड्गात मनै किल रथाँ।"

9 दोसुर जहनहे अन्याय करुइया मनै परमेश्वरके राजके हकदार नै हुइहीँ कना बात ते तुहुरे जन्थो। तुहुरिन्हे नै मजा काम करे बन्जाइत। और परमेश्वरके मनैनकेमे फेन शामिल हुई सेकजाइत कहिके तुहुरिन्हे केऊ धोखासे सोँच्ना मजबुर ना करादेहे। और वेश्यागमन करके फेन परमेश्वरके मनैनकेमे शामिल हुई सेकजाइत कहिके फेन केऊ तुहुरिन्हे सोँच्ना मजबुर ना करादेहे। अस्तेके मूर्तिहे पुजके, व्यभिचार करके, और समलिङ्गीनहे, और पुरुषगामीनहे, 10 और अस्तेहेँके चोरी काम करके, दोसुर जहनके चिजहे लालच करके, और जाँर-दारु पिके। और दोसुर जहनहे गरयाके और दोसुर जहनहे लूटके परमेश्वरके राजके हकदार बने सेकजाइत कहिके यदि तुहुरे सोँच्थो कलेसे तुहुरे एकदम गलत बतो।

52 तब् येशू उहिहे कलाँ, "तुँ अब्बेहेँ अपन घरे जाई सेक्थो, मै तुहिन्हे चोख्वा देले बतुँ। काकरेकी तुँ महिन्हे विश्वास करथो।"