A segunda vinda de Cristo

11 ghɔ̀ŋ mbɔ, "Bʉə-Galili, bii tə́nə kə́ lɛ́nə yuo mbuka? Jiso-ɔ̄ ndə bə lʉ̀ ɔ kəghɔ-bii gɛ̀ nə nɔŋ yuo nɔ, bu bʉ̀nə haʼ ndə ɔ gɛ̀."

10 Ndə bɔ̂ŋ kə́ bíe lɛ́nə yuo ndə ɔ kə́ gɛ̀, kə kwɔnə nyíɛ, bʉə bəbûu ndə bɔ̂ŋ mɔ̀ʼ ndyi-kəfyuʼ-hə kə́ tə́nə mbʉə bɔŋ, 11 ghɔ̀ŋ mbɔ, "Bʉə-Galili, bii tə́nə kə́ lɛ́nə yuo mbuka? Jiso-ɔ̄ ndə bə lʉ̀ ɔ kəghɔ-bii gɛ̀ nə nɔŋ yuo nɔ, bu bʉ̀nə haʼ ndə ɔ gɛ̀."

Jiso nɔ bɛ fia ndə məgɛ̀ tʉ mbʉ Tie

1 "Kə bii mə mɛ̀ʼtə fyiihə-ii kə́ chɔ́ŋhə bii fɛ. B̈ii mɔ̀ʼfyiihə-ii ndəŋ Nyii, bɔŋleʼ mɔ̀ʼfyiihə-ii ndəŋ mɔ ghɔ. 2 Njəŋ-njaa-hə nɔ bɛ mu njaa-Tie-ɔ yɔ́ŋyɔ́ŋ. Kaʼ i kʉ̌ʉ gòʼ təmə bɛ nɔ fɛ, təmə mɔ mə ghɔ̀ŋ tʉ bii mbɔ mɔ gɛ̀ shʉ̀tə yəŋkə tʉ bii fɛ. 3 Kaʼ mɔ gɛ̀ shʉ̀tə yəŋkə tʉ bii, mɔ bʉ̀nə gwè lʉ̀ bii tʉ mbəŋ-ɔŋ, mbɔ yəŋkə ndə mɔ bɛ chɔ, bii chʉʼ leʼ bɛ ghɔ chɔ.

20 Wo ndə ɔ fʉ̀ʼtə nubə-ɔ̄ŋ nɔ ghɔ̀ŋ mbɔ, "Mɔ nɔ bɛ fia leʼ shʉəŋ ndə məgwè." Ï bɛ haʼ nɔ. Gwè, Jiso Tiekətʉ!

20 Wo ndə ɔ fʉ̀ʼtə nubə-ɔ̄ŋ nɔ ghɔ̀ŋ mbɔ, "Mɔ nɔ bɛ fia leʼ shʉəŋ ndə məgwè." Ï bɛ haʼ nɔ. Gwè, Jiso Tiekətʉ!

12 Jiso ghɔ̀ŋ mbɔ, "Yʉ́! Mɔ nɔ bɛ fia gwègwè, kə́ gwè nə kɛŋbə-ɔŋ kəghɔ-mɔ ndə məkɛ̀ŋ wotəmiyɔŋ haʼ ndə fɔʼtə-i bɛ.

Nubəcheʼbə ndə mədʉ̀ʼ ndʉʉ ndə mbi bu lìʼ chɔ

3 Ndə Jiso kə dùʼ ndəŋ Kwɔŋ-bəTyʉ-Oli, vâafɔʼɔ-bi gwè bíʼtə tʉ ɔŋ bɔ̌ŋbɔ̌ŋ mbɔ, "Shyíi baʼa nə ndʉʉ ndə nubə-ɔ̄ŋ inchəŋ bu yi fyú chɔ, leʼnə ntɛ kəcheʼ ndə i bu yi dʉ̀ʼ məgwe-a leʼnə məlìʼ mbi?"

