Salvador

11 Kpəsəye, əndje zû Awoshe azü kə e, lə gala nə̂ Davidə, ətshə ə̂në tshə sə tə Kristə, Âgbɔ̂ Əyïngerə kɔ.

6 Ətshə ə̂në tshə sə ngâ tə̂ Ndjapä kɔ,

tshə wû tə̂ ye wû ə lï ə lï də Ndjapä nə ne,

7 bale, tshə kô ərə sə̂ nɔ̂ də ə̂tə̂ ye gâ tʉ tə̂ ye gâ ye

ə mbrə̂ tə̂ ye tə kanga

ə dô tə̂ ye mata azü

â azü wû ətshə ngâ tə amba əzü,

8 tshə mbrə̂ tə̂ ye də ə̂tə̂ ye teashe

ə dô tə̂ ye tə awodji əpʉ ama Ndjapä

ʉrrr ndjɔ ə tshû kuzu, kuzu la masheyɔ.

2 Mbrə ə̂në, Jezu Kristə nə də ə̂tə̂ ye tshû mbrə əzə̂ ndə kə gba tshelə anyaka nə̂ əzə̂, ə də̂ kʉtə̂ ənə̂ əzə̂ nə də̂ ne, bale ənə̂ azü tshepashɔ nɔ̂ ndje.

10 Tshelə âdâ kə yi tə̂ nə kə səye: ə də̂ əzə̂ də̂ kə yində Ndjapä nə ne, bale ətshə, tshə yîndə əzə̂ ə wlâ Ɨrɨ nə ndə kə pa tshə tshu mbrə əzə̂ ə gba tshelə anyaka lə kumu əzə̂.

10 A sə̂ leme-e tə alayïkowɔ nə̂ Ndjapä, bale tshə shê tshelə takpa tə̂ əzə̂ də aəndje gâ tə̂ nə gâ ye tə̂ äwä kuzu Ɨrɨ nə. Â gu də̂, ə̂në tshelə takpa tə̂ əzə̂ də aəndje nə tɔ̂ gâ tə̂ nə gâ ye kɔ, a sə sə kə she lə kuzu tə̂ äwä sorô Ɨrɨ nə ne a!

18 E wüsə̂ nə ə pa ə də̂ tə̂ äwä aərə ə̂në ə ndɨ ə ndɨ kɔ, mata ngendja wala lɔrə, də̂ Ndjapä djɔ̂ e lə kə mbrə tə̂ e ə̂në ə tɔ tɔ gâ tə̂ ə̈bə̈ ərə bale ne kɔ ne, ə̂në e za angwa nə mandâ alätä e kɔ. 19 Bale, tə̂ äwä ə̈ndjï Kristə nə ə̂në ndogɔ nə gbɔ wââ kɔ, mata ənə̂ aya ndalimi ə̂në ə̈bə̈ ərə tshekotə̂ ye ndɨ̂ ndɨ̂ bale ne â tshə sə mvo kɔ, də̂ Ndjapä nə djɔ̂ e kɔ.

7 Lə Kristə nə, a djɔ̂ lə əmbrʉ ərə gâ ye tə̂ äwä ə̈ndjï ye kɔ â tshelə anyaka nə̂ əzə̂ gbâ gâ ye Lïndə̂ ə̂rɔ̂tə̂ ye ə̂në ə rô pâ nə gâ ye kɔ!

20 Ə də̂ əmə də̂ kə sə tə sorô kɔ ne, Kristə nə kə sə tə sorô nə lə əmə kɔ. Sorô ə̂në mə sə də nə kpəsəye tə əzü kɔ, mə sə də nə tə̂ äwä lɔsu əmə ə̂në mə zâ kə Ɨrɨ Ndjapä, ə̂në tshə yîndə əmə, ə̂në ə kâ tə̂ ye də ə̂tə̂ ye mbrə əmə kɔ.

