4 अर सात याजक सन्दूक के आग्गै-आग्गै मिंढे के सींगां के सात नरसिंगे लिए होए चाल्लै; फेर सातमै दिन थम नगर के च्यांरु और सात बार घुमियो, अर याजक भी नरसिंगे फूँकदे चाल्लै। 5 अर जिब वे मिंढे के सींगां के नरसिंगे देर तक फूँकदे रहवैं, तो सारे माणस नरसिंगे का शब्द सुणदे ए तेज आवाज तै जयजयकार करै; फेर नगर की शहरपनाह नींव तै गिर जावैगी, अर सारे माणस अपणे-अपणे स्याम्ही चढ़ जावैं।" 6 सो नून के बेट्टे यहोशू नै याजकां ताहीं बुलवाकै कह्या, "वाचा के सन्दूक नै ठा ल्यो, अर सात याजक यहोवा के सन्दूक कै आग्गै-आग्गै मिंढे के सींगां के सात नरसिंगे लिए चाल्लै।"