A volta de Jesus
A volta de Jesus é uma das maiores promessas da Bíblia. Cristo prometeu que retornará em glória, e os cristãos vivem na expectativa desse dia triunfante.
A promessa do retorno
Jesus prometeu aos discípulos que voltaria. Os anjos confirmaram essa promessa na ascensão, e os apóstolos ensinaram que Ele virá com poder.
A siki gizi Adaa na laki ma nyowa; nde e ma yomu aba, da Ni gye ku. Na te de ni gyala anya sobon ku. A beyi de ni te gyala ku anya, Na zo de ni la ku te anya na, de kuma anya ni nja ni du.
A beyi de Yesu pala mbo mu, Aworo Mirikisi la yi ta bisi, se gidagida ripe yi su sakye geni yi kuma ba.
De nsubiya yi sa ndani kone a gidagida de yaa ta bisi, se dandani ntani bi sakisi a keteri asu nja keyi peri. Se su nkye, <<Oku ntani Galiliya>> <<Mina sa de ku sakisi anya mu ku ma kone bisi? Yesu de su la yi bila ku ta siki bisi, yaa kuma zo yiride ku geni yi ma te a siki bisi.>>
Nsude beyi sheeda ni mbo woromu guru nkye, <<Gaskye! Na dede ba na zo!>>
Ema yomu. zo, Obagizi Yesu!
Yesu pala nkye, <<Ku zi>> <<Yaa dede ba na zo, ni nani wuta na, na ba konwawa kyakya mbode yi.
Os sinais e o momento
Ninguém sabe o dia nem a hora. Jesus alertou sobre falsos sinais e nos chamou à vigilância constante, pois Ele virá como ladrão na noite.
<<Nse daa shina nana ko kwanki ni ba, ko meleku de su ma a bisi ko Yaa, sede Adaa e shina kin shina. Nta yiri de e paru a kwanki Nuwu, yomuna yaa paru nana zo ni Yaa nsebeki. Nana de e ma kami kwanki de riki yaa zo juru anya guru, ntani sua si nja sha, sua yi amere nja beyi mase amere, ari nana de Nuwu yuru A kwanto; nja su shina mbodaa a kiya mbode yaa paru ba ari riki zo la su guru te. Yomuna yaa te paru kwanki de Yaa Nsebeki yaa zo.
Sede nseda shina nana ko woni kwanki na yaa zo ba, ko meleku ni bisi, ko Yaa, sede adaa ndandaa yi kin.
Kuzukam, yayuwa, a kiya kwanki nja nana mu e kamata de mu rubuta ku nshi ba, sobon ku rigye shina guru nkye nana ni Obagizi yaa zo kankye bolowa ndederi. Kwanki de ntani su ma pala nkye, <<mwa yi zunwa selema nja mwa yi zunwa lapiya>> dandani alaka yaa zo a kiya su, yiride zapi yapu yaa ka mase nsu siki, sua taba sila ba.
<<Nkaa yomu kuma a kiya kone, sobon ku shina kowoni nana na Obagizi aku yaa zo ba. Nde nsugizi shina ko woni kwanki na ndederi bolowa yaa zo, yaa man shiri yaa bila gizi e yi wokye de bolowa e te yuru a siki e yi ba. Nkaa yomu oku ma se ku zunwa nshiri, sobon Yaa nsebeki yaa zo kwanki de ku shina nkye yaa zo ba.
Yayuwa na, mua so de mu gye ku beta a kiya ni kuma zo ni Obagizi mu Yesu Kiristi nja tala amu de mu gomu nja e shi, mua ologba ku yayuwa, Kede dishiya ku e dege a kiya worosu su mbo mamanki, ko takada de e ma kankye e butu anya mu na, de yaa pala nkye nana ni Obagizi rigye zo wo. Kede ku yeda de nseda e shirigye ku a kowoni turiki, sobon a nana ni Obagizi yaa zo ba se ntani su yi gabo tuku seleki gabo mere biya doka yaa pelesa, nseminji mu Mirikisi yaa alaka e yi nsu gabo mu yaa yi geba nja Mirikisi yaa kuma ba kiya yi girima a kiya guru mbode sua sukwa Mirikisi ko bowuta e yi, ari yaa zunwa a laki lepa ni Mirikisi, yaa la kiya yi kankye e ma Mirikisi la.
A glória da segunda vinda
Cristo voltará nas nuvens, com poder e grande glória. Os mortos em Cristo ressuscitarão, e os vivos serão arrebatados para encontrá-lo nos ares.
