1 N ye ai madiyala ko fɔlɔ mɛn na, ai ye Alla madiya, ka a matara, ka Alla matara mɔɔilu yɛ, ka baraka bila a yɛ mɔɔ bɛɛ la ko rɔ, 2 mansailu ni ɲɛmɔɔilu bɛɛ, kosa an na dunuɲaratɛɛ ye kɛ jususuma ni hankilila ri an yɛ, Alla lɔn ni gbiliya rɔ. 3 Ko ɲuma le wo ri mɛn bɛnnin Alla ɲakɔrɔ, an nakisila, 4 mɛn ye a fɛ mɔɔilu bɛɛ ye kisi, a ni ii bɛɛ ye na tuɲa lɔnnin dɔ. 5 Baa Alla kelen pe le a ri, a ni kumalataaminna kelen pe Alla ni mɔɔilu tɛma, mɛn kɛni adamaden di Isa Ɲenematɔmɔnin, 6 mɛn ka a jɛrɛ di mɔɔilu bɛɛ kunka fen di, mɛn kɛra sereya ri a waati rɔ. 7 Wo le rɔ, nde jɛrɛ suwandinin tɛrɛ talibidenba ni kawandi bɔla ri a ni karanmɔɔ mɛn ye siyailu karanna lemɛniya ni tuɲa la. N ye tuɲa le fɔla, wuya tɛ mɛn di.

8 Wo le rɔ, n ye a fɛ cɛɛilu ye Alla matara yɔrɔ bɛɛ rɔ, ka ii bolo sɛnimanilu kɔrɔta Alla yɛ. Duɲa ni sɔsɔli ye bɔ ii tɛma.

9 Wo ɲa ma, musoilu ye ii masidi a ɲuma la kolo ni jɛrɛ sutura rɔ. Ii kana ii jɛrɛ lakeɲa ii kun danni ni sanin ni koron kisɛilu ni faanin dagbɛlɛnilu la. 10 Kɔni ii ye kenɲa ii kɛwali ɲumailu rɔ, ikomin a bɛnnin musoilu ma ɲa mɛn ma mɛnilu ye a fɔla ko ii ye Alla gbiliyala. 11 Musoilu ye karan sabari ni kolo bɛrɛ la. 12 N tɛ sɔn muso ye kɛ dina karanmɔɔ ri, wala fanka sɔrɔn cɛɛ ma. Kɔni, a ye sabari. 13 Ka a masɔrɔn N Benba Adama le fɔlɔ danda, wo kɔ rɔ N ma Hawa. 14 Baa n benba Adama ma lakunfan, fɔɔ a la muso. A la lakunfan ko rɔ a kɛra julumuntɔ ri. 15 Kɔni Alla ye musoilu lakisila ii la den sɔrɔn dɔ, ni ii tora lemɛniya ni kaninteya ni sɛninya ni kolo rɔ.*