4 Jiso bə̀ŋhə tʉ bɔŋ mbɔ, "B̈ii láa mbɔ wo mə yi fə́ʼhə bii fɛ. 5 Bʉʼka bʉə buŋmbi bu yi gwè yie-mɔ, kə́ ghɔ̀ŋ mbɔ, ‘Mɔ nɔ bɛ mbəŋ-ɛŋ ndə Nyii Kùŋ Tə́ŋ,’ bɔŋ-bu-leʼ fə́ʼhə bʉə buŋmbi. 6 Bii bu yʉ́ chɔ̂tə ghɔŋbə nchyʉhə-chɔ̂-mə. Kə i mə chɔ́ŋhə bii fɛ, bʉʼka nubə-ɔ̄ŋ nɔ kie ndə məfyú sê, təmə bɔŋ nɔʼ bɛ bə mə lìʼ mbi fɛ.

9 "Ndʉʉmɛ, bə bu yá bii chɔ̀ʼhə kɔ́, bə chɔ́ŋhə bii tə buŋ yí bii, lɔʼ-bətə̂ŋ-tə bənchəŋ bàa bii bʉʼka bii mɔ̀ʼfyiihə-ii ndəŋ mɔ. 10 Ndʉʉmɛ, bʉə buŋmbi bu mɛ̀ʼtə məmɔʼfyiihə-ʉə ndəŋ Nyii, kə́ fɛ̀ŋ ŋwɔŋtə-ʉə, bɔŋleʼ bàanə shʉtə-ʉə. 11 Buŋmbi bʉəyʉkəŋgieNyii nə mbii bu fyú, fə́ʼhə bʉə buŋmbi.

12 Bʉ̂ʼʉ bu bìʼ yɔ́ŋ gɛ̀ nə shʉbə, ŋkʉ̂ʉ ndə bʉə buŋmbi kie, bu ghʉ́ə. 13 Bɔŋ wo ndə ɔ lyʉ̀ʉtə́nə tə gɛ̀ dàa ndə liʼ-i bu kie ŋkwaaNyii.

14 Ntəŋjyujyu-ɔ̄ te Sɔ́ʼ Fɔŋ Yuo, bə bu lɔ̀ʼ yə̀ŋ wʉʉnəmbikə fúu ndə mənú gwù, mbɔ lɔʼ-bətə̂ŋ-tə inchəŋ chʉʼ yʉ́, ndʉʉmɛ mbi bu lìʼ.

21 Bʉʼka bu yi bɛ ndʉʉ-ghɔ̄ nɔ, ŋgʉəʼ shʉ́əshʉ́ə bu yi bɛ ghɔ təmə ntɛ-ɛ nɔʼ nə bɛ ghɔ fɛ lʉ̀ hə ndəŋ ŋgwunə-mbi tə gwè dàa laa, təmə bɔŋ-bu-leʼnə bɛ ghɔ fɛ. 22 Kaʼ Nyii kʉ̌ʉ kə gòʼ təmə nɔʼ kə shùʼtə chî-ghɔ̄-bə fɛ, təmə mbyu woməsʉʉ imɔʼ nə bìi fɛ. Bɔŋ bʉʼka bʉə ndə ɔ nɔʼ kə séʼ bɔŋ, bə bu shùʼtə chî-ghɔ̄-bə.

23 "Kaʼ wo gìe tʉ bii ndʉʉghɔfii mbɔ, ‘B̈ii nyíɛ! Mbʉ Wo ndə Nyii Kùŋ Tə́ŋ nɔ fɛ̄ŋ’ byuunɔ, ‘Ɔ le fīi,’ kə bii mə bɛ́ŋ fɛ. 24 Bʉʼka bʉə-mbii ndə bɔ̂ŋ tʉʼ lʉ̀ ŋwɔŋ-yʉə ndə məbɛ bʉə ndə Nyii Kùŋ Tə́ŋ ghɔŋbə bʉəyʉkəŋgieNyii nə mbii, bu kóʼ kə́ chìi nubəcheʼkwɛʼtəŋbə ghɔŋbə nuchíechukwɛʼtəŋbə ndə məfə́ʼhə bʉə, kaʼ i kʉ̂ʉ yùhə təmə bɔ̂ŋ nɔ buŋ fə́ʼhə bʉə ndə bə nɔʼ kə séʼ bɔŋ. 25 B̈ii yʉ́, mɔ nɔʼ shyíi bii nə nubə-ɔ̄ŋ i buŋ yi fyú sê.

