3 इस करकै थारे म्ह जितने योद्धा सैं नगर नै घेर लें, अर उस नगर के च्यांरु और एक बार घूम आवै। अर छः दिन ताहीं इसाए करया। 4 अर सात याजक सन्दूक के आग्गै-आग्गै मिंढे के सींगां के सात नरसिंगे लिए होए चाल्लै; फेर सातमै दिन थम नगर के च्यांरु और सात बार घुमियो, अर याजक भी नरसिंगे फूँकदे चाल्लै। 5 अर जिब वे मिंढे के सींगां के नरसिंगे देर तक फूँकदे रहवैं, तो सारे माणस नरसिंगे का शब्द सुणदे ए तेज आवाज तै जयजयकार करै; फेर नगर की शहरपनाह नींव तै गिर जावैगी, अर सारे माणस अपणे-अपणे स्याम्ही चढ़ जावैं।"
20 फेर माणसां नै जयजयकार करया, अर याजक नरसिंगे फूँकदे रहे। अर जिब माणसां नै नरसिंगे का शब्द सुण्या तो फेर बड़ी तेज आवाज तै उननै जयजयकार करया, फेर शहरपनाह नींव तै गिरगी, अर माणस अपणे-अपणे स्याम्ही तै उस नगर म्ह बढ़गे, अर वो नगर ले लिया।