7 Lelo Mkulu Nguluwi nakamlumba mlume kwa misanga, nakamputila lweselo lwa ukomu mmenyhelo, ayo mlume nakawa chilumbigwe chiwele na ukomu.

13 Hegwe nakundita heni, nhumbula na muhe,

nakungongomanya mmunda mwa mayangu.

14 Ndangukutogola kwa vila nditigwa kwa kububuwaza na vinduzanduza,

madito ga hegwe ndo ga kububuwaza,

nhumbula ya heni yangugazela ng’hatu.

15 Lukuli lwa heni haluvisigwe kwa hegwe,

vyounditile kwa uviso, honhu hawele munhu hawezile kumbona.

16 Hegwe nakumbona lombele nding’hali kupondigwa,

nakwandika chila chinhu mchitabu cha hegwe,

mazuwa ga heni geng’ha nakugawika goya,

mbaka kung’hali kuwa baho zuwa lila lya mwaluko.

9 Hegwe ndo mwaluko wa ukomu,

kwa lumuli lwa hegwe, twangona lumuli.

33 Ndomwimbila Mkulu Nguluwi kuli ukomu wa heni weng’ha,

ndomtogola Nguluwi wa heni mhela weng’ha hondichikala.

6 Yesu nakamwidichila, "Heni ndo nzila na kukomya na ukomu. Haduhu yalinguweza kuluta kwa Mhaza ila kwa kukolela kwa heni.

10 Muhizi kanguyaga kwa kunuwila kuhiza, kukopola na kuwifya. Heni nambuya leka wanhu wawe na ukomu, ukomu wenele.

25 Yesu nakamlonjela, "Heni ndo uzilipulo na ukomu. Yalingung’hunda kowa mkomu hanga kobagama, kochikala, 26 chila yalingikala na kung’hunda, hobagama. Ndaze, kwangukunda aga?"

35 Yesu nakawalonjela, "Heni ndo ibumunda lilingigala ukomu. Yalinguya kwa heni hokona nzala, yalingung’hunda hokona ng’halu mazuwa gose.

38 Kota Maandiko Matakatifu vyogalingulonga, ‘Yalingung’hunda, nzanda za mazi ga ukomu zochililika kulawa kuli nhumbula ya heye.’ "

20 na sambi ndangikala, ila siwele heni kahi, ila Kilistu ndo yalingikala mgati mwa heni. Kikala aku kondilingikala sambi ndangikala kwa makundo, makundo ga kumkunda Mwana wa Nguluwi yanganile na kuulavya ukomu wa heye kwa chiwalo cha heni.

20 na sambi ndangikala, ila siwele heni kahi, ila Kilistu ndo yalingikala mgati mwa heni. Kikala aku kondilingikala sambi ndangikala kwa makundo, makundo ga kumkunda Mwana wa Nguluwi yanganile na kuulavya ukomu wa heye kwa chiwalo cha heni.

12 Utulanguse kuvizela kota ukomu wa hetwe ndo uchefu,

leka tuwe na luhala.

10 Mwana wa heni, uhuliche na kuubochela ulonzi wa heni,

leka uwe na miyaka minji ja kikala.

23 Mzidi wa ago geng’ha, wamile goya nhumbula ya hegwe,

kwa vila ayo ndo mwaluko wa ukomu.

23 Mzidi wa ago geng’ha, wamile goya nhumbula ya hegwe,

kwa vila ayo ndo mwaluko wa ukomu.

8 Yalingupata luhala kangigana yuye,

yalingibatilila kuvizela kwa heye, kowa goya.

3 Yalinguudima mlomo wa heye kangwamilaga kikala kwa heye,

yalinguhabuka kangiyambuzila yuye kudumigwa.

17 Yalingukunda kukanyigwa kangulutila kuli ukomu,

ila yalingulema, kangwajilila.

27 Kumdumba Mkulu Nguluwi ndo nzasa ya ukomu,

kwangumtanza munhu kiwika kutali na midiwa ja kubagama.

21 Yalingupala kutanganika na isungu,

kochikala ng’hatu na mbuli za heye zolutilila goya na kutogoligwa.

15 Lelo milolele vyomlingikala. Mleche kikala kota wapoka ila mikale kota wanhu wawele na luhala. 16 Mtumiye goya mhela womlinawo kwa vila mazuwa aga ndo geha.

