12 उस बखत, यानिके जिस दिन यहोवा नै एमोरियां ताहीं इस्राएलियाँ कै वश म्ह कर दिया, उस दिन यहोशू नै यहोवा तै इस्राएलियाँ के देखदे इस तरियां कह्या,
"हे सूरज, तू गिबोन पै, अर हे चाँद, तू अय्यालोन की तराई कै उप्पर थम्या रहो।"
13 अर सूरज उस बखत ताहीं थम्या रह्या;
अर चाँद उस बखत ताहीं ठहरया रह्या,
जिब तक उस जात के माणसां नै अपणे बैरियाँ तै बदला ना लिया।
के या बात याशार नाम की किताब10:13 याशार नाम की किताब या पूर्वजां के युद्ध के गीतां की किताब सै म्ह न्ही लिक्खी सै के सूरज अकासमण्डल कै बीचो बीच ठहरया रह्या, अर लगभग च्यार पैहर10:13 च्यार पैहर पूरे दिन का मतलब दिन के बाराह घन्टे ताहीं न्ही डूब्या? 14 ना तो उसतै पैहल्या कदे कोए इसा दिन होया अर ना उसकै बाद, जिस म्ह यहोवा नै किसे माणस की सुणी हो; क्यूँके यहोवा तो इस्राएल की और तै लड़ै था।