17 अर परमेसवर नै उन च्यांरु जवान्‍नां ताहीं सारे शास्त्रां, अर सारी ढाळ की विद्या म्ह बुद्धिमानी अर माहिरता दी; अर दानिय्येल सारे ढाळ के दर्शन अर सपन्यां के मतलब का ज्ञान्‍नी होग्या। 18 फेर जितने दिन कै बाद नबूकदनेस्सर राजा नै जवान्‍नां ताहीं भित्तर ले आण का हुकम दिया था, उतने दिनां के बीतण पै खोज्यां का प्रधान उननै उसके स्याम्ही लेग्या* 19 अर राजा उनतै बातचीत करण लाग्या; अर दानिय्येल, हनन्याह, मीशाएल, अर अजर्याह के लायक उन सारया म्ह तै कोए ना ठहरया; इस करकै वे राजा कै स्याम्ही हाजिर रहण लाग्गे।