4 Gwa Mkulu Nguluwi, unzelese nzila za hegwe,

undanguse kugawinza goulingugana.

6 Kwa kukomya, kunoga kwa hegwe na igano lya kwimilila lya hegwe vyowa hamwe na heni,

kuli mazuwa geng’ha ga ukomu wa heni,

nani ndochikala kuli ng’handa ya Mkulu Nguluwi mazuwa gose.

26 Hanga ndiwe ndilihela mong’ho kuli lukuli na kuli muhe,

gwa Nguluwi, hegwe ndo italawe lya heni,

hegwe ndo honhu ha heni mazuwa gose.

7 Mkulu Nguluwi kokwamila na lihile lyoneche,

kowamila goya ukomu wa hegwe.

8 Mkulu Nguluwi kokwamila kuli mbuli za hegwe za chila zuwa,

kulawa sambi mbaka mazuwa gose.

3 Ena, hegwe ndo italawe na ngome ya heni,

kwa chiwalo cha itagwa lya hegwe undongoze na kundajila.

4 Mbuli imwe nandimlanda Mkulu Nguluwi,

ayo ndo ndilinguipala,

ndikale mng’handa mwa Mkulu Nguluwi

mazuwa geng’ha ga ukomu wa heni,

ndijese ng’hatu kunoga kwa Mkulu Nguluwi,

na kupala ulongozi wa heye kuli ng’handa ya heye.

7 Usindamale hali Mkulu Nguluwi, umbeteze kwa kwimilila,

uleche kitunya kwa chiwalo cha wala wawele mbuli za hewo zanguwalutila goya,

wala walingudita goya kuli mbuli za hewo za wihe.

93 Siweza kusemwa malajizo ga hegwe,

kwa vila kwa ago nakumha heni ukomu.

25 "Ndanguwalonjelani hemwe, mleche kijesa kuli ukomu wa hemwe, molya choni ama monwa choni leka muwe na ukomu, ama movala choni. Ndaze, ukomu unoga kusinda chilyo na lukuli lunoga kusinda nguwo. 26 Mvilole videje, havilingunyala nyhadikwa, havilingubeta nyhadikwa, kahi vyahela ng’hano. Leka ahyo Mhaza wa hemwe kilanga kanguwahombela. Lelo hemwe mnoga kusinda awo. 27 Ndaze, hagati ha hemwe kuna munhu kwa mbuli ya lunhwinhwi yoweza kuhejeza ne saa imwe ya kikala mu isi?

36 Ndaze, munhu kowa na choni chinojile wone koihalila isi yeng’ha na kwajiliza ukomu wa heye? Ndita hebu!

34 Hamba nakachema ikugusi lya wanhu hamwe na walanguswa wa heye, na kuwalonjela, "Wone munhu yoneche yogana kumbinza heni, imgana yeleme yuye, yahole msalaba wa heye, yambinze. 35 Wone munhu yogana kulohola ukomu wa heye, kowajiliza, ila munhu yalingwajiliza ukomu wa heye, kwa chiwalo cha Mbuli Inojile, koulohola. 36 Ndaze, munhu kowa na choni chinojile wone koihalila isi yeng’ha na kwajiliza ukomu wa heye? Ndita hebu! 37 Kuduhu ne chinhu munhu choyodita leka yauhiluse ukomu wa heye kahi. 38 Wone munhu yoneche kuli lulelo alu lwihile na hambe lumdumbe Nguluwi, yalingumbonela soni heni na malanguso ga heni, na heni Mwana wa munhu ndomonela soni munhu ayo, mhela hoyokuya muli ukulu wa Mhaza wa heye hamwe na wahilisi wa kilanga welile wa Nguluwi."

15 Hamba Yesu nakawalonjela weng’ha, "Milolele na ubuhu, kwa vila ukomu wa munhu hauwele kuli winji wa lufufu loyawele nalo."

3 Ukomu wa mazuwa gose ndo awu, kukuzele hegwe uwele uliyeka Nguluwi wa kukomya na kumzela Yesu Kilistu youmlajize.

23 Mina chonolo cha gehile ndo kubagama, ila ndolendole yalingulavya Nguluwi ndo ukomu wa mazuwa gose kuli kilumba na Yesu Kilistu, Mkulu wa hetwe.