23 "Kaʼ wo gìe tʉ bii ndʉʉghɔfii mbɔ, ‘B̈ii nyíɛ! Mbʉ Wo ndə Nyii Kùŋ Tə́ŋ nɔ fɛ̄ŋ’ byuunɔ, ‘Ɔ le fīi,’ kə bii mə bɛ́ŋ fɛ. 24 Bʉʼka bʉə-mbii ndə bɔ̂ŋ tʉʼ lʉ̀ ŋwɔŋ-yʉə ndə məbɛ bʉə ndə Nyii Kùŋ Tə́ŋ ghɔŋbə bʉəyʉkəŋgieNyii nə mbii, bu kóʼ kə́ chìi nubəcheʼkwɛʼtəŋbə ghɔŋbə nuchíechukwɛʼtəŋbə ndə məfə́ʼhə bʉə, kaʼ i kʉ̂ʉ yùhə təmə bɔ̂ŋ nɔ buŋ fə́ʼhə bʉə ndə bə nɔʼ kə séʼ bɔŋ. 25 B̈ii yʉ́, mɔ nɔʼ shyíi bii nə nubə-ɔ̄ŋ i buŋ yi fyú sê.

26 "Nɔ, kaʼ bə gìe tʉ bii mbɔ, ‘B̈ii nyíɛ, ɔ le mu kwɔŋkəyəŋnə,’ kə bii mə gɛ̀ chɔ ndə mənyíɛ fɛ. Kaʼ bə ghɔ̀ŋ mbɔ, ‘B̈ii nyíɛ, ɔ nɔ bɛ mu kəntoʼ kəyəŋ-bəliinə,’ kə bii məyʉ́ nukə ndə bɔ̂ŋ ghɔ̀ŋ fɛ.

Tyʉkə ghɔŋbə ntɔŋmə-i

15 "B̈ii láa bʉəyʉkəŋgieNyii nə mbii, ndə bɔ̂ŋ tʉʼ gwè tʉ bii nə gwo-binjyʉʉ-hə mbʉə-bɔŋ, bɔŋ mu mbʉə-bɔŋ bɔ̂ŋ kə́ bɛ bəbuu bʉəbʉə.

8 Bʉʼka lɔʼ-bətə̂ŋ-tə bu lɔ̀ tə́nə ghɔŋbə bəbɛʼbə lɔʼ-bətə̂ŋ-tə, bəfɔŋ bətə̂ŋ bu lɔ̀ tə́nə ghɔŋbə bəbɛʼbə bəfɔŋ bətə̂ŋ. Chisêkə bu ŋʉ̀ʼnə bəyəŋbəyəŋ, chyʉʉ bu gwù mbi. Nubə-ɔ̄ŋ nɔ bɛ haʼ nchʉʉhə-kəyɔʼ-Nyii ndə ĩ byùu woke.

9 Bɔŋ b̈ii láa, bʉʼka bə bu yátə bii gɛ̀ nə bii mu bəkaŋsotə, bə bu gwúu bii mu-njaagháaNyii-hə, bə bu lʉ̀ bii gɛ̀ nə bii bəshʉ bəgɔməna ghɔŋbə bəfɔŋ bʉʼka mɔ, ndʉʉmɛ, bəkɔ bii lɔ̀ʼ ntəŋjyujyu tʉ bɔŋ. 10 Bə nɔ kie ndə mə-fəŋ-lɔ̀ʼ ntəŋjyujyu tʉ lɔʼ-bətə̂ŋ-tə inchəŋ.

