लूका 13

12 यीशुए से देखी की बुलाई और तेसा खे बोलेया, "ओ जवाणसे! तूँ आपणी कमजोरिया ते छूटी गी।" 13 तेबे तिने तेसा पाँदे आथ राखे और से फटाफट सीदी ऊईगी और परमेशरो री तारीफ करने लगी। 14 कऊँकि यीशुए से रामो रे दिने ठीक कित्ती थी, प्रार्थना रे कअरो रा सरदार जल़ी की लोका खे बोलणे लगेया, "अफ़्ते रे छे दिन ए जिदे काम करना चाईयो, तो तिना दिना रे आयी की ठीक ओ, रामो रे दिने नि।" 15 ये सुणी की यीशुए ज्वाब दित्तेया, "ओ कपटियो! क्या रामो रे दिने तुसा बीचा ते हर एक आपणे बल़दा और गह्देया खे गवाईणी ते खोली की पाणी पल़याणे नि लयी जांदा? 16 तो क्या ठीक नि था कि ये जवाणस जो अब्राहमो रे वंशो ते ए जो शैताने ठारा साला ते बानी राखी थी, रामो रे दिने एसा खे बन्दनो ते छुड़ाया जाओ।"