João 21

यीशु और पतरस

15 रोटी खाणे ते बाद यीशुए शमौन पतरसो खे बोलेया, "ओ शमौन, यूहन्ने रे पाऊ! क्या तूँ इना ते जादा माखे प्यार करेया?" तिने बोलेया, "आ प्रभु, तुसे तो जाणोए कि आऊँ तुसा खे प्यार करूँआ।" तिने तेसखे बोलेया, "मेरे मिन्टूआ खे चरा।" 16 तिने फेर दूजी बार तेसखे बोलेया, "ओ शमौन, यूहन्ने रा पाऊ! क्या तूँ माखे प्यार करेया?" तिने बोलेया, "आ प्रभु, तुसे तो जाणोए कि आऊँ तुसा खे प्यार करूँआ।" तिने तेसखे बोलेया, "मेरी पेडा री रखवाल़ी कर।" 17 तिने तीजी बार तेसखे बोलेया, "ओ शमौन, यूहन्ने रा पाऊ! क्या तूँ माखे प्यार करेया?" पतरस उदास ऊईगा कि तिने तीजी बार मांते येई गल्ल पूछी ली। तेबे तिने बोलेया, "ओ प्रभु! तुसे तो सब कुछ जाणोए कि आऊँ तुसा खे प्यार करूँआ।" यीशुए तेसखे बोलेया, "मेरी पेडा खे चरा।