यहोशू 15

यहूदा की भूमि

1 यहूदियाँ के गोत्र का हिस्सा उनके कुलां कै मुताबिक चिट्ठी डालण तै एदोम की सीमा ताहीं, अर दक्षिण की ओड़ सीन के जंगळ ताहीं जो दक्षिणी सीमा पै सै ठहरया। 2 उनके भाग की दक्षिणी सीमा मृत सागर के उस सिरे आळे कोल तै शरुआत होई जो दक्षिण की और बड़ी सै; 3 अर वो अक्रब्बीम नाम की चढ़ाई के दक्षिणी और तै लिकड़कै सीन होन्दे होए कादेशबर्ने के दक्षिण की और नै चढ़ ग्या, फेर हेस्रोन कै धोरै हो अद्दार नै चढ़कै कर्काआ की और मुड़ ग्या, 4 ओड़ै तै अस्मोन होन्दे होए वो मिस्र के नाळे पै लिकड्या, अर उस सीमा का अन्त भूमध्य-सागर होया। थारी दक्षिणी हद याए होवैगी। 5 फेर पूर्वी सीमा यरदन के मुहाने ताहीं ए ठहरया, अर उत्तर दिशा की सीमा यरदन नदी के मुहाने कै गैल के मृत-सागर की खाड़ी तै शरुआत करकै, 6 बेथोग्ला नै चढ़दे होए बेतराबा के उत्तर की ओड़ होकै रूबेनी बोहन नाम के पत्थर तक चढ़ ग्या; 7 अर वाए सीमा आकोर नाम की तराई तै दबीर की और चढ़ ग्या, अर उत्तर नै होन्दे होए गिलगाल की और झुकी जो तराई के दक्षिणी ओड़ की अदुम्मीम की चढ़ाई कै स्याम्ही सै; ओड़ै तै वो एनशेमेश नाम के चोए कै धोरै पोहचकै एनरोगेल पै लिकड्या; 8 फेर वाए हद हिन्‍नोम के बेट्टे की तराई तै होकै यबूस (जो यरुशलेम कुह्वावै सै) उसकी दक्षिण की ओड़ तै बढ़दे होए उस पहाड़ की चोट्टी पै पोहच्या, जो पश्चिम की और हिन्‍नोम की तराई कै स्याम्ही अर रापाइयाँ की तराई के उत्तरी सिरे पै सै; 9 फेर वाए सीमा उस पहाड़ की चोट्टी तै नेप्तोह नाम के चोए नै चल्या गया, अर एप्रोन पहाड़ के नगरां पै लिकड्या; फेर ओड़ै तै बाला नै (जो किर्यत्यारीम भी कुहवावै सै) पोहच्या; 10 फेर वो बाला तै पश्चिम की ओड़ मुड़कै सेईर पहाड़ तक पोहच्या, अर यारीम पहाड़ (जो कसालोन भी कुहवावै सै) उसकी उत्तरी और तै होकै बेतशेमेश ताहीं उतर ग्या, अर ओड़ै तै तिम्नाह पै लिकड़या; 11 ओड़ै तै वो सीमा एक्रोन की उत्तरी और कै धोरै होन्दे होए शिक्‍करोन गया, अर बाला पहाड़ होकै यब्नेल पै लिकड्या; अर उस सीमा का अन्त भूमध्य-सागर का तट होया। 12 अर पश्चिम की हद भूमध्‍यसागर*15:12 भूमध्‍यसागर महासमुद्र का तट ठहरया। यहूदियाँ नै जो हिस्सा उनके कुलां कै मुताबिक मिल्या उसकी च्यांरु और की सीमा याए होई।

13 अर यपुन्‍ने के बेट्टे कालेब ताहीं उसनै यहोवा के हुकम कै मुताबिक यहूदियाँ कै बिचाळै हिस्सा दिया, यानिके किर्यतअर्बा जो हेब्रोन भी कुह्वावै सै (वो अर्बा अनाक का पिता था)। 14 अर कालेब नै ओड़ै तै शेशै, अहीमन, अर तल्मै नाम के, अनाक के तीन्‍नु बेट्यां ताहीं लिकाड़ दिया। 15 फेर ओड़ै तै वो दबीर के निवासियां पै चढ़ ग्या; पूर्वकाल म्ह तो दबीर का नाम किर्यत्सेपेर था। 16 अर कालेब नै कह्या, "जो किर्यत्सेपेर नै मारकै ले ले उसतै मै अपणी बेट्टी अकसा नै ब्याह दियुँगा।" 17 फेर कालेब के भाई ओत्नीएल कनजी नै उस ताहीं ले लिया; अर उसनै उसतै अपणी बेट्टी अकसा ब्याह दी। 18 जिब वो उसकै धोरै आई, फेर उसनै उसके पिता तै कुछ धरती माँगण ताहीं उभारया, फेर वो अपणे गधे पै तै उतरी, अर कालेब नै उसतै पूछ्या, "तू के चाहवै सै?" 19 वा बोल्‍ली, "मन्‍नै आशीर्वाद दे; तन्‍नै मेरे ताहीं दक्षिण देश म्ह की कुछ धरती तो दी सै, मन्‍नै पाणी के चोए भी दे।" फेर उसनै उप्पर के चोए, नीच्‍चै के चोए, दोन्‍नु उस ताहीं दिए।

