Sexo
A Bíblia trata a sexualidade como um presente de Deus para o contexto do casamento. As Escrituras celebram a intimidade conjugal e orientam sobre pureza e santidade sexual.
A sexualidade no plano de Deus
Desde a criação, Deus projetou a intimidade sexual como expressão de amor entre marido e mulher, abençoando a união conjugal.
Ndin Abasi amaabot awo ke mbid idem amọ,
ke mbid Abasi anye amaabot ammọ;
anye amaabot ammọ, awodeen ye awonwaan.
Abasi amaadiọñ ammọ anyʌñ abo ammọ ate, "Itọt, inyʌñ iwak ke ibad; iyọhọ ederimbod inyʌñ isịn anye ke idak ndufo. Ikaara mme iyak ke akpainyañ ye mme inuen ke ikpaanyọñ ye afịd aduuwem ñkpọ e-esaañake ke isọñ."
Ntak ado anam awodeen akpọñ ete ye eka amọ akediana ye anwaan amọ, ndin ammọ ekappa edo abʌk keed.
Anye amaabọọrọ ate, "Ndufo ikikoodo ke tọọñọ ke aditọọñọ Andibod ‘akebot ammọ awodeen ye awonwaan,’ anyʌñ abo ate, ‘Ke ntak ami, awodeen ayaakpọñ ete ye eka amọ anyʌñ akediana ye anwaan amọ, ndin ammọ awo iba eyaekappa edo abʌk keed’? Ndin ammọ idooho awo iba aba, ado edido abʌk keed. Ke ntoro, se Abasi amaakedian, yak awo ndomokeed akuudiañña."
Yak ediọñ ñkpọdiọhọ mmọọñ mfo,
ñko afo ayaakop inem ke anwaan uyịn mfo.
Edima akoyo, uyaiya edob,
yak eba amọ uyʌkkọ fiin afịd ini,
yak ima amọ unaam fiin nte ukọd.
A santidade na intimidade
O leito conjugal é honroso. A Bíblia celebra a alegria da intimidade dentro do casamento e orienta o casal ao amor e respeito mútuo.
Akpena afịd awo ekpokpono ndọ, enyʌñ enịm ikʌk ndọ asana, sia Abasi ayaakpe ikpe ye mme asịn efịbe ye mme anam use.
Ebe ana anam ubiọñutom ndọ anọ anwaan amọ, anwaan ñko ana anam kpasʌk ntoro. Anwaan inieghe adudu ibaña idem amọ, ado ana ayaak idem amọ anọ ebe amọ. Kpa ke ukem usʌñ ado, ebe inieghe adudu ibaña idem amọ, ado ana ayaak idem amọ anọ anwaan amọ.
Ado akpedo ammọ ikanna inie mfadidem, yak ammọ edọ ndọ, sia a-afọn adidọ ndọ akan adikpa iwʌd.
Nte idooho Abasi keed akibot ndufo? Abasi inie ndufo ke abʌkidem ye ke sịbidịd. Ndin nsoo ke Abasi keed ami ayem? Enọ asañake ye mbaak Abasi. Ke ntoro kpeme idem, kuunyʌñ utre adinam akpanikọ nnọọ anwaan uyịn mfo.
Nte ndufo idiọọñọke ke idem ndufo edoñño mme ñkek idem Krais? Nte ana ami mben mme ñkek idem Krais ñkedian ye mme akpara? Nwaaña nsa-o! Nte ndufo idiọọñọke ke awo a-anieghe ewuana ye akpara akappa ado keed ye anye ke ikpọkidem? Sia e-ewet ete: "Iba eyaekappa edo abʌk keed." Ado awo a-adianna idem ye Abasi ado keed ye anye ke sịbidịd.
Pureza sexual
Deus nos chama à santificação e à fuga da imoralidade. O corpo do cristão é templo do Espírito Santo e deve ser tratado com honra.
Feghe kpọñ use ye efịbe. Afịd ndiọiñkpọ mfen se awo anam, inamma ituuk idem amọ, ado awo a-anamma use ye efịbe a-anam idiọọkñkpọ a-atuuhọ idem amọ. Nte ndufo idiọọñọke ke idem ndufo edo tembịd Adisana Sịbidịd i-isịneke ndufo ke idem, a-ndufo ekebọọhọ eto Abasi? Idooho ndufo enie idem ndufo; ekidep ndufo ke ekọmudua. Ke ntoro, ikama idem ndufo inọ Abasi ukpono.
Ado uduak Abasi nọ ndufo edoñño ndisana, nọ ndufo efeghe ekpọñ use ye efịbe; nọ awo keedekeed akpeep mfadidem ke usʌñ a-adooho adisana ye ke edu ukpono. Idooho ke akpọsọñ idiọọk itọñ nte mbon imiidiọọñọke Abasi;
Ado inaaha ñkpọ ndomokeed a-abañake use aba ke atu ndufo, me ndedeghe uwem ndomokeed, me idiọọkitọñ, sia mme ñkpọ ami ifọnnọ ke atu ndisana ikọd Abasi.