12 Bəliŋ bu chɔ̀ʼhə bəliŋ-bʉə, kɔ́ b̈ə yi, tie-vaa chɔ̀ʼhə vaa-ɛ, kɔ́ b̈ə yí, vâa bu dʉ̀ʼ ghɔbə-ʉə chu bətie-bʉə chɔ̀ʼhə bɔŋ, kɔ́ b̈ə yí. 13 Bʉə bənchəŋ bu bàa bii bʉʼka bii mɔ̀ʼfyiihə-ii ndəŋ mɔ. Bɔŋ wo ndə ɔ lyʉ̀ʉtə́nə tə gɛ̀ dàa ndə liʼ-i bu kie ŋkwaaNyii.

11 Chisêkə bu ŋʉ̀ʼnə shʉ́əshʉ́ə bəyəŋbəyəŋ, chyʉʉ bu gwù mbi ntɛntɛhə, yɔʼbə ntɛntɛhə, nu-fɛ̀ŋhə-bə ntɛntɛhə leʼnə fɔŋ-bəcheʼ ntɛntɛhə bu fyú yuo.

29 "Haʼ ndʉʉmɛ ndə ndʉʉ ŋgʉəʼ-shʉ́əshʉ́ə-ghɔ̄ nɔʼ tíŋ nɔ,

njəŋkə gwù ndəŋ chichi

təmə chisuu leʼ báa fɛ,

bəlɔʼɔ yuo bu gwùtə,

bə bɔŋleʼ ŋɛ̀hə nu-shʉ́əshʉ́ə-bə ndə bɔ̂ŋ bɛ yuo. *

30 "Ndʉʉmɛ, cheʼkə bu fyú yuo ndə mədʉ̀ʼ məgwè Vaa-Woməsʉʉ, lɔʼ-bətə̂ŋ-tə inchəŋ kəchisê bu kə́ lí. Bɔ̂ŋ bu nyíɛ Vaa-Woməsʉʉ, ɔ kə́ shíʼ gwè hə ndəŋ mbɔʼ-yuo-kə nə ghʉəʼkə leʼnə məŋwɔ̀ʼkwɛʼtəŋ. 31 Bə bu tʉ́ʉ gyʉəʼə nə ghʉəʼkə, ɔ tə́ŋ bʉəntəŋ-bi, kɔ́ mbi ndə məchə̀ŋtə bʉə ndə ɔ nɔʼ kə séʼ bɔŋ ndəŋ byûu-mbi-tə kwi, lɔ̀ hə ndə byûu yuo imɔʼ, gɛ̀ dàa ndə ibɛʼ-yə.

32 "B̈ii lʉ̀ ndaa hə ndəŋ tyʉ-fik-kə nduɔ, ndʉʉ ndə ntɔŋtə-i wùʼtə chʉ́ʉhə məkɔ́ fyuŋ-fefe-bə, bii kínə mbɔ ndʉʉkəbyʉʉ nɔʼ kə́ŋhə. 33 Nɔ bɛ haʼ nɔ, ndʉʉ ndə bii nyíɛ nubə-ɔ̄ŋ inchəŋ, bii kínə mbɔ ɔ nɔʼ kə́ŋhə mbʉə mbʉ təchulɔŋ.