2 Mleche kwiga chihendo cha isi ayi, leka Nguluwi yawadite muwe mnojile mgati mwenu kwa kugalamla nyhala za hemwe. Aho ndo homvizela kugana kwa Nguluwi na kuvizela mbuli iwele inojile, ilingumnojeza na yenele.

7 Kwa vila twangikala kwa makundo, haiwele kwa kona.

14 Mikangaze kikala goya na wanhu weng’ha. Mikale mwelile, kwa vila kuduhu munhu yomona Mkulu ne kuwa na ukomu kota awo.

11 Mikangaze kikala goya ng’hatu ne kubilima aku na aku, chila yumwe yetunye kwa chiwalo cha mbuli za heye yuye na yakole mijito kwa moko ga heye yuye kota vyotuwalajize hala hamwande. 12 Kwa mbuli ayo, mopegwa lutogo kulawa kwa wala wohambe wamkunde Kilistu na hamuwa na mbuli ya kugana kitumbila wanji kwa gala gomlingugana.

23 Chila chomdita, mdite kwa nhumbula yeng’ha, kota vila mwangumditila Mkulu Yesu na haiwele munhu. 24 Mvizele kota mobochela chonolo kulawa kwa Mkulu Yesu choyawawichile wanhu wa heye, kwa vila mwangumkolela mijito Mkulu Yesu Kilistu!

12 Kobweda munhu wakukundigwa kuli ngwimilila mhela wakujezigwa, kwa vila wone yemilile, kopegwa chonolo cha ukomu Nguluwi yalagane na hewo walingumgana.

13 Whaani, yawele na luhala na nyhala hali hemwe? Lelo, yalajile mbuli yila kwa madito ga heye ganojile kuli majendo ga heye ganojile na kwa madito ga heye ga uliholile galingukoleka kuli uliholile na luhala.

10 Kota vila Maandiko Matakatifu vyogalingulonga,

"Yalingugana mazuwa menji,

na kona mazuwa ganojile,

yaulemeze umyango wa heye uleche kulonga gehile,

yelahe kulonga udesi.

11 Yewiche kutali na wihe, yadite ganojile,

yapale kikala goya na kibatilila.

6 Chila chilumbigwe chiwele chikomu chimtogole Mkulu Nguluwi.

Mumtogole Mkulu Nguluwi.

1 Hana mhela kwa chiwalo cha chila mbuli,

na kwa chila chilinguditigwa hasi ha ulanga.

16 Wone mibatilile malajizo ga Mkulu Nguluwi, Nguluwi wa hemwe, jila jondilinguwapani lehano, momgana Mkulu Nguluwi, Nguluwi wa hemwe na kuwinza nzila za heye, na kibatilila malajizo na mizilo ja heye, lelo mochikala na konjezeka, na heye Mkulu Nguluwi, Nguluwi wa hemwe, kowatambichiza kuli isi yomlinguluta kuihola.

12 "Wahulichize mhaza na mayako leka wikale na ukomu wa kulutilila kuli isi yondilingukupa heni Mkulu Nguluwi na Nguluwi wa hegwe.

10 Miyaka ja kikala ndo makumi saba,

ama wone tuwe na mong’ho, makumi nane,

ila geng’ha ndo magazo na kisinza.

Mazuwa gangupuluta himahima, natwe twangubilabila himahima.

4 "Gwa Mkulu Nguluwi, unzelese kuduma kwa heni,

mazuwa ga heni ga kikala gapona galinga,

ndivizele vyoulingukola himahima ukomu wa heni.

5 "Hambi kumbichila ukomu udo ng’hatu.

Ukomu wa heni hauwele chinhu hali hegwe.

Kukomya, chila munhu ndo kota lweselo hela.

6 Ndangukomya, chila munhu kangukola kota isisila,

mijito ja heye jeng’ha ja hihi hela,

kangukungajiza lufufu ne kuvizela whaani yohola.

12 Whaani yalingunojezwa na ukomu,

yalingugana mazuwa menji leka yagone ganojile?

13 Lelo, uleche kulonga gehile,

na kiwika kutali na kulonga udesi.

14 Wiwiche kutali na wihe, udite ganojile,

upale kikala goya na kibatilila.

31 Kuwa na mbuliza za usekulu ndo itaji lya ukulu,

lyangulawa kuli kikala kwa kutanganika.

19 Kota kumeho vyokulingiwona kuli mazi,

ndo munhu vyoyalingizela yuye mnhumbula.