20 यहूदियाँ के गोत्र का हिस्सा तो उनके कुलां कै मुताबिक योए ठहरया।

21 यहूदियाँ के गोत्र के किनारे आळे नगर दक्षिण देश म्ह एदोम की सीमा की और ये सै, यानिके कबसेल, एदेर, यागूर, 22 कीना, दीमोना, अदादा, 23 केदेश, हासोर, यित्नान, 24 जीप, तेलेम, बालोत, 25 हासोर्हदत्ता, करिय्योथेस्रोन (जो हासोर भी कुह्वावै सै), 26 अर अमाम, शेमा, मोलादा, 27 हसर्गद्दा, हेशमोन, बेत्पेलेत, 28 हसर्शूआल, बेर्शेबा, बिज्योत्या, 29 बाला, इय्यीम, एसेम, 30 एलतोलद, कसील, होर्मा, 31 सिकलग, मदमन्‍ना, सनसन्‍ना, 32 लबाओत, शिल्हीम, ऐन, अर रिम्मोन; ये सारे नगर उनत्तीस सैं, अर इनके गाम भी सैं।

33 तराई म्ह ये सै यानिके एश्ताओल, सोरा, अश्ना, 34 जानोह, एनगन्‍नीम, तप्पूह, एनाम, 35 यर्मूत, अदुल्‍लाम, सोको, अजेका, 36 शारैंम, अदीतैम, गदेरा, अर गदेरोतैम; ये सारे चौदाह नगर सैं, अर इनके गाम भी सैं।

37 फेर सनान, हदाशा, मिगदलगाद, 38 दिलान, मिस्पे, योक्तेल, 39 लाकीश, बोस्कत, एग्लोन, 40 कब्बोन, लहमास, कितलीश, 41 गदेरोत, बेतदागोन, नामाह, अर मक्‍केदा; ये सोलह नगर सैं, अर इनके गाम भी सैं।

42 फेर लिब्ना, एतेर, आशान, 43 इप्ताह, अश्ना, नसीब, 44 कीला, अकजीब अर मारेशा; ये नौ नगर सैं, अर इनके गाम भी सैं।

45 फेर नगरां अर गाम समेत एक्रोन, 46 अर एक्रोन तै लेकै भूमध्‍यसागर ताहीं, अपणे-अपणे गामां समेत जितने नगर अश्दोद की ओड़ सैं।

47 फेर अपणे-अपणे नगर अर गाम समेत अश्दोद अर गाज़ा, बलके मिस्र के नाळे ताहीं अर भूमध्‍यसागर*15:47 भूमध्‍यसागर महासमुद्र के तट ताहीं जितने नगर सैं।

48 पहाड़ी देश म्ह ये सै यानिके शामीर, यत्तीर, सोको, 49 दन्‍ना, किर्यत्सन्‍ना (जो दबीर भी कुह्वावै सै), 50 अनाब, एश्तमो, आनीम, 51 गोशेन, होलोन अर गीलो; ये ग्यारह नगर सैं, अर इनके गाम भी सैं।

52 फेर अराब, दूमा, एशान, 53 यानीम, बेत्तप्पूह, अपेका, 54 हुमता, किर्यतअर्बा (जो हेब्रोन भी कुह्वावै सै, अर सीओर;) ये नौ नगर सैं, अर इनके गाम भी सैं।

55 फेर माओन, कर्मेल, जीप, युत्ता, 56 यिज्रेल, योकदाम, जानोह, 57 कैन, गिबा, अर तिम्‍नाह; ये दस नगर सैं अर इनके गाम भी सैं।

58 फेर हलहूल, बेतसूर, गदोर, 59 मरात, बेतनोत अर एलतकोन; ये छः नगर सैं अर इनके गाम भी सैं।

60 फेर किर्यतबाल (जो किर्यत्यारीम भी कुह्वावै सै) अर रब्‍बाह; ये दो नगर सैं, अर इनके गाम भी सैं।

61 जंगळ म्ह ये नगर सैं यानिके बेतराबा, मिद्दीन, सकाका; 62 निबशान, नूण का नगर अर एनगदी, ये छः नगर सैं अर इनके गाम भी सैं।

63 यरुशलेम के निवासी यबूसियाँ नै यहूदी न्ही लिकाड़ सके; ज्यांतै आज कै दिन ताहीं यबूसी यहूदियाँ कै गैल यरुशलेम म्ह रहवै सैं।