27 Bʉʼka Vaa-Woməsʉʉ nɔ kie ndə məgwè ghɔŋbə bʉəntəŋ-bi mu məŋwɔʼ Tie-e, ndʉʉmɛ, ɔ bu kɛ̀ŋ wotəmiyɔŋ haʼ ndə ɔ kə fɔ̀ʼ.

Məgwe-Vaa-Woməsʉʉ

25 "Nubəcheʼbə nɔ bu yi bɛ yuo ndəŋ chichi, ndəŋ chisuu leʼnə bəlɔʼɔ. Kəchisê-fɛ̄ŋ, lɔʼ-bətə̂ŋ-tə bu bɛ mu ŋgʉəʼ leʼnə mbyuutəmbyuutə bʉʼka muu ndə i tʉʼ yùɔnə leʼnə lɛɛŋhə-muu-bə ndə bɔ̂ŋ tʉʼ sɛ́ʼnə. 26 Bʉə bu kə́ gwònə gwùtə sê bʉʼka faa-kwu-kə ndə bɔ̂ŋ tʉʼ chyìi nu-ŋkwɔŋŋkwɔŋ-bə ndə i bɛ ndə məgwè mu kəwʉʉnəmbi. Bʉʼka bə bu ŋɛ̀hə nu-shʉ́əshʉ́ə-bə ndə bɔ̂ŋ bɛ yuo. 27 Ndʉʉmɛ, bɔ̂ŋ bu nyíɛ Vaa-Woməsʉʉ, ɔ kə́ shíʼ gwè hə mu kəmbɔʼ nə ghʉəʼkə ghɔŋbə məŋwɔ̀ʼkwɛʼtəŋ. 28 Ndʉʉ ndə b̈ii nyíɛ nubə-ɔ̄ŋ chʉ́ʉhə məfyú sê, b̈ii kie fyii, kə́ lɛ́nə fia mbɔ nchʉʼkətʉ-yii nɔʼ tʉʼ kə́ŋhə."

27 Ndʉʉmɛ, bɔ̂ŋ bu nyíɛ Vaa-Woməsʉʉ, ɔ kə́ shíʼ gwè hə mu kəmbɔʼ nə ghʉəʼkə ghɔŋbə məŋwɔ̀ʼkwɛʼtəŋ.

26 "Ndʉʉmɛ, bɔ̂ŋ bu nyíɛ Vaa-Woməsʉʉ, ɔ kə́ shíʼ gwè hə mu kəmbɔʼ nə fɔŋ ghʉəʼ-shʉ́əshʉ́ə-kə leʼnə məŋwɔʼ. 27 Ndʉʉmɛ, ɔ bu tə́ŋ bʉəntəŋ-bi kɔ́ mbi chə̀ŋtə bʉə-bi ndə ɔ nɔʼ kə séʼ bɔŋ ndə byûu-mbi-tə kwi, lʉ̀ hə ndəŋ byûu-mbi-tə, tə gɛ̀ dàa ndəŋ byûu-yuo-tə.

16 Bʉʼka Tiekətʉ nə mbəŋ-ɛŋ bu shíʼ gwè hə yuo nə gyʉʉ sɔ́ʼ kəyəŋ, nə gyʉʉ-wontəŋkwɛʼtəŋNyii, bə bɔŋleʼ tʉ́ʉ gyʉəʼə-Nyii. Ndʉʉ-ghɔ̄ nɔ, bʉə ndə bɔ̂ŋ kə bɛ́ŋ Klai buŋ kwú, bu fəŋ kóʼ. 17 Ndʉʉmɛ, bʉʼʉ ndə bʉʼʉ bíe ŋɛnə, bə buŋ jɔ̀ bʉʼʉ bɔŋ mɔʼɔ mu kəmbɔʼ bʉʼʉ bɔŋ bìatə Tiekətʉ mu yuo. Nɔ, bʉʼʉ bu bɛ bʉʼʉbə Tiekətʉ chɔ gɛ̀gɛ̀. 18 Nɔ, b̈ii kwèʼhə ŋwɔŋtə-ii nə ŋgiebə-ɔ̄ŋ.