Ado ami mbo ke awo a-aseeghe awonwaan ke idiọọk anyen akap asesịn efịbe ke esịd amọ.
Yak ñnyịn idu uwem a-afọnnọ nte iba ke uweemeayio, idooho ke unana mfadidem ye ukpa mmịn, idooho ke abʌd-abʌd ido, me use me mbubiam eduuwem, idooho ke utọk me ke ufịb.
Kuusịn efịbe.
" ‘Inaaha awo ndomokeed anie ewuana ye ayakka amọ. Ami ndo Abọọñ.
" ‘Kuusuenne ete mfo ke adinie ewuana ye eka mfo. Anye ado eka mfo; kuunie ewuana ye anye.
" ‘Kuunie ewuana ye anwaan ete mfo; ado ayaasuenne ete mfo.
" ‘Kuunie ewuana ye ayịneka mfo awonwaan, me ado anye e-ete mfo abonno me anye e-eka mfo amanna, me anye akemana ke ukem ufọk keed ye afo me akemana ke itie mfen.
" ‘Kuunie ewuana ye ayịn ayịn mfo awodeen me ye ayịn ayịn mfo awonwaan; ado adiido asuenne unọ fiin.
" ‘Kuunie ewuana ye ayịn anwaan ete mfo, emanna enọ ete mfo; anye ado ayịnete mfo awonwaan.
" ‘Kuunie ewuana ye ayịneka ete mfo awonwaan; anye ado ayakka ete mfo.
" ‘Kuunie ewuana ye ayịneka eka mfo awonwaan, sia anye ado ayakka eka mfo.
" ‘Kuusuenne ayịneka ete mfo awodeen ke adinie ewuana ye anwaan amọ; anye ado anwaan ayịneka ete mfo.
" ‘Kuunie ewuana ye anwaan ayịn mfo. Ado anwaan ayịn mfo; kuunie ewuana ye anye.
" ‘Kuunie ewuana ye anwaan ayịneka mfo; ado ayaasuenne ayịneka mfo.
" ‘Kuunie ewuana ye eka ye ayịn amọ awonwaan. Kuunie ewuana ye ayịn awonwaan ayịn amọ awodeen me ye ayịn awonwaan ayịn amọ awonwaan; ammọ edoñño ayakka amọ. Ibak ado ado.
" ‘Kuuben ayịneka anwaan mfo udọ nte anwaan ufịb unyʌñ unie ewuana ye anye ke ini anwaan mfo abaaha ke uwem.
" ‘Kuukeene awonwaan ke ini anye anieghe itieisọñ a-anamma anye isanake unyʌñ unie ewuana ye anye.
" ‘Kuunie ewuana ye anwaan mbọhọidʌñ mfo unyʌñ usappa idem mfo ye anye.
" ‘Kuuben ayịn mfo ndomokeed unọọ nọ ewa uwa enọ Mọlek, sia inaaha asịn anyịñ Abasi mfo ke ndek. Ami ndo Abọọñ.
" ‘Kuunie ewuana ye emọ-emọ awodeen nte naña awodeen anie ye awonwaan; anye ado ado ataa mbubiam adinam.
" ‘Kuunie ewuana ye unam unyʌñ usappa idem mfo ye anye. Inaaha awonwaan aben idem amọ anọ unam nọ anie ewuana ye anye; ado ataa mbubiam adinam.
Akpesʌkado a-ammọ ekereke ke mmimọ ido mme adiọọñọñkpọ, ammọ emaekappa edoñño ndisịme, enyʌñ ekpəho ubọọñ Abasi i-imiikemeke adikpa tutu amama esịn ke mme ubobodñkpọ, ke uduud awo, ke mbid inuen ye unam ye se inyọnyọọn ke idịb.
Ke ntak ado Abasi amaayaak ammọ ke ndiọi udọñ esịd ammọ anọ mbubiam ido ke adisuakka idem ammọ ye emọ-emọ. Ammọ emaekpəhọ akpanikọ Abasi enọ nsu, ekpono enyʌñ enam ñkpọ enọ se ebobot ke ubọk utu ke Andibod a-anaaha etooro ke nsi-nsi. Amen.
Ke ntak ami, Abasi amaayaak ammọ anọ mme ndiọi udọñ itọñ. Ibaan ammọ emaekpuuño ataa uduud e-ekebotto ammọ enọ, ekappa se awo imiikibotto ammọ inọ. Ke ukem usʌñ ado, ideen emaenyʌñ ekpọñ nnekke-nnekke usʌñ unie ewuana ye ibaan etịmme edumakka idem ammọ ñkpa-ñkpa. Ideen emaekappa enie ewuana ye ideen ke ndedeghe usʌñ enyʌñ ebọi utịb mbubiam ido ammọ.