10 versículos sobre esperança para renovar suas forças no início do ano

11 Aide RAMPAUBE ne ndukegai, kedanemene Ih rünne nnui ziemne riem pwa kela de ci, mariem cide kezuyi ziemne nah kengkap ziemne ma, nnuide gwang kera teilung nah keregui peu kerane.

18 Pielo, RAMPAUBE miak au pecu rüt kelame de piela,

pe samkakkelu samsang ga regui kebamme de

31 Dede RAMPAUBE dade kengha nlum kecume au penui kengking tei heci dai lu zie; penui au heliedung nzwa lim cuh dizie;

penui pak zie nah leu dilak; penui tet zie nah nnei dilak.

24 Kedanemene keregui aide gade anuide kelilu da. Cu kengau kereguide au keregui ma. Kedanemene cau ngau kebam de regui eh bam lano? 25 Dede anui ngaula kemak de regui eh bamcai, anui helungtie eh cide de kwa bamla.

23 Anui lunghaudi mene rangkela anui kereguide ntiprip eh kaizeu lugo, kedanemene Tinggwang, sam kaikebeube, au masanglu.

Ringkebam keregui ziemne Tinggwang de ketwa

3 Peu Tinggwang nah anui Rampaube Jisu Khrista Peibe de hetwa pungkelube tei lulo! Pe ngaugia kedi ziemne, pa Jisu Khrista de ketsai gade ringcuh daikelu gade anuide teilung keheci nah kering keregui peu dida.

5 Daitei nang, nsui sia la no?

Daitei nang nlung gade nsui sia süt bam no?

Ih Tinggwang da a keregui bam zie, Ih pecu twa dai zie kedanemene pa a Tinggwang acu rikelune.*

21 Dede Ih ma aide nsungla nah ciziemne Ih keregui bam:

22 RAMPAUBE keku bam mui kela de madaude penlih gah nah Pe ngaugia de madaude cangdi lama,

23 cidung au tingcang ramsang heci lula; n kesamsang au dizu.

6 Nah Ih ma aidungde cisiakte bam, nnuida bata keyi ndeu kegaibe de Jisu Khrista cailigwang kera tingba benai kecang tei jüja teicang beuzie.

16 Cine anui lung siadi lama. Meliene, anui pumteih siala liede, anui rabe de tingba ramsang ne teiheci beula. 17 Kedanemene anui ting kaknage keherei kegai gade mdet canggai kelak kelungta kendu mdet anuide pwapeu bamlu. 18 Anui ngau kelabedung de pie bam ma, dede ngau kemakbedung de. Kedanemene ngau kelabedung au tingkak nage ziemne, dede ngau kemakbedung au kelungta ziemne.