A volta de Jesus
A volta de Jesus é uma das maiores promessas da Bíblia. Cristo prometeu que retornará em glória, e os cristãos vivem na expectativa desse dia triunfante.
A promessa do retorno
Jesus prometeu aos discípulos que voltaria. Os anjos confirmaram essa promessa na ascensão, e os apóstolos ensinaram que Ele virá com poder.
Apei ki ga kibungdung kekiee ge bam. Dede Iciu melie cai au, Ih nnui dage ranggai beu dizie nage, Kedanemene Ih au nnui ziemne heni ge mtei beulai eh bam. Ih mie eh nnui ziemne heni ge mtei lude, Ih cailigwang daizie nah akatei nnuide ngngwa luzie, iciu eh nnuide Ih kebam ga bam luzie.
Pa aidungde rang kedicai, penui ngangcuh pie kebamdau, pecu ngngwa cuhdi, nah hemwa gene penui miakngau gade pecu sung teudi. Pa nghang kecu penui tinggimle pie lingci eh kebamdau, zette, mi hangna penai nia keha teulwe penui taiga sapdi. Penai rangdi, "Galileeme peidung, daitei nnui tinggim pie eh sap bamno? Nnui dade tinggim ga ngngwa nghang kedi Jisu aipaude, pa tinggim nghang kedi nnui kengau kesiakge cailigwang daizie."
Ma aidungde zierang tei kegaibe rangla, "Yeo! Ih kelwa gwangla da." Amen! Gwanglu, Rampau Jisu!
"Ainie! Ih kelwa gwangla da, nah a ziehidung au a da la, hangge ge kecude pe bata rehi gade ziehi pwapeu kerane.
Os sinais e o momento
Ninguém sabe o dia nem a hora. Jesus alertou sobre falsos sinais e nos chamou à vigilância constante, pois Ele virá como ladrão na noite.
Migede petingba nah pebamdakkak cima
Dede cipau tingba nah pe bamdakkak de migede cima, tinggimgwame de nah Nabe de, Apei rünne gwale. Noah tingdau nzwa, Mina Nabe kegwang daude cinzwa zie. Kedanemene cipau tingdau, duinai kegwang dwa, penui matyei nah sak bam, nah henautei hemeumeu bam, Noah liem ga nlüt kecu benai kecang, nah duinai gwang penui pelane de tiapung tetdi kemaktane penui magede cima, Mina Nabe kegwang dau de cinzwa zie.
Tingba nah bamdakkak cima
Dede cipau tingba de nah pe bamdakkakbe au migede cima, tinggim ga tinggimgwame de, mede Nabe liede, dede Peibe rünne ci.
Cu sinamedung, peting nah pehidung ziemne, anui nnui dage magede raugai maikesia ge meda. Kedanemene Rampaube caili kegwang tingba au keregame ge tingmui ne gwang kela nzwa gwang kera nnui ci hemisüt bam. Minadung, "Kezuyi nah lungciep bam," de rang kebamdau, zette kengkap, mipui tetlak kelame hena tedteei teei gwang kela nzwa penuida gwang zie. Nah penui madaude pak gailak.
Ciziemne nnui mriak bam lulo, kedanemene nnui Rampaube daipau nai gwang zie bi nnui ci melu. Dede aide cilu, ki mpaube keregabe daipau tingdau gwang zie bi kecu ci liecai, pa kwabam zie nah peu pe ki mide raklüt lak. Ciziemne, nnui de mtei lwe bamlu maisia, kedanemene Mina Nabe nnui cet mene kebam bamdakkak ga gwang zielu.
Hezaikegah minabe
Sinamedung, anui Rampaube Jisu Khrista caili kegwang ha nah anui gwang ngkwa eh pecu nzang bamdi kera hade anui nnui dade kiela, Rampaube caili kegwang tingba gwang bam dida de rabe gade, mede samlia gade, mede laisiu anui dade gwanglie kecu gade kerang dene nnui kecet kebwakdi mede nnui lung keherei diso. Peu migede de ma kehei gade nnuide cwa diso. Kedanemene ma kehebwak, nah hezai mzai kemakbe, kengkap nabe de mi miakngau tei gwang kemakdwa, cipau tingba de gwang laklu. Pa renia cuh zie nah Tinggwang lie qukelame de recakela leu reu pekatei pecu kailu zie. Ciciu eh, pa Tinggwang kerecaki ga lütbam zie nah pa pekatei pecu Tinggwang lie zie.
A glória da segunda vinda
Cristo voltará nas nuvens, com poder e grande glória. Os mortos em Cristo ressuscitarão, e os vivos serão arrebatados para encontrá-lo nos ares.