42 Nɔ, b̈ii káa nə tʉbə-i ghɔʼ bʉʼka bii kínə chîkə ndə Tiekətʉ-yii bu bʉ̀nə gwè chɔ fɛ.

42 Nɔ, b̈ii káa nə tʉbə-i ghɔʼ bʉʼka bii kínə chîkə ndə Tiekətʉ-yii bu bʉ̀nə gwè chɔ fɛ.

44 Nɔ, mbəŋ-yii ghɔ nɔ kie ndə məshʉ̀tə ŋwɔŋ-yii bʉʼka mbɔ Vaa-Woməsʉʉ bu bɔ̀ʼtə gwè ndʉʉ ndə a gòʼ təmə kínə fɛ.

A nɔ kie ndə mə-kə́-kíi dyʉʼbə

34 "B̈ii láa bʉʼka i mə dìenə ndəŋ bii, ndə bii tʉʼ nú búu, jʉ̀ŋtə kə́ bɔŋleʼ kánə mbi. Təmə bii yi kwɔnə fyú ndəŋ chî-ghɔ̄-kə nə ŋkʉʼ. 35 Bʉʼka chî-ɔ̄-kə bu gwè tʉ bʉə bənchəŋ ndə bɔ̂ŋ bɛ kəchisê-fɛ̄ŋ inchəŋ. 36 B̈ii ŋɔ́ʼhə shʉtə-ii ndʉʉ tə mì ndʉʉ, kə́ gháaNyii mbɔ b̈ii kie ghʉəʼkə ndə mənyʉ́ʉ nubə-ɔ̄ŋ inchəŋ ndə i bu fyú nɔ, bɔŋleʼ tə́nə bəshʉ Vaa-Woməsʉʉ."

7 Ndʉʉ ndə nubə bu lìʼ chɔ inchəŋ nɔʼ kə́ŋhə, nɔ, b̈ii tʉ́ʼ ndaahə-ii isúunə bɔŋleʼ kə́ yá ŋwɔŋ-yii mbɔ bii chʉʼ gháaNyii jyujyu.

Ndyiʼtə-nchaʼtə-Bɔɔ-kə

23 Nduɔ, N̈yii, ndə ɔ̃ kɔ́ bʉʼʉ nə fyiighʉ́ənə, sʉ̀ bii nə mbəŋ-ɛŋ b̈ii tʉ́ʉnə gɛ̀ kùu, bɔŋleʼ tʉ́ʼ mbʉəhə-ii nchəŋnchəŋ-ɛŋ, bəyihə, lyʉʉhəkə leʼnə ŋkwê-mbʉə-yii təmə kwɔtəkə chɔ fɛ ndəŋ chîkə ndə Jiso Klai Tiekətʉ-yʉʼʉ bu bʉ̀nə gwè chɔ.

7 I chìi təmə bii mə byúu kɔ-Nyiibɛʼ-kə hə mu bii fɛ, ndə bii tʉʼ chyìi ndʉʉ ndə bə bu kɛ̀ʼ Jiso Klai Tiekətʉ-yʉʼʉ chɔ. 8 Ɔ bu tʉ́ʼ bii shʉ́əshʉ́ə tə gɛ̀ lìʼ, mbɔ bii mə yi kie kwɔtəkə ndə Chî-Jiso-Klai-Tiekətʉ-yʉʼʉ-kə fɛ.

11 Bʉʼka Nyii nɔʼ dʉ̀ʼ buuŋjyu-i ndə ĩ gwè nə ŋkwaa tʉ bʉə bənchəŋ, 12 kə́ dàhə bʉʼʉ ndə məfyúhə ŋwɔŋtə-ʉʼʉ ndə nubə ndə i gòʼ təmə kə́ kɔ́ kuŋhə tʉ Nyii fɛ ghɔŋbə ntɔ-kəwʉʉnəmbi-mə. Ɔ bɔŋ-kə́-leʼ dàhə bʉʼʉ mbɔ b̈ʉʼʉ kə́ chìi nubə nə ndaahə-ʉʼʉ, kə́ chí mbi ndyʉndyʉ bɔŋ-kə́-leʼ kɔ́ kuŋhə tʉ Nyii ndə mbi-ɔ̄ laa nɔ. 13 Ndə bʉʼʉ tʉʼ chyìi chîmbi-ghɔ̄-kə ndə bʉʼʉ yʉ́əʼnə ndə ghɔ nə tʉʉjyu, chîkə ndə Jiso Klai fɔŋ Nyii-yʉʼʉ ndə ɔ bɛ Ŋkwaa-yʉʼʉ bu yi kɛ̀ʼ ŋwɔŋ-ɛŋ chɔ mu məgʉə-e. 14 Ɔ nɔ kɔ́ ŋwɔŋ-ɛŋ yie-bʉʼʉ ndə məchʉ̀ʼ tʉkə-ʉʼʉ ndəŋ ntɛ-bənu-bʉəbʉə-hə inchəŋ bɔŋleʼ sʉ̀ bʉʼʉ, b̈ʉʼʉ bɛ bʉə ndə bʉʼʉ bɛ tʉ ɔŋ tətɛʼ ɔ, kə́ kie jyʉʉ ndə məfɔ̀ʼ nu-jyujyu-bə.

