15 पर ऐबै लोल़ी तम्हैं सोभी साबै पबित्र रहै ज़ुंण बी तम्हैं करा। किल्हैकि ज़ुंणी परमेशरै तम्हैं छ़ांटै दै आसा, सह आसा पबित्र। 16 किल्हैकि पबित्र शास्त्रा दी आसा लिखअ द,✝

"पबित्र हआ, किल्हैकि हुंह आसा पबित्र।"

15 पर ऐबै लोल़ी तम्हैं सोभी साबै पबित्र रहै ज़ुंण बी तम्हैं करा। किल्हैकि ज़ुंणी परमेशरै तम्हैं छ़ांटै दै आसा, सह आसा पबित्र। 16 किल्हैकि पबित्र शास्त्रा दी आसा लिखअ द,✝

"पबित्र हआ, किल्हैकि हुंह आसा पबित्र।"

4 अह आसा इहअ कि स्वर्ग अर पृथूई बणाणैं का पैहलै ई छ़ांटै परमेशरै हाम्हैं मसीहा करै आप्पू लै। ताकि हाम्हैं पबित्र होए अर हाम्हां दी परमेशरा किछ़ै खोट निं शुझिए।

3 किल्हैकि परमेशर च़ाहा इहअ कि तम्हैं हआ पबित्र मतलब-कंज़रैई का रहै दूर 4 अर तम्हां मांझ़ै लोल़ी सोभी का थोघ हुअ कि आपणीं बेटल़ी संघै किहअ करै रहणअ, ज़िहअ करै तेसो अदर हआ अर तैहा छ़ाडी बागै डेऊणेओ पाप निं करी। 5 एऊ कामां निं सिधअ आपणीं देही खुश करने च़ाहा पूरी करना लै करी, अर नां तिन्‍नां होरी ज़ाती ज़िहअ हई ज़हा का परमेशरो थोघ निं आथी। 6 आपणीं देही डाहणीं आपणैं बशै अर नां आपणीं देहीए भुखा लै आपणैं भाई ठगी अर नां तेऊ लै कोई दाअ-पेच़ च़लाऊई। किल्हैकि प्रभू दैणीं इना सोभी गल्‍ला पिछ़ू सज़ा, ज़िहअ कि हाम्हैं पैहलै बी तम्हां का बोलअ अर चतैनगी बी दैनी।✝

7 किल्हैकि परमेशरै निं हाम्हैं छ़ोतलै हणां लै आथी शादै दै पर हाम्हैं आसा पबित्र हणां लै शादै दै।

9 परमेशरै किअ म्हारअ उद्धार अर तेऊ आसा हाम्हैं पबित्र ज़िन्दगी ज़िऊंणां लै शादै दै। ज़ुंण हाम्हैं भलै काम किऐ, तेऊ निं हाम्हैं तेता भाल़ी बच़ाऊऐ, पर तेऊ थिअ हाम्हां लै महान दान दैणें बारै संसार शुरू हणैं का आजी डाहअ द सोठी! परमेशरै पजैल़अ ईशू मसीहे जशा करै सह दान हाम्हां लै।

3 तूह पबित्र परमेशर करा आपणीं राज़गाद्दी प्रैंदै बेशी राज़,

इज़राईल करा तेरी स्तोती।

2 ताह बिधाता सान पबित्र निं कोहै आथी,

ताह ज़िहअ निं होर कोहै आथी,

ताह म्हारै परमेशरा ज़ेही शरण दैणैं आल़अ निं कोहै आथी।

15 "सोभी का बडअ आसा हुंह ई अर हुंह आसा पबित्र परमेशर ज़ुंण अटल़ आसा। हुंह रहा सोभी का उछ़टै दी अर पबित्र ज़ैगा, पर हुंह रहा तिन्‍नां मांझ़ै बी ज़ुंण दिले भोल़ै अर मेरै आसरै आसा ताकि हुंह तिन्‍नां लै हैअ अर हिम्मत दैई सकूं।

23 सोभी देशा का रहैऊंणअ मुंह कि हुंह आसा पबित्र अर महान। तेखअ लागणअ तिन्‍नां का थोघ कि हुंह आसा बिधाता।"

