A volta de Jesus
A volta de Jesus é uma das maiores promessas da Bíblia. Cristo prometeu que retornará em glória, e os cristãos vivem na expectativa desse dia triunfante.
A promessa do retorno
Jesus prometeu aos discípulos que voltaria. Os anjos confirmaram essa promessa na ascensão, e os apóstolos ensinaram que Ele virá com poder.
Ole ka Ada hin gboda nwashika, owoni olemani lo, nbi ya kadala. Nyya ga kyebetu dala. Kweyi ishini ngga kyebe tu dala, nyya kwikye wa kpala gebe ni, shini ala ga bagye kpami ebe ni nyyanu ni.
Ni okela kweyi ni, azo giso obutu wa; kweyi akpa yogwu amo kelo.
Akpiyi kwiso bama ishini Oyesu ya giso ni, kweyi ebebeni ama asepa sho oshiye nehe hagye buwa. Akamo, <<Ango ko Ogalili, ojiyala hagye ba miso? Oyesu ni ayo bize shala gipu kiso mani, ya kwikye yawa mamani byoni ala mo ya giso ni.
Aseni yolobene nu ikweyi kawoza mani ya kamo, <<Olemani kwokwoshi! Nyya wa papa!>>
Nalemani. Wa, Adole Oyesu!
Oyesu kamo, <<Ala pwo! Nyya wa papa! Abola hin yo kpami, ko dananoho ikweyi koza ni oya ni.
Os sinais e o momento
Ninguém sabe o dia nem a hora. Jesus alertou sobre falsos sinais e nos chamou à vigilância constante, pois Ele virá como ladrão na noite.
<<Ashishe gye eno kwe ishi oni lo, kwa ayoleho ko Owuso ni bi iso ni, kwe Oyi lo, ke sa Ada nu fufunu. <<Byoni ogbodagye ishi ko Onuhu ni, mamani oki ya gbodagye ishi ko wowa ko Oyi ka Asuse. Ishi oni, ome inyo nawa ye ese re, ase ba roza ba gwinyi. Ango ba gbanya, aba bya anya go oda ko oba, gbi ishini Onuhu gipu ko owu; ashishe gyo oza ni ya gbodagye ni lo gbi ishini inyo wa yuwa pe ga. Oya lemani ishini Oyi ka Asuse ya kwikye ya wa ni.
<<Ashishe gye eno kwe ishi lo, ka ayoleho ki ipu ki iso kwe Oyi gye lo, ke sa Ada fufunu.
Nabani ayene, ela kishi kpe eno ashu ko ta dala ke lo ikweyi kawo oza ni bawa gbodagye ni, koni ala gye mo eno ka Adole ya wa byowi yawa otu ni. Ishini ase ba ka mo, <<Aba bagye ko mene kpo otu shosha.>> Kweyi owe wa tawa wo gyogye wa lo, byoni ose koma ya lonya ni bifu ni, aki ba gbo owe ko bose lo.
<<Mani oni, ala gbera! Ikweyi koni ala gye eno ni Adole kala ya kwikye ya wa ni lo. Nyya yimu shini ala gyo mo: Owoni adole ya gyi ishini owi ya wo ole nu otutehe ko otu ni, obi ya gbeho kole nu, obi ya kyogwu shini owi na go ole nu lo. Ikweyi koni ala bagye kpe era. Oyi ka Asuse ya wa ishini ala ba gye lo ni.
Aba ba ala ayene, ikweyi ko wowa ka Adole Oyesu Okristi omani wi ikweyi ko ogbayi ka shini ahan yo kpa anu. Nyya bala ayene mala ka byotu ikweyi kela ni aba ka ni lo, maha bane, kwe aha tono, kwe aha ta ipu ko okpa mo Eno ka Adole kwobonu wa wa. Ashishe na ka gyala egya ebyibye lo. Ikweyi koni eno ni ya wa lo gbishini eno ko onu wa. Ebeni ase bibi ya bose ese kweyi ya gola. Ase bibi oni ya tela kela ko Owuso kpo oza ni ase ma mo oshoshi ni. Oya kiyinu kweyi ya manu wose kojoji. Oya ga yagye ole ko Owuso kweyi ya ziyi nu manu wo Owuso.
A glória da segunda vinda
Cristo voltará nas nuvens, com poder e grande glória. Os mortos em Cristo ressuscitarão, e os vivos serão arrebatados para encontrá-lo nos ares.