6 Nɔ, mɔ nɔ kɛŋ kínə shʉəŋ mbɔ Nyii ndə ɔ kə chʉ́ʉhə fɔʼɔ-jyujyu-ɔ̄ mu mbʉə-bii, bu gɛ̀ nə yɔŋ nə shʉbə tə liʼ ndə Chîkə ndə Klai Jiso bu bʉ̀nə gwè chɔ.

30 Kə bii mə chìi tʉʉ kəLyʉʉhəNyii byʉ́ʼ fɛ, kə́ kwɛ́nə mbɔ nɔ bɛ cheʼ-Nyii-kə ndə ɔ chèʼ bii nə yɔŋ, ndə mədʉ̀ʼ mbɔ ɔ bu chʉ̀ʼ tʉkə-ii ndəŋ ndyiʼtə-kəchî-kə.

28 Nɔ bɛ haʼ nɔ ndə bə kə fɛ̀ʼndɛŋ nə Klai vɛʼ mɔʼ tə mbi nə lìʼ ndə məfì bʉ̂ʼ-bʉə-buŋmbi-tə. Ɔ bu bʉ̀nə bìʼ gwè, təmə gwè ndə məsʉ̀ bʉ̂ʼʉ fɛ, ɔ nɔ tʉʼ gwè bə ndə məkwáa bʉə ndə bɔ̂ŋ tʉʼ kʉ̀ʼ ɔ shʉ́əshʉ́ə.

24 B̈ʉʼʉ kwɔ̀ʼtə ntɛhə ndə bəkɔ bʉʼʉ kwèʼhə ŋwɔŋtə-ʉʼʉ ndə məkie ŋkʉ̂ʉ bɔŋleʼ kə́ fɔ̀ʼ fɔʼ-jyujyu-tə, 25 təmə lèʼnə ndə mə-kə́-chə̀ŋtə kəyəŋ kəmɔʼ fɛ, ndə bəbɛʼbʉə nɔʼ lʉ̀ bɛ nuʼ-yʉə, b̈ʉʼʉ bɔŋ kə́ kwèʼhə ŋwɔŋtə-ʉʼʉ, fɔŋ ɛŋ kə́ bɛ ndə bii tʉʼ nyíɛ ndə mbʉ kəChî Tiekətʉ tʉʼ kə́ŋhə gwè.

8 Nyii Tiekətʉ nɔ ghɔ̀ŋ mbɔ, "Mɔ nɔ bɛ fəŋ bɔŋ-kə́-leʼ bɛ ndyiʼtəkə. Mɔ nɔ bɛ wo ndə ɔ bɛ, ndə ɔ kə fəŋ bɛ, ndə ɔ bɛ ndə məgwè, kə́ bɛ Wo ndə mɔ kie ghʉəʼkə inchəŋ."

11 Kʉʉkə məniʼ nɔ m̈ɔ gwè, yá fɔkə ndə bii kie tə́nə chɔ shʉ́əshʉ́ə, bʉʼka wo mə yi fí ŋgʉʼʉ-yii.

8 Kə bii mə lèʼnə mbyu kənu-ɔ̄ŋ fɛ, mbʉətə bətieŋkɔŋ-bɔŋ, mbyu kəchî imɔʼ tʉ Tiekətʉ nɔ bɛ nə ŋgʉʼhə ŋkɔŋ, ŋgʉʼhə ŋkɔŋ kə́ bɛ nə mbyu kəchî imɔʼ.

B̈ii kə́ chí mbi nə vâa-Nyii

28 Bɔŋ nduɔ, vâaŋgeŋge, b̈ii káa mu njunə-yii bɔŋ, mbɔ ndʉʉ ndə ɔ bu bʉ̀nə gwè nɔ, bʉʼʉ chʉʼ kie fyii shʉ́əshʉ́ə təmə kə́ bíanəbíanə mbʉə-ɔ fɛ bʉʼka tʉvyiikə ndəŋ chîkə ndə ɔ bu gwè chɔ.