9 Â Ndjapä nə zâ ətshə tə əzü ə̂në tshə lï nɔ̂ gâ ye â tshə dô tə̂ ye, mandânə, tə Awoshe azü nə ə̂në əndje sə kə dji əpʉ ama ye kɔ lə kuzu â əndje sə də sorô piii.

25 Âdârə ə̂në tshə lï ndə kə pa tshə she azü ə̂në əndje na trö tə̂ Ndjapä tə̂ äwä ye kɔ lə kuzu gbrä, mbrə ə̂në tshə sə tə sorô piii ndə kə pa tshə yu Ndjapä nə mbrə əndje.

Ə̈ndjï sə tə ərə mbʉkʉ ə̂në Ndjapä mbrə̂ də əzə̂ kɔ

15 Âdârə ə̂në Kristə nə sə tə əyïkɔkɔ̂ lə ə̈bə̈ tafa mbʉkʉ kɔ kə sə̂: tshə tshû gâ ye ndə kə pa tshə djɔ azü lə aəmbrʉ aərə ə̂në əndje mbrə̂ gâ ye lə angbʉlî mbʉkʉ nə kɔ, kanika azü ə̂në Ndjapä nə ê əndje gâ ye kɔ, əndje lï ndə kə pa əndje sɔtə̂ aə̂rɔ̂ aərə ə̂në ə sə piii kɔ ə̂në tshə zâ ama də əpʉ nə kə azü nə̂ ye gâ ye kɔ.

2 A kö ala əzə̂ kʉ gâ tə̂ Jezu, ə̂në ətshə kə krɔ̂ äwä əpʉ lɔsu nə â ətshə kə sə kə na də nə ndjɔ gâ tə̂ ama nə kɔ. Tshə yîndə nə â tshû la masheyɔ, â tshə wû gana marä tə̂ kuzu rə tə amba ərə lə ala ye, mbrə ə̂në tshə lîshi gâ tə̂ ə̂rû ə̂në ə ka mbrə ətshə ə ka kɔ; â kpəsəye, tshə sə gâ tʉ gâ pâ mbata ngerə ndə ndəkɔ Ndjapä.

23 əndje nɔ̂, əndje mbrə̂ nyaka gâ ye â äwä ə̂yî Ndjapä kânga tə̂ əndje gâ ye. 24 Bale, Ndjapä, lə ə̂rɔ̂tə̂ ye, mbrə̂ əndje tə aə̂rɔ̂ azü lə ala ye tə ambanə, tə̂ äwä Jezu Kristə nə ə̂në tshə djɔ əndje lə nyaka nə kɔ.

22 Bale, Ndjapä bâta əmə â mə daka pə ʉrrr ndjɔ kpəsəye â yisə̂ əpʉ səye ətshi azü nɔ̂: aəngʉ azü də aâgbɔ̂ azü kɔ. Mə yîsə̂ ə̈bə̈ əpʉ yî kpî tə̂ əpʉ ərə ə̂në aawopandəma Ndjapä gâ ndə Mayïzə pâ ə wutu je kɔ ne. 23 Əpʉ nə də̂: Kristə nə ə wu əyo je ə she tə əlî əzü lə takpa tə̂ akuzu je, ə mʉ əpʉ ə̂yîəwo kə she azü lə kuzu kɔ kə azü əgɔ nə̂ ä də azü ə̂në əndje sə sə tə Ajuwufu ne kɔ je.»

5 Bale, trawaya nə zâ əpʉ ə pâ kə ayashe nə ə pa: «E-e, awa mä e mä ne, mbrə ə̂në mə wusə̂ nə ə pa e sə kə pra Jezu ə̂në əndje kû ətshə gâ ala masheyɔ gâ ye kɔ. 6 Tshə sə sə kotəye ne, tshə shê gâ ye mata ə̂në tshə pâ ndə nə gâ ye kɔ. E nä gâ əmə ə wü ətshe ə̂në əndje zâ ətshə shô gâ tʉ gâ tə̂ nə kɔ.