Rampaube tinggim gade nghung zie. Pa ma sahbak gai eh gwang zie, tinggimgwame kedibe aja kai gaizie, nah Tinggwang teluibe kwagai zie, nah Khrista da la eh tsaikedime ringcuh raizie. Pecai anui ring kebamme, bang kelume, penuide ngngwa nghang hemwa gade keu ncütlwe tingkai gade Rampaube de redau zie. Iciu eh anui Rampaube de ngngwa lamui dizie.
Dede cipau tingdau, keherei kelu cai,
tingnaimiak mui dizie,
nah hekei pe kebaa peuta dizie;
hegidung tingkam gade cakmie bam dizie,
nah tinggimdung ga kengkieng kebamdung de de teukelai dizie.
Pecai Mina Nabe hemwa gade kengkieng nah kendu teu eh gwangkela nnui ngau dizie. Pecai pa tinggimgwame de langgai zie nah pa kedetkelume de tingkai mdai gade, kideutu nli gade tingkam nli kecang hekwalu zie.
Meurün nah Hemeu
Mina Nabe hecili eh pe tinggimgwame de ngngwa eh kegwang dau, pa hegwangbam kendu ga bamzie. Pe dwaga heleuh leune gwang ngkwa zie, nah pa mina de keu ntsam dizie, meurün kekwabe meurünna de hemeudung kakgade keumpet camdi kela nzwa. Pa meurünna de pe ba zetle ge kaizie, dede hemeudung de au pe hile ge kai dizie.
Hekwen keha reu cwakelabe
Pecai Ih tinggim ngkei eh ngau, nah cika hekwen keha ge bam. Pereu ga cwakelabe de kesamsang nah kesangbe lie qu, nah pa kesamsang teu hetutiak nah regila. Pe miak au miheu nzwa, nah pe peu ga hegwangpeurwadung kekiee ge bam. Pa hezi ge pe peu ga rau pungla, cide pa gwale migede ci ma. Pa pai hejai gage mpung keluge bahla, nah pecu qu kela zi cai Tinggwang Sambe. Tinggim reugwamedung langcim pai keyi, keha nah mcigi ge bahlwe hekwendung keha gade pecai suila. Pemui gade kingtie pemui keyi ge pet, iciu eh pa cide teu heleuhdung de bilu kerane, nah pa hegeutie ge teu penui reu dizie. Pa Ngkiengtube Tinggwang lunghop kesia zauniakbam gade zau dau mpet zie. Pe pai ga nah pe mnie gage hezi: "Hegwangme reu Hegwangbe nah kengkieng keteume reu Rampaube," de eh rau pwala.
Kedanemene keheibe de a ziemne nah a samdung ziemne ngngam di cai, Mina Nabe de pe kendu nah Peibe nah kemci tinggimgwame hecili eh kendu teu kegwang benai cipaude ziemne ngngam dizie.
Vivendo na expectativa
A certeza do retorno de Cristo nos chama a viver em santidade, aguardando novos céus e nova terra onde habita a justiça.
Dede mage nsungta diso, akumedung, Rampaube dwade au tingnaige de mmi cangge nzwa, nah mmi cangge de tingnaige nzwalie. Midungge cet kela nzwa eh Rampaube au pe sampetdung teibeu kera nneu lama. Meliene, peu nnui migede de kapdi neu mene nnui dade pe lungtie bamla. Dede pelane de penui mau gade nreudi neula. Iciuliede, Rampaube cailikegwang tingba keregame ge nzwa gwangzie, iciu eh makwa ge sahbak eh tinggim gah dizie. Dede Tinggim pumgimdung mi ne ru dizie, nah kideube nah pe reuga heta leune de liagai dizie.
Aiciu eh ma aidung pelane ngkap dizie nnui mina daikenzwadung ge lu maisia no? Nnui zai mci nah masang lu, Tinggwang cailigwang kera tingba de regui nah kelwa eh kwa bamlu, cide ziemne tinggimdung mi ne ngkap dizie nah tinggim pumgimdung kelum ne teisui dizie. Dede anui pe sampet kai kebeude nzwa eh, anui makesang lungh kera tinggimdung keheci, nah kideu keheci ge kwa bam.
Mina de peu piage tsai eh pecai tutiak ga gwang kera riem kebeu nzwa, cide nzwa, Khrista de piage mina kekiee maudung gibeu zielie pe pum kaibeu, delwe pia pe kenabe gwang daizie, kemau ha ziemne ma, dede pecu regui eh kwa kebamme de kelilu kera ziemne.