23 ऐबै रहैऊंणअ मुंह देशा-देशा जैंदरी कि मेरअ नाअं आसा महान अर पबित्र। ज़ुंण तम्हैं तिन्‍नां जैंदरी नकदरअ किअ अर छ़ोत लाई। ज़ांऊं मुंह इहअ करनअ, तेखअ लागणअ तिन्‍नां का थोघ कि हुंह आसा सोभिओ मालक बिधाता। अह गल्‍ल डाही मंऐं बिधाता बोली।✝

14 सोभी संघै डाहणअ मेल़-ज़ोल़, पबित्र ज़िन्दगी ज़िऊंणें कोशिश करनी, ज़ुंण पबित्र होए सह सका परमेशरा भाल़ी।✝

14 सोभी संघै डाहणअ मेल़-ज़ोल़, पबित्र ज़िन्दगी ज़िऊंणें कोशिश करनी, ज़ुंण पबित्र होए सह सका परमेशरा भाल़ी।✝

1 परमेशरै आसा ईंयां करारा हाम्हां लै दैनी दी। मेरै पैरै भाईओ, तै ऐबै छ़ाडणैं हाम्हां सोभ पाप करनै अर बूरी गल्‍ला करने सोठ निं डाहणीं ज़ेता करै म्हारी देही अर आत्मां छ़ोत लागा। परमेशरे डरा हेठै ज़िन्दगी ज़िऊई करै हणअ हाम्हां सोभी गल्‍ला दी पबित्र।

1 परमेशरै आसा ईंयां करारा हाम्हां लै दैनी दी। मेरै पैरै भाईओ, तै ऐबै छ़ाडणैं हाम्हां सोभ पाप करनै अर बूरी गल्‍ला करने सोठ निं डाहणीं ज़ेता करै म्हारी देही अर आत्मां छ़ोत लागा। परमेशरे डरा हेठै ज़िन्दगी ज़िऊई करै हणअ हाम्हां सोभी गल्‍ला दी पबित्र।

22 पर ऐबै निं तम्हां आजू पाप करनअ। ऐबै निं तम्हैं पैहलै ज़िहै पापे गलाम आथी। पर ऐबै हुऐ तम्हैं परमेशरे दास। तेऊ किऐ तम्हैं आप्पू लै ज़ुदै अर तेऊ दैणीं तम्हां लै आप्पू संघै सदा रहणैं आल़ी ज़िन्दगी।

19 हुंह लिखा तम्हां लै एऊ साबै ज़ुंण आम लोग समझ़ी सका। पैहलै तै तम्हैं आपणैं मन्‍नें गलाम अर तम्हैं किई सोभै छ़ोतली अर हर कदुष्ट काम। पर ऐबै करा तिहै काम ज़िहअ परमेशर करा ताकि सह तम्हां पबित्र करी आप्पू लै ज़ुदै करी सके।

1 भाईओ, हुंह करा तम्हां का परमेशरै झींण आद फरेऊई करै अरज़ कि परमेशरा सम्हनै करा आपणीं ज़िन्दगी ज़िऊंदै बल़ीदाना ज़िहअ पबित्र बल़ीदान अर ज़ुंण परमेशरा बधिया लागा। अह ई आसा तेऊए च़ाकरी करने असली बात।

17 ऐबै भाईओ, मेरी आसा तम्हां लै एही अरज़ कि ऐहा गल्‍लो डाहै धैन ज़ुंण लोग तम्हां मांझ़ै फूट पाआ अर ज़ुंण लोग तम्हां परमेशरे अदर करनै का रोक्‍के इना इहै लोगा का रहै दूर।

3 ज़िहअ पबित्र लोगा लै ज़रूरी आसा, तिहअ ई निं तम्हैं बी कंज़रैई, छ़ोत लागणै आल़ै काम या मांण करनै ज़ेही निं गल्‍ला बी करा।

3 ज़िहअ पबित्र लोगा लै ज़रूरी आसा, तिहअ ई निं तम्हैं बी कंज़रैई, छ़ोत लागणै आल़ै काम या मांण करनै ज़ेही निं गल्‍ला बी करा।

22 आपणैं पराणैं पापी सभाबा अर पराणैं च़ाल-च़लणा छ़ाडा पोर्ही ज़ुंण धोखै दी पाणै आल़ी च़ाहा दी भ्रष्ट आसा हुअ द।