Koni Adole abiyinu ya sa bwi iso, ya zoko loshu loshu, kpo oko nyaku ko oyoleho, kpa ajigwo ko Owuso, awase ni gekwu ipu ko Okristi ni ba nyiso ikyikyo. Itikpi koni, aha ni biyi ni, aba kpaha gbayi kpawa dudu ipu ka akpa, shini agbayi kpa Adole ipu ki iso. Aba bagye kpanu ko gbogbo-gbogbo.
<<Ipu ka aweno ni ke, itikpi ko owe ni, aba ye eno ya dibu, kweyi oya ya yu lo; inyiwo ba shonu bwa akpa, kweyi oza ni bi ipu ka akpa ni ba ja.> <<Ipu ki ishi oni, ase ba mo Oyi ka Asuse ya wa bwi ipu ka akpa kpo oshu kpo igyashi. Kweyi oya ta ayoleho nu oleho kweyi ya wa kpa awase ni oshu ni tukpa bwa agyi ene, bwe eji kese ge eji ki iso.
<<Ishini Oyi ka Asuse ya wa ipu ko igyashi nu kpa ayoleho ko Owuso, oya wa yagye ebe nu ipu ko igyashi ki iso. Kpiri ko okpagye kese mani ba wa gbayi obutu nu, kweyi oya ya asuse ya ko oyoye byoni inogwobize ya ko otukpo kpi ikpowu ni. Oya kpo otukpo ya shabore nu, kweyi ikpowu ya shaboshe nu.
Ebeni nmi iso gwa, kweyi nmo onya nehe. Inoso ayogwu mo otuse kpo okwokwoshi; oya kepwo nu kpo okwokwoshi kweyi oya kpefu nu. Iyi nu gola byi igbenu ko ola, kweyi olo otu nwashika ikweyi nu. Atiye ikpiye nu, ashishe gyikweyi kiye ni lo, anu fufunu pini gye la. Oshiye ni oshu ni gbo oyi nwashika. Aba yogwu mo, <<Ela ko Owuso.>> Awadakare ki iso ni sonya nehe kweyi gboso, asho oshiye nehe purututu. Ewakpa rore, ni oya yo oko kpa anu ko kpefu ro okpagye shishini bose okwunu nu. Oya kpuwogwu kpo otu obibi nu, kweyi oya pyinyi obutu ko Owuso, inyi ka anya Owuso ine koshu kpiri. Oshiye nu kpa atakwu nu otiye anu mo: <<Ose ka awose kpa Adole ka awa Adole.>>
Ase ni yi iweyi hin kpe ela hin, Oyi ka Asuse ya yi iweyi nu ishini oyawa ipu kigyashi nu kpigyashi ka Ada kpa aka ayoleho sere.
Vivendo na expectativa
A certeza do retorno de Cristo nos chama a viver em santidade, aguardando novos céus e nova terra onde habita a justiça.
Ayene hin moshi, nyya yimu shini ala ka nwanyi kpoza mani lo, ebe ka Adole eno oye le bya ashayi okpakwu oye kweyi ashayi okpakwu oye le bye eno oye. Adole ya kwasu ko yoza ni oshokoyi byoni ase shishini ba ma mo owe ni la lo, oke gbotumene kpala la, ikweyi koni oya yimu shini ashishe kala na ka gekwu lo, oke ya yimu shini ase kpiri na shagbotu. Eno ka Adole ke yawa byo owi. Eno oni iso ya gebi kpo egba ngmongmo loshu-loshu, ola ya yawoza kpiri ni biso ni yi kweyi ese kpoza ni banu kpiri ni ba gebi.
Koni aba yojoji ya yishi mani, edo kasuse wonya ni ala shu ko owe? Ala shu ko bagye neshi kweyi yoza ni Owuso ya yimu, byoni ala ba gbeyi ke Eno ko Owuso ni kweyi ala takirikwu shala yo na wa papa, Eno ni iso kpiri ya wa yola, kweyi ola ya yawoza ni biso ni sa kpiri. Aha ke ba gbeyi koza ni Owuso shokoyi ni: iso pepe kpo okpagye pepe, ole ni ase ba yoza neshi ni.
Byoni aya asuse ko gekwu igboye kpokponu ni, itikpi koni we epwo koka ko Owuso. Mamani ayo Okristi peshi igboye kpokponu shini ona yo ozalabi kase nwashika bize. Oki ya bose ko omwepa, ko zo ozalabi lalo, ke wa ko ngmawase ni ba gbeyi nu ni olayi.