Mu beigaskye Obagizi nkiya yi e yi yaa sonka dege bisi, nja sukwa nsu sori, nja murinya totolo ni meleku nja wula koho ni Mirikisi, worede su muntu a siki ni Yesu na sua para dege a kumsha. A beyi yomu, omu de mu man leyi de su bila mu sori Mirikisi yaa la mu yere nja su a siki ni gidagida de mu gomu nja Obagizi a bisi. Yomu na mua ma nja Obagizi gbogbo.
<<Sede a nana ni, a beyi Genbeki mu. <<<Nana yaa yi dopuwa, wonta yaa beyi asikye yi ba; kemu yaa puari dege bisi, sua kuma zizika yiko ni bisi. <<A kwanki ni ntani sua geni Yaa nsebeki de yaa zo a siki a gidagida nja totolo sori nja girima. Yaa saka meleku yi de su tala guru worede su zabi su dege keteri ni durinya guru, dege karishe ni durinya zo te a karishe ni bisi.
<<Nde yaa nsebeki zo a siki girima, nja guru meleku e yi, yaa zunwa a kingbolo solota gizi bisi ni girima e yi. Guru kesa ni durinya sua tala a geba e yi, anya ni e shi yaa laba ntani mbombom dege nki asu, kankye yiride nsu kiwo yaa laba timshiya dege akuya. E shi yaa sa timshiya a nani dama e yi yaa sa akuya a nani guni e yi.
Ni geni bisi bure, ayan ni geni peri doki. Nsu nunwa yi su ma sukwa yi nsu aminshi nja nsu gaskye; e mayi shiriya gangasi nja yanki yi. Ndani yi ema kankye arishiya wuta de ma si, e yi lende nyowa a kiya yi. De su rubuta seni asiki yi de nseda shina ba sede e shi dandaa na shina. Riga de e sa juku ni zini. Seni yi ma <<kelima ni Mirikisi.>> Shoja yanki bisi su ma biya e yi, su ma a kiya doki peri nja su sa keikei lilin peri sere. A baki yi obalaba de ma yi sisi butu, de yaa yi ampani nshi e juru kesa durinya. Yaa yi solota a kiya su ni gwala keripi, yaa tataka yaya inebi anya de su ma tapi inebi ni anwashi Mirikisi nsu girima. A siki keyi nja shiriya yi su rubuta seni mu: <<Seleki ni nsu seleki nja Obagizi ni nsu obagizi.>>
Du nsude zi kumnya naa nja beta na, Yaa Nsebeki ma yaa zi kumnya e yi kwanki de e zo a siki girima e yi nja girima ni Adaa e yi nja ni meleku nsuseki.
Vivendo na expectativa
A certeza do retorno de Cristo nos chama a viver em santidade, aguardando novos céus e nova terra onde habita a justiça.
Yayuwa na de mma so: kede ku mosi mbo ndandaa mu, nana daa anya Obagizi ema kankye shekera dubu daa la, shekera dubu daa ema kankye nana daa la. Obagizi yaa ki seberi ni sika anikowori ba, yiride worosu su ma kone lesa seberi Mirikisi, sede yaa kadishiya pekye ku, sobon yaa bila de kede nseda e bebeta ba, sede yaa so de guru ntani su juyi bila lepi asu.
Sede nana ni Obagizi yaa zo kankye bolowa la. De bisi yaa beta ni totolo kuruwa; Guru mbode ma a bisi yaa bebeta ni wuta nja guru mbode ma a siki durinya sua beta.
Tunde Mirikisi yaa juru guru mbo woromu yomu, woni yiri ntani na e kamata de ku ma? Se mu yi zunwa seki nja zunwa ali de jima Mirikisi. Yiride mua sa ndani pekye nana zo ni Mirikisi nja de mua yi kokori de mu sa nana mu de e zo seberi, nana de Mirikisi yaa juru bisi ni wuta, nja guru mbode su ma a siki bisi nja kisi sua nyeleka ni dimi wuta. Sede a siki anikowori Mirikisi: mua sa ndani pekye sabuwa bisi nja kisi, gizi anya de ntani gangasi sua zunwa.
Konse e ma dole na e muntu sen daa, a beyi nsum Mirikisi yaa yi shiriya, Yomuna Mirikisi munka Kiristi sedeka son daa de e la lepi ntani nyowa; Yaa kuma zo ni bi, ba yaa zo de e la lepi na ba, sede e sila ni worede sua pekye yi.