23 ऐबै दैआ परमेशरा थारी समझ़ अर सभाब नऊंईं बणाणैं। 24 ऐबै दैनअ परमेशरै तम्हां लै आप्पू ज़िहअ नऊंअ भलअ सभाब, एऊ नऊंऐं सभाबे साबै करा बभार। असली दी हआ शुचै अर धर्मीं।

21 तेऊ किअ आपणीं सारी देही अर मौता करै थारअ बी परमेशरा संघै मेल़-ज़ोल़, ज़ुंण पैहलै पराऐ तै अर कदुष्ट कामां करै मन्‍नां का परमेशरे दुशमण तै। 22 परमेशरै किअ मसीहे संसारे देही दी क्रूसा दी मरी करै थारअ बी मेल़-ज़ोल़ ताकि तम्हां आप्पू सेटा पबित्र अर नर्दोश बणाईं करै हाज़र करे। 23 थारअ विश्वास लोल़ी मसीहा दी पाक्‍की आथरी प्रैंदै बणाऐं दै घअरा ज़िहअ पाक्‍कअ हुअ, अर तैहा आशा निं तम्हैं छ़ाडी ज़ुंण तम्हां तधू आसा भेटी दी ज़धू तम्हैं खुशीओ समाद शूणअ। ज़ुंण समाद सारै संसारै सोभी का खोज़अ अर हुंह पल़सी आसा तेता खोज़णा लै परमेशरो दास छ़ांटअ द।

17 तेरै बैण आसा शुचै, तिन्‍नां कर सत्ता करै आप्पू लै ज़ुदै।

9 खारकै मणछ सका बिधाते हुकम मनी

शुची ज़िन्दगी ज़िऊई।

23 हे परमेशर, तूह ज़ाच़-भाल़ मुंह राम्बल़ै करै, संघा भाल़ मेरै मन्‍नैं किज़ै आसा,

तूह परख मुंह कि हुंह किज़ै सोठा।

24 तूह दै भाल़णीं कि मुंह दी किज़ै खोट किनी आसा,

पर तूह निंऊं मुंह तैहा बाता ज़ेथ सदा लै ज़िन्दगी भेटा।

1 ए मेरै मन्‍नां, बिधातो शूकर कर!

मुंह करनी तत्त-दिला का बिधाते पबित्र नाओंए ज़ै-ज़ैकार।

16 तम्हां का आसा थोघ कि तम्हैं आसा परमेशरे भबन अर परमेशरे आत्मां बस्सा तम्हां दी।

2 हुंह लिखा ऐहा च़िठी करिन्थ नगरी मसीहा दी विश्वास करनै आल़ी टोली लै, ज़ुंण परमेशरै हाम्हां संघै मसीहा ईशू दी एक करी आपणीं परज़ा हणां लै ज़ुदै किऐ अर तेऊ आप्पू लै आसा शादै दै कि तिंयां पबित्र होए। परमेशरै किऐ तम्हैं पबित्र ज़िहअ तेऊ हर ज़ैगा सोभी लोगा लै किअ ज़ुंण प्रभू ईशू मसीहा दी विश्वास करा ज़ुंण हाम्हां सोभिओ प्रभू आसा।

5 थारी सोर लोल़ी तेऊ साबै हुई ज़ेऊ साबै मसीहा ईशू सोठा:

1 तै ऐबै, ज़ै मसीहा दी तम्हां हैअ आसा, मसीहे झ़ूरी दी तम्हां शांती आसा, पबित्र आत्मां दी साझ़ आसा, मसीहा तम्हां लै झींण अर झ़ूरी किई, 2 तै करा मेरी ऐहा खुशी पूरी कि एक मन्‍न रहा अर एक्‍कै ई झ़ूरी, एक सोठ अर हर काम करनअ सोभी मिल़ी-ज़ुल़ी करै एक मन्‍न बणाईं।

3 ज़ेऊ साबै तम्हैं ज़िन्दगी ज़िऊआ, तेथ निं सिधअ आपणअ नफअ भाल़णअ। घमंडी निं हणअ। हथू करनी होरीए बी इज़त। होर मणछ बी समझ़णैं आप्पू का खास। 4 सिधै आपणैं ई बारै निं सोठणअ कि थारी कै ज़रुरत आसा। तम्हैं सोभी करनी होरीए बी गरज़ पूरी।

5 थारी सोर लोल़ी तेऊ साबै हुई ज़ेऊ साबै मसीहा ईशू सोठा:

6 मसीहा निं परमेशर हई बी

परमेशरा ज़िहअ हणअ आपणैं बशै डाहणें गल्‍ल समझ़ी।

7 सह बणअ होछ़अ,

मणछे देही धरी करै हुअ सह हाम्हां लै

दासे रुपै प्रगट हई मणछा ई बराबर।

पर तेभै बी त सह परमेशर ई।

8 मणछे रुपै प्रगट हई हुअ सह मानदार

अर परमेशरे हर गल्‍ला मनी मरनै तैणीं, इधी तैणीं कि ज़ुल्म करनै आल़ै ज़ेही ज़िरी तेऊ क्रूसे मौत बी।

9 तैही किअ परमेशरै मसीहा लै सोभी का बडी पदबी दैई तेऊओ अदर

परमेशरै दैनअ तेऊ लै अह नाअं ज़ुंण सोभी नाओंआं का बडअ आसा।

10 कि ज़ुंण स्वर्गै अर पृथूई दी अर ज़ुंण पृथूई हेठै आसा,

तिंयां सोभै प्रभू ईशूए नाओंऐं ज़ान्हूं टेक्‍की करै तेऊओ अदर करे।

11 बाब परमेशरे प्रतप्पा लै

सोभै लोग ऐहा गल्‍ला मने कि ईशू मसीहा ई आसा प्रभू।

12 मेरै पैरै भाईओ, ज़धू हुंह तम्हां संघै त तधू रहै तम्हैं सदा मेरी हर गल्‍ला मंदै लागी। ऐबै आसा हुंह तम्हां का दूर अर तै आसा तम्हां लै होर बी ज़रूरी कि तम्हैं मेरी गल्‍ला मने। परमेशरो अदर अर डरा हेठै रही मना तेऊए हर गल्‍ला, थारै उद्धारा का भेटणैं आल़ी शोभली गल्‍ला लै करा होर बी खास्सी मैन्थ। 13 किल्हैकि परमेशर आसा तम्हां दी आप्पै लागअ द काम करदअ अर तम्हां लै एही शोभली च़ाहा अर शगती दैंदअ लागअ द ज़ेता करै सह खुश हआ।

14 कोई बी कामां करना लै नां हठल़दै लागणअ अर नां किज़ै खरी खोज़णीं। 15 ताकि तम्हैं शुचै अर पबित्र हई उंबल़ै अर हठू लोगा मांझ़ै परमेशरे बेदाग लुआद बणी रहे। ज़हा मांझ़ै तम्हैं सदा रहणैं आल़ी ज़िन्दगीओ बैण लई एऊ संसारै ज़ल़दै सदीऐ ज़िहै शुझिए। 16 कि मसीहे फिरी एछणें धैल़ी हुंह बी तम्हां पिछ़ू घमंड करी सकूं कि नां मेरअ प्रभू दी अह ठुहर्नअ अर नां मेरी अह मैन्थ ज़ांऐं डेऊई।

17 ज़ै मुंह थारै विश्वासे बल़ीदान अर च़ाकरी लै मुंह मरनअ बी पल़े तैबी आसा हुंह खुश अर तम्हां सोभी संघै मनाऊंआं हुंह खुशी। 18 तिहै ई रहा तम्हैं बी खुश, अर मुंह संघै मनाऊंआं खुशी।

19 मुंह आसा प्रभू ईशू दी आशा कि तिमोथी छ़ाडणअ मुंह तम्हां सेटा लै एभी, ताकि थारै हाल-च़ाल ज़ाणीं करै मुंह बी हैअ भेटे। 20 किल्हैकि मुखा निं इहै सभाबो कोहै आथी ज़ुंण शुचै मन्‍नैं थारअ फिकर करे। 21 होरी हआ सिधी आपणैं बारै फिकर। तिन्‍नां निं मसीहा ईशूए कामें बारै फिकर हंदअ।

22 पर तिमोथी आसा तम्हैं परखी बी हेरअ द अर तम्हां का इहअ थोघ बी आसा कि ज़ेही मैन्थ एक शोहरू आपणैं बाब संघै करा, तेही मैन्थ किई तेऊ मुंह संघै खुशीए समादा खोज़णें च़ाकरी करना लै। 23 मुंह आसा एही आशा कि ज़िहअ ई मुखा थोघ लागे कि आजू मेरी किज़ै दशा हणीं, तिहअ ई छ़ाडणअ मुंह अह तेभी तम्हां सेटा लै। 24 मुंह आसा प्रभू दी इहअ बी भरोस्सअ कि आप्पू बी एछणअ हुंह तम्हां सेटा लै छ़ेक्‍कै।

