Verdade

6 Yesu nakamwidichila, "Heni ndo nzila na kukomya na ukomu. Haduhu yalinguweza kuluta kwa Mhaza ila kwa kukolela kwa heni.

14 Nawo ulonzi nauwa munhu, naukala kwa hetwe. Natwe natuwona welile wake, welile wake uwele ndo Mwana wa udewele wa Mhaza, naumema uganililo na kukomya.

4 kwa vila ulonzi wa Mkulu Nguluwi ugoloka,

na madito ga heye ndo ga kukundigwa.

5 Ulonzi weng’ha wa Nguluwi ndo wenela,

heye ndo ngawo ya hewo weng’ha walingumbilimila.

20 Tuvizela kahi kota Mwana wa Nguluwi koya, nakatugalila uwanzi leka tumzele Nguluwi wa kukomya, tikale mgati mwa Nguluwi wa kukomya kuli kilumba na Mwanage, Yesu Kilistu. Ayu ndo Nguluwi wa kukomya na ndo ukomu wa mazuwa gose ne kuduma.

7 Ila, ndanguwalonjela ndikomya, fola heni mbuche, kwa vila wone silutile Mtanzi hokuya kwa hemwe. Ila wone ndute, ndomlajiza yoye kwa hemwe.

26 "Hoyokuya ayo Mtanzi yondimlajiza kwa hemwe kulawa kwa Mhaza, ayo Muhe wa kukomya, yalingulawa kwa Mhaza, heye kondonjela.

27 Ila, kwa ubanzi wa hemwe, Kilistu nakawajidila mafuta kwa Muhe wa heye. Wone Muhe Yelile yalutilile kikala mgati mwenu, hamlingugana kulanguswa na munhu yoneche. Mina heye kanguwalangusani chila chinhu, malanguso ga heye ndo ga kukomya hagawele ga udesi. Lelo, mibatilile malanguso ga ayo Muhe Yelile na kupona kuli kilumba na Kilistu.

24 Nguluwi ndo Muhe, ahyo wanhu walingumfugamila wanguganigwa kumfugamila kwa Muhe na kukomya."

Kukomya kowapa kilejeha

31 Yesu nakawalonjela wala Wayahudi wamkundile, "Wone mogakunda malajizo ga heni mowa walanguswa wa heni wa kukomya. 32 Ahyo movizela kukomya, nako kukomya kowapa hemwe kilejeha."

30 Nanyhagula nzila ya kukundigwa,

ndibatilila nhaguso za hegwe.

5 Undongoze kuli kukomya kwa hegwe na kundangusa,

kwa vila hegwe ndo Nguluwi mlohozi wa heni,

ndangitumbila kwa hegwe chila zuwa.

15 Wikangaze kudita galingumnojeza Nguluwi uwe chitumagwa yohambe yone soni kuli mijito ja heye na yawele kulangusa ulonzi wa kukomya wa Nguluwi kota vyoilinguganigwa.

18 Kwa igano lyake yuye, nakatugalila ukomu unyale kukolela ulonzi wa heye wa kukomya, nakatudita tuwe honhu ha mwaluko hali vilumbigwe vya heye vyeng’ha.

15 Ila, wone tibatilile mbuli zilingukomya kwa nhumbula ya igano, towa wakulu mgati mwa heye yawele ndo mutwi, yawele ndo Kilistu.

8 Hamba wang’holozangu, mibatilile mbuli zeng’ha za kukomya, goneche galingutogoligwa na galingukundigwa na Nguluwi na goneche gawele gelile na ga kunojeza na gatanganiche.

2 Ndo munhu yalingikala ne nongwa,

mhela weng’ha kangudita gatanganiche,

yalingulonga ga kukomya kulawa mnhumbula,

3 ndo munhu yohambe yahehe wanhu,

yohambe yamditile gehile myage,

ne kumvilizila munhu yowalingikalasa habehi,

13 Lelo, uleche kulonga gehile,

na kiwika kutali na kulonga udesi.

32 Milomo ja watanganiche janguvizela galingukundigwa,

ila ja wehile jangulongaga wihe hela.

24 Wiwiche kutali na ulonzi wa udesi,

na mlomo wa hegwe uleche kulonga mbuli za uhadi.

12 Kwa konjezela wang’holozangu, lomuwele ngilaha, mleche kilaha kwa kilanga ama kuli isi ama kwa chinhu choneche. Mlonje, "Ena" wone mlingugana kulonga ena, namwe mlonje, "Hebu" wone mlingugana kulonga hebu, leka mleche kutaguswa na Nguluwi.

18 Wanangu, igano lya hetwe lileche kuwa ulonzi hela, ila liwe lya kukomya na kulajilwa kwa madito.

6 Hotulonga kota twahamwe naye na baho twangikala mjiza, hatuwa tulonga tukomya kwa ulonzi na madito.

4 Kuduhu chinhu chilingusangalaza ng’hatu kota kuhulika wana wa heni wangikala kuli kukomya.

Makundo

1 Kuwa na makundo ndo kuwa na kukomya kwa mbuli zotulingitumbila, kutawiza ng’hatu mbuli zila zohatuziwene.