25 इपफ्रदीतुस आसा तम्हैं मुंह सेटा लै ज़रूरी गल्‍ला लै मेरी च़ाकरी करनै आल़अ दूत छ़ाडअ द। सह आसा मेरअ भाई, प्रभूए कामां लै साझ़ू शधाणूं अर साथी जोधअ पर मंऐं समझ़अ सह तम्हां सेटा लै ज़रूरी छ़ाडणअ। 26 किल्हैकि तेऊओ मन्‍न त तम्हां सोभी सेटा लागअ द अर तैही रहा त अह खास्सअ बेचैन ज़िहअ, किल्हैकि तम्हैं त एऊए बमारीए बारै शूणअ द। 27 अह हुअ त सच्च़ी बमार, इधी तैणीं कि सह गअ त मरी, पर तेऊ लै किई परमेशरै झींण कि सह नरोगअ। मुल्है बी किई झींण कि मुल्है शोगा प्रैंदै शोग नां होए।

28 तैही किई मंऐं तेऊ तम्हां सेटा लै छ़ाडणें कोशिश कि तम्हैं तेऊओ मुंह भाल़ी खुशी होए अर मेरी फिकर बी दूर होए। 29 तैही करै तम्हैं बी प्रभू दी तेऊओ बडै नंद अर खुशी दी सुआगत अर इना इहै मणछो करनअ अदर। 30 किल्हैकि एऊ पाऐ मसीहे कामां लै आपणैं प्राण बी खातरै दी अह बच़अ मरनै का बाल़-बाल़, ताकि ज़ुंण कामीं पेशी तम्हां बाखा का मेरी च़ाकरी दी हुई, तैहा पूरी करे।

48 तैही बोला हुंह कि तम्हैं हआ सिध्द, ज़िहअ थारअ स्वर्गो बाब परमेशर सिध्द आसा।"*लेब. 19:2

16 "इहअ निं कोह आथी ज़ुंण दीअ ज़ाल़ी दरोठू भितरी डाहा कि पलगा हेठै डाहा पाई, तेता डाहा दीअदानी दी उछ़टै ताकि सारै घअरा भितरी एछणैं आल़ै लै प्रैश्शअ होए।

14 भलअ करा अर बूरै करनै का ठुर्हा दूर, ताकि तम्हैं ज़िऊंदै रहे! तै रहणअ स्वर्गे सारी सैनो मालक बिधाता असली दी तम्हां संघै, ज़िहअ तम्हैं बोला कि सह आसा तम्हां संघै।

10 बिधाते डरा हेठै रहणअ आसा अक्लीओ मूल़,

परम पबित्र परमेशरे बारै थोघ करनअ आसा समझ़।

25 बिधाता लै मानत मनी निं तम्हैं मणछ आप्पू लै फाही पाई,

तेता का आजी लणअ राम्बल़ै करै बच़ार करी।

26 हुंह आसा बिधाता, पबित्र परमेशर। तम्हैं आसा मंऐं आप्पू लै मेरी खास परज़ा हणां लै छ़ांटै दै, तम्हां हुअ मेरी तैणीं पबित्र हणअ ई।

26 हुंह आसा बिधाता, पबित्र परमेशर। तम्हैं आसा मंऐं आप्पू लै मेरी खास परज़ा हणां लै छ़ांटै दै, तम्हां हुअ मेरी तैणीं पबित्र हणअ ई।

7 तम्हैं रहा पबित्र बणी किल्हैकि हुंह थारअ परमेशर बिधाता आसा पबित्र।✝

4 ए म्हारै परमेशर, तूह आसा सह ई ज़ुंण बादल़ा प्रैंदै शुंआर हआ,

ताह नाअं आसा बिधाता,

हाम्हैं मनाऊंआं तेरी खुशी, संघा करा तेरी ज़ै-ज़ैकार।

5 परमेशर, तूह रहा आपणैं पबित्र घअरै*,

तूह करा छ़ुटै-मुक्‍कै दै अर बिधबा बेटल़